♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Friday

الحب مش مخلوق للناس بس

لما بنتكلم عن الحب .. كلنا بيخطر ببالنا انه المقصود هو الحب بين اتنين و بس .. آدم و حوا ... و بنشوف علامات استفهام كتير ف عيون الناس !!!! و رغم انه الحب موجود ف حياة كل انسان بس كتير منا ما بيشوفهوش .. ليه ؟؟؟؟؟؟؟؟

عشان أكيد النضارة بايظة !!!!!!!!!! لأ بجد بقى عشان الحب ليه أشكال كتير يكفى اننا نعرفهم عشان نقدر نحب

( 1 ) –
الحب الالهى

و ده أعظم و أطهر أنواع الحب .. لما الإنسان يعبد ربنا بكل جوارحه .. لما يصلى لربنا بحب مش علشان تقضية فرض واحد اتنين تلاتة هيلاهوب !! ..لما يحب يقرا القرآن و تلاقيه بيتأثر من كل آية .. كل كلمة .. فيستبشر بآيات و يبكى بآيات بس مش لازم البكا قدام الناس يعنى !! .. لما يصوم تطوع ف عز الحر ، ف عز المرض !!! و لما .. و لما .. فاعرف انه ده بيحب ربنا و ربنا بيحبه .. "" يا أيها الذين آمنوا مَن يرتد منكم عن دينه فسيأتى الله بقومٍ يحبهم و يحبونه .. "" ...... يعنى الحب بين العبد و ربه موجود

( 2 ) –

حب النفس

و اقصد بيه حب الانسان لنفسه لكن بدون غرور .. يعنى ايه الانسان يحب نفسه ؟؟؟؟
يعنى يكون راضى عنها ، قانع ان ذاته جميلة زى ما خلقها ربنا مش بيحاول يغيرها لا بعمليات تجميل و لا ميكانيكا !! .. عارف انه فيه عيوب لازم يصلحها هيهااااات !!! .. زى ما فيه مميزات بيحمد ربنا عليها ده اذا كان فيه مميزات أصلا !!! .. ان ذاته تكون غالية عليه ف المشمش !!!! .. ميحاولش يأذيها ، بيوجهها للخير و يحذرها من الشر لانه اللى بيحب حاجة بيكون عايزها على أكمل وجه .. و حتى لما بتغلط نفسه ما بييئسهاش من رحمة ربنا .. و انه .. و انه ..
و على فكرة مفيش انسان يقدر يحب اى حاجة تانية غير لما يكون عنده القدرة انه يحب نفسه الأول .. أهم حاجة محدش ينكش شعره و متنسوش غسيل الأسنان عشان تفضل ذاتكم نضيفة !!!!!


( 3 ) –

حب الطبيعة

انك تحب البحر و تكتب فيه قصايد - زى حالاتى- مجنون رسمى !!!!!!! .. انك تحب الورود و الأشجار و الشمس و تتأمل السما و سحابها الصافى ..
و تكلم القمر و تكلم النجوم لحد ما العباسية يكلموك !!!!!!!!!! .. انك تحب الليل بهدوئه و النهار باشراقه ..
و تسمع صوت الكروان يتهز كيانك ...
انك تحب الجناين و تلعب مع الفراشات بلاى استيشن ..
و تحب الطبيعة بكل موجوداتها ...
و نظراً لأننا ف مصر فأنت روح رمسيس و اقعد حب زى ما انت عايز !!!!!!!!!!!!


( 4 ) –

حب الناس

انك تعاملهم بإحسان و تراعى ربنا فيهم ..
انك تتمنالهم الخير زى ما بتتمناه لنفسك ..
انك تفرح لفرحهم و تحزن لدموعهم ..
انك تسامحهم لو مرة أذوك أو أسائوا ليك لو كرروها كتير .. بالشوز علطول !!!!!!!!!!
انك تنسى قسوتهم و حقدهم و تحبهم ف الله مش عشانهم يعنى !!!
( 5 ) –

الأمومة - و الأبوة عشان محدش يزعل !!!!!

و دى تانى أطهر أشكال الحب بعد الحب الالهى .. قمة الحب بتظهر لما الأم بتمسك طفلها ف حنان بتبقى خايفة عليه من النسمة !!!! .. لما الأب يضم ابنه و يطبطب عليه و يسمعله لحد ما يشب و يكبر و يحدفه بحاجة !!!! .. لما ينادى عليه ف حنان و يقوللـه : يا حبيبى ( يا حيوااااااااااان !!!!! .. و لما تلاقى الأب و الأم بيتخانقوا مين فيهم بيحب الطفل أكتر ؟؟؟؟ ( بكره يرموه لبعض !!! ) .. و لما .. و لما .. فاعرف انه الحب لسه بخير

( 6 ) –

حب المخلوقات الأخرى

زى ما انتوا شايفين الصور كلها عن الحيوانات !!! ملقيتش صور أصدق ف التعبير عن الحب والأمومة .. أكتر من الحيوانات !!!!! .. ازاى ؟؟؟ لإن قد ما هما ملهمش عقل لكن بيعرفوا يحبوا عننا .. حب مفيهوش تمثيل و لا مصلحة و لا .. و لا ..

