♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Saturday

مهازل بنات


بعد الضجة العنيفة اللى حصلت فى القارة الأفريقية و الأسيوية نتيجة موضوعى السابق !!! و بعد الدُش السااااااااقع اللى أخدته كنتيجة فيزيائية لكشف فضايح الشباب !!!! قررت أنا إيمان الطاهر – رئيسة تحرير المدونة اللى ماتتسماش !! – بإنى آجى على نفسى شوية و اعصر على نفسى لمونة و اهزأ ف البنات بإعلان كشف فضايح البنات !!! أمرى لله أموت شهيدة و خلاص

طبعا الأمير ويليام لما كلمنى ع الموبايل بهدل أهلى و قاللى : بقى أنا واد ضايع و مقطع السمكة و ديلها و مسوى الهوايل ايشى انحرافات و ايشى مخدرات و ايشى و ايشى و تيجى انتى و تفقسينا ؟؟؟؟ !!!!! و هددنى : وحيات الحاجة ديانا الله يرحمها اذا ماكنتش أنيلها ف البنات هما كمان واكشف فضايحهم ... مش هيتقدم لأهلى !!!!!! يا سلام ؟؟ ما تامر حسنى موجود !!!!!!! الواد تامر يا حبة عينى من كتر اللوعة نزل أغنية سمّاها " يا إيمان " !!! كان ناقص يقول يا إيمان الطاهر !!! هيعمل ايه أكتر من كده ؟؟؟ يقطع نفسه ؟؟؟؟؟؟؟؟؟

ملحوظة : كل اللى فات مش اكتر من حبكة درامية لزوم الاستهبال وكده

المهم .. ندخل ف الموضوع .. قبل كل شئ لازم أرزع ملحوظة هامة جدا : هذا البوست لفئة معينة من البنات ( لزوم التنويه )عشان معنديش استعداد آخد دش تانى !!!!! استعنا على الشقا بالله

سيداتى آنساتى المفضوحات .. أحب النهارده أنـوّه بانى بإذن واحد أحد هخرب بيوتكم !!!!! عشان انتوا بجد بتسيئوا لعامة البنات و بتسيئوا للحجاب اللى انتوا لابسينه !!! و انا وراك وراك يا مجتمع لحد ما تتعدل

احم احم ابقوا زورونى ف العزا بتاعى !!!! هعمله ف سميراميس

إليكم فضايح لبنات

(1)-
الضحك بصورة مستفزة .. رقاصة يا اخواتى ؟؟؟؟ - اسمحيلى أقولك انك مايصة

(2) -
مضغ اللبان بصوت و شكل مستفز – اسمحيلى أقولك انك مايصة

(3) -
المشى بتقصع و هز الوسط – بالطبع انك مايصة

(4) –
الميكب و لا أجدع رقاصة !!! – حقاً انك مايصة

(5) –
البنطلون محزق و البادى هيتفرتك !!! – يالهوى أبسلوتلى مايصة

(6) –
المينى جيب و الشبابيك و البلكونات – اوفكورس كوايت مايصة

(7) –
التسبيل للشباب و السهوكة – رااااااائع !!! اكستريملى مايصة

(8) –
معاكسة الشباب بالكلام و الايد و غيره و غيره – ماشاء الله عديتى المايصة بمراحل

ملحوظة : كل بنت بتعمل أكتر م الحاجات دى تبقى عدت كل المراحل و جابت أقصى مجموع لجهنم

ف الآخر :
أحب أقول لكل بنت .. على فكرة لا العرى و لا المياصة و لا اللبس القصير والضيق و الخفيف اللى هيخليكى شيك و استايل و بنت ناس !!! و لا اللى هيخليكى جميلة .. بالعكس كل ده هيحقر منك و يخليكى رخيصة ملكيش أى قيمة .. و العكس صحيح

كان معكم من الإيه آر تى

المفقوعة إيمان

____________________________________

تحديث :

لما ألاقى كل مواضيعى منقولة بالحرف الواحد دون ما يتقال حتى انها منقولة و من غير ما يتعرف انى صحبتها الحقيقية من غير اى ضمير و لا أخلاق و لا دم !! احب أقول انى مش صحيح مش هقدر أثبت انها سرقة بس كل اللى بينقل من أى حد حاجة دون استئذانه و كإنه ماتعبش فيها و كإنه مش مليكها الحقيقى يبقى وقح قدام نفسه و قدام غيره ثم حرامى قدام ربنا يوم القيامة

