♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Friday

مهازل شباب

فى البداية قبل كل شئ البوست ده موجه لفئة معينة م الشباب ومحدش ياخده على سبيل التعميم .. و بتأسف اذا كان اسلوب عرضى للانحطاط ده مستفز بعض الشئ !!! بس ده لانه فعلا أمثلة الانحطاط كتير بشكل مستفز !!! و اوعدكم انى أتكلم البوست الجاى عن أمثلة لانحطاط بعض البنات !!!! النهارده هتكلم عن ظاهرة بشعة جدا منتشرة بين الشباب

هتكلم فيه عن شوية عمايل سودة للشباب – الربع كم – و طبعا مش هقدر أفضح بلاوى أكتر ... حسن حظكم انى مش بقدر أتكلم ع المفتشى !!!!! ( حلوة مفتشى دى ؟؟؟؟؟ ) و ده طبعا بحكم انى بنوتة صغنتوتة بريئة و الله اللى يشوفنى ما يصدقش اللى بكتبه .......... !!!!!!!!!! ما علينا

نرجع للفضايح

أنا هفقسكم نافر نافر !!!!! - زى مسرحية رية و سكينة كده

إليكم جرعة من العمايل السودة

( 1 ) –
الفرجة و البحلقة للصور المفضوحة جوا المجلات المشبوهة !!!!! م الساعة 7 الصبح تلاقيهم مترصصين عند بتاع الجرايد اللى عارض مجلات أمريكانية ع الفرازة !!!!! و هيييييييييييييييص يا استاذ !!! الفرجة ببلاش !! و تلاقى هسسسسسسسسسسس لا صوت و لا نفس !!!!!!!!! متنومين مغناطيسى

( 2 ) –
الدش و بلاويه ابتداء م الفيديو كليبات الخارجة و الأفلام المشبوهة مصرية او أجنبية مبقوش يفرقوا كتير !!!!! تلاقى الشاب متلقح و متنح و عينيه مفنجلة يدب فيها رصاصة !!!!!!!!!!!! بيتهيألى لو حد اداله على قفاه مش هيحس أصلا

( 3 ) –
هنروح بعييييييييد ليه ؟؟؟؟ كفاية النت و مصايبه ... محركات البحث اللى بيلهث وراها كل (..) تيييييييييييييت

( 4 ) –
نضارة الشمس غامقة و عينين الشاب وراها مش باينة أصلا !!!!! هييييييييييييص يا استاذ !!!! محدش شايف حاجة !! آل يعنى مكسوف لا الناس تشوفه ... آل يعنى عنده دم أصلا

( 5 ) –
بكل بجاحة لا تقول نضارة و لا عدسات !!!
تلاقى الشاب بيفصص البنات !!! شوية شوية هيفجرهم بعينيه !!!! و المصيبة بتكون البنت محجبة و لابسة محترم و ف غاية الأدب و مفيش فايدة !!!! امال لو كان شاف رقاصة كان هيعمل ايه ؟؟؟؟؟؟ كنا بقى نشوف ريالته ؟؟؟؟؟؟؟؟؟؟؟

و اللى يبص لبنت ف سن بناته !!!! و اللى عجوز و مكركب و فيه حيل يبص !!!!!! لأ و كمان يعاكس !!! و من بين طقم اسنانه تلاقى برص بيتكلم : عشل يالهوى عشل

( 6 ) –
الموبايل يا ما شاء الله !!!!! بيتهيألى موبايل كل راجل - اسم الله حارسه و صاينه !!! – عليه حاجات و محتاجات !!!!!!!!!!! و طبعا أقل الصور بشاعة صور نانسى عجرم و هيفاء وهبى و ماريا و بوسى سمير و اليسا طبعا !!! مفيهاش حاجة يعنى صور فنانات لابسين حاجات شبه الهدوم

( 7 ) –
الكمبيوتر يا محلاه !!!!! و ابعت ف رسايل حمرا ع الايميل!!!!

( 8 ) –
قدام الفاترينات !!!!!!!!!
حتى التماثيل مش عاتقينها !!!!!!! حتى التماثيل اشتكت !!!! طوابير طوابير قدام أى محل ملابس خليعة !!! ( ملابس العرايس ) و شوووووووووووووووف بقى الأحمر و الفوشيا و البمبى المسخسخ

و اللى بيقف يتنح !!!! و اللى يبص بنظرة ثاقبة و لما حد يبص ف وشه يقلب عينه الناحية التانية بسرعة !!!!! و اللى بيعمل العمايل دى و بعدين يتكلم ف الدين !!!! و اللى بعلو صوته " استغفر الله " عشان منظره قدام الناس !!!!!!!!!!! آل يعنى الناس مش عارفة !!!! و كإن سيماهم مش ف وجوههم !!!

حقيقى حاجات بجد ........... تيت تييييييييييييت !!! كويس انه الرقابة شغالة

!!!!!آدى أكتر من نص الشباب .. فئة فاسدة

آدى جيل المستقبل !!!!!!!!!!!! ........ و اكتر من نصه جيل ( ... ) تيييييييت .. على رأى أجدادنا

حتى الغضافرة – جمع غضنفر – عواميد المجتمع و القدوة المثالية !!!! اللى المفروض يكونوا أعقل منهم بقوا أتفه منهم

كفاياكم بقى ... !!!!! لو كنتم بنات مش كنتم هتتشلوا بانه قد ايه انتم ف عيون غيركم مادة رخيصة بالشكل ده ؟؟؟؟؟؟؟؟؟؟؟؟؟ طب بلاش دى !!!!! ما بتزهقوش

الجماهير الغفيرة اللى بتلهث زى ال ( ... ) على أى حاجة !!! مفيش مرة تتكسف على دمها ؟؟؟؟؟؟؟؟؟؟؟؟؟؟

بعتذر تانى لكل شاب متدين و محترم اتوجهتلوا الاساءة على سبيل التعميم !!!! دون ما يكون ليه أى علاقة .... و لو إنهم للأسف ندروا ف حياتنا .. و مبقيناش نعيش ف مجتمع نضيف

ياللا كل واحد عارف نفسه

مش هختم غير بكلمتين و بس ..................... خافوا ربنا

إيمان


70 comments:

3ashe2elro7 said...

و ايه رايك فى البنات اللى بتعاكس دلوقتى فى الشارع بتعاكس مش تتعاكس

وايه رايك فى معاكسات التلفونات برده منهم

وايه رايك لماابقى راكب فى حالى اتوبيس و مسافر و تلاقى اللى بيثبتك و يجر معاك كلام و انت منين و اسمك ايه و بتعمل ايه طيب رقم موبايلك كام

وايه رأيك لما أبقى واقف على سطوح بيتنا و ألاقى اللى بيصفر و يعاكس من سطح بيت على الاقل 100 متر
طبعا كانوا بيعاكسونى

وايه رايك فى طريقه لبس البنات طبعا مش كلهم و يقولك موضه .... ياخى هأو

وايه رأيك لما بيدخلوا المحلات و يعملوا الشوبنج اللى هم عايزينه و هاتك يا كرره و ضحك سكر وعربده ودلع فى المدلع يحرق ابوه بولعه و جاز

وايه رأيك فى الرسايل اللى بتتبعت على القنوات الفضائيه انتى اتكلمتى فى الموضوع ده و معترفه ان فيه بنات برده بتبعت

وايه رأيك وايه رأيك و ايه رأيك

أقول كمان ولا كفايه كده

حرااااام عليكم ده احنا بقينا أقليه عايزين ايه مننا بعد كده

بجد الموضوع مش مقتصر على الشباب بس او البنات بس

والمصيبه ان اللى انتى قولتى عليه معتش مقتصر على الشباب بس

اه والله مصيبه و ربنا يستر علينا

زى ما فيه شباب مهزق فيه شباب محترم وبرده زى ما فيه بنات عايزه الولعه فيه بنات محترمه

تحياتى

Ahmed Shokeir said...

أعتقد إن النظرة كده غير محايدة بشكل كبير
والتعميم فيها بيظلم ناس كتير

فيه كمان نقطة مهمة بتخلي الضغط عالي عن بنات وستات كتير .. انها مش بتقدر تفرق مشاعر الرجل ومشاعر المراة فيه فرق كبير جدا لو كل جنس قدر يفهم طبيعة توجهات ومشاعر الجنس الىخر اللي خلقها ربنا ليه

كانت النظرة هاتختلف كتير والتفهم هايكون اكتر

محمد said...
This comment has been removed by a blog administrator.
sendbad said...