كتير من الناس بيربوا حيوانات بمعنى أدق بيتبنوها !!!!! .. ده استنتاج رائع منى !!!! .... ممكن تكون قطة ، جرو ، عصفورة ، سلحفة ، ... أنا كنت بحب ف كتكوت بس الله يرحمه توفى من 6 سنين !!!!!!!!!! .. المهم انه الحيوانات دى بيخافوا عليها جدا و بيحبوها و كإنها ولادهم ( اسألونى أنا !!! ) .. ده غير طبعا الحب بين الحيوانات و بعضها دى حكاية لوحدها !! مش هعرف أتكلم فيها و يكفى الصور



أكيد فيه أشكال أكتر للحب بس أنا موصلتش ليها ... أكيد مفيش نوع من الحب بيغنى عن التانى ..
كنت عايزة أوصل م البوست لحاجة واحدة .....
انه الدنيا فيها حاجات كتيرة أوى تتحب ( ممكن تلهى أى انسان عن انتظاره للحب المقصود ).. و انه لما يكون الحب موجود حتى بين الحيوانات فما بالكم احنا البشر لما يموت الحب ف وسطينا ؟؟؟؟؟؟؟؟؟؟؟؟؟؟


إيمان

60 comments:

اسكندراني اوي said...

الله عليكي يا ايمان
جميل اوي البوست
حنين ورايق
احلى حاجه في الدنيا ان الانسان يحب
واحسن حاجه عملتيها انك صلحتي النظاره لبعض الناس

احييكي بشده على البوست ده
ويااااارب ازرع كل انواع الحب دي في قلوبنا
وخلينا نحب بعض اكتر
ونحبك انت اكتر ياااارب

Eman Eltaher said...

و الله بجد مش عارفة أقول ايه على الكلام الحلو و المجاملة الرقيقة دى
انا سعيدة بمرورك خصوصا انه بعد ما حطيت البوست مباشرة

و يارب اكون فعلا كتبت بوست حلو و اكون وصلت اللى عايزة الناس تصلحه ف تفكيرها
و يارب فعلا الناس تحب بعضها و تحب ربنا ف الأول لانه حب ربنا أغلى من كل شئ

تحياتى

Anonymous said...

بجد تدوينة روعة روعة

ومعني جميل وقيم وهادف

تحياتي تحياتي تحياتي

ومدونة روووووووعة

ahmed mefrh said...

مووضوع راااائع اختنا الفاضله
تقبلى تحياتى
ابو مفراح

شاب نفسة يحقق حلمة said...

بوست تحفة
اجمل حاجه في الدنيا لما الانسان يتكلم عن الحب لكل الكائنات بجد ابدعتي في اختيار موضوع البوست
تحياتي ليكي
الحب احساس جميل لابد ان نعيش فية فالحياه بدون الحب للاسف لا تكتمل
تحياتي كمان مره
انا جيت اهو تاني وضيفت المدونه عندي بعد اذنك يعني

david santos said...

Very good work, Eman! Thanks for posting is very nice thank you. You make fantastic works.
Have good weekend

David Santos

أحمد العربي said...

يا وقعة مش باينلها كرر
دا انتي يا ايمان طلعتي فلسفية وحكاية كبيرة اوي
دا انتي الواحد يخاف منك بعد كدة
بس بجد
يعني موضوع من الاخر
تقدري تقولي
نجمة في ليلة من ليالي الشتاء
احساس عالي
وروعة في عرض الفكرة
وسمو غير عادي في الاداء
بجد يا ايمان انتي مدونة غير عادية
اجمل شي في حياتنا شوووور الحب
اللي من غيرة مش بنقدرنعيش اطلاقا
وحلو اوي انك وضحتي المعني الحقيقي للحب
لان الحب مش احمد ومني
لا الحب معني اكبر من كدة

عروس البحر said...

انا عايزة اقوللكاني معجبة اوي
بشخصيتك انت محترمة فعلا و لطيفة
و اتمني اننا نكون اصحاب البوست ده جميل اويي يا احلي ايمي

Anonymous said...