و احب انوه طبعا بالمحترمين جدا و ده على سبيل المثال لا الحصر طبعا المحترمين كتيييييييييييييير

موضوع ازاى تطفشى جوزك ، حب زمان و لا حب دلوقتى

الحب مش مخلوق للناس بس ، هؤلاء لا يصلحون أزواجا

وعموما انا شفت كل مواضيعى بلا استثناء !! حبيت بس اورى الناس عينة من اللى شفته .. لانه لما تسرقوا بمنتهى السهولة دى و تـُمدحوا على حاجة منتوش كاتبينها و لا بتاعتكم تبقى بجد دناءة و ربنا اللى هيحاسبكم مش انا

و حسبى الله

43 comments:

فى القلب said...

جوووووووون يا إيمان
جون ليه عشان أنا الأولى وجون ليكى عشان قلتى كلام من القلب وفى الصميم أيوه كده ورى الدنيا كلها ان لسه فيه بنات محترمه متمسكه بدينها وعصريه كمان احسن من كده ايه
والنبى ولا الواد الاولنى وليم يستهلك
ولا أنا اسفه يعنى الحشاش تامر يستهلك
أرفضى طلبهم هما الأثنين هيتعبوكى
هما كانو يحلمو ان إيمان الطاهر تنطق أسمهم

bos bos said...

أيه يا بنتى ده أنتى ناوية توصلى لحد فين أنا مش مسؤلة على اللى هيحصل لك
اللى فات ده كان هزار ندخل بقى فى الجد
فعلا كل اللى قلتيه فيه فئة معينة من البنات بتعلمه وللأسف فاكرين أنهم كده أستايل ومنظر وأنهم حاجة
يالا ربنا يهديهم
سلام

ايمان said...

انا بقى رايي ان اللى بيخلى البنات تعمل كد ا هما الولاد بصراحه
لان الاولاد هما اللى بيحسسو الى تعمل كدا انها بنى ادمه ممكن يتبصلها
انا بس نفسى البنات تبقى اذكى من كدا ولو عايزه توقع اى ولد مش لازم يعنى تسبله ولا تلبسله ضيق
فى طرق كتــــــــــــــير ممكن الشباب يتهبلو بيها بس محترمه

KAREM said...

ههههههههههه

أولاً ما قرئت العنوان قعد اضحـــــك

وقولت فعلا ايمان ديه درست ادارة وبتعرف تدير الازمات كمان .

الموضوع بقى ممكن اللى قولتى عنه ده بيحصل بس انا بصراحه مش بشوفه خالص
يا اما انا بقى شكلى مش بشوف ولا مش عايش فى الدنيا .

بس فى الاول والاخر من خلال الموضوعين احب اوضح انى ممكن مش انظر للبنت ديه وانها مخطئه ، لان هنا لازم نبحث عن الدوافع واكيد مؤمنه باللى بتعمله
وبدم عندها الدافع يبقى هنا هندخل فى علم النفس يبقى هى مش غلطانه مع نفسها
وفى فرق فكر لما تعرف من داخلها انه غلط ساعتها هتتغير لوحدها
لكن الولد ممكن انظر له على انه غلطان لانه بيترتب على تصرفاته الخاطئه ضرر للمرأة لكن البنت مهما عملت مش تقدر تعمل مشاكل للولد
.

بس انتى كده البنات هتقف ضدك وتبقى خسرتى كل الناس

هههههههه

بس عادى بقى الكاتب المدفاع عن قضيه يستحمل ولازم يكون بااااااااااارد لاقصى درجه

وانا ياما شوفت كتيررر .

تحياتى ,,,

EGYPT EYES said...

ايوا كده ياريت البوست دا يكون بدايه لسلسه بوستات تكشف فضايح البنات
تحيه رجالي D:

david santos said...

Emann, I have walked to read your works and have liked very, but he has names that I do not perceive. For future I go to ask what they want to say to you, I can? Also I go to start to translate Arab and want that you say me if it I am to make fact well, ok? Good Sunday for you. Until always

david santos said...

يمانن ، مررت أقرأ لك الاشغال وكانت تود جدا ، لكنه الاسماء التي لا اتصور. المستقبل أروح أطلب ما أريد أن أقول لكم ، استطيع؟ كما انني اذهب الى البدء بترجمه عربية وتريد ان تقول لي انني اذا جعل الواقع جيدا ، أوكي؟ الاحد جيدة لك. حتى دائما

اسكندراني في الغربة said...

