لما بنتكلم عن الحب .. كلنا بيخطر ببالنا انه المقصود هو الحب بين اتنين و بس .. آدم و حوا ... و بنشوف علامات استفهام كتير ف عيون الناس !!!! و رغم انه الحب موجود ف حياة كل انسان بس كتير منا ما بيشوفهوش .. ليه ؟؟؟؟؟؟؟؟
عشان أكيد النضارة بايظة !!!!!!!!!! لأ بجد بقى عشان الحب ليه أشكال كتير يكفى اننا نعرفهم عشان نقدر نحب
( 1 ) –
الحب الالهى
و ده أعظم و أطهر أنواع الحب .. لما الإنسان يعبد ربنا بكل جوارحه .. لما يصلى لربنا بحب مش علشان تقضية فرض واحد اتنين تلاتة هيلاهوب !! ..لما يحب يقرا القرآن و تلاقيه بيتأثر من كل آية .. كل كلمة .. فيستبشر بآيات و يبكى بآيات بس مش لازم البكا قدام الناس يعنى !! .. لما يصوم تطوع ف عز الحر ، ف عز المرض !!! و لما .. و لما .. فاعرف انه ده بيحب ربنا و ربنا بيحبه .. "" يا أيها الذين آمنوا مَن يرتد منكم عن دينه فسيأتى الله بقومٍ يحبهم و يحبونه .. "" ...... يعنى الحب بين العبد و ربه موجود
( 2 ) –
حب النفس
و اقصد بيه حب الانسان لنفسه لكن بدون غرور .. يعنى ايه الانسان يحب نفسه ؟؟؟؟
يعنى يكون راضى عنها ، قانع ان ذاته جميلة زى ما خلقها ربنا مش بيحاول يغيرها لا بعمليات تجميل و لا ميكانيكا !! .. عارف انه فيه عيوب لازم يصلحها هيهااااات !!! .. زى ما فيه مميزات بيحمد ربنا عليها ده اذا كان فيه مميزات أصلا !!! .. ان ذاته تكون غالية عليه ف المشمش !!!! .. ميحاولش يأذيها ، بيوجهها للخير و يحذرها من الشر لانه اللى بيحب حاجة بيكون عايزها على أكمل وجه .. و حتى لما بتغلط نفسه ما بييئسهاش من رحمة ربنا .. و انه .. و انه ..
و على فكرة مفيش انسان يقدر يحب اى حاجة تانية غير لما يكون عنده القدرة انه يحب نفسه الأول .. أهم حاجة محدش ينكش شعره و متنسوش غسيل الأسنان عشان تفضل ذاتكم نضيفة !!!!!
( 3 ) –
حب الطبيعة
انك تحب البحر و تكتب فيه قصايد - زى حالاتى- مجنون رسمى !!!!!!! .. انك تحب الورود و الأشجار و الشمس و تتأمل السما و سحابها الصافى ..
و تكلم القمر و تكلم النجوم لحد ما العباسية يكلموك !!!!!!!!!! .. انك تحب الليل بهدوئه و النهار باشراقه ..
و تسمع صوت الكروان يتهز كيانك ...
انك تحب الجناين و تلعب مع الفراشات بلاى استيشن ..
و تحب الطبيعة بكل موجوداتها ...
و نظراً لأننا ف مصر فأنت روح رمسيس و اقعد حب زى ما انت عايز !!!!!!!!!!!!
( 4 ) –
حب الناس
انك تعاملهم بإحسان و تراعى ربنا فيهم ..
انك تتمنالهم الخير زى ما بتتمناه لنفسك ..
انك تفرح لفرحهم و تحزن لدموعهم ..
انك تسامحهم لو مرة أذوك أو أسائوا ليك لو كرروها كتير .. بالشوز علطول !!!!!!!!!!
انك تنسى قسوتهم و حقدهم و تحبهم ف الله مش عشانهم يعنى !!!
( 5 ) –
الأمومة - و الأبوة عشان محدش يزعل !!!!!
و دى تانى أطهر أشكال الحب بعد الحب الالهى .. قمة الحب بتظهر لما الأم بتمسك طفلها ف حنان بتبقى خايفة عليه من النسمة !!!! .. لما الأب يضم ابنه و يطبطب عليه و يسمعله لحد ما يشب و يكبر و يحدفه بحاجة !!!! .. لما ينادى عليه ف حنان و يقوللـه : يا حبيبى ( يا حيوااااااااااان !!!!! .. و لما تلاقى الأب و الأم بيتخانقوا مين فيهم بيحب الطفل أكتر ؟؟؟؟ ( بكره يرموه لبعض !!! ) .. و لما .. و لما .. فاعرف انه الحب لسه بخير
( 6 ) –
حب المخلوقات الأخرى
زى ما انتوا شايفين الصور كلها عن الحيوانات !!! ملقيتش صور أصدق ف التعبير عن الحب والأمومة .. أكتر من الحيوانات !!!!! .. ازاى ؟؟؟ لإن قد ما هما ملهمش عقل لكن بيعرفوا يحبوا عننا .. حب مفيهوش تمثيل و لا مصلحة و لا .. و لا ..