أزيك إيمان الأول

اخيرا لاقيتك بتكتبى عن الحب
بس ده طلع العنوان بس لكن برضه مش دخلتى فى الحب الحب يعنى

عموما زى ما قولتى فى الاخر النضارة وكده
بس على فكره مش تقولى كلمة حب ديه تانى لان الناس كلمة حب فهمهم ليها اللى شايفنوا فى الواقع وبيطلقوا على حاجات مالهاش علاقه بالحب ولكن تسمى حب
اذاً فى حاجه إلى ثقافة الحب .
وموضوع انتظار الحب ده اقولك حاجه افشل حب او احكم على فشل الحب قبل بدايته اذا قام الشخص بالبحث عن الحب
وومعنى نتظر الحب انه بيبحث عنه ومن هنا بداية النهاية الحب مالوش انتظار
لان معنى انتظار انه حب الحب قبل ان يلاقيه هيبقى عايز حد يعلق عليه الحب اللى فى دماغه وازاى يكون باحث عن الحب من غير ما يحب ازاى عرف معنى الحب بلا حبيب ومن هنا اقولك عرف معنى الحب من " الحب " كما يدعون المحبين هذة الايام .

تحياتى ,,,

بسمه عبدالباسط said...

موضوع هايل ورائع جدا جدا
هو فعلا الحب له أشكال كتير مش بس الحب بين واحد وواحدة
وكل أنواع الحب جميلة وهايلة
تحياتى لكى

S H A H said...

ايمي قبل اي حاجة احب اقولك المدونة عندك صفحتها تقيييييييييييلة جداااا


و الجهاز هنج مني

ثانيا و ده الاهم

جميل قوي البوست و حلو تعريفك عن الحب حتى حب النفس بعيد عن النرجسية و الغرور

و مدونتك كلها بجد عجباني و ما زلت بتصفح فيها

تقبلي مروري

سلام مؤقت

قلب أبيــض said...

السلام عليكم
ايه موضوع وراك وراك يتاع الماوس ده
ههههههههههه
اسعدنى كثيرا
يلا عموما
ايه الاعلان بتاع ممنوع نقل اى حاجة منم المدونة
ودى سرقة
عموما
بجد بجد مدونتك جميلة جدا
واعجبتنى كثيرا
جعلها الله فى ميزان حسناتكم

اسكندراني في الغربة said...

طبعا الحب الالهي هو الاهم و دي نعمة مش اي حد بيوصلها
بس بعد كدة اية حديقة الحيوان الي انتي فتحتيها دي
:)
للدرجادي مفيش نماذج بشرية تستاهل تكون موجودة
ولا احنا مش بنهتم غير بالحب البشري بين الرجل و المرأة
وحتي دة مش فالحين فية

--ممكن تلهى أى انسان عن انتظاره للحب المقصود--
اممممممم
كدة انا فهمت

basma saghir said...

ياسلام يا ايمي البوست ده جميل قوي
بس تعرفي ان الحب الي بيملى عليكي حياتك وبيغنيكي عن كل انواع الحب التانية هما حب الله
مش بتبقي محتاجة اي بشر طول ما انتي حاسة ان ربنا عايش جواكي وانتي عايشة علشان رضاه

في الجون كالعادة يا ايمي

dr_mero said...

ايه الرقة دى كلها..
بجد عجبنى الموضوع
وحمدالله ع عودتك
انت كنت مسافرة ولا ايه

حــكــايــة said...

حلو تقسيمك يا ايمى :)

و فعلا لازم الانسان يعيش كل انواع الحب دى عشان حياته تكون سليمة

يعنى حب الله اعظم و اهم انواع الحب , دا من كوامل الايمان

و لازم الانسان يحب نفسه عشان يكون متصالح معاها و مع الكون

حب الطبيعة بئا بيريح النفس , كفاية نشوفها بجمالها

و لازم نحب الناس عشان نعرف نتعايش معاهم و نفهمهم , لأننا لازم نتعامل معاهم

الأمومة و الأبوة بئا دول بيكونوا بالفطرة من عند ربنا
بيهم بتكتمل الأسرة اللى بتكمل المجتمع

اما حب المخلوقات الأخرى فبيعود الانسان على الحنان و الاهتمام بالغير

بجد اشكرك على الموضوع
تحياتى ليكى :)

samo said...

جميل اوى تصنيف الحب اللى انت كاتباه

وجميل اكتر ان كنير من الناس موافقينك على ده
بس

لو انا سألتك عن الحب ايه اول شئ هيخطر ببالك

اكيد كلنا عارفين

عارفه ليه لاننا بنحب الحب اللى يظهرنا احنا قدام نفسنا
الحب اللى يتوه معاه العقل وتسرح معاه الافكار

بس جميع انواع الحب موجوده ومعترف بيها ومحبوبه

جميل الموضوع والمدونه نفسها جميله

واكيد
هكرر الزياره

بنت القمر said...

عندك حق يا ايمى وحب المال والشهرة والالسفلر وغيرة تحياتى يا قمر

أخف دم said...

ربنا يجعل حياتك كلها سعادة وفرحة وأمل
جميل البوست جدا بجد
وجميلة قوى التعليقات الساخرة اللى بين كلامك الرومانسى الرقيق..
إلى الأمام ياروميل

Anonymous said...

ana haolak alf mabrouk 3ala hob alnas lmdontak wa astmri lanak mohoba wa rabana eawafa2k

Anonymous said...

ana haolak alf mabrouk 3ala hob alnas lmdontak wa astmri lanak mohoba wa rabana eawafa2k wa modo3ak alakhir tohfa

belal said...