طبعا معاكي حق تغضبي للدرجة دي
بس بوصي للنص التاني من الموضوع
لو مكنش مواضيعك جامدة مكنتش اتنقلت و اتسرقت
كلنا عارفين المنتديات و الي بيكتب فيها
اكيد لازم تفضحيهم
بس افرحي كل متلاقي مواضيعك منتشرة
:)
بعد الكلام الجامد دة ليا عتاب عندك
الموضوع الاخير معجبنيش
كلنا عارفين ان (بعض)البنات عدوا المراحل دي من زمان
معظم البنات عندهم موبايلات و كمبيوترات و اجهزة رسيفر
يعني اكيد (بعض) منهن يتقال علية الي قلتية على الشباب
:(
يا ريت مكنش طولت ولا رخمت
تحياتي

david santos said...

انا سعيدة جدا لصداقتكم. كما كنت أنتظر أن تأتي لي لترجمة النصوص الانكليزيه للعربية. حتى دائما

بيسوو said...

بصي بقى الحق حق والواحد لازم يقول الي ليه والي عليه..علشان احنا متربيين على الديموئراطية زي مانتي عارفة

صريحة وزي السيف والله يا ايمي

Eman Eltaher said...

فى القلب :

و الله انتى زى العسل
و بجد منورة مدونتى و يارب دايما تنوريها
انا فعلا كتبت عشان المصايب اللى بنشوفها !! و عشان انا طبعا ديموئراطية و بحب الملوخية
اسكتى
تامر حسنى طلع مش بيغنيلى الأغنية دى بيغنيها لمرات اخوه
الخاين
آدى اخرة طيبتى و هبلى
هههههه
بس بجد ربنا يخليكى على كلامك الحلو و انا اكيد هرفض طبهم :)

_________________________________

bos bos :

حبيبتى بوسبوس منورة مدونتى و انا فعلا شكلى هروح ف خبر كان
بس لازم برضه أقول الحق
و يسامحنى شعبى الحبيب المهاووووود
و يا بوسبوس بجد فرحانة انك دايما واقفة معايا و حاسة كإننا أصدقاء من زمان

__________________________________

إيمان :

ف الأول انا فرحانة انه انتى اول واحدة تعلق ف المدونة اسمها ايمان
على اسمى
عندك طبعا حق انه مفيش احسن من الطرق المحترمة
و مش هنسميها طرق لحسن اى شاب فكيك هيقرا يقول اه دول بيفكروا ايه اللى ممكن يوقع الشاب :)
احنا ممكن نقول انه اى شاب طبيعى و سوى و محترم مش هيعجب غير بالبنت المحترمة زيه
فكون انه شاب يبص للبنت اياها و يعجب بيها فهو اكيد زيها ف نفس أخلاقها لانه الطيور على أشكالها تقع و ف الأول و ف الآخر ربنا مش بيبقى راضى عنهم فمش هيتملهم حاجة و ان تم اى مشروع حقيقى فبتكون نهايته الفشل

انا بجد بشكرك على مشاركتك و اتمنى تكونى صديقة دايمة للبرنامج
يووووووووو
قصدى المدونة

__________________________________

Karem :

كويس انك عبرت المدونة أخيرا
انا قلت خلاص مش ناوى يدخلها تانى من بعد الموضوع اللى فات
ههههههههههههه
و طبعا درست ادارة ما انت عارف كليتنا العزيزة اللى عايزة الحرق كلها ادارة حتى الكمبيوتر بطعم الادارة
بس كويس انك مشفتش واحدة كده من البنات رغم انهم ماليين الكليات !!! تلاقيك بس مش واخد بالك و احمد ربنا على ده
طبعا تحليلك النفسى لشخصية اى بنت منهم صح و مقدرش اضيف عليه بس على فكرة البنت برضه اللى بتعمل كده مش بتأذى نفسها بس بتأذى غيرها كتير من البنات و بتأذى المجتمع فمتهيألى و الله أعلم انها تعتبر برضه غلطانة زى الولد
و ربنا يهديهم

تحياتى ليك

__________________________________

egypt eyes :

ههههههههه
ده انت مستحلفلنا بقى
و الله اذا كنت هتدفع رسوم جنازتى ف سميراميس انا موافقة اكتب اكتر و اكتر :)
تحياتى

mero_wild_cat said...

ايه ضرب النار ده؟؟؟ الله ينور تصميم مدوندك اكتر من رائع.. وعجبانى صراحتك

Eman Eltaher said...