المشكلة في الشباب والبنات المشكلة ياجماعة ومش عايزين ندفين روسنا في الرمل المشكلة ان المجتمع بتاعنا بينهار بينهار والله وربنا يرحمنا

MaMaDo said...

طيب

مع انى غير متضرر من الكلام ده لانى اخرج من ضمن من وجه اليه الكلام و الحمد لله
لكنى احمل صفه الشباب لذا من حقى الدفع

....
احم احم
سيدى القاضى
لالا مش دى

نبدتى بالفرجه
على فكره زى ما فى شباب بتعمل كده
فى بنات بتعمل اكتر من كده بكتير
هتقولى اقله
ما هو مش الشباب كله بيعمل كده
......
و على ما اظن يندرج تحت ده
النت و الموبايل و غيره و غيره


اما بقى بخصوص الفترينه

ممكن يكون مجرد تطفل مش اكتر
مش بقى دخلو و قاعده يشترو و لوك لوك لوك مع البياع و غيره
.........
دا غير ان اطرف المعاكسه اتغير

يقى البنات بتعاكس الاولاد
و بقت اجرء بكتيييير من الشباب


.....
اما على البحلقه ف انا مشفتش بنت محترمه حد بيبوص عليها لان بيكون بيبوصه على البنت الى جمبها الى على افتراض انها لبسه هدوم

يعنى هما بيبوصه على الى لبسين زى هيفا و نانسى و غيرهم
و لعملم ان البنات بتلبس كده عشان الشباب نبص عليهم
.......
الشباب عامل زى توم يسكوت و يهدء
بس بيرجع جيرى بتكوشه تانى حلوه ينكشه دى


بس
هذا و بالله التوفيق
و مع السلامو عليكو

M.R said...

ازيك قبل أي حاجة
انا مش عارف انت مضايقة ليه.. الموضوع بسيط جدا..
ناس نفسها ف السفالة و ناس تانية بتلبي الرغبة دي
ناس بتبع بضاعة و ناس بتشتري
ناس بتسوق و ناس بتتساق
أيوة و الاتنين ناس مش هاعرف اقول غير كدا... اه في اختلاف... بس هما ف الاصل واحد
و بعدين حاولي تقنعيني بسبب يخليني ابص ع البنت المحجبة المحترمةو البنت التانية موجودة و متاحة طول الوقت و ف كل مكان
و عدين اديني سبب منطقي واحد يخلي انسان جعان لتقريبا كل احتياجاته الاساسية و يمشي ف السوق من غير ما يبص وينمى، و الامور زادت عن حدها يحاول يسرق اللي مش بتاعه كمان، الوضع نيلة خالص، بلاش نبص على وش المية، علشان دا بينيل الدنيا اكتر

و خلي بالك ان المسالة ف الاصل مش اننا
نعد أفعال تكسف من دول و من دول.. لازم ناخد بالنا ان الامور مرتبطة ببعضها... يعني ببساطة أحاول أجاوب ع السؤال (ليه؟).. بس أحاول أجاوب بجد

ashrafnasr said...

صباح الفل
يا واش يا واش
كل ده ف الشباب والبنات مساكين ضحايا
اكيد لأ
المشكلة الحقيقة هي انك لم تحاولي لحظة تفهم ازمة كبت ساحقة ف المجتمع لظروف اقتصادية وسياسية ودينية
من غير كلام كبير أو مجرد الدفاع عن الشباب
رأيي ببساطه انك عرضتي عرض لمرض ونسيتي المرض
خالص التحية
أشرف
ملحوظة :المدونة لطيفة بجد

ahmad hussameldin said...

gamda awi fekret el bas men ta7t elnadara di(:

besara7a we bekol basata zay mafeeh welad me3afenin bardo feeh banat zebala,.
we law kont ana shakhsyan a3taked en nesbet elbanat elday3a aktar bektir men elwelad,
we en elgor2a wel baga7a law eftaradna enaha mawgooda fel banat welwelad benafs el nesba ,, bedoon shak el gor2a di 3awakebha we khetoret ha hatkon fel banat akbar bektir melwelad,
elbanat eli elmafrod enohom agmal 7aga feehom dayman hya el khagal,

SAKAyAR said...

يا سياااااااف
سيبني لبكرة الله يخليك
نسيتو أصلكو نرجع نفكركوا
هنجيبلكم الياشمك ونعمل حروب ونخسرها مخصوص علشان ياخدكوا الأعداء مما ملكت اليمين
من أمير النائمين القائالمظفر الطاغية السكايار إلى إيمان الطاهر وأخواتها من نساء وبنات العالمين
افتكروا كويس اننا بنعطف عليكم ونتجوزكم
وافتكروا كويس انكم لما بتجيبوا عيال احنا اللي بنصرف عليكم وعليهم
وافتكروا كويس انكوا متقدروش تعيشوا من غيرنا .. علشان القط بيحب خناقه
وقد قررنا نحن
أمير النائمين الطاغية المظفر
بغلق كل محلات الملابس الحريمي ونفتح بدلها ملابس رجالي لما نتفرج هتلبسوا إزاي وهتتفرجوا ولا لأ
يا عم الحاج عيب عليك لما أبقى ماشي في الشارع وواحدة تقوللي يخرب بيت جمال عينيك
ده كان ناقص تقول يخرب بيت جمال مبا.. تيييييييت
على فكرة أنا مدير سنتر وزبايني كلهم بنات وستات وبلاش أقولك ولا أحكيلك خليها كده في السر احنا لو اتكلمنا هنقعدكوا في بيوتكم
بس يلا معلش ... أسلوبك عسول برضه المرة دي مش عارف أقول إيه
لازم نحييكم برضه ونشجعكم ... غلابة وملزومين مننا
ههههه

enoOo said...

بغض النظر عما تفعله البنات الان
سواء من لبس أو كلام أو نظرات
أقول
جميل جدا أن بسمى شخص الان ما سردتيه فضائح
فهذا يدل على ان هتاك أمل للاصلاح
لقد تحول كل ما قولتيه للتو الى شىء عادى
ومن لا يفعل ذلك يكون انسان ابنورمال
أو على نياته
على الرغم من أن فعل ذلك من أسهل الاشياء , حتى أسهل من أن الاهلى يغلب الزمالك
واحدة واقفة فى المترو ولابسة لبس
كل الناس بصة عليها
واللى ميبص عليها يبقى فى توهان

اللى يغض بصره يبقى اهبل
اللى ميردش على واحدة بتعاكس فى التليفون يبقى لسانه تقيل

انستى
جرى العرف على أن ما بحدث الان هو الواقع
وغبر ذلك بكون فضيحة

Anonymous said...

ربما اول مره لا اعرف اكتب تعليق منذ موضوعك الماضى ونوع كتاباتك بدء فى الانحدار واسلوب صياغة الكلمات سىء للغايه .

ردى هذه المره ليس على الموضوع لانك كبرتى الموضوع اؤى لكن على اسلوب كتابتك الفترة الاخيرة ككل .

وكمان لا فائدة لاضافة كلمة الملتحين
المتدينين فى بداية المقاله .

وبلاش نميل اننا نميل لتدخل التدين والدين فى كل شىء وخاصة فى شىء سىء كفايه اللى هم فيه .

لما نكتب كل كلمة محسوبه علينا واكطتى حاجه نتحاسب عليها هى الكلمة
وكمان اكتر حاجه تغير فى الناس هى الكلمه برضه .

يبدو ان اسلوب كتابتك السخريه اصبح يظهر مساوء الكتابه السخريه وهذا هو لب هذا النوع من الكتابه
لانه يوضح تفكير سلبى من عرض فقط وايضاً عرض الزياده عن الحد .
واضافة بعض المبالغات ، انتى تعلمى ان هدف صفحتى اصلاً هى المرأةوكل كتابتاى عن المرأة وقضايها واشجع كل من يكتب للمرأة ولكنى باختلاف فابحث عن حقوق المرأة الداخليةبيتها مع زوجها او مع حتى اهلها .

وكان من الصعب على اهاجم اى موضوع يعتنى بالمرأة لكن هذه المرة يبدو انكى تجتاجين لوقفه قويه مع ذاتك .

نعم انتى تعرضين قضايا مهمه ولولا التخصص ما تقدمنا وانتى تخصصتى فى قضايا الشباب واللى قليل جدا بياخد باله من الحاجات ديه وكمان كويس انك بتعرفى تتابعيها كده يعنى شغلك صح ومجودك رائع بس تحاتجين الى صياغة جيده فقط .

تقبلى رائيى ،،،

كريم ...