كتير من الناس بيربوا حيوانات بمعنى أدق بيتبنوها !!!!! .. ده استنتاج رائع منى !!!! .... ممكن تكون قطة ، جرو ، عصفورة ، سلحفة ، ... أنا كنت بحب ف كتكوت بس الله يرحمه توفى من 6 سنين !!!!!!!!!! .. المهم انه الحيوانات دى بيخافوا عليها جدا و بيحبوها و كإنها ولادهم ( اسألونى أنا !!! ) .. ده غير طبعا الحب بين الحيوانات و بعضها دى حكاية لوحدها !! مش هعرف أتكلم فيها و يكفى الصور
أكيد فيه أشكال أكتر للحب بس أنا موصلتش ليها ... أكيد مفيش نوع من الحب بيغنى عن التانى ..
كنت عايزة أوصل م البوست لحاجة واحدة .....
انه الدنيا فيها حاجات كتيرة أوى تتحب ( ممكن تلهى أى انسان عن انتظاره للحب المقصود ).. و انه لما يكون الحب موجود حتى بين الحيوانات فما بالكم احنا البشر لما يموت الحب ف وسطينا ؟؟؟؟؟؟؟؟؟؟؟؟؟؟
إيمان
60 comments:
الله عليكي يا ايمان
جميل اوي البوست
حنين ورايق
احلى حاجه في الدنيا ان الانسان يحب
واحسن حاجه عملتيها انك صلحتي النظاره لبعض الناس
احييكي بشده على البوست ده
ويااااارب ازرع كل انواع الحب دي في قلوبنا
وخلينا نحب بعض اكتر
ونحبك انت اكتر ياااارب
و الله بجد مش عارفة أقول ايه على الكلام الحلو و المجاملة الرقيقة دى
انا سعيدة بمرورك خصوصا انه بعد ما حطيت البوست مباشرة
و يارب اكون فعلا كتبت بوست حلو و اكون وصلت اللى عايزة الناس تصلحه ف تفكيرها
و يارب فعلا الناس تحب بعضها و تحب ربنا ف الأول لانه حب ربنا أغلى من كل شئ
تحياتى
بجد تدوينة روعة روعة
ومعني جميل وقيم وهادف
تحياتي تحياتي تحياتي
ومدونة روووووووعة
مووضوع راااائع اختنا الفاضله
تقبلى تحياتى
ابو مفراح
بوست تحفة
اجمل حاجه في الدنيا لما الانسان يتكلم عن الحب لكل الكائنات بجد ابدعتي في اختيار موضوع البوست
تحياتي ليكي
الحب احساس جميل لابد ان نعيش فية فالحياه بدون الحب للاسف لا تكتمل
تحياتي كمان مره
انا جيت اهو تاني وضيفت المدونه عندي بعد اذنك يعني
Very good work, Eman! Thanks for posting is very nice thank you. You make fantastic works.
Have good weekend
David Santos
يا وقعة مش باينلها كرر
دا انتي يا ايمان طلعتي فلسفية وحكاية كبيرة اوي
دا انتي الواحد يخاف منك بعد كدة
بس بجد
يعني موضوع من الاخر
تقدري تقولي
نجمة في ليلة من ليالي الشتاء
احساس عالي
وروعة في عرض الفكرة
وسمو غير عادي في الاداء
بجد يا ايمان انتي مدونة غير عادية
اجمل شي في حياتنا شوووور الحب
اللي من غيرة مش بنقدرنعيش اطلاقا
وحلو اوي انك وضحتي المعني الحقيقي للحب
لان الحب مش احمد ومني
لا الحب معني اكبر من كدة
انا عايزة اقوللكاني معجبة اوي
بشخصيتك انت محترمة فعلا و لطيفة
و اتمني اننا نكون اصحاب البوست ده جميل اويي يا احلي ايمي
أزيك إيمان الأول
اخيرا لاقيتك بتكتبى عن الحب
بس ده طلع العنوان بس لكن برضه مش دخلتى فى الحب الحب يعنى
عموما زى ما قولتى فى الاخر النضارة وكده
بس على فكره مش تقولى كلمة حب ديه تانى لان الناس كلمة حب فهمهم ليها اللى شايفنوا فى الواقع وبيطلقوا على حاجات مالهاش علاقه بالحب ولكن تسمى حب
اذاً فى حاجه إلى ثقافة الحب .