David Santos :

First, I'm really happy for being interested in my blog.. And i'm really grateful for taking care of my posts. Sorry that I write in a Colloquial Language that hasn't a translation in most dictionaries. excuse me, I didn't understand well what you had said.
I tried to guess and I reached a close meaning to your words. I'm ready for any help in translating into Arabic and you're always welcome in my blog.
Regards,

_________________________________

اسكندرانى ف الغربة :

انا بجد بشكرك على مواساتى ف موضوع السرقة و فعلا الموضوع ده ضايقنى جدا خصوصا انه مش موضوع او اتنين لأ ده كل المدونة واخدنها كوبى !!! حاجة تفقع

و انا اكيد يسعدنى لما اعرف انه مواضيعى منتشرة بشرط يكون معروف انى صحبتها و متنسبش لغيرى
حصرتهم عايشين الدور اوى و عمالين يردوا على الناس اللى بتمدح و ميعرفوش للأسف انهم شوية حرامية
تصفيق حاد
طبعا لازم أفضحهم و ياريته يكفى لحرقة الدم لما اتصدمت بده

انا طبعا احترم رأيك انه معجبكش الموضوع الأخير و طبعا فيه بنات كده زى ما بتقول وربنا يهدى الكل و انا قصدت اسيبها مفتوحة ف البوست بتاعى عشان كل واحدة هتعرف نغسها لما تقراه و تعرف هيا بتعمل ايه منهم بالظبط و ايه اكتر منهم

تحياتى ليك

_________________________________

بيسوو:

حبيبتى بيسو طبعا زى ما انتى عارفة انه الأخت ديموئراطية جدا فكان لازم اكتب اللى لينا و اللى علينا
و الحمد لله انى لسه عايشة
ههههههههههه
بجد نورتى المدونة بخفة دمك

___________________________________

Mero_wild_cat :

ههههههه
شفت ضرب النار ده ؟؟؟
ما هو كله هيطلع على دماغى :(
بس بجد بشكرك على مدحك مدونتى و يارب مواضيعى تعجب اكتر من التصميم بتاعها كمان
طماعة اوى :)

other_things said...

انا أول مرة آجي هنا بس بأيد
مكنش مواضيعك جامدة مكنتش اتنقلت و اتسرقت
كلنا عارفين المنتديات و الي بيكتب فيها

بس افرحي كل متلاقي مواضيعك منتشرة
:)

حاجة حلوة فعلا إن اللي الواحد بيكتبه ينتشر ولو من غير اسمه

دا طبعا مش مبرر يعني

..
أسلوبك جميل أوي الله ينور
..
حلوة حكاية أعلى مجموع لجنهم دي
..

محمد said...

ولا فضايح و لا حاجه
ده بقى الطبيعى فى المجتمع دلوقت :-)

حــكــايــة said...

أولا أولا
مدونة جميلة بجد :)

ثانيا بئا
انا عارفة أد ايه موضوع ان حد يعلق كتاباتك دا يحرق الدم
حصل الكلام دا مع حد عزيز عليا و كان دمه محروق اوى بجد خصوصا ان اللى علقه بردو مذكرش ان المواضيع دى تبعه

الناس تاخد و خلاص و ميهمهاش اى حاجة تانية
هو صحيح الواحد بيفرح ان مواضيعه منتشرة و اتشهر بئا و الكلام دا , بس بردو دمه بيتحرق

ثالثا بئا
بالنسبة لعمايل البنات
فأنا كبنت بردو , و دا أمر الله لا اعتراض عليه , أقدر أقولك ان فعلا البنات تعدوا المراحل اللى قلتيها دى بكتير
فى بنات دلوقتى بيعملوا حاجات كان المجتمع زمان ميتوقعهاش من الولاد
و بما ان البنات حابين يثبتوا وجودهم , سبقوا الولاد فى الحاجات دى و تميزوا فيها
مش هاقول ايه الحاجات دى , بنت بردو و المفروض اعمل انى بادافع عن البنات و كدا
بس بجد بئا كتير منهم مستفزيييييييين
و انا قلت كتير , مش كله
فى فعلا بنات محترمات جدا
ربنا يكرمهم

و ربنا يسهل لعبيده

اسكندراني اوي said...

اسف على تاخري في الرد
وكمان اسف على عدم زيارتي لمدونتك مؤخرا
بوسسسسسسسسسست حلو اوي
وبجد الظواهر اللي فيه موجوده وللاسف بكثره

تحياتي وارجو قبول اعتذاري

mo'men mohamed said...