Anonymous said...

كنت اود ان اضيف شىء اخر
ربما يكون كلامك رائع واسلوبه صياغته تمام
وربما رائى يعبر من وجهة نظر شخصية فقط
لاختلاف وجهات النظر
واختلاف طريقة النظر للامور

وفى النهاية لكى من اطيب التمنيات لمجرد انكى كاتبه مهما كان المجال
حتى المجال السخرى والذى لا يروقنى كثيراً
ولكنها مجرد اختلاف اذواق فقط
ولكن تناقش قضيه ايضاً

وادينا شوفنا التعليقات اللى تحت الموضوع ده فتحتحنا باب مش هيتسد

تحياتى ,,,

Ahmed Elsabbagh said...

بصراحة يا ايمان انا كنت بحبك قصدى آآآآصدى المدونة دى طالع فيها غل رهيبة وبعدين نظرتك مش موضوعية شوفى البنات ولبسهم وشوفى الشباب اللى مش عارف يتجوز
طيب لازم يبص ده بقى حق لكل مواطن دلوقت وسمعت ان الحكومة هتفرق على كل شاب بصة
عموما انتى دخلتى جامد اوى فى الرجالة اوانا مش هكلمك عشان انتى فى وسط اهلك وناسك
هههههه
عموما اقرى ردود الناس كلها هنا وانتى تعرفى كل اللى فى قلبى وكلاويا كمان


أحمد الصباغ

Eman Eltaher said...

3ashe2elro7 :

كل الأمثلة اللى ذكرتها بتحصل فعلا
بس مش هقول قلة لكن ندرة
لانك لو حسبت نسبة اللى بيحصل م البنات للى بيحصل م الشباب هتلاقى نسبة لا تذكر !!!!! صح و لا مش صح ؟؟؟؟؟
صح طبعا

خليك ديموقراطى
بلاش انحياز
اعترفوا انه معظم الشباب كده
و انا أعترف برضه انه زى ما فيه الوحش فيه الكويس .. و انه مش كل الشباب كده

وتحياتى ليك

___________________________________

Ahmed Shokier :

أعتقد انه موضوعى مالوش أى علاقة بضرورة تفهم طبيعة النوعين من البشر

لانه لو قلنا انه اللى بيحصل ده له تبرير نبقى بنكدب على نفسينا
و لا انت ايه رأيك ؟؟؟؟؟
اللى بيحصل ده انحلال و الانحلال مينفعش نبرره بأى شكل
تحياتى

___________________________________

صاحب الكومنت اللى مسحته :

كان ممكن تبدى رأيك من غير كلام خارج خادش للحياء خصوصا انه مالوش أى علاقة بالموضوع !!!!! مدونتى مش م المدونات اللى عندها استعداد انها تحتفظ بكلام زى ده

بعتذر لاضطرارى مسح تعليقك

__________________________________

Sendbad :

رأيك دائما يضيف للموضوع
فعلا المشكلة ف المجتمع بس ايه الحل ؟؟؟؟
حاجة من الاتنين يا نسكت على ده و ده غير مقبول يا اما نتكلم و ناخد على دماغنا

تحياتى ليك

__________________________________

Mamado :

رأيك دايما بيضيف للموضوع الحس الكوميدى
أنا مش قاضى و لا حاجة !!! أنا غلبااااااااان

اوكى انا اتفق معاك فى انه زى ما فيه ولاد كده فيه شباب كده
بس نسبة البنات للشباب لا تذكر

اعترفوا انه معظم الشباب كده و طبعا الكلام مش بيمسك أكيد

و السلامو عليكم و رحمة الله و بركاته

تحياتى ليك

__________________________________

m.r :

مينفعش اننا نبرر انحطاط الأخلاق
لانه لو عملنا كده نبقى بنفسد المجتمع و بنقول للناس انه ده شئ عادى
و الموضوع مش ناقص !!!! كفاية لهذا الحد

و بالتالى فماتجوزش انى أسأل- ليه ؟ لانه سؤال غير منطقى
و الاجابة مش هتفيدنى كتير لكن السؤال الصح اننا نسأل نفسنا - ازاى ؟ نصلح من تفكير الناس و نساعد ف تغيير المجتمع و يكون لينا دور فعال ف ده

تحياتى ليك

Eman Eltaher said...

Ashrafnasr :

قلتها كتير و هقولها تانى : مفيش مبرر للانحلال ده غير انه الناس ساءت فيها و المجتمع باظ
غير كده فانا مليش أى تفسير تانى
موضوع انه أتفهم أزمة مش عارفة ايه !!! فده غير منطقى و غير شرعى انى أبرر للسارق هو بيسرق ليه

تحياتى ليك

_________________________________

Ahmed Hussameldin :

مستحيل تكون نسبة البنات أكبر لانه ده أصلا ما بيحصلش غير بندرة من بنات زبالة فعلا و أنا أعترف بده

لكن
مفيش داعى لأى انحياز
يكفى انك تعترف اه أكتر من نص المنحلين شباب
و طبعا زى ما فيه الوحش فيه الكويس

تحياتى ليك

_________________________________

Sakayar :

هههههههههه
يخرب عقلك
ايه موضوع أمير الطاغية المظفر ده ؟؟؟؟
ده اسمك الجديد
طب يا سيدى البنات بتعترف انه هيا من غير الطرف الأخر بيكون فيه شئ ناقصهم
بس ده مش موضوعنا
اسمحلى يعنى
من الأميرة الطاغية المظفرة الى سكايار

عدم شرب الدواء !!! الدواء فيه سمٌ قاتل
أقصد يعنى ... رجاء الاعتراف بفضيحة الشباب و عدم الانحياز ع الفاضى و المليان
هههههههههههه
و الله عارفة انه زى ما فيه شباب كده ففيه بنات أسفل من كده
بس لو هنتكلم عن الأغلبية العظمى فالطبيعى هنتكلم عن الشباب

و بشكرك على مدحك اسلوبى

تاخد شوية ؟؟؟؟؟
تحياتى ليك

__________________________________

enoo :

أنا متفقة ف انه جرى العرف على كده لكن ده مش معناه انه العرف ده صح و اننا لازم نمشى عليه

لانه معنى ده انه لو حتى شاب اتربى ف عيلة مدمنة يبقى لازم يكون مدمن

و ربنا ماقالش اننا نواكب العرف لكن أمرنا باننا نمشى حسب ما دينا و أخلاقنا بيأمرونا
و الله أعلم

اعترفوا بفضيحة الشباب و ريحوا نفسيكم و انا هعترف انه فيه شباب برضه محترمين

تحياتى ليك

__________________________________

كريم :

على فكرة أنا مدخلتش موضوع الدين غير عشان أفوق الناس وبانه مش أى ملتحى و لا أى واحد ماسك سبحة انه انسان متدين و ده طبعا شئ مش محتاج للنقاش غير انى كنت عايزة أقول للناس بلاش نفاق و اعملوا بدينكم بدل ما تتراءوا بيه قدام الناس ... فحبيت أقول ده بس بطريقة غير مباشرة

فكرة انه اسلوبى مش عاجبك او انه اسلوبى بدء ف الانحدار فدى حرية رأى أنا أتقبلها

لانه زى ما فيه ناس تمدح ف اسلوبى لازم يكون فيه حد يذم فيه
ده شئ طبيعى
مش كل الناس بتحب مناقشة الموضوع بسخرية
بس أنا مليش أى حل تانى
المفروض أناقشه بايه ؟؟؟؟
لو اتكلمت باسلوب جاد أو حاد محدش هيسمعنى و لو اتكلمت باسلوب خارج و ذكرت حاجات أكتر - ده على افتراض انه ف استطاعتى أعمل كده - فهبقى قليلة الأدب . يبقى المفروض يكون اسلوبى عامل ازاى ؟؟؟؟
مع احترامى الشديد ليك بس معظم الموضوعات اللى بيكون هدفها معالجة او مناقشة القضايا اللى زى دى لازم تكون بسخرية لانه الحل الوحيد اللى بينفع مع الناس
ما بتنفعش النصيحة من غير سخرية
و فكرة كوى الجرح بتكون أنسب من مداوته

و على فكرة الحاجات اللى ذكرتها ف البوست مفيهاش أى مبالغة و كلهم من لب الواقع

تحياتى ليك

__________________________________

Ahmed Elsabbagh :

كنت لاوم أدخل جامد فيكم عشان الموضوع زاد عن حده و بقى كل شاب محترم قدامه عشرة مش محترمين
و يمكن كده أنا مجاملاكم ف النسبة
ياللا ملحوقة
اه فعلا المفروض الحكومة يكون لها دور

انها تحاسب كل بنآدم يخرج عن حده بشئ مش لائق بالمعاكسة او غيره

مبقيتش عارفة ايه الصح ؟؟؟ انى كتبت عن الموضوع و لا انى كنت أشوف ده و ابلعه و خلاص

سبحان الله
فوت علينا بكره عشان انا فعلا وسط أهلى و ناسى و ورايا مشوار
ههههههههههههه

تحياتى ليك

النورس said...