وموضوع انتظار الحب ده اقولك حاجه افشل حب او احكم على فشل الحب قبل بدايته اذا قام الشخص بالبحث عن الحب
وومعنى نتظر الحب انه بيبحث عنه ومن هنا بداية النهاية الحب مالوش انتظار
لان معنى انتظار انه حب الحب قبل ان يلاقيه هيبقى عايز حد يعلق عليه الحب اللى فى دماغه وازاى يكون باحث عن الحب من غير ما يحب ازاى عرف معنى الحب بلا حبيب ومن هنا اقولك عرف معنى الحب من " الحب " كما يدعون المحبين هذة الايام .
تحياتى ,,,
موضوع هايل ورائع جدا جدا
هو فعلا الحب له أشكال كتير مش بس الحب بين واحد وواحدة
وكل أنواع الحب جميلة وهايلة
تحياتى لكى
ايمي قبل اي حاجة احب اقولك المدونة عندك صفحتها تقيييييييييييلة جداااا
و الجهاز هنج مني
ثانيا و ده الاهم
جميل قوي البوست و حلو تعريفك عن الحب حتى حب النفس بعيد عن النرجسية و الغرور
و مدونتك كلها بجد عجباني و ما زلت بتصفح فيها
تقبلي مروري
سلام مؤقت
السلام عليكم
ايه موضوع وراك وراك يتاع الماوس ده
ههههههههههه
اسعدنى كثيرا
يلا عموما
ايه الاعلان بتاع ممنوع نقل اى حاجة منم المدونة
ودى سرقة
عموما
بجد بجد مدونتك جميلة جدا
واعجبتنى كثيرا
جعلها الله فى ميزان حسناتكم
طبعا الحب الالهي هو الاهم و دي نعمة مش اي حد بيوصلها
بس بعد كدة اية حديقة الحيوان الي انتي فتحتيها دي
:)
للدرجادي مفيش نماذج بشرية تستاهل تكون موجودة
ولا احنا مش بنهتم غير بالحب البشري بين الرجل و المرأة
وحتي دة مش فالحين فية
--ممكن تلهى أى انسان عن انتظاره للحب المقصود--
اممممممم
كدة انا فهمت
ياسلام يا ايمي البوست ده جميل قوي
بس تعرفي ان الحب الي بيملى عليكي حياتك وبيغنيكي عن كل انواع الحب التانية هما حب الله
مش بتبقي محتاجة اي بشر طول ما انتي حاسة ان ربنا عايش جواكي وانتي عايشة علشان رضاه
في الجون كالعادة يا ايمي
ايه الرقة دى كلها..
بجد عجبنى الموضوع
وحمدالله ع عودتك
انت كنت مسافرة ولا ايه
حلو تقسيمك يا ايمى :)
و فعلا لازم الانسان يعيش كل انواع الحب دى عشان حياته تكون سليمة
يعنى حب الله اعظم و اهم انواع الحب , دا من كوامل الايمان
و لازم الانسان يحب نفسه عشان يكون متصالح معاها و مع الكون
حب الطبيعة بئا بيريح النفس , كفاية نشوفها بجمالها
و لازم نحب الناس عشان نعرف نتعايش معاهم و نفهمهم , لأننا لازم نتعامل معاهم
الأمومة و الأبوة بئا دول بيكونوا بالفطرة من عند ربنا
بيهم بتكتمل الأسرة اللى بتكمل المجتمع
اما حب المخلوقات الأخرى فبيعود الانسان على الحنان و الاهتمام بالغير
بجد اشكرك على الموضوع
تحياتى ليكى :)
جميل اوى تصنيف الحب اللى انت كاتباه
وجميل اكتر ان كنير من الناس موافقينك على ده
بس
لو انا سألتك عن الحب ايه اول شئ هيخطر ببالك
اكيد كلنا عارفين
عارفه ليه لاننا بنحب الحب اللى يظهرنا احنا قدام نفسنا
الحب اللى يتوه معاه العقل وتسرح معاه الافكار
بس جميع انواع الحب موجوده ومعترف بيها ومحبوبه
جميل الموضوع والمدونه نفسها جميله
واكيد
هكرر الزياره
عندك حق يا ايمى وحب المال والشهرة والالسفلر وغيرة تحياتى يا قمر
ربنا يجعل حياتك كلها سعادة وفرحة وأمل
جميل البوست جدا بجد
وجميلة قوى التعليقات الساخرة اللى بين كلامك الرومانسى الرقيق..