كما ذكرت أختى
اللبس الضيق والخفيف و المياصة عمرها ما بتخلى البنت بنت ناس
بالعكس
الكل بيبصلها ويقول دى بنت ــــ
على العموم
فعلا حاجة تخنق لما تلاقى مواضيعك منقوله من غير اذنك او حتى تنبيه انها منقوله من عندك
ربنا يوفقك
السلام عليكم

هاني جابر said...

ما شاء الله
اسلوبك رائع
وفكرة رائعة جميلة
وعندك حق في الي انتي قولتيه
وربنا يعافي بنات مصر من الفضايح ديه

david santos said...

يمانن حسن عطلة نهاية الاسبوع

Eman, good weekend

Eman, bom fim-de-semana

David Santos

امنية said...

سلام عليكم
انا بكتب الرد وانا عامله كده
:D
بجد اسلوبك جميل اوى
تعرفى والله بجد البنات ال(مايصه) دى اصلا فى نظر الشباب مجرد بنت يتمشى معاها
لكن ساعه الجد والزواج ميتزوجهاش ابدا
ربنا يهدى
___
عجبتنى اوى حركه موضوعات النقل اللى عملتيها فى المدونه واشهار لهم
كنت كتبت بوست مره عن كده
بس مجاش فى بالى الحركه اللى عملتيها
جامده بجد

على العموم
ثوابك عند ربنا
وحسابهم عند ربنا برضو

sendbad said...

اجدت
خفة دم
ثقة في النفس
قدرة علي التعبير
لسان قوي الشكيمة

قلب أبيــض said...

يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض

Eman Eltaher said...

other things :

انا بجد بشكرك على زيارتك و على كلامك و فعلا موضوع السرقة ده ضايقنى جدا

و طالما المدونة عجبتك سياستها ابقى زورها علطول
تحياتى

__________________________________

محمد :

و الله يا محمد انا معاك ف انه الفضايح زادت ف مجتمعنا شكل ملفت بس الحمد لله موصلتش لانه يكون ده الطبيعى :)

تحياتى

___________________________________

حكاية :

انا معاكى ف كل اللى قلتيه و للأسف الشديد ده شئ يسيئ لكل بنت رغم انه فيه بنات كتير مش كده

و هو حلو انه الانسان يلاقى مواضيعه منشورة بشرط يكون معروف انه هو اللى كاتبها
مش تنسب لغيره فيتشل زيي :)

شكرا لزيارتك و لكلامك الحلو و يارب تكونى من أصدقاء المدونة و اصدقائى علطول

تحياتى ليكى

___________________________________

اسكندرانى اوى :

يا عم اسكندر تعتذر ايه امال انا أقول ايه ؟؟؟؟؟؟؟؟؟
انا بزور الناس بعد ما يكونوا خلاص يئسوا من زيارتى بس و الله بيبقى غصب عنى

عموما سماح المرادى :)

تحياتى

_________________________________

Mo'men Mohamed :

ياريت كان صوت الشباب يوصل للبنات دول عشان يعرفوا انه الشباب نفسهم مش عاجبهم ده و بيستفزهم جدا

ياللا هحاول أبقى انشر الموضوع ف الام بى سى :)


تحياتى

Eman Eltaher said...

هانى جابر :

شكرا يا هانى بجد على كلامك و يارب تكون المدونة كلها بمواضيعها عجبتك

و يارب فعلا يعافى بنات مصر و البلاد التانية
و خصوصا مدغشقر :)

تحياتى

__________________________________

David Santos :

Ola` David
Bom fim de semana

As you see .. I'm trying to learn your language and I'm really thankful for teaching me

Regards,

_________________________________

أمنية :

أنا بجد سعيدة جدا بزيارتك و بشرك على كلامك الحلو ده و يارب فعلا تكون المدونة كلها عجبتك

و فعلا مفيش شاب ممكن يعجبه اللى بيحصل م الفضايح للبنات دول غير اذا كان أصلا فاسد
ربنا يعفينا

و موضوعاتى اللى اتسرقت بجد آذتنى جدا و خليتنى ف حالة مش حلوة

بصى كده ان كان لونى مخطوف :)

انا الحمد لله اتحسنت عن الأول وربنا مش هيباركلهم أبدا عشان دى سرقة
شكرا تانى لزيارتك
تحياتى ليكى


__________________________________

Sendbad :

ربنا يخليك و الله يا سندباد
ده بعض ما عندكم
و أقل من البعض كمان

تحياتى ليك

__________________________________

قلب أبيض :

طبعا الوطن هو كل حاجة حلوة

عشان بس ما انضربش :)

اه طبعا هاجى ان شاء الله و اكتب للوطن
و مصر هيا امى

تحياتى

شاب نفسه يحقق حلمه said...