ماشى يا ست ايمان ، انت معاك حق فى كوووووووول اللى قلتيه
طيب ايه رأيك فى واحده ماشيه عريانه نبص عليها ولا الحرام فى البص بس مش فى اللبس؟؟؟

david santos said...

eman, علق جدا ، وتهانينا. In may blogue, thank you

بيسوو said...

ايه يا ايمي ياصغنونة الي حرق دمك بالمنظر ده..اوعي يكون حد عاكسك ولا بصلك حتى

بس لازم تعترفي ان الكلام ظالم حبتين يا ايمي ولا ايه...البنت المحترمة هتجبر اي حد انه يحترمها حتى لو كان بني ادم مش محترم حتى لو كان شغال طبال ورا رقاصة على اعتبار انهم اقل مستويات الاحترام

انتي يمكن الي شفتيه من الشباب فاق الاحتمال بس والله وما ليكي عليا حلفان في شباب زي الورد من ناحية الادب والاخلاق والدين...

منقدرش ابدا ابدا نجيب شريحة من الناس ونعمم عليهم كلهم صفو واحدة وحتى وان كانت الصفة دي موجودة فعلا
بصي يا ايمي انا مش بدافع..بالعكس انا الود ودي كسر رقبة كل من تسول له نفسه انه يعمل كدة..حتى الي مش بيعاكس وبيكتفي انه بيبص في المجلات والافلام ومواقع النت المشبوهة

الموضوع محتاج شوية وعيييييي..والله شوية وعي وكله هيبقى تمام على حتة صغيرة وازع ديني وانك تخاف من ربنا لانه شايفك في كل وقت حتى لو البشر مش شافوك

بس ياستي
وحشاني

EGYPT EYES said...

أيه دا مسبتيش حاجه وحشه إلا ولزقتيها في الشباب مع أن البنات حاجه ,,,,, ولا بلاش ياإيمي

الراقص مع الذئاب said...

طبعا مش هدافع عن الشباب اللي بيعمل كدا ولا حقول انهم مظلومين
بس مش انتم الملايكه اللي طايرين بجنحات يعني...واسلوب موضوعك وعرضه بجد يستفز الواحد انه يرد رد قاسي ...بس هنلتزم بأصول الضيافة واول زيارة ليكي وهنتكلم بدون تجريح

انا بتكلم عن نفسي وعن اصحابي ومعارفي
طبعا كلامك في مبالغة غريبة اوي مش عارف ليه...يعني مثلا انتي تبع جمعيات حقوق المرأءة وإن الراجل دا حيوان انوي غريب ولازم نموت الرجالة عشان المجتمع ينظف منهم؟؟
ولله الحمد مشفتش حد ماشي زي (الكلب) ورا حاجة من الحجات ديه...
يمكن احنا دلوقتي في سن النضوج وربنا انعم علينا بالالتزام (مش بنمسك سبحة بالنهار ونمشي ورا البنات بلليل ولا حاجة)....بس قبل كدا مكناش بنعمل اللي انتي بتقولي عليه دا خالص....
محسساني ان شباب مصر كلهم ذئاب بشرية بيجروا ورا شهواتهم

نيجي بقي للملايكه اللي هما البنات ...ولا بلاش نتكلم عنهم احسن
انزلي الشارع واتفرجي علي المهازل اللي بتحصل
اكيد البنت اللي ماشية في الشارع بالطريقة ديه مش بتكون حرانة وبس
وكفاية كدا

ملوش لزمة بقي السطر الاخير اللي بتعتزي فيه للفئة المحترمة اللي مش موجودة من الشباب



نعيب زماننا والعيب فينا
وما لزماننا عيب سوانا

safa7_karmooz said...

البوست ده فيه ظلم كبير للولاد ...ونظرة من جانب واحد بس

على كده البنات ملايكة

مش بتشوفى بيعملوا ايه دلوقتى

طيب!!!

طهقان said...

الشباب طهقاااان

خليه يفضفض


خلي الشعب يعيش

بس
على فكرة

التعميم لا يجوز في هذا الموضوع

ومش معقول طول ما انت ماشية في الشارع او قاعدة في البيت او بتدوري في موبايلات الشباب تلاقي البلاوي دي


الحيادية
التامة
بليييز

اسكندراني في الغربة said...

انا قريت البوست دة من اول يوم
و كان تعليقي مش حيختلف كتير عن الي قالة الرجالة الي علقوا
بس قولت اشوف الاول كام واحدة من المدونات حتوافقك الرأي
يعني قولت اشوف كام واحد حيعترض و كام واحدة حتوافق
شكلهم باعوكي و محدش وقف معاكي
هو اة يمكن يكون معاكي حق
و اكيد مش كل البنات بيعملوا زاي الشباب
بس المشكلة في التعميم
او يمكن احنا كدة مساحة حريتنا اكبر

3ashe2elro7 said...

أسمحيلى انتى بتطلبى من كل الشباب اللى رد عليكى الحيادية علشان شايفه انهم بيخالفوا رايك فماسكه فى الحيادية

بس اللى بطلبه منك انتى الحيادية

حضرتك ممكن تنزلى تتفرجى على وسط البلد

حضرتك بتقولى انهم نادرة اللى بيعملوا كده من الامثلة الللى انا قايلها
حضرتك الامثلة اللى انا قلتها دى من الواقع مش من نسج الخيال
وطالما حصلت لحد و لانه مش فريد عصره و اوانه او لانه رشدى اباظه يبقى بتحصل لغيره

انزلى الجامعه
على فكره الشباب مش بيعمل حاجه غير لما يتسمحلوا بيها
تحياتى

vetrinary said...

هههههههههههههههههههههه
ههههههههههههههههههههههههه
يعنى انتو بسم الله ما شاء الله
مبتخشوش على النت
ومبتتفرجوش على الدش
ومبيلاتكو عليها قران وادعيه
احنا هنمثل على بعض
عامه
الواحده منكو بخمسين جنيه
يعنى
لا هنتفرج على نت
ولا صور
احنا مبنبعش نفسنا
ولو احنا عاوزينكو
مفيش ارخص من اللحم الابيض
فى سوق العبيد

نفسنا said...

ندعوكم لزيارة العدد الثالث لمجلة نفسنا

بنت القمر said...

هاى ايمى معلش اتاخرت فى الرد عليكى لو ممكن تبعتى لى ايميلك تانى واوعدك بالرد بسرعهواهلا بيكى في مدونتى وانا كمان ضفت ليكى لينك عندى

بنت القمر said...

ايمى الخلوة نسيت اعلق ايه اللى خلاكى تدخلى عش الدبابير طبعا احنا السبب يا بنتى الستات اصل الغوايه انتى مش عارفه؟؟ ولا مش فاهمه؟؟ ليه لان ربنا خالقنا عندنا فتنه لكن الرجاله مخلوقين من غير عقل!! الحل ايه؟؟ طبعا نولع فى الستات عشان يقعدوا لوحدهم ويرتاحوا!!والحل هو الحبل قصدى الدبوس ارجعى لموضوعى عن التحرش ومتنسيش الدبوس ولو منفعش خليها مطوة!!!ا

Anonymous said...

no comment

karim el masry said...

no comment????????????????

ابن فطومة said...
This comment has been removed by a blog administrator.
Abdou Basha said...

معاكي حق هو الموضوع زاد
بس زاد من الطرفين
الولاد والبنات

Eman Eltaher said...