إلى الأمام ياروميل
ana haolak alf mabrouk 3ala hob alnas lmdontak wa astmri lanak mohoba wa rabana eawafa2k
ana haolak alf mabrouk 3ala hob alnas lmdontak wa astmri lanak mohoba wa rabana eawafa2k wa modo3ak alakhir tohfa
هههههههه..جميل كالعادة
أسلوب جميل أوي
تحياتي
فعلا كلامك صح يا ايمي ممكن الحب يكون بين انسان و حيوان او ممكن حيوان و حيوان عادي مافهاش حاجة يعني كلنا بنحب او بنتحب انا عن نفسي جدتي عندها قطة بحبها مش لازم يكون الحب مخلوق عشان ذي ما ربنا خلقنا هو برده خلق الحيوانات طب يعني ايه الفرق ما بينا و مابين الحيوانات ؟؟؟؟؟؟؟؟؟انا عارفة انا عارفة انا عارفة اجوب بليز
يعتبر احنا ذي الحيوانات ليههه ؟؟ عشان احنا بناكل هما بيكله احنا بنشرب هما بيشربوا احنا بنمشي هما بيمشوا احنا بنتنفس هما بيتنفسوا هو بس فيه فرق 1 واحد ان احنا بنعبر ببقنا و هما بيعبروا بموائهم لة قانوا قطط و لو لو لو لو لو لو لو لو لو ..................................انا مع الحيوانات لو دخلتي مدونتي حتلاقيني عملة slide
و في الslide
في صورة بغباغنين بيحبوا بعض و انا كتبة روميو و جوليت ولاهيييي شكلهم روميو و جوليت ادخلي بس مدونتي ده انا عمللها نيولوك
تحياتي على احاسيسك الطيبة
تحياتي
Eman, my friend. Translat for me this coment im Arabic:
ON WEDNESDAY 5TH SEPTEMBER AT 12 NOON FOR THREE MINUTES WE WILL CAUSE MASS IMMOBILISATION. ON THE STREET VEHICLES AND PEDESTRIANS, AT WORK STANDING AND SILENT ARE TO BE IMMOBILISED IN MEMORY OF THE MISSING AND THE DEAD, WITH THE HOPE OF PROTECTION, REGENERATION AND SYMPATHY. PLEASE FORWARD THIS MESSAGE.
Thanks and have a good weekend
دايما بوستاتك ليها هدف ومن غير لف ودوران بتوصلي بسرعة للقلوب والعقول
تحياتي
جميل اوى الحب وجميل اوى البوست دى رائع اوى جدا خالص ربنا يوفقك اكتر واكتر
Eman,
I go to be with the Greek people, and you?
Have a good day
السلام عليكم
فعلا الحب مش بين اتنين وخلاص
الحب في اشياء كثيرة في حياتنتا زي ما انتي ذكرتي
وزي ما قال فولتير الحب اسمي شئ في الوجود
بوست حلو قوي...
مع ان الحب كلمه من حرفين بس لكن ممكن نكتب عنه ملايين الحروف والكلمات
الله الله عليكي يا نسرين
ايه الجمال ده..كلام جميل وجمال معقول ماقدرش أقول حاجه عنه...
طب والله حبيتك
او زي ما الكتاب بيقول(والقلب كمان)
اني أحبك في الله
وكل سنه وانتي طيبه
كدة نبدأ نسأل فيييييييييييييينك ؟
كل سنة و انتي طيبة و رمضان كريم
Eman, I chose you for reward WUB. How much to mine posting, I go to write it in English I stop later you traduziz it in Arab, ok?
Have good day
السلام عليكم
بدايه اعرفك انا اسلام الحسانى
ممكن تقولى متابع مدونتك من فتره
وبهنيكى على زوقك الرفيع فى اختيار كل ركن فيها واستغلالها الجيد ومواضيعك المثيره واخرهم موضوع الحب او زى ما انا بسميه وسمحيلى انى اسميه(انواع الحب)انا معاكى الحب جميل وبالذات لو نظرنا كلنا من نفس النظار الى بتنظرى منها بس الاول تعالى نشوف ونسأل
(ما هوه الحب؟)
يقول معجم وبستر الشهير أن الحب عاطفة وجدانية تنبع من العقل ويثيرها هناك جما وتقدير من أي نوع كان . وأما الحب تسأل :
" كيف يحدث أنك لاتجد بين الناس واحداُ أكثر جهلاً أو أكثر ذكاء من أن يتأثر به ؟ "
الحقيقة أن السعادة تتبخر دونما حب، ولا يمكن حتى للثروة مهما بلغت أن تستطيع شراء ما يأتي به الحب. ذلك أن الحب إحساس ينبع من الروح، ولامجال لاستبداله بأي شيء آخر، إن الحب سمة للكرامة والقدسية والحق، إنه مفتاح السر لما هو أفضل في الحياة التي نعيش. وفي ضوء الحب نرى المثالية أول ما نفعل وبممارستنا له بحذر، تتضح لنا الحقيقة. على أن الحب الصحيح حتى يبلغ الكمال لابد أن يكون خليطاً من أرفع المشاعر ومن العواطف الحيوانية الجامحة والأقل سمواً، كلاهما مهمان مثل بعضهما بعضاً في هذا المجال. ويمكن للحب أن يرتفع بالروح إلى أعلى قمم البركة، أو يهبط بها إلى أعماق المهانة. كثير إذن هو الذي يتوقف على هذه العاطفة الجامحة. فتعلموا أن تصونوا هذا الشعور العضيم في قدسيته عندما تنبهث براعمه في قلوبكم، بحيث تتقون كذلك عذابات عواطف لايمكن التعويض عنها، وخجل وتعاسة اتحاد مشين .