هههههههه..جميل كالعادة

أسلوب جميل أوي

تحياتي

بنوتة said...

فعلا كلامك صح يا ايمي ممكن الحب يكون بين انسان و حيوان او ممكن حيوان و حيوان عادي مافهاش حاجة يعني كلنا بنحب او بنتحب انا عن نفسي جدتي عندها قطة بحبها مش لازم يكون الحب مخلوق عشان ذي ما ربنا خلقنا هو برده خلق الحيوانات طب يعني ايه الفرق ما بينا و مابين الحيوانات ؟؟؟؟؟؟؟؟؟انا عارفة انا عارفة انا عارفة اجوب بليز
يعتبر احنا ذي الحيوانات ليههه ؟؟ عشان احنا بناكل هما بيكله احنا بنشرب هما بيشربوا احنا بنمشي هما بيمشوا احنا بنتنفس هما بيتنفسوا هو بس فيه فرق 1 واحد ان احنا بنعبر ببقنا و هما بيعبروا بموائهم لة قانوا قطط و لو لو لو لو لو لو لو لو لو ..................................انا مع الحيوانات لو دخلتي مدونتي حتلاقيني عملة slide
و في الslide
في صورة بغباغنين بيحبوا بعض و انا كتبة روميو و جوليت ولاهيييي شكلهم روميو و جوليت ادخلي بس مدونتي ده انا عمللها نيولوك
تحياتي على احاسيسك الطيبة
تحياتي

david santos said...

Eman, my friend. Translat for me this coment im Arabic:

ON WEDNESDAY 5TH SEPTEMBER AT 12 NOON FOR THREE MINUTES WE WILL CAUSE MASS IMMOBILISATION. ON THE STREET VEHICLES AND PEDESTRIANS, AT WORK STANDING AND SILENT ARE TO BE IMMOBILISED IN MEMORY OF THE MISSING AND THE DEAD, WITH THE HOPE OF PROTECTION, REGENERATION AND SYMPATHY. PLEASE FORWARD THIS MESSAGE.

Thanks and have a good weekend

سندباد said...

دايما بوستاتك ليها هدف ومن غير لف ودوران بتوصلي بسرعة للقلوب والعقول
تحياتي

عليوه said...

جميل اوى الحب وجميل اوى البوست دى رائع اوى جدا خالص ربنا يوفقك اكتر واكتر

david santos said...

Eman,

I go to be with the Greek people, and you?

Have a good day

son's egypt said...

السلام عليكم
فعلا الحب مش بين اتنين وخلاص
الحب في اشياء كثيرة في حياتنتا زي ما انتي ذكرتي
وزي ما قال فولتير الحب اسمي شئ في الوجود

واحده من الناس said...

بوست حلو قوي...
مع ان الحب كلمه من حرفين بس لكن ممكن نكتب عنه ملايين الحروف والكلمات

أوشه said...

الله الله عليكي يا نسرين
ايه الجمال ده..كلام جميل وجمال معقول ماقدرش أقول حاجه عنه...
طب والله حبيتك
او زي ما الكتاب بيقول(والقلب كمان)
اني أحبك في الله

وكل سنه وانتي طيبه

اسكندراني في الغربة said...

كدة نبدأ نسأل فيييييييييييييينك ؟
كل سنة و انتي طيبة و رمضان كريم

david santos said...

Eman, I chose you for reward WUB. How much to mine posting, I go to write it in English I stop later you traduziz it in Arab, ok?
Have good day

إسلام الحساني said...

السلام عليكم
بدايه اعرفك انا اسلام الحسانى
ممكن تقولى متابع مدونتك من فتره
وبهنيكى على زوقك الرفيع فى اختيار كل ركن فيها واستغلالها الجيد ومواضيعك المثيره واخرهم موضوع الحب او زى ما انا بسميه وسمحيلى انى اسميه(انواع الحب)انا معاكى الحب جميل وبالذات لو نظرنا كلنا من نفس النظار الى بتنظرى منها بس الاول تعالى نشوف ونسأل

(ما هوه الحب؟)
يقول معجم وبستر الشهير أن الحب عاطفة وجدانية تنبع من العقل ويثيرها هناك جما وتقدير من أي نوع كان . وأما الحب تسأل :

" كيف يحدث أنك لاتجد بين الناس واحداُ أكثر جهلاً أو أكثر ذكاء من أن يتأثر به ؟ "