النورس:

يا أخ نورس لما ربنا هييجى يحاسب كل شاب انه تأمل واحدة ساعتها مش هينفه يرد يقوله : ما هيا اللى كانت لابسة كذا !!!! الاتنين هيتحاسبوا حضلرتك
و بعدين انت ترضى مثلا انه مراتك او اختك تبص لولد و تتأمله لمجرد انه لابس مايوه !!! ميتهيأليش

تحياتى
_________________________________

David Santos :

Thank you for your comment >> and i'm much thanful for your interest in Arabic..
Regards,

_________________________________

بيسوو :

على فكرة كان شئ غريب بالنسبالى انك متقفيش جنبى خصوصا انه انى كاتبة الموضوع ده أولا للبنات
دى فضايح يا بيسو لازم كل بنت تستنكرها و انا مش ظالماهم ف حاجة و الله
قوليلى يا بيسوو بيبقى شعورك ايه لما ولد يبص على جسمك ؟؟؟ طب بلاش دى !!! مجربتيش انه شاب سخيف يبسبسلك أو يصفرلك أو يتنح ف وشك و يتأملك ؟؟؟؟
الموضوع بقى زيادة و كان لازم أكتب عنه
مبقيتش عارفة ان كنت على حق و لا ده بقى شئ عادى و انا اللى مكبراها ؟؟؟؟

على فكرة يا بيسوو انا لا مقروصة و لا شايلة م الشباب و لا حاجة و كل اللى أعرفه منهم زمايل محترمين و بيحترمونى جدا رغم كل اللى بكتبه عن الشباب !!!و ده لانهم عارفين انه الكلام ده مش موجه ليهم لكن موجه لفئة معينة م الشباب و اذا حد أخد الكلام على نفسه فهو أدرى بنفسه

و الغرض الأول و الأخير م البوست كان انى أناقش قضية بتضايق كل بنت زى أى قضية اجتماعية

و انتى برضه وحشانى
تحياتى
_________________________________

egypt eyes :

مقصدش و الله بس اهو م اللى بنشوفه مش من نسج خيالى
و عموما عندك حق فيه بنات بايظة عن كده
_________________________________

الراقص مع الذئاب :

فى البداية انا بعتذر اذا كانت طريقتى ف عرض الموضوع مستفزة بعض الشئ بس يمكن ده كان بشئ عفوى مقصدتش بيه غير تجريح الشباب اللى بيعملوا كده

عموما احنا مش ملايكة و مفيش ملايكة ع الأرض و لا انا تبع جمعيات حقوق المرأة و لا ببص للرجال كانهم ذئاب بشرية !!!!! بس اسمحلى انى أقولك انه أشكال الانحطاط زادت ف مجتمعنا و تضايق أى انسان – بنت كانت أو راجل
و انا لما جيت و وصفت و قلت " زى الكلب " كان كلامى واضح وصريح انى بشتم كل اللى تسمحله نفسه انه يلهث ورا أى حاجة "نت أو غيره وغيره " و ماكانتش الشتيمة بتعم أى شاب !!! و اسفة اذا كان كلامى التانى فيه تعميم غير مقصود

و ان كنت شايف انه السطر الأخير - اللى بعتذر فيه للشباب الخارجة عن نطاق موضوعى - مالوش لازمة طب حضرتك تحب أكتب بداله ايه ؟؟؟؟؟ اذا ما اعتذرتش أبقى وقحة و اذا اعتذرت مش عاجب !!!!!!! و اذا مااتكلمتش خالص عن الموضوع امال انا عاملة المدونة ليه ؟؟؟؟؟؟؟ أنا عاملة المدونة ف الأساس عشان أناقش قضايا اجتماعية - بعد اذنك - و دى أسخم قضية بتقابلها أى بنت .. و انا بعتذر تانى
عموما
تحياتى

__________________________________

Safa7 Karmooz :

البوست ده موجه لفئة معينة و الفئة دى أنا مش ظالماها ف أى حال م الأحوال .. و البنات مش ملايكة و مفيش ملايكة ع الأرض

و على فكرة ربنا عالم انى قبل ما أكتب البوست ده حاطة ف دماغى انى لازم هكتب عن البنات برضه
فمفيش داعى تستحلفلى !!! و بلاش العينين الحمرا عشان بخاف !!!! هههههه
و اسفة ع التعميم الغير مقصود

تحياتى

Eman Eltaher said...

طهقان :

عشان أكون حيادية كان لازم أكتب عن البنات ف نفس البوست و ده طبعا مستحيل لكن أنا مخططة انى لازم هوجه كام كلمة للبنات اللى بجد هما سبب الاساءة لعامة البنات !!! عموما أنا اسفة ع التعميم الغير مقصود

اه خلى الشعب يعيش اه
ماشى ماشى أنا هروح أولع ف نفسى

تحياتى

_________________________________

اسكندرانى ف الغربة :

أنا برضه مستغربة جدا ازاى انا كاتبة الموضوع أساسا عشان البنات بسبب الضيق م الموضوع ده و ازاى مفيش واحدة فيهم معبرة أهلى !!!!!! أقولك حاجة .... مش كل البنات بتضايق م المعاكسة مثلا !!! بالعكس فيه بنات بتفرح لده !!!! و فيه بنات بتحارب عشان واحد يعاكسها !!! و مش كل البنات بتخاف على نفسها !! و مش كل البنات بتخاف على بعضها !!!! و الله بيختلف بقى

أنا آسفة لكل الشباب المحترمين و بعتذر ان كلامى كان قاسى بعض الشئ و اسفة ع التعميم الغير مقصود

تحياتى

__________________________________

3asheq Elro7 :

حاضر هبقى حيادية بس على فكرة أنا حيادية من الأول .. و مفيش داعى للعصبية
لو كنت تابعت مدونتى م الأول كنت لما قريت البوست بتاعى القديم اللى كنت بناقش فيه أهم العيوب اللى موجودة ف الرجالة تحت عنوان " هؤلاء لا يصلحون أزواجاً " و شوفت بعدها انى كتبت برضه ف عيوب البنات كنت عرفت انى ديمقراطية
يمكن انا ما قلتش ف البوست ده انى هكتب برضه عن البنات بس هو ده اللى كنت ناوية عليه

على فكرة انا أصلا ف جامعة .. أو مش ف جامعة بالمعنى الشامل .. أكاديمية السادات و طبعا تتخيل كم البوظان اللى بيبقوا فيه رغم اننا أحسن من غيرنا بكتير و بشوف اللى انت بتقول عليه و عارفة كويس ده ... بس ده مش معناه انى مكتبش للشباب عشان فيه بنات كده برضه !!!! و الكلام مش موجه غير لفئة معينة بعيدة عنك
و أنا آسفة تانى ع البوست بتاعى
تحياتى

_________________________________

Veterinary :

أنا لما اعتذرت لكل شاب متدين و محترم عشان مياخدش الاساءة ليه على سبيل التعميم ما كانش علشان آخد أنا الاساءة !!!!! و انا مابمثلش على حد و موبايلى لا عليه قرآن و لا أدعية لكن على الأقل معليهوش بلاوى اياها !! حضرتك الواحدة اللى بخمسين جنيه دى بنت شوارع

و كون انه شاب يقبل ده على نفسه فكل واحد أدرى بأخلاقه

__________________________________

مجلة نفسنا :

ان شاء الله هاخلص من ام البوست ده و اجيلكم !!

Eman Eltaher said...

بنت القمر :

هههههههههه
انتى زى العسل بجد خرجتينى من المود المهبب اللى حطونى فيه

يا بنتى أنا مش عارفة داخلين فيا يمين و شمال و عمالين يقولوا ما فيه بنات كذا و كذا !!! طب ما أنا عارفة و ناوية أكتب عليهم كمان بس ده مش موضوعنا !!!! أنا مشفتش كده !! بيحوروا تحوير !!! يمكن أكون أنا أصلا دخلت فيهم شمال بس و الله انتى عارفة القرف زاد عن حده بطريقة غبية
هيا فعلا المطوة فكرة حلوة
هههههههههههه

تحياتى ليكى

__________________________________

Karim Elmasry :

ابدى رأيك يا كريم حتى لو هتنتقدنى مهياش مشكلة .. عموما أنا آسفة ان كلامى ف البوست كان جارح
و اسفة ع التعميم الغير مقصود

تحياتى
__________________________________

ابن فطومة :

عندك حق و لو انى معرفش مين عم شقير ده ؟؟؟؟ و انتوا أحسن منا ف ايه ؟؟؟؟؟
ياللا مش مشكلة
تحياتى

__________________________________

Abdou Basha :

الحمد لله شكلى هزغرد !!!! أخييييرا ناس بتوافقنى الرأى !!!! و فعلا البنات برضه مش الولاد بس

تحياتى

Anonymous said...