انا بجد اسف جدا جدا جدا لاني مش باجي هنا كتير
وانا اول ما شفت تعليقك عندي اتكسفت من نفسي اوي بجد انا اسف كمان مره وعلي فكره انا ضيفتك عندي
تحياتي ليكي وبقولك ايه كل البنات دلوقتي بقت مايصه مفيش غير شويه كده بيتعدو علي الصوابع

أحمد العربي said...

ايوة كدة يا ايمان شاطرة
عملتي معادلة
بس للاسف معادلة صهعبة جدا
جدا جدا
ع العموم انا كل اللي كان نفغسي اقولة قلتة في البوست الليي فات
بس في حاجة والنبي يا ايمان مش فاهمها
اية حكاية البنات بتعاكس الولاد دي
غريبة شوية
اصلي انا بعيد عنك صعيدي
والحكاية دي مش مبلوعة شوية

عروس البحر said...

فعلا البنات المايصة دي بنشوفها كتير بس ولاهي مش كلهم كده في بنات لسه كويسين لسه الدنيا بخير يا ايمي

أخف دم said...

سؤال يا إيمان
هما البنات المايصين دول بيمشوا ف شارع إيه؟

Uno said...

بصراحة أنا مشفتش شجاعة أكتر من كدة ويا رب يكون الدش اللي اخذتيه ماجابش برد
محمد أخوكي

بنت القمر said...

ايمى الحلووة
اولا اسفه انى ما زرتكيش من زمان بس واحشانى واللله
بصي انا مش ها اعلق لسببين انا مسخسخه علي نفسي من الضحك لخفه دمك تانيا من تعليق عم ديفيد سانتوس المترجم وعاوز ترجمه بس انا رائى حاجه هى زنقت على تامر ووليم ما عندك حماقي بس فكري

MaMaDo said...

ايون كده
ايون كده

هى دى الديمقراطيه
انا اب ديمقراطى و احب الديمقراطيه و الشاورما
و بعدين شفتى بقى ايه الى بيخلى الشباب ضعيف النفس انه يعمل زما انتى كاتبه فى البوست الى فات
هما البنات الى انتى كاتبه عليهم

بس

ما عارف ليه كل ما اجى هنا يحصل حاجه يا النور يقطع
على الرغم من انه مش بيقطع فى حدانا فى الدروار كتير
او النت يفصل
فى ايه انتو مش عوزنا نيجى عندكو ولا ايه

بس هنيجى برده

بلطجه
هع هع هع

و مش هقول تحياتى
:))))

نفسنا said...

موضوعاتك دايما رائعة أستمرى فيها وما يهمكيش أى سرقة لأن حقك محفوظ

هاني جابر said...

شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com

Eman Eltaher said...

شاب نفسه يحقق حلمه :

مفيش اسف و الله و بجد انا بيسعدنى زيارتكم ف اى وقت و ف اى بوست

و ياللا هعديها المرادى و امرى لله :)
ههههه
تحياتى

__________________________________

أحمد العربى :

أخيييييييييييرا بنشوفك ف المدونة
عموما ملحوقة هعديها المرادى
بص يا أحمد انا مكنتش أعرف أصلا انه فيه بنات بتعاكس الولاد بالشكل الواضح و الصريح ده
(أختصر و اقول البجح )
بس بعيد عنك الموضوع اللى فات كان كل الشباب بيدافعوا بانه فيه بنات
بتعاكس
ياللا ربنا يعفينا و تحياتى

__________________________________

عروس البحر :

أولا انتى منورة المدونة و ثانيا أكيد طبعا فيه بنات محترمات
امال احنا روحنا فين ؟؟؟؟؟؟؟؟؟
هههههه ده و الله مش على سبيل التفاخر على سبيل الهزار
تحياتى

__________________________________

الأخف دم : أشرف :

أنا كده ممكن ألطم !!!!! ممكن ؟؟؟؟؟
بيتهيألى البنات دول موجودين ف شارع الهرم و شارع جامعة الدول العربية و .. و ..
استنى هبقى أجيبلك العناوين بالظبط
ماشى ماشى