الحقيقة أن السعادة تتبخر دونما حب، ولا يمكن حتى للثروة مهما بلغت أن تستطيع شراء ما يأتي به الحب. ذلك أن الحب إحساس ينبع من الروح، ولامجال لاستبداله بأي شيء آخر، إن الحب سمة للكرامة والقدسية والحق، إنه مفتاح السر لما هو أفضل في الحياة التي نعيش. وفي ضوء الحب نرى المثالية أول ما نفعل وبممارستنا له بحذر، تتضح لنا الحقيقة. على أن الحب الصحيح حتى يبلغ الكمال لابد أن يكون خليطاً من أرفع المشاعر ومن العواطف الحيوانية الجامحة والأقل سمواً، كلاهما مهمان مثل بعضهما بعضاً في هذا المجال. ويمكن للحب أن يرتفع بالروح إلى أعلى قمم البركة، أو يهبط بها إلى أعماق المهانة. كثير إذن هو الذي يتوقف على هذه العاطفة الجامحة. فتعلموا أن تصونوا هذا الشعور العضيم في قدسيته عندما تنبهث براعمه في قلوبكم، بحيث تتقون كذلك عذابات عواطف لايمكن التعويض عنها، وخجل وتعاسة اتحاد مشين .

واحب اشكرك تانى على مدونتك الجميل
شكرا

maioya said...

مش ده لو الحب لسه موجود اصلا اد كده
طبيعي ان الحب الالهي جوانا وحب الامومه بردو ده عاطفه محدش بيتحكم فيها
بس حب الناس وحب الطبيعه بقي قليل اوي لما تلاقي حد قلبه علي التاني
بيحبه وبيخاف عليه
حتي حب الحيوانات مفيش رحمه حتي بيهم
بس حلو البوست اوي
كل سنه وانتي طيبه
ورمضان كريم:)))

ahmad hussameldin said...

nice post.
a7la bekteer men postat elfaday7 eyaha esara7a(:

فى القلب said...

ألى يعرفك يا أيمان
مستتتتتتتتتحيل ينساكى
أنتى بترشقى فى القلب رشق يا قمر

وأنتى تكلمتى عن موضوع غايه فى الرقه و الأبداع
زيك يعنى يا جميل

نهى جمال said...

الحب روح الحياة

مهما كان نوعه

بس شخصيا اللي مش لاقياه عندي اني مش قادرة أحب نفسي ههههه

خلل هيستيري

سيبك

كل سنة وانتي طيبة ياجميل
ورمضان كريم

أوشه said...

كل سنه وانت طيبه يا"ايمـــان"
ورمضان كريم

david santos said...

Have a good weekend, Eman!

رحيق الحب said...

بجد ايه الروعة دية يا ايمان بجد هايلة انتى عارفه زمان لما كان حد يقول انا نفسى يكون فى حياتى حب بمعنى يكون فيه طرف تانى يعنى كنت بقولهم الحب عمره ما كان مرتبط بحب بين طرفين وبس بالعكس الحب موجود على طول بين وبينا اهلنا واصحابنا والناس عموما انتى عارفة انك ممكن يكون ليكى صديقة تكونوا انتو الاتنين بتعيشوا الحب مع بعض وبتخافوا مع بعض الحب مدام فى الله بيكون اسمى انواع الحب
انا سعيدة ان فيه ناس معايا بيعززوا نظريتى
الحب موجود من ساعة ما بنتخلق حد ما بيوافينا الاجل بس احنا ساعات اللى بنكون غافلين عنه
ورمضـــــــن كريــــــم
على فكرة اسم ايمان ده عزيز عليا اوى وبحبه اوى اغلب اصدقائى اسمهم ايمان وكمان توأمى فى الله اسمها ايمان
سعدت بدخول مدونتك

حسن مشالي said...

كل عام وانت بخير
كلام جميل وهاى يوصل للعقل والقلب بسهولة

والمدونة جميلة جدا
اول مرة ازورها بس هاكون ضيف دايم
انشاء الله

ياسر مدني ...دينامو الإخوان said...

أدعوكم للمشاركه في فوازير رمضان اليوميه
عباره عن خلق وصحابي بطريقه شعريه للشاعر وليد الرفشي
وكل ليله سؤال ممكن تجاوبوا عليه خلال عشر أيام

يعني ممكن تلحقوا الفوازير اللي فاتتكوا

حسن مشالي said...

كل عام وانت بخير

بوست جميل
واهم مافيه تنظيم افكارك وطريقة الطرح المميزه

تذل غلى وعى وقدرة على تحليل المواقف والمشاعر الانسانية

والمدونة بجملها رائعة

تحياتى

Eman Eltaher said...