واحب اشكرك تانى على مدونتك الجميل
شكرا
مش ده لو الحب لسه موجود اصلا اد كده
طبيعي ان الحب الالهي جوانا وحب الامومه بردو ده عاطفه محدش بيتحكم فيها
بس حب الناس وحب الطبيعه بقي قليل اوي لما تلاقي حد قلبه علي التاني
بيحبه وبيخاف عليه
حتي حب الحيوانات مفيش رحمه حتي بيهم
بس حلو البوست اوي
كل سنه وانتي طيبه
ورمضان كريم:)))
nice post.
a7la bekteer men postat elfaday7 eyaha esara7a(:
ألى يعرفك يا أيمان
مستتتتتتتتتحيل ينساكى
أنتى بترشقى فى القلب رشق يا قمر
وأنتى تكلمتى عن موضوع غايه فى الرقه و الأبداع
زيك يعنى يا جميل
الحب روح الحياة
مهما كان نوعه
بس شخصيا اللي مش لاقياه عندي اني مش قادرة أحب نفسي ههههه
خلل هيستيري
سيبك
كل سنة وانتي طيبة ياجميل
ورمضان كريم
كل سنه وانت طيبه يا"ايمـــان"
ورمضان كريم
Have a good weekend, Eman!
بجد ايه الروعة دية يا ايمان بجد هايلة انتى عارفه زمان لما كان حد يقول انا نفسى يكون فى حياتى حب بمعنى يكون فيه طرف تانى يعنى كنت بقولهم الحب عمره ما كان مرتبط بحب بين طرفين وبس بالعكس الحب موجود على طول بين وبينا اهلنا واصحابنا والناس عموما انتى عارفة انك ممكن يكون ليكى صديقة تكونوا انتو الاتنين بتعيشوا الحب مع بعض وبتخافوا مع بعض الحب مدام فى الله بيكون اسمى انواع الحب
انا سعيدة ان فيه ناس معايا بيعززوا نظريتى
الحب موجود من ساعة ما بنتخلق حد ما بيوافينا الاجل بس احنا ساعات اللى بنكون غافلين عنه
ورمضـــــــن كريــــــم
على فكرة اسم ايمان ده عزيز عليا اوى وبحبه اوى اغلب اصدقائى اسمهم ايمان وكمان توأمى فى الله اسمها ايمان
سعدت بدخول مدونتك
كل عام وانت بخير
كلام جميل وهاى يوصل للعقل والقلب بسهولة
والمدونة جميلة جدا
اول مرة ازورها بس هاكون ضيف دايم
انشاء الله
أدعوكم للمشاركه في فوازير رمضان اليوميه
عباره عن خلق وصحابي بطريقه شعريه للشاعر وليد الرفشي
وكل ليله سؤال ممكن تجاوبوا عليه خلال عشر أيام
يعني ممكن تلحقوا الفوازير اللي فاتتكوا
كل عام وانت بخير
بوست جميل
واهم مافيه تنظيم افكارك وطريقة الطرح المميزه
تذل غلى وعى وقدرة على تحليل المواقف والمشاعر الانسانية
والمدونة بجملها رائعة
تحياتى
مصراوى أوى :
بجد انا ممتنة جدا لكلامك و يارب تعجبك كل مواضيعى
تحياتى
_______________________________
أبو مفراح :
شكرا أخى الفاضل.. و يشرفنى زيارتكم دايما
_________________________________
شاب نفسه يحق حلمه :
أنا طبعا يفرحنى انك تضيف مدونتى و على فكرة أنا ضايفة مدونتك من قبل كده عشان متفتكرش انى قلدتك و خلاص .. و انا بجد متشكرة للمجاملة و يارب يعجبكم كل مواضيعى بعد كده .. تحياتى
_______________________________
David Santos :
Thank you David so much ..I'm very thankful for your words.. I hope you be interested in my posts whenever I write.