__________________________________

محمد أخويااااا :

ماشى يا محمد
يعنى انت يوم ما تعلق تتريق
انا مجاليش برد طبعا امال انا قدها و قدود
انا جالى شلل بس

__________________________________

بنت القمر :

و الله انتى منورة مدونتى و يارب أكون دايما عند خفة الدم اللى تضحكك علطول ... ديفيد سانتوس و الله انسان شكله محترم و متعاون جدا
يكفى انه هيعلمنى أتكلم لغة عربية !!!!! يا ستى بجد على رأيك أنا ليه مفكرتش ف حماقى ؟؟؟؟؟؟؟
مع انه بقاله سنتين عمال يحوم عليا :)
ههههه
تحياتى

__________________________________

Mamado :

ايه يا عم مامادو ؟؟؟ ده انت فرحان بقى ف البنات اوى
ماشى ماشى
انا برضه ديمقراطية جدا بس بحب الشاورما اللحمة مش اى شاورما
و عشان كده انا شكلى هقلب على ديمقراطية جدا و اكتب بوست بقى انما ايه
و لا ايه ؟؟
خلاص خلاص خليها عليا المرداى :)
و بعدين ايه حكاية النور بيقطع ده و شوية يفصل !!!! أتمنى تكون بتهزر عشان ممكن اصدق
تحياتى

Eman Eltaher said...

نفسنا :

بجد انا ممتنة جدا لكلماتك المطمنة ليا انا بجد بشكركم على تعزيتكم للمواضيع الله يرحمها و يحسن اليها
__________________________________

هانى جابر :

ان شاء الله هبقى أشارك و يشارك كل واحد ان شاء الله بيحافظ على حرية الأى بشرط عدم التجريح ف الأداب او الأديان

Anonymous said...

Ahmed.Ahmed26@yahoo.com
نسيتى تتكلمى عن فئة مهمة جدا من البنات يا إيمان
البنات الشاطرة والشاطرة أوي كمان
البنات اللي بتعرف ازاي تمسك العصاية من النصف
انا مع الاسف عندي خبرة عنهم
البنت اللي تكون مخطوبة او على الاقل مرتبطة بإنسان وفى نفس الوقت معلقة اتنين تلاتة استبن عشان لو الجوازة باظت تنقى من على الرف
تبقى مخطوبة وبتكلم الباقى على الشات وتقابلهم برة وكله تحت مسمى الصداقة البريئة وطبعا هى مش عبيطة عشان تتكلم وحش عن خطيبها بالعكس عشان القفل التانى يحاول يكون احسن منه
بس ايه محترمة " أصول اللعبة "
طبعا لازم تكون محترمة وجدا كمان عشان يفضل يتمناها لنفسه وفى النهاية هى برضه اللي بتنقى
وطبعا اللي ظروفه احسن واقرب
دي كانت خطيبتى
واللذيذ انها مضيعتش يوم واحد
اتجوزت فى نفس اليوم اللي كنا محددينه لجوازنا
واللهي فعلا بنات شاطرة

Eman Eltaher said...

Ahmed :

هو شئ محزن فعلا و غريب انه خطيبتك او اى بنت تعمل كده طالما انتوا فعلا مرتبطين - اول ريدى !!! و كمان عنجليزى !!!! - وانت مخنتهاش مثلا او مغدرتش بأى وعد مثلا او مسبتهاش او محصلتش اى حاجة بينكم على افتراض!!!!! مهو الواحد لازم يفترض كل شئ معلشى برضه الواحد لازم يكون محايد صح ؟
و انا برضه معرفكش فلازم أفترض ده و افترض ده
انا فعلا اتأثرت بكلامك جدا لانه يبدو انك مجروح منها بس لازم تكون أقوى من الجرح عشان الحديد ما بيصلبش - مش بيقوى يعنى ! - غير بالضرب عليه
بس اذا كنت ناوى تعد فضايح أكتر للبنات !!!! هههههههه ففيه شباب كده برضه
معلشى
و ده مش على سبيل التعميم
بس فيه شباب استغفر الله كيان من غير لا أخلاق و لا دم و لا دين
و المثال اللى انت حكيت عنه بالنسبالهن أقل القليل !!!! ربنا يعفينا و إياكم
و على فكرة
مفيش حد بياخد غير جزاءه
و لو انت واثق انك صح و على الطريق الصح بتاع ربنا فتأكد انه طالما ربنا فركش الموضوع اذا ربنا بيحبك و مش عايزلك شر
صح ؟
و عموما
ثق تمام الثقة انه ربنا هيعوضك

و اعتبره كلب و راااااااااااااااح
ههههههههه
الطيور على أشكالها تقع
و ربنا بيقول

" الخبيثات للخبيثين و الطيبات للطيبين "
أنا أسعدنى بانه فيه ناس ممكن تعتبر مدونتى صفحة للفضفضة
و أتمنى أكون رديت بالشكل اللى يرضيك

ف سلامة الله

ra7il said...