مصراوى أوى :

بجد انا ممتنة جدا لكلامك و يارب تعجبك كل مواضيعى
تحياتى

_______________________________

أبو مفراح :

شكرا أخى الفاضل.. و يشرفنى زيارتكم دايما

_________________________________

شاب نفسه يحق حلمه :

أنا طبعا يفرحنى انك تضيف مدونتى و على فكرة أنا ضايفة مدونتك من قبل كده عشان متفتكرش انى قلدتك و خلاص .. و انا بجد متشكرة للمجاملة و يارب يعجبكم كل مواضيعى بعد كده .. تحياتى

_______________________________

David Santos :

Thank you David so much ..I'm very thankful for your words.. I hope you be interested in my posts whenever I write.
Regards,

_______________________________

أحمد العربى :

أنا بجد مبسوطة انك أخيرا زرت المدونة و يارب تتابعها علطول و انا بجد مبسوطة جدا لكلامك و انا أحيانا فعلا بكون فيلسووووووووووووفة كبيرة اوى !!!!! هههه .. بس محدش يخاف منى مش بعض!!!!ههههههه .. يارب تتابع المدونة علطول ... تحياتى

Eman Eltaher said...

بنت لذيذة :

أنا فرحانة جدا بوجودك و يشرفنى و يفرحنى طبعا باننا نكون اصحاب و انتى فعلا بنت عسولة و لذيذة اوى .. تحياتى ليكى

_________________________________

Anonymous :

أنا أسعدنى اضافتك و هيسعدنى أكتر على فكرة لو كتبت اسمك .. و فعلا الحب بانتظاره بيكون موضوع فاشل و أنا أطلقت على كل الأنواع دى اسم الحب زى ما غيرى أكيد سموها كده برضه لانه هو الحب فعلا بس احنا اللى مش عارفينه .. أحسن حاجة يسيبوا النضارة و يجيبوا عدسات !!!!! هههه ... أنا متشكرة تانى لاضافتك و يسعدنى مرورك حتى لو معرفش حضرتك

_______________________________

Bos Bos:

يا بوسبوس انتى نورتى مدونتى و بحب أشوفك فيها علطول .. أجمل تحياتى ليكى

_______________________________

Shah :

أنا فعلا لاحظت انها تقيلة و على فكرة انا استجابة لده شيلت كتير م المدونة و يارب متكونش لسه تقيلة!!!!! ... و انا بجد سعيدة جدا انه فيه ناس تحب تقرا المواضيع بتاعتى اللى كتبتها قبل كده و يارب تعجبك علطول .. تحياتى
________________________________

قلب أبيض :

وراك وراك بتاع الماوس !!! كويس انه مش ممتد لكل المدونة !!! كانت الناس جالها شلل لا قدر الله !!!! أما حكاية البانر اللى حطاه بخصوص السرقة فده عشان لقيت مواضيعى كلها تقريبا معمولة كوبى بيست !!!! عموما أنا مبسوطة و خلاص انه الناس بتعجبها مواضيعى و يارب فعلا يجعل المدونة ف ميزان حسناتى .. تحياتى

__________________________________

اسكندرانى ف الغربة :

على فكرة انت بتقول " أنا كده فهمت " بس أنا مفهمتش !!!! عموما هو فعلا مفيش نماذج بشرية كتير ممكن انه الانسان ياخدها مثل ف حياته.. يمكن لو رجعنا لورا نلاقى أكتر .. عصر الأنبياء طبعا و كل قصصهم أكبر أمثلة لينا
على فكرة انا بحب الحيوانات جدا و فعلا قلبت المدونة حديقة حيوان !!!!! ههههه .. معلش استحملوووووووووووونى ... تحياتى

Eman Eltaher said...

بيسو :

حبيبتى بيسو انا بجد فرحنى كلامك اوى .. و حب الله طبعا يغنى عن كل شئ .. و يارب يرزقنا رضاه أجمعين .. و يارب أشوفك دايما ف مدونتى عشان بجد بفرح جدا بوجودك و اضافتك ... أعز تحياتى ليكى

_______________________________

Mero_wild_cat :

شفتى الرقة بقى ؟؟ هههههههه و الله انتى اللى رقيقة .. أنا فعلا سافرت غير انى كان عندى شوية ظروف منعتنى انى أدخل النت .. و يارب تنورينى علطول .. تحياتى

__________________________________

حكاية :

على فكرة اضافتك عجبتنى جدا و قريتها كذا مرة .. انتى وضحتى ليه كل حب منهم بيكون ضرورى ف حياة الانسان .. أنا بجد فرحانة بزيارتك و اضافتك الجميلة .. تحياتى

_________________________________

Samo :

أنا معاك فى انه اول ما حد يذكر كلمة " الحب " بيخطر ف باله الحب اللى احنا عارفينه .. الحب بين واحد و واحدة .. و ده شئ طبيعى لانه كل الناس اتعود فكرها على كده .. أنا بجد متشكرة لكلامك و يارب تحظى مدونتى باعجابك علطول .. تحياتى

__________________________________

بنت القمر :

للأسف انه الأنواع من الحب دى موجودة .. حب المال و الشهرة بعتقد انها مرض مش حب .. عموما انا طبعا متشكرة لاضافتك .. و يسعدنى زيارتك دايما

Eman Eltaher said...

