♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Friday

الحب يصنع المعجزات

اتباعاً لمبدأ " يا دار ما دخلك شر " !!!! و اتفاقاً مع الحكمة الشهيرة "إيه اللى هينوبك من الفسدق اذا أكلته مع القرنبيط؟" !!!!!! وتفاؤلاً بازدياد أعداد المهووسين بالحب وعدد حالات الانتحار !!!! مرورا بقضايا القتل !!!! وحالات الشيب المبكر !!!! واعترافاً منى " أن الحب حق.. كما الموت " !!!!!! – قررت أنا – (الجنس اللطيف )– أن أقدم لكم وجبة اليوم : كيف تدركين انك طبيتى و لاحدش سمّ عليكى !!!! ؟؟؟؟؟؟
الترجمة إلى العربية : تعرفى منين انك اتلسعتى واتخبطتى ف نفوخك !!!!! ؟؟؟؟؟؟

طبعا بسيطة !! مفيش أسهل من كده !! ؟
أولاً قبل كل حاجة : يرجى قياس ضغط الدم!!! (لو لقيتيه عالى تبقى أكيد بتحبى) !!!!؟
ثانيا : يرجى عمل التحاليل والأشعات للإطمئنان على خلو "الهارت" من أى مشاعر ضارة بالصحة !!!!!؟
ثالثاً : يرجى التأكد من سلامة العينين و خلوهما من أى "عمش" رومانتيكى !!!!! ؟

رابعاًَ : يرجى الإنتباه التام لأى محاولات "تظبيط" والحفاظ على الأعصاب هادئة متماسكة مع أى انبعاث لكلمة معسولة !!! تفهماً للموقف المشروح من جانب "حماقى" : "أنا جايلك وناويها .. باظبط " !!!!!!!! هئ هئ هئ

خامساً بقى و تخميساً ف عيون اللى ميصليش على النبى !!! – صلوا عليه (إياكوا تطنشوا)- : إيمان جات جات و هتسوى الهوايل !!!! (فين الورد ؟؟ فين الزغاريت ؟؟؟) – أشعات إيه وتحاليل ليه؟ أمال أنا لازمتى إيه ؟؟؟؟؟؟؟؟؟؟

ملحوظة لابد منها: الحب فيه سمٌ قاتل !!!!! وحب فؤادة لعتريس باطل !!! حبه ستين بُرص!!!! – هو ده يتحب أصلا

* حكمة اليوم : (يُرجى الإستنضاف شوية)!!!!!! ايء واء

احم .. احم .. إستعنا على الشقا بالله

س : يعنى إيه حب ؟؟؟

ج : مصطلح نمرووود !!!! يعبر عن شعور كيميائى يسيطر ع المخيخ و يعمى البصيرة (اذا ماكنتش حولة أساسا من البداية ) !!!! يدشدش الدولاب الحاجز مما يؤدى إلى وصف شعور بعض المحبين بأنه : افففف ... هايخرج من هدومه !!! يدمر الخلايا العصبية و يمزق الأوردة المخية ( توافقاً مع النظرية العلمية : اللى بيحب بيتهبل!!! ) و كل ده علشان الكلب اللى جوه !!!! آآآآ .. أقصد القلب اللى معشش جوه حضرتك .. آل عايز يحب !!!!!! لا يا كلبى لااااااااا

ومن هذا المنطلق .. فلقد استطعت بقدرتى المهولة و اكتشافاتى العبقرية أن أحطم خلاياى الحسية ( لمدة بوست كامل!!!! ) وأن أتناسى أفلامنا المصرية (عشان هيا أصلا أفلام !!!! ) وأن أنسى المأثورة الشهيرة : "اخطفنى تحت المطر .. و جيبلى آيس كريييييييم " !!!!! " وشايفة القمر يا ليلى ؟ لأ استنى ألبس النضارة !!!!! الخ الخ من الجمل المحفورة اللى بتحرك المشاعر .. و تقلب المعدة !!!! ايييييئ

و لهذا وإذاً و ربما !!.. قد توصلت لأعراض الحب بالدخول فى محرابه و دراسة الكثير من المرضى – المساكين - المصابين به !!!! ... برجاء التكرم بقراءة الآتى ثم المقارنة بحالتك الشخصية – (قبل ما تتدهور يعنى) !!!!! ء

ثوااااااانى .. متنسوش حباية الضغط !!!!! (أنا "أنفض" يدى من أى مسئولية !!) طرااااااخ

أن .. أن .. آآآآآآآن !!!!! إليكم اللستة الشقية لأعراض الحب المفترية !!!

(1)
وجع قلب توماتيكى

بداية العرض حينما يندلع الشعور فجأة - و بدون أى زمارة !!!! فينقبض القلب وتُسمع دقاته بوضوح : تك توك تك توك طاااااااااخ بوم !!! خصوصاً عند رؤية المحبوب والنظر إلى عينيه بشرود فينطلق : شُعاااااااااااااااااااااااااع !!!!!!!!!! ثم يتسرب الأمل السارح الجامح فى الشرايين !!!! يمتصه الدم و ينقله إلى الحواس،،،، فتزداد حاسة الإبصار لتبصر كل ماهو جميل به - و تركن "الحمضان" على جمب!!!!! و تزداد حاسة السمع لتنصت لكل ماهو دافئ من فم الحبيب – مع الطناش الكامل للقاذورات الشفهية و أشباه العك!!!!! و تزداد حاسة الكلام لتنطلق أجمل الكلمات (المحفوظة طبعا بالنص!!!!) و تزداد حاسة الشم لينبعث مزيج العرق و الشرابات المخللة كأنقى عبير يخترق أنوف المحبين !!!! ثم تزداد حاسة اللمس فتنطلق شرارة كهرومغناطيسية فى الأيادى تشتاق لكل ما يحمله المحبوب (حتى لو كان منديل مقطع ماسح بيه عرقه !!! ) أياااااااااه