مش عارف اهنيكى ولا اقولك انى مكنتش متوقع منك موضوع زى ده لان البنات بتعمل اوحش من كده وصدقينى يا ايمان فى بنات بتعمل كده واكتر والله الولاد اكتر احتراما من البنات والبنت لو محترمه تلبس كويس بس البنت من دول تلبس ديق وتقول بتعاكس مهوه لو ابوها كان رباها من لاول مكنتش اتعكست والبنت الكويسه تلبس خمار سعتها اتحداكى لو حد عكسها والمره التنيه تبقى تكتبى فضيح البنات كمان بليز

هشااااااااااااااااااااااام
موضوع غريب اوى

فى القلب said...

أيمان
أنا عارفه أن أدبك الجام وحسن تربتك
هى ألى دفعتك تشوفى السلبيات بمنظار مكبر
وأنا متأكده
أن أنتى عندك حسن نيه وأصدك تغيرى من ألى أنتى شيفاه
مع أننى أنتمى ألى علم النساء
أنا مؤمنه أن الدنمو الحقيقى وراء الخير او الشر هى النساء
أرجو البوست القادم لا يقل سخريه من سابقه ويكون عن كهف النساء

bos bos said...

خلاص أنا جيت أيه كل الكلام ده
ومش عارفة لية الناس سابت الموضوع وبتعلق على طريقة كتابة الموضوع ومش عارفة ايه
معلش بقى أسمحولى زمان كان الشباب بيعاكس الواحدة اللى ماشية مش محترمة ولبسها مش محترم وهكذا لكن الأيام دى والله العظيم وأنا هتحاسب على الحلفان ده بقوا بيعكسوا كمان البنات اللى ماشية محترمة ولابسة محترم وماشية فى حالها
وطبعا مش كل الولاد كده بس كتير منهم وخصوصا النظرات اللى الواحدة بتحس أنها سهم دخل فيها
ومن ناحية البنات اللى بقت بتعاكس الشباب أحنا ما بنقولش أن كل البنات كويسة بس معلش لو بصيت عدد البنات دول مش هايطلعوا ربع البنات الموجودة فى حياتنا يبقى كده مين بقى مظلوم أنا عن نفسى والله بقيت بمشى وأنا خايفة فى الشارع وبكون بالنهار كمان من كتر المهازل اللى بتحصل
ياريت نكون واقعيين وبلاش نرفزة
فيه أزمة حقيقية فى مجتمعنا ومحدش يقدر ينكر ده ولازم كلنا نعترف بده

دكتور مستكنيص said...

علي رأي المثل
هه

النورس said...

الاخت/ايمان
اسلوبك فى الرد مش حلو "ايه لزوم حكاية اختك او مراتك دى" دى مش طريقة نقاش
ثم انى لا ابرر عدم غض البصر باللبس العريان ولكنى كنت اتمنى ان تشيرى لهذا الموضوع حتى يكتمل موضوعك ويصبح مغطيا لكل جوانب الحرام فيه
شكرا

smraa alnil said...

ايه يا سيتي بس
سلخة العيال كدة ليه
براحة عليخم شوية
الناس برضه بعذورة ا ايمان
هيعملوا ايه يعني

وبيني وبينك برضه البننات فلت عيارها
يعني مش الشباب بس


براحة علي الرجاله مش كدة :))

صاحب البوابــة said...

اضخكتيني للغاية

بطريقتك الساخرة في السرد

:)

مدونة جميلة وتدوينة اجمل

تحياتي

اسكندراني اوي said...

انتي فين
محدش بيشوفك ولا سامعين عنك اخبار
طمنينا عليكي

بيسوو said...

بصي يا ايمي انا مش بنكر ان في شوية شباب يستاهلوا الدبح والاعدام ضربا بالقباقيب
انا بس كان كل كلامي اني مش عايزاكي تعممي الحكم ده على كل الشباب لان اكيد ده فيه ظلم
طب ماهو زي ما انتي شايفة في شباب بيقولوا ان البنات هما الي بيعاكسوا وانهم فاقوا الولاد في الموضوع ده..برضو الكلام ده صح بس مش الكل انا عن نفسي لما بسمع كدة بصيغة التعميم بحس بظلم لاني بحس ان بعض الكلام موجه ليا انا شخصيا..مهو انا من البنات الي الكلام عليهم..مفيش اي مجتمع بيكون موصوف بصفة واحدة ابدا..الحياة فيها وفيها في كويس وفي نص نص وفي نيلة خالص

بعدين انا مكنش قصدي انك مقروصة لاسمح..ومين ده اصلا الي يقدر يقرصك وانا على وش الدنيا..انا كان قصدي انك اكيد شفتي حاجة قدامك هي الي خلتك تكتبي الكلام ده

صدقيني يا ايمي انا واقفة جنبك بس انتي مش شايفاني كويس..بصي كدة انا الطويلة الي هناك

وحشاني كتييييير

sendbad said...

جيت اشوف في جديد ولا لاء

أمل said...

بجد معاكى حق بقت حاجة تقرف وصدقينى أى شاب بشوف فى عينيه الصة دى ما بقدرش أتخيل غير أنه مجرد حيوان
ربنا يرحمنا ويعينا

فى القلب said...

أيه يا امى
هما الشباب عملو فيكى أيه
متشمتيش حد فينا
فييييين الجديد يا قمر

الخيط الرفيع said...

ازيك يا ايمي
براحه علي الولاد شويه ايه التقطيع دا
يا بنتي والله فيهم ناس كويسه وولاد حلال
وبعدين الوحشين اللي بيعملوا اللي قولتيه دا مشكلتهم في الاصل ام يعني ست ما عرفتش تربي
ولو في حد فيهم بيعرف يتنطط علينا في الشوارع بكلمه فانتي ممكن بنص كلمه وتون صوت تخليه يحتقر نفسه

بس حلو انك تكتبي التصرفات البايخه كنوع من تعريه المجتمع امام نفسه

لان الخطأ خطأ المجتمع كله مش جنس بعينه

david santos said...

A good and happy week for my friend

الطائر الحزين said...

السلام عليكم

طبعا ما تفضلتى بقولة يحدث ولا احد ينكر هذا
لكن اضافة كلمات الشيوخ والملتحين واللى ماسكين سبحة هذا لا يجوز
اولا لسببين
1- اولا انهم بشر مثل اى بشر لهم قلوب و اعين لكن طبعا لهم وضع اخر غير باقى البشر تم وضعهم به بحكم التزامهم يبقى اكيد ما ينظرون اليه استفزهم على اقل تقدير
2-المفترض فى الانسان ان يكون ملتزم هل لو كل الناس اصبحت ملتزمة ستنتهى المعاصى المعاصى تاتى على قدر الإيمان و تأرجحة بين الزيادة والنقصان

تحياتى

sendbad said...

فين الجديد

Eman Eltaher said...

صاحب الكومنت اللى مسحته :

كلامك مفيهوش حاجة خارجة بس بجد مدونتك سافلة على أقل تقدير و سورى انى مقدرش أحتفظ بلينك عليها

___________________________________

هشام :

يا استاذ هشام كون ان البنت تتعاكس ده مالوش أى علاقة بكونها اتربت او متربتش!!!! و العكس صحيح الولد اللى يعاكس فده أكيد مترباش على أى قيم او أى مبادئ !!! فبينعكس ده على احترامه لنفسه و احترامه لغيره ... و الله أعلم بس بجد كلامك مش منطقى لانه أنا بشوف شباب بتتحول حتى على المنقبات !!!! على أساس انه الممنوع مرغوب
و حاضر هبقى أكتب عن البنات زى ما وعدت
تحياتى ليك

_________________________________

فى القلب :

أنا متشكرة بجد على كلامك اللى بجد مش عارفة أشكرك عليه ازاى و فعلا ربنا يعلم انه كل قصدى انى أغير من تفكير بعض الناس سواء شباب او بنات و ربنا يعلم انى لما كتبت الموضوع ده ماكانش قصدى غير انى أتبع اسلوب تعرية المجتمع قدام نفسه عشان أحسسهم بحقارة كل اللى بيعمل كده

شكرا ليكى و يارب تتابعينى بعد كده علطول و ان شاء الله هنزل الموضوع بتاع البنات بكره

تحياتى ليكى

___________________________________

BosBos :

بجد انا مش عارفة أشكرك ازاى لوقوفك جنبى و بجد انا فرحت جدا انى فيه بنات بتوافقنى الرأى و مش انا بس اللى رأيها كده
فعلا يا بيسوو انا بقيت و الله بخاف من ظلى

يارب تبقى تتابعينى علطول بقى
تحياتى ليكى

__________________________________

دكتور مستكنيص :

أنهو مثل طيب و انا أجاوبك !!!