أخف دم و الشاعر :

يا أشرف انا مبسوطة جدا لزيارتك و يارب يجعل حياتك انت كمان كلها سعادة و امل .. و تقييمك للموضوع انه حلو دى شهادة ليا .. و ده بعض ما عندكم أكيد ... تحياتى ليك

__________________________________

Karim Elmasry :

شكرا جدا يا كريم و سعيدة بمرورك و يارب فعلا انى أستمر ف التدوين و ميقفش القلم عن الكتابة أبدا .. موهوبة بقى !!!! ههههه .. لا دى و الله مجاملة أكبر منى بكتير .. تحياتى

__________________________________

other things :

سعيدة بمرورك و متابعتك لمواضيعى و يارب علطول .. تحياتى

_________________________________

بنوتة :

على فكرة انتى عسولة و روحك طيبة و بجد كلامك على قد بساطته بس بيعبر عن براءة جميلة ... و خفة دم حلوة .. و انا طبعا هزور مدونتك علطول و علىفكرة عجبنى اوى النيولوك الجديد .. و انا مبسوطة لزيارتك و اضافتك الرقيقة .. تحياتى

__________________________________

David Santos :

I wish I translated it well as I passed it to you .. I'm always ready for help .. Sorry again for my delay
Regards,

__________________________________

شريف :

أنا و الله مبسوطة انك أخيرا زرت المدونة بعد فترة طنااااااااااش !!!! ههههه أقصد فترة غياااااااب !!! و يارب فعلا تتابع مواضيعى علطول و حمد الله على السلامة .. تحياتى

Eman Eltaher said...

Sendbad :

أنا بحمد ربنا بجد انى لحد دلوقتى بتعجب مواضيعى الناس و يارب علطول و نشوفك ف المدونة دايما و بجد دى أكتر مجاملة مستنى جدا وده شئ بسيط للى بتكتبه .. ربنا يديم قلمك .. تحياتى

________________________________

aliwa :

أنا بجد سعيدة بكلامك و يارب تكون من متابعين المدونة علطول .. تحياتى

__________________________________

David Santos :

Although I didn't understand what you mean, but I'm really happy for your care… Regards,

__________________________________

Son's Egypt :

أنا بشكرك على زيارتك و اضافتك خصوصا فولتير اللى انا معرفوش لثقافتى الشديدة !!!! ههههه .. تحياتى

__________________________________

بلا عنوان :

فعلا رغم انه الحب من حرفين بس ينفع يتكتب عنه ملايين الكلمات .. شكرا لزيارتك .. تحياتى

Eman Eltaher said...

أوشه :

نسرين مييييييييييييين ؟؟؟؟؟؟؟؟؟؟؟؟ أنا اسمى ايماااااااااااااااااااان .. انا كده هلطم !!! عموما متفرقش طالما عجبك الموضوع و حبيتينى و يارب كل المواضيع ان شاء الله .. تحياتى

__________________________________

اسكندرانى ف الغربة :

أنا بجد مبسوطة جدا بسؤالك و انا الحمد لله بخير مجرد ظروف بتمنعنى انى أكون معاكم علطول و كل سنة و انت طيب .. رمضان كريم يارب للكل .. تحياتى

___________________________________

David Santos :

David, sorry that I didn't understand what you had mentioned . What's WUB ???
Please write it in another sentence … you are always welcome in my blog … Regards,

________________________________

إسلام الحسانى :

ف البداية نا سعيدة بمتابعتك للمدونة و يارب كل مواضيعى بعد كده تنال نفس الاعجاب ... أنا بشكرك جدا على اضافتك و بحييك عليها رغم انه فيه بعض الجمل مش فاهماها .. بس يبدو انى مهنجة شوية !!!!! ههههه عادى ... أتمنى انه مش آخر زيارة زى ما هيا مش أول زيارة
تحياتى

_________________________________

May :

انتى عندك حق يا مى .. للأسف معاملة الناس بقت سيئة للغاية حتى معاملة الحيوانات بقت بشعة و ده عشان للأسف مفيش عند الناس دول قلوب حقيقية تقدر معنى حب الناس و المخلوقات و حب النفس ف الأول طبعا .. و كل سنة و انتى طيبة يا قمر .. رمضان كريم .. تحياتى ليكى

Eman Eltaher said...

Ahmed Hussameldien :

الحمد لله انه موضوعى عجب و هو فعلا بالنسبالى أحلى موضوع كتبته .. غير اى موضوع تانى .. تحياتى

________________________________

فى القلب :

أنا بجد مش عارفة أقول ايه على الكلمات الجميلة دى ... انتى بجد صدوقة اوى و انا بجد يسعدنى صداقتى ليكى علطو .. تحياتى ليكى

________________________________

نهى جمال :

حبيبتى نهى .. رغم انى معرفكيش شخصيا بس كلماتك بتعبر عن شخصية جميلة ... ازاى بعد كل ده و مش تحبى نفسك .. انتى حقك تعشقيها .. و رمضان كريم و كل سنة و انتى طيبة ... تحياتى

__________________________________

اوشه :

دهب ياقوت مرجااااااااااااان !!!! الحمد لله عرفتى اسمى صح!!!! ههههههه و انتى طيبة يا قمر و رمضان كريم

_________________________________

David Santos :

Bom fim de semana David …. I'm so happy for your care ..