Regards,
_______________________________
أحمد العربى :
أنا بجد مبسوطة انك أخيرا زرت المدونة و يارب تتابعها علطول و انا بجد مبسوطة جدا لكلامك و انا أحيانا فعلا بكون فيلسووووووووووووفة كبيرة اوى !!!!! هههه .. بس محدش يخاف منى مش بعض!!!!ههههههه .. يارب تتابع المدونة علطول ... تحياتى
بنت لذيذة :
أنا فرحانة جدا بوجودك و يشرفنى و يفرحنى طبعا باننا نكون اصحاب و انتى فعلا بنت عسولة و لذيذة اوى .. تحياتى ليكى
_________________________________
Anonymous :
أنا أسعدنى اضافتك و هيسعدنى أكتر على فكرة لو كتبت اسمك .. و فعلا الحب بانتظاره بيكون موضوع فاشل و أنا أطلقت على كل الأنواع دى اسم الحب زى ما غيرى أكيد سموها كده برضه لانه هو الحب فعلا بس احنا اللى مش عارفينه .. أحسن حاجة يسيبوا النضارة و يجيبوا عدسات !!!!! هههه ... أنا متشكرة تانى لاضافتك و يسعدنى مرورك حتى لو معرفش حضرتك
_______________________________
Bos Bos:
يا بوسبوس انتى نورتى مدونتى و بحب أشوفك فيها علطول .. أجمل تحياتى ليكى
_______________________________
Shah :
أنا فعلا لاحظت انها تقيلة و على فكرة انا استجابة لده شيلت كتير م المدونة و يارب متكونش لسه تقيلة!!!!! ... و انا بجد سعيدة جدا انه فيه ناس تحب تقرا المواضيع بتاعتى اللى كتبتها قبل كده و يارب تعجبك علطول .. تحياتى
________________________________
قلب أبيض :
وراك وراك بتاع الماوس !!! كويس انه مش ممتد لكل المدونة !!! كانت الناس جالها شلل لا قدر الله !!!! أما حكاية البانر اللى حطاه بخصوص السرقة فده عشان لقيت مواضيعى كلها تقريبا معمولة كوبى بيست !!!! عموما أنا مبسوطة و خلاص انه الناس بتعجبها مواضيعى و يارب فعلا يجعل المدونة ف ميزان حسناتى .. تحياتى
__________________________________
اسكندرانى ف الغربة :
على فكرة انت بتقول " أنا كده فهمت " بس أنا مفهمتش !!!! عموما هو فعلا مفيش نماذج بشرية كتير ممكن انه الانسان ياخدها مثل ف حياته.. يمكن لو رجعنا لورا نلاقى أكتر .. عصر الأنبياء طبعا و كل قصصهم أكبر أمثلة لينا
على فكرة انا بحب الحيوانات جدا و فعلا قلبت المدونة حديقة حيوان !!!!! ههههه .. معلش استحملوووووووووووونى ... تحياتى
بيسو :
حبيبتى بيسو انا بجد فرحنى كلامك اوى .. و حب الله طبعا يغنى عن كل شئ .. و يارب يرزقنا رضاه أجمعين .. و يارب أشوفك دايما ف مدونتى عشان بجد بفرح جدا بوجودك و اضافتك ... أعز تحياتى ليكى
_______________________________
Mero_wild_cat :
شفتى الرقة بقى ؟؟ هههههههه و الله انتى اللى رقيقة .. أنا فعلا سافرت غير انى كان عندى شوية ظروف منعتنى انى أدخل النت .. و يارب تنورينى علطول .. تحياتى
__________________________________
حكاية :
على فكرة اضافتك عجبتنى جدا و قريتها كذا مرة .. انتى وضحتى ليه كل حب منهم بيكون ضرورى ف حياة الانسان .. أنا بجد فرحانة بزيارتك و اضافتك الجميلة .. تحياتى
_________________________________
Samo :
أنا معاك فى انه اول ما حد يذكر كلمة " الحب " بيخطر ف باله الحب اللى احنا عارفينه .. الحب بين واحد و واحدة .. و ده شئ طبيعى لانه كل الناس اتعود فكرها على كده .. أنا بجد متشكرة لكلامك و يارب تحظى مدونتى باعجابك علطول .. تحياتى
__________________________________
بنت القمر :
للأسف انه الأنواع من الحب دى موجودة .. حب المال و الشهرة بعتقد انها مرض مش حب .. عموما انا طبعا متشكرة لاضافتك .. و يسعدنى زيارتك دايما
أخف دم و الشاعر :
يا أشرف انا مبسوطة جدا لزيارتك و يارب يجعل حياتك انت كمان كلها سعادة و امل .. و تقييمك للموضوع انه حلو دى شهادة ليا .. و ده بعض ما عندكم أكيد ... تحياتى ليك
__________________________________
Karim Elmasry :
شكرا جدا يا كريم و سعيدة بمرورك و يارب فعلا انى أستمر ف التدوين و ميقفش القلم عن الكتابة أبدا .. موهوبة بقى !!!! ههههه .. لا دى و الله مجاملة أكبر منى بكتير .. تحياتى
__________________________________
other things :