__________________________________

النورس :

أنا آسفة أولا اذا كان اسلوبى ف الرد مش حلو بس انت مش عارف زملائك قبلك كانوا بيتكلموا ازاى و انا آسفة تانى بس انا فهمت كلامك انه تبرير للى بيبصوا بانه البنات هيا لبسها كده و ده كان سوء فهم منى و بعتذر عنه يا أخ نورس

تحياتى

__________________________________

سمراء النيل :

يا سيتى و الله انا ما أقصد انى أسلخهم و لا حاجة
!!!!!!! أنا قصدت أشويهم بس
ايه يا انجى انتى مش مضايقك اللى بيحصل ده ؟؟؟؟؟ ده انا هولع يا بنتى
عموما هو عندك حق انه فيه بنات كتير فلت عيارها و انا مش هعتقهم باذن واحد أحد

تحياتى

Eman Eltaher said...

صاحب البوابة :

بشكرك جدا على كلامك ده و بجد دى مجاملة جميلة و أتمنى كل مواضيعى تعجب الكل

تحياتى ليك

__________________________________

اسكندرانى أوى :

أنا موجودة بس اتأخرت على المدونة كتير عشان ظروف التخرج و كده و الحمد لله بنوركم تانى !!! هههههه

تحياتى ليك

__________________________________

بيسوو :

حبيبتى بيسوو بجد انا مش عارفة أقول ايه لانك بجد أحرجتينى بكلامك و بتفهمك ... انا اسفة انى فهمت كلامك غلط و اسفة تانى لانى كنت مستنية اى بنت تقف جنبى و تستنكر ده و كنتى انتى أول بنت تعلق فكنت متضايقة اوى

عموما حصل خير و بجد انا بعتذر تانى ليكى يا بيسوو و أتمنى انك تتفهمى نرفزتى و كلامى الناشف ف الرد على الكومنتات لانى بجد اترد عليا وحش أوى

ياللا الحمد لله على كل شئ و لسه ربنا يستر

تحياتى ليكى يا أعز صديقة ليا على المدونة

_________________________________

Sendbad :

بجد انا اسفة على التأخير و ان شاء الله البوست الجديد هنزله بكره وبجد شكرا ليك على متابعتك و لمرورك الكريم

تحياتى

__________________________________

أمل :

فعلا ربنا يرحمنا و يعينا و انا ززيك لما بشوف حد كده بحس انه مش أكتر من حيوان عايز الحرق

تحياتى ليكى

___________________________________

فى القلب :

فششششششششششششرررررررررررررررر

أنا مقدرش أخلى الولاد يشمتوا فينا أبدا
أنا جيييييييييييت نورت البيت و بجد انا سعيدة جدا بسؤالك عنى

و يارب نكون أصحاب من دلوقتى

_________________________________-

الخيط الرفيع :

انا مقطعهاهم حتت !!! و اله الفكرة فعلا زى ما قلتى انى كنت قاصدة مبدأ تعرية المجتمع قدام نفسه كوسيلة لتحقيرهم وانى أحسسهم بدناءتهم

ايه الكلام الكبير ده ؟؟؟

أنا كده هيجيبونى من قفايا تانى !!!! فشر أنا قدها و قدود

تحياتى ليكى

_________________________________

David Santos :

Thank you david for visiting me and nice weekend for you too ...
Regards,

__________________________________

الطائر الحزين :

انا آسفة اولا بس انا قصدت اذكر كلمة الملتحين و اللى ماسكين سبحة لانهم لما يصدر منهم حاجات زى دى بجد بيسيئوا للدين كله لانهم قدوة لغيرهم و بقى فيه نفاق زيادة عن اللزوم و اسمحلى أقولك انى كاتبة ده مخصوص لانى عارفة انه فيه ناس هتقرا و تعرف نفسها
و الله أعلم
تحياتى

_________________________________

Sendbad :

انا هحطه خلاص و يارب يعجبكم و بجد شكراااااااااااا على متابعتك و مرورك الكريم
تحياتى

sendbad said...

حبيت اشكرك علي زيارتك زاقولك اني مستني البوست الجديد واقولك ان في بوست عندي لسه منزله وانا اللي كاتبه
ده كلامي وكل اللي بكتبه
بنات افكاري

david santos said...

It is well, yours blog is the first one in the African Continent inside of my favourites person or thing, underneath of the accountants.
Congratulations.

David Santos

نفسنا said...

ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com

Eman Eltaher said...

Sendbad :

بجد كلماتك جميلة يا سندباد اللى بتكتبها ف مدونتك و بحييك على قلمك
و ربنا يديمه
تحياتى

_________________________________

David Santos :

Welcome David and you are always welcome.. Thank you David so much for your words and i'm much thankful for your interest in Arabic .. Indeed, your blog is the only foreign blog I read .. What a wonderful !!.. Go Ahead David
God bless you
Regards,

___________________________________

مجلة نفسنا :

ان شاء ترقبوا زيارتى عن قريب
تحياتى لمجهودكم الرائع

other_things said...

الله ينور ..لا بجد تسلمي

Eman Eltaher said...

other Things :

أتمنى متكونش بتتريق
تحياتى

أحمد العربي said...

طبعا انا جاي متاخر
بس الظروف والله اوي مني يا ايمان
///////////////
مش عارف لية مصممة تدخليني في حروب مستمرةمع تدويناتك
ههههههههههههه
بس بجد التدوينة دي اخترقت حدود المعتاد
يعني بالبلدي جابت من الاخر
للاسف يا ايمان المشكلة دي مش مشكلة فئة معينة من الشباب المشكلة دي مشكلة بلد بحالها
مشكلة نظام
انا قبل كدة كتب موضوع بيشابة كلامك حملت النظام وحكوماتة السبب
النظام طلع ذكي في انة يجعل همام الشبباب حاجات تافهة
من افلام ... الي برامج ... الي صور...
وبيييييييس يا مان
انتي كل اللي قولتية دي صح 100%وعلي الرغم من انك انسة يعني مش قريبة من الشباب وعمايلهم زي واحدزيي
بس كفاية انك عارفة لحد كدة لحسن الباقي مش هايعجب حد اكيد
وحسبنا الله ونعم الوكيل

Eman Eltaher said...

بجد يا احمد اولا منور المدونة بعد طول غيااااااااااااااب
بخصوص الموضوع انا بجد اتبدلت فيه بمعنى الكلمة من تعليقات زمايلك
مع انى كاتباه اولا و اخيرا بغرض برئ انى انبه الناس و احاول أصلح تفكيرهم البايظ شوية
ال يعنى صوتى هيوصل هههههه
هو المشكلة مش عارفة فين
ف الحكومة و لا ف الناس نفسها و لا ف مصر و لا ف المجتمع كله و لا فيا انا عشان مكبرة الموضوع !!!!! و الموضوع بيكون صغير للبعض

عموما فعلا حسبى الله و نعم الوكيل هيا أفضل كلمة ممكن الواحد يختم بيها ف الموضوع ده
تحياتى ليك

not like eny other said...

احلى حاجه ان كل شاب داخل يقول مالبنات كمان بتعمل

وكان ده مبرر صريح وسبب مقنع

ده غلط وده غلط ايه بئى البنات بتعمل ولا مبتعملش ولا الشباب مهو غلط اساسا ..

انا عارف ان ذكائى محدود ومش هاقدر استوعب طريقة تفكير الشباب المصرى السوابير مان كلهم
ـــــــــــــــــــــــــــــــ

ايمان : المدونه حلوه اوى وبجد ممتعه واوعى تكونى دلويه

هيبئى عاااار عالدلويين

Eman Eltaher said...

not like anyother :

أنا بجد سعيدة انه فيه شاب بتقف مع الموضوع و مش بتكابر و خلاص
جميل اننا نعترف انه فيه من نوعنا الل بيعملوا كده
كده نبقى بنقول للناس اننا مش زيهم
و نكون فعلا مش زيهم أكيد

انا برج الحمل
مفهمتش العار ده معناه ايه ؟؟؟
عموما على أى حال شكرا لزيارتك و و قوفك حنب الموضوع

تحياتى

Ahmed Elsabbagh said...