Eman Eltaher said...

رحيق الحب :

انا مش عارفة أقولك قد ايه سعدت بكلامك و بجد انا مش عافة أشكرك ازاى و يارب أكون دايما عند حسن ظنك .. و طبعا انا بعزز النظرية دى لانه الحب مش واحد و واحدة و بس !!!!! ... و يفرحنى تضيفى لقايمة أصحابك ايمان تانية ... تحياتى ليكى

__________________________________

حسن مشالى :

كل رمضان و كل الأمة الاسلامية بخير يارب .. بشكرك لزيارتك و لكلامك و يسعدنى متابعتك للمدونة .. تحياتى

__________________________________

ياسر مدنى :

على فكرة عجبتنى جدااااااااااا موضوع الفوازير ده خصوصا انه بيعرف الناس أكتر بدينهم و بيحثهم على الثقافة الدينية
بينى و بينك انا محتاجة أقرا ف كتب عشان أعرف الحل !!!!! هحاول أجاوب على اللى أعرفه بإذن الله ... تحياتى لمجهودك الرائع و شكرا لزيارتك

___________________________________

حسن مشالى :

أنا بجد ممتنة جدا لكلامك ويارب تنال كل مواضيعى الاعجاب الدايم .. تحياتى

سندباد said...

رمشان كريم
تحياتي

حنين و حنان said...

انت شايفة ان البشر الي بتتعاملي معاهم كل يوم يعرفوا كل انواع الحب ؟؟؟؟
ماحدش عد بيحب الا نفسة و بيتظاهر بالباقي

david santos said...

جمال عبد الناصر,

15/1/1918/ - 28/9/1970

The Great, Gama Abdal Nasser

إسلام الحساني said...

السلام عليكم
هلاايمان يارب تكونى بخير انا شاكر جد لزيارتك للمدونه تبعى وتعليقاتك الجميله وأتمنى لو فى كلمات ما فهمتينى فى التعليق اكون شاكر لو شرحتهالك وان شاء الله يدوم الزيارات وأن شاء الله مش هتكون اخر مره
اخيرا وليس بأخر
ادعوكى لقرأة موضوعى الجديد
(حزن)
هههههههه
بعيد عنكم طبعا ربنا يدوم الفرح على الكل وبدعوكى انت وكل اصدقائك فى المدونه بزيارتى
وشششششششششششكرا

عــلاء ســالـــم said...

السلام عليكم

مريت على مدونتك بالصدفه وعجبتني جداً
وليا الشرف إني أكتب تعليق فيها

بالنسبه للبوست ده فهو جميل جداً وفكرته أجمل

وعجبني كمان البوستين اللي فاتوا الي فيهم إنتقادات للأولاد والبنات
أسلوبك متميز و تفكيرك في منتهى الرقي

Eman Eltaher said...

Sendbad :

و انت طيب يا سندباد ... رمضان كريم

________________________________

حنين و حنان :

طب انت بتنفسنى عليا ليه دلوقتى ؟؟؟ ههههههه فعلا و الله عندك حق بقى معظم الناس مش بيحب غير نفسه و يتظاهر بالباقى
ربنا يعفينا
تحياتى

_________________________________

Sharm :

I'm really happy of this surprise.David Santos voted me and when he told me I didn't understand what's WUB.

It was such a wonderful event for me to read this comment and read my name in WUB bloggers winners list. I'm so excited .. and I'm so grateful
Really, It's an honor for me to join this world
" World of Peace and Love "
Thank you so much .. And too much regards for your fantastic web site ..
God bless you

_________________________________

David Santos :

Welcome David .. I'm really amazed of your wide culture ..
yes, he was a great president and a great person - Gamal Abdel Nasser
Regards,

Eman Eltaher said...

إسلام الحسانى :

أنا و الله يشرفنى انك تتاعبعنى بعد كده و ان شاء الله تعجبك المواضيع و محدش يتضايق منى من اى بوست أكتبه !!!! ياللا ربنا يستر !!! و انا بجد ممتنة لزيارتك و شاكرة ليك على اضافاتك للبوست
و انى شاء الله هزورك طبعا و هتابع
تحياتى

__________________________________

علاء سالم :

بجد انا سعيدة جدا بمدحك ده و احنا اللى لينا الشرف و الله
انت بتكتب شعر جميل و هتبقى ان شاء الله من الشعرا المعروفين جدا
ربنا يديم قلمك
تحياتى

King said...

صدقت والله في قولك أن الحب ليس مخلوقا للناس فقط

Anonymous said...

Nice dispatch and this mail helped me alot in my college assignement. Thank you for your information.