اولا بوست جميل جداااااااا
وثانيا انتي دمك خفيييييييييف جدااا
وثالثا بعزيكي في موضوعاتك اللي اتسرقت

وربعا حبيت اقول ان فيه بنات كتيره تخطوا المرحله اللي انتي اصلا بتتكلمي فيها من زمان بس بجد بتلاقي برضه بنات تانيه كويسيين ومحترمين جدا ربنا يكرمهم ويهدي التانيين اللي انا بجد مش لاقيه سبب مقنع للي بيعملوه مش بس الاولاد لان اي ولد حتي لو عامل نفسه روش وبيصاحب البنات دول من جواه بيحترم البنات الملتزمه يعني مش السبب الاولاد بس
واسفه طولت عليكي

Ahmed Elsabbagh said...

على فكرة يا ايمان رغم معزتى الشديدة لشخصك الا انى طبعا شمتان فيكى ..والحمد لله شفتك مبقوقة بعينى.. ده نظرا للهجوم الشديد والحاد اللى عملتيه على الشباب .. مش يعنى عشان بقيتى بؤين على البنات خلاص هنسامحك تؤ تؤ ابسيليوتلى

بل اننى قررت من موقعى هذا بقصر القبة قصدى من امام شاشة الكمبيوتر انى اكتب بوستا يعبر عن استيائى لما كتبتيه عن الشباب ولسوف يتضمن هذا البوست هجوما مضاضا بالصواريخ والطوب ومأجر كمان عيال هيكسرولك ازاز المدونة تعبيرا عن سخط جموع الشباب المبقوق منك

انا طبعا مش هعمل زيك واهاجم كل البنات لان منهم امى واخواتى محترمات كتير لكن هحاول بصورة من الصور انى افرغ مبقوقيتى بأى طريقة

سلام بقى عشان هنكنس ونرش قدام المدونة

ههههه
تحياتى

انا احمد الله واحمد الناس (أكثر الناس حمدا لله ) ـ said...

السلام عليكم ورحمة الله وبركاته
دى اول مشاركة لى معاكى وعجبتنى اوى المدونة
وبالنسبة لموضوع سرقة الافكار دة موضوع سيئ للغاية انا عامل مدونة اسمها من بعيد فكرتها بتعتمد على نشر مواضيع من منتديات او مدونات بعد الاستئذان من اصحابها ومع الاشارة الى اسم العضو واسم المنتدى اللى تم نشر الموضوع فيه وبكدة يكزن الموضوع هو تكريم للكاتب على جهده وليس سرقة بدون استئذان
ولو تسمحيلي نظرا لقوة المواضيع فى مدونتك فانا اكيد هاطلب منك انى انشر البعض منها عندى طبعا بعد موافقتك والاشارة الى اسم مدونتك عندى
ومبدئيا اطلب الاذن فى نشر الصورة بتاعت حتى الحيوانات بترخم لان الصورة دى اضحكتنى جدا والتعليق اضحكنى اكثر ولكى جزيل الشكر واتمنى انك تشرفى مدونتى

Eman Eltaher said...

Ra7il :

أنا مبسوطة بزيارتك
و يارب علطول تعجبك المواضيع و علطول أشوفك

__________________________________

AhmEF ELSABBAGH :

المسامح كريم
و انا مغلطتش ف حد
و رغم كده فانا واخدة كلامك على انه هزار
اوعى يكون جد ؟؟؟؟
أقتلكم كلكم
:)

تحياتى ليك

_________________________________

أكثر الناس حمدا لله :

و الله انا يسعدنى انه الناس تنقل منى طالما هيذكروا انى كتبتها و يعملوا لينك للمدونة لانه طعا الناس مش هتعف مين ايمان طبعا
:)

و ان شاء الله تعجبك كل المواضيع يارب

تحياتى

روعه said...

بلوج حلو وكلام عسل شكرا ليكي
دردشة عراقية