سعيدة بمرورك و متابعتك لمواضيعى و يارب علطول .. تحياتى
_________________________________
بنوتة :
على فكرة انتى عسولة و روحك طيبة و بجد كلامك على قد بساطته بس بيعبر عن براءة جميلة ... و خفة دم حلوة .. و انا طبعا هزور مدونتك علطول و علىفكرة عجبنى اوى النيولوك الجديد .. و انا مبسوطة لزيارتك و اضافتك الرقيقة .. تحياتى
__________________________________
David Santos :
I wish I translated it well as I passed it to you .. I'm always ready for help .. Sorry again for my delay
Regards,
__________________________________
شريف :
أنا و الله مبسوطة انك أخيرا زرت المدونة بعد فترة طنااااااااااش !!!! ههههه أقصد فترة غياااااااب !!! و يارب فعلا تتابع مواضيعى علطول و حمد الله على السلامة .. تحياتى
Sendbad :
أنا بحمد ربنا بجد انى لحد دلوقتى بتعجب مواضيعى الناس و يارب علطول و نشوفك ف المدونة دايما و بجد دى أكتر مجاملة مستنى جدا وده شئ بسيط للى بتكتبه .. ربنا يديم قلمك .. تحياتى
________________________________
aliwa :
أنا بجد سعيدة بكلامك و يارب تكون من متابعين المدونة علطول .. تحياتى
__________________________________
David Santos :
Although I didn't understand what you mean, but I'm really happy for your care… Regards,
__________________________________
Son's Egypt :
أنا بشكرك على زيارتك و اضافتك خصوصا فولتير اللى انا معرفوش لثقافتى الشديدة !!!! ههههه .. تحياتى
__________________________________
بلا عنوان :
فعلا رغم انه الحب من حرفين بس ينفع يتكتب عنه ملايين الكلمات .. شكرا لزيارتك .. تحياتى
أوشه :
نسرين مييييييييييييين ؟؟؟؟؟؟؟؟؟؟؟؟ أنا اسمى ايماااااااااااااااااااان .. انا كده هلطم !!! عموما متفرقش طالما عجبك الموضوع و حبيتينى و يارب كل المواضيع ان شاء الله .. تحياتى
__________________________________
اسكندرانى ف الغربة :
أنا بجد مبسوطة جدا بسؤالك و انا الحمد لله بخير مجرد ظروف بتمنعنى انى أكون معاكم علطول و كل سنة و انت طيب .. رمضان كريم يارب للكل .. تحياتى
___________________________________
David Santos :
David, sorry that I didn't understand what you had mentioned . What's WUB ???
Please write it in another sentence … you are always welcome in my blog … Regards,
________________________________
إسلام الحسانى :
ف البداية نا سعيدة بمتابعتك للمدونة و يارب كل مواضيعى بعد كده تنال نفس الاعجاب ... أنا بشكرك جدا على اضافتك و بحييك عليها رغم انه فيه بعض الجمل مش فاهماها .. بس يبدو انى مهنجة شوية !!!!! ههههه عادى ... أتمنى انه مش آخر زيارة زى ما هيا مش أول زيارة
تحياتى
_________________________________
May :
انتى عندك حق يا مى .. للأسف معاملة الناس بقت سيئة للغاية حتى معاملة الحيوانات بقت بشعة و ده عشان للأسف مفيش عند الناس دول قلوب حقيقية تقدر معنى حب الناس و المخلوقات و حب النفس ف الأول طبعا .. و كل سنة و انتى طيبة يا قمر .. رمضان كريم .. تحياتى ليكى
Ahmed Hussameldien :
الحمد لله انه موضوعى عجب و هو فعلا بالنسبالى أحلى موضوع كتبته .. غير اى موضوع تانى .. تحياتى
________________________________
فى القلب :
أنا بجد مش عارفة أقول ايه على الكلمات الجميلة دى ... انتى بجد صدوقة اوى و انا بجد يسعدنى صداقتى ليكى علطو .. تحياتى ليكى
________________________________
نهى جمال :
حبيبتى نهى .. رغم انى معرفكيش شخصيا بس كلماتك بتعبر عن شخصية جميلة ... ازاى بعد كل ده و مش تحبى نفسك .. انتى حقك تعشقيها .. و رمضان كريم و كل سنة و انتى طيبة ... تحياتى
__________________________________
اوشه :
دهب ياقوت مرجااااااااااااان !!!! الحمد لله عرفتى اسمى صح!!!! ههههههه و انتى طيبة يا قمر و رمضان كريم
_________________________________
David Santos :
Bom fim de semana David …. I'm so happy for your care ..