(2)
وجع دماغ هيستيرى

وده طبعا من كتر الوَش و الوسواس الخناس !! – شوشو الله يحرقه !!!! - يزداد الوجع و يتوغل و ينتشر زى الصراصير!!!! ثم يتضاعف ليتحول إلى صداع مزمن تنطلق معه كل أشكال الزهايمر و السرحان و التوهان و التناحة !!!!!
(3)
إحتقان فى الزور

نتيجة الكلام عمال على بطال فتختنق الحنجرة و ينكسر البلعوم فيصرخ اللسان لا إراديا : آآآآه يا زورى !!!! آآآآه و نص !! كان يوم اسود
(4)
ألم فى المعدة

و ده طبعا نتيجة السموم المنبعثة من فم الحبيب !!! ليستقر السم بالداخل و يُغشى على الأمل فى الحال !!! (كباية مية !! كباية مية يا غجررر !!!) عااااااااااااا

(5)

إلتهاب فى الأعصاب

يبدأ العرض بإحساس بالتنفيض يليه تعكر فى الدم و تشنج فى الأعصاب ثم يتوالى القرف!!! و تزداد الفجوة لتصبح "حرقة دم" - اقتناعا كاملا بمدى صحة أغنية تامر حسنى)!!!! يعقبه جنون بقر مخيخى قد ينتهى أحيانا بقتل أحد الأطراف !!!!! نياااااااااا


و أخيراً .. (وليس آخراً) يُفهم المقصود من البيت العريق : حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!! ثم يتولد الإحساس "بالزمبة" !!!! وإنه أخد "بمبة" !!!!! – الترجمة :مقلب – ربما ممكن محتمل .. تكون فيه أعراض أكترررررررر

ههههههههههه لوووووووول # صدقتوا ولا إيه ؟؟؟؟؟؟؟؟؟؟؟؟؟

أتكلم جد بقى؟؟؟ .. ياااااه حاضر حاضر !!! خلاص نزلوا ايديكم هقول هقول !!!!! يا كماحة متهيألى الحب شئ جميل للى يستحقه و يقدّره وللى يختار صح ... أنا كنت بهرج كالعادة !!!!! عشان انا زى ما انا عمرى ما هاتغير

وحشتونى بجد

إيمان

121 comments:

ِِAdem El-Mahdy said...

ربنا يعافينا و يشفينا منه

امين

мσнη∂ιš said...

ههههه يخرب بيت عقلك
أنا لقيت نفسي بحب بجد
ا نتي كمان وحشتينا يا بت

كلام على بلاطة said...

كل عام وانت بخير

romansy said...

ايه التحاليل دى كلها
الصراحه بقى انتى مش فاهمه الحب كويس
الحب هو الود والحنيه
عمره ماكان حيره ودموع وقسيه
الحب هو اللى بامره هوايتك وامره لا بايدك ولا بايديه
شوفتى بقى المعانى الجميله دى
بشكرك على موضوعك

goodman said...

انا محتاج درس خصوصى علشان افهم الكورس دة

هانى زينهم said...

البوست دمه خفيف بس الحب بالشكل ده صعب قوى واجمل حاجة عجبتنى فى البوست اخر سطرين لان الحب فعلا هو اجمل معانى الحياة تقبلى مرورى وتحياتى

فى القلب said...

أولاً وحشتينى جدا جدا

ومين قال أن ده تهريج دى حقيقه واقعيه ميه لميه
أنتى أتكلمتى فى الصميم كالعاده
متتأخريش علينا وكل سنه وأنتى طيبه

Anonymous said...

انتى فينك يا بنتى قلقتينى عليكى وكل ما ادخل مش لاقية جديد
على العموم حمدالله على سلامتك وكل سنه وانتى طيبة
وبوست هايل كالعاده

تحياتى

لحظة تأمل said...

ايه ده كله يا دكتورة

دايما دمك خفيف

تحياتى

لؤلؤة الاسلام said...

حبيبتى ايمان

ما شاء الله مدونة رااااااائعة
و دى اول زيارة ليه

و ان شاء الله تتكرر

و تحياااااااااااتى
رمضان
كريم

Eman Eltaher said...

Adem El-Mahdy :

ههههههههه
ربنا يوفقنا للخير و خلاص

شكرا لزيارتك
تحياتى

__________________________________

Mohandes :

بت ؟؟
إيه بت دى يا بشمهندس ؟؟
فين الفرنساوى وتو ييه بيان فاميى
تقوم تخليها بت !!؟
عموما ملحوقة

بس شكرا بجد لزيارتك و الحمد لله يعنى انك اطمنت على نتايج تحليلك
:)

___________________________________

كلام على بلاطة :

وانتم بألف خير

___________________________________

Romansy :

والله العظيم عارفة
و الحب طبعا اجمل شئ فى الوجود
بس الفكرة انى كنت بسخر من بعض الحاجات اللى بتحصل ف حياة اتنين بإسم الحب
بإسم الحب