بصراحة بقى يا ايمان
انا كنت مستاء من البوست بتاعك قيراط
دلوقت مستاء من ردودك على التعليقات اربعة وعشرين قيراط
والمرة اللى فاتت سيبتك عشان انتى فى وسط اهلك وناسك دلوقت انا جبت اهلى وناسى وجيت
انتى كدة وقفتى فى منطقة غلط وبتقولى واحد محترم قدامة عشرة مش محترمين
صدقينى بقى لو كلامك صح
يبقى البنات بقى واحدة محترمة قدامة الف وخمسميت مليون واحدة مش محترمة
البنات معظمهم بقم سلع رخيصة
وبيدور على اللبس اللى يعرض جسمهم كويس عشان الزباين تتفرج
ادخلى كدة على الفيس بوك وتاجد والحاجات دى واتفرجى وملى عينك
وشوفى البنات اللى عارضة صورهم فى البيوت بلبس عريان
تفتكرى هما عاملين كدة ليه ؟؟؟
انزلى الجامعة ووسط البلد وجامعة الدول العربية والهرم
وانتى تشوفى يا اختى البنات المؤدبة اللى بتتكلمى عليهم
الرجالة والشباب اللى انتى بتقولى عليهم دول مش محترمين دول كادحين متبهدلين
يا ما فى الشغل يا اما بيدورو على شغل
انما البنات كادحات فى البحث عن الموضات العريانة وازاى تجذب الولد ليها وازاى تبقى اخر روشنة
بصراحة حاجة اخر قلة ادب
لكن طبعا احقاقا للحق انا قابلت فى حياتى بنات نادرة اقل كلام نقولة عليهم انهم من المتدينات قولا وفعلاوعملا
طبعا انتى ممكن ما تقتنعيش بالكلام ده كله ولسه هتقولى ان البنات مؤدبة عن الرجال
طب هفكرك بحاجة ما اظنش ابدا انك تقدرى تعترضى عليها
الرسول عليه الصلاه والسلام قال انه عرف ان اغلب اهل النار من النساء
ها
تفتكرى ليه
سلام يا عزيزتى

Eman Eltaher said...

أحمد الصباغ:

على فكرة مين قال انى مش معاك ف اللى قلته ؟؟؟ زى ما فيه نماذج فساد ف الشباب فيه زيها من البنات و عموما متفرقش النسبة
انا كنت بتكلم عن النسبة بخصوص الموضوع اللى كاتباه مش بخصوص التعميم ف كل الفساد
يعنى مثلا الفرجة تلاقى الشاب أكتر و نادرا لما تلاقى بنت حاطة صورة ولاد ف موبايلها !!!!! و هكذا ..و انا عشان اريح الجميع كتبت عن البنات برضه عن الفساد اللى مختصين فيه !!!!اللبس و .. و .. فده موضوع و التانى موضوع تانى
الأول كان بيخص أشكال الفساد ف الشباب من ناحية و التانى كان بيخص أشكال الفساد ف البنات من ناحية تانية خالص
و طبعا الحديث بتاع الرسول ده صحيح و ياريت لو تكمل بقيته ساعة لما سألته واحدة ليه احنا أكتر أهل النار ..." تكفرون العشير و ... " الى آخره عشان مش حافظاه

على أى حال أتمنى انك متكونش متضايق من بوستاتى بعد كده و لو نص قيراط

تحياتى

Dr.Diamond86 said...

بجد ليكى حق ف كل اللى قلتيه
وبعدين كل الانتقاد ده لكلامك والكلام عن التعميم
انا على حسب ما قريت البوست انك ذكرتى فيه انك مبتتعمميش
وبعدين فعلا الموضوع ملوش علاقه والله باللبس ولا اى حاجة
كل البنات بتتعاكس والله البنات اللى عنهم 9 و 10 سنين بيتعاكسوا
والغيبه ان مش بس الشباب بيعاكسوا والله رجاله يمكن قد ابويا و والله ساعات قد جدى
سبحان الله
والمصيبه الوقتى مش بس ف الشباب بقت كمان ف الاطفال والله انا باسمع كلام من اطفال ميتعداش سنهم 12 سنه, كلام اقل ما يقال عنه انه سافل وفاضح
الله يخرب بيت التليفزيون والكليبات والقرف اللى عليها اللى خلى البنات عبارة عن سلعه رخيصه
ومحدش مننا بجد بردة هيهرب م المسؤليه بجد والله ربنا يعين الشباب ع اللى بيشوفوه
التدين والالتزام بجد الوقتى بقى اصعب شئ ف الدنيا للشباب وللبنات والله
ربنا يهدينا يا رب

Eman Eltaher said...

Dr.Diamond:

مبسوطة و الله انك اهتميتى بالتعليق و الوقوف جنبى ف الموضوع رغم انه فات عليه مدة بس بجد انا فرحانة باضافتك و الحمد لله انا أخدت دش ساااااااااااقع و ف نفس الوقت ده مامنعنيش انى برضه اتكلم عنهم و الومهم زى الموضوع الأخير بتاع فنون التثبيت

يارب أشوفك دايما ف مدونتى

تحياتى ليكى

Mahmoud25x said...

عدد البنات المحجبات ( خدى بالك من محجبات دى ) اللى بيشربوا سجاير فى الشغل بتاعى اكتر من عدد الشباب اللى بيشربوا فى كل الشركة :)
اظن المشكلة فى المجتمع مش بس فى الولد

shady said...

انا الموضوع عجبنى جدا جدا جدا بس انا مش هسيب كومنت على الموضوع انا هسيب كومنت على ايمان عشان لو سبت تعليق هبقى زى اى حد ساب تعليق وكل اللى ساب تعليق سابه على حاجه مش مهمه اوى عشان فى اهم وهى ايمان اوعى تفتكرى انى بعاكسك ههههههه انا بقول رائى فيكى انتى بجد انسانه مش ممكن مقبلتش حد بالشخصيه دى انتى لوحدك نكتب فيكى طول عمرنا وعلى فكره اكيد اللى بيزورو الموقع فيهم بتوع الرسايل الحمرا وفيهم الكويس بس عمر محد كويس هيقول اللى هو بيعمله وحش عشان كده مفيش مواجهه ولا فى حاجه هتتغير انما انت قول على نفسك كل حاجه وانا اول واحد هقول اهو انا عن نفسى بضعف قدام البنات بالذات اللى عندهم احساس وتذوق بحبهم جدا وبحب السجاير اكتر من اى حاجه مقدرش اعيش منغيرها بس حبيتها عشان مفيش حاجه تانيه احبها نفسى فحاجات كتير احققها اكتر حلم كان نفسى فيه متحققش ولاسف ده كان الحلم الرئيسى اللى هبنى عليه باقى احلامى يعنى هرجع من الصفر تانى وانا معنديش استعداد كل اللى بتمناه ان ربنا يوعدنى ببنت صالحه زى ايمان كده هى اللى تغير فكرى وحياتى وعلى فكره الحب مش طوبه دهب وطوبه فضه زى مانتو فاهمين والله فى كلام متير بجد مش عارف اقولو ازاى لان معظمه يتحس من حد بيحس مش يتفهم واخشى ان اقول تلك الكلمات حتى لا تحسبوننى اقصد او اسعى الى هدف معين بس كفايه كده انا حاسس انى بقالى كتير بتكلم

Eman Eltaher said...

Mahmoud :

انا مندهشة بجد بس انت عندك حق .. المشكلة مش فى البنات و لا الأولاد المشكلة فعلا فى المجتمع هو اللى اصبح فاسد يجد بكل ما فيه و بقى الفاسد فيه هو الواضح و الظاهر و الناجح و اللى عليه الأنظار و أصبح الانسان الخام النقى فيه جوهرة متتعوضش .. ربنا يهدينا جميعا و يهدى جميع الناس
وشكرا لمرورك

___________________________________

Shady :

أولا انا بشكرك لمرورك و تعليقك و كرمك الزائد دة بس من ذوقك والله
ثانيا انت قلت الصح
"عمر محد كويس هيقول اللى هو بيعمله وحش عشان كده مفيش مواجهه ولا فى حاجه هتتغير "
لو كل بنى آدم حاسب نفسه الأول قبل ما نتحاسب ماكنش بقى فيه فساد
دة مش معناه انى كإنسان مبيغلطش بس على الأقل بنعترف بغلطنا مننكروش عشان نتصلح و نغير من نفسنا
دة لو كنا بنأمل فى حياة أفضل و مجتمع أنقى
حلم مش سهل تحقيقه عشان لا انا و لا غيرى صوتنا هيوصل لكل المجتمع
ربنا كريم
يحفظنا بنوره وبهداه

ثالثا احب انصحك انه متبنيش صورة كبيرة لحلك واحد صغير
بيقولوا : لا تضع البيض فى سلة واحدة
عشان لو بيضة اتكسرت او لو وقعوا كله هيتكسر

ربنا يحقق أحلامك بإذن الله
وإيانا :))

شكلى طولت أنا كمان
:)