رحيق الحب :
انا مش عارفة أقولك قد ايه سعدت بكلامك و بجد انا مش عافة أشكرك ازاى و يارب أكون دايما عند حسن ظنك .. و طبعا انا بعزز النظرية دى لانه الحب مش واحد و واحدة و بس !!!!! ... و يفرحنى تضيفى لقايمة أصحابك ايمان تانية ... تحياتى ليكى
__________________________________
حسن مشالى :
كل رمضان و كل الأمة الاسلامية بخير يارب .. بشكرك لزيارتك و لكلامك و يسعدنى متابعتك للمدونة .. تحياتى
__________________________________
ياسر مدنى :
على فكرة عجبتنى جدااااااااااا موضوع الفوازير ده خصوصا انه بيعرف الناس أكتر بدينهم و بيحثهم على الثقافة الدينية
بينى و بينك انا محتاجة أقرا ف كتب عشان أعرف الحل !!!!! هحاول أجاوب على اللى أعرفه بإذن الله ... تحياتى لمجهودك الرائع و شكرا لزيارتك
___________________________________
حسن مشالى :
أنا بجد ممتنة جدا لكلامك ويارب تنال كل مواضيعى الاعجاب الدايم .. تحياتى
رمشان كريم
تحياتي
انت شايفة ان البشر الي بتتعاملي معاهم كل يوم يعرفوا كل انواع الحب ؟؟؟؟
ماحدش عد بيحب الا نفسة و بيتظاهر بالباقي
جمال عبد الناصر,
15/1/1918/ - 28/9/1970
The Great, Gama Abdal Nasser
السلام عليكم
هلاايمان يارب تكونى بخير انا شاكر جد لزيارتك للمدونه تبعى وتعليقاتك الجميله وأتمنى لو فى كلمات ما فهمتينى فى التعليق اكون شاكر لو شرحتهالك وان شاء الله يدوم الزيارات وأن شاء الله مش هتكون اخر مره
اخيرا وليس بأخر
ادعوكى لقرأة موضوعى الجديد
(حزن)
هههههههه
بعيد عنكم طبعا ربنا يدوم الفرح على الكل وبدعوكى انت وكل اصدقائك فى المدونه بزيارتى
وشششششششششششكرا
السلام عليكم
مريت على مدونتك بالصدفه وعجبتني جداً
وليا الشرف إني أكتب تعليق فيها
بالنسبه للبوست ده فهو جميل جداً وفكرته أجمل
وعجبني كمان البوستين اللي فاتوا الي فيهم إنتقادات للأولاد والبنات
أسلوبك متميز و تفكيرك في منتهى الرقي
Sendbad :
و انت طيب يا سندباد ... رمضان كريم
________________________________
حنين و حنان :
طب انت بتنفسنى عليا ليه دلوقتى ؟؟؟ ههههههه فعلا و الله عندك حق بقى معظم الناس مش بيحب غير نفسه و يتظاهر بالباقى
ربنا يعفينا
تحياتى
_________________________________
Sharm :
I'm really happy of this surprise.David Santos voted me and when he told me I didn't understand what's WUB.
It was such a wonderful event for me to read this comment and read my name in WUB bloggers winners list. I'm so excited .. and I'm so grateful
Really, It's an honor for me to join this world
" World of Peace and Love "
Thank you so much .. And too much regards for your fantastic web site ..
God bless you
_________________________________
David Santos :
Welcome David .. I'm really amazed of your wide culture ..
yes, he was a great president and a great person - Gamal Abdel Nasser
Regards,
إسلام الحسانى :
أنا و الله يشرفنى انك تتاعبعنى بعد كده و ان شاء الله تعجبك المواضيع و محدش يتضايق منى من اى بوست أكتبه !!!! ياللا ربنا يستر !!! و انا بجد ممتنة لزيارتك و شاكرة ليك على اضافاتك للبوست
و انى شاء الله هزورك طبعا و هتابع
تحياتى
__________________________________
علاء سالم :
بجد انا سعيدة جدا بمدحك ده و احنا اللى لينا الشرف و الله
انت بتكتب شعر جميل و هتبقى ان شاء الله من الشعرا المعروفين جدا
ربنا يديم قلمك
تحياتى
صدقت والله في قولك أن الحب ليس مخلوقا للناس فقط
Nice dispatch and this mail helped me alot in my college assignement. Thank you for your information.
Post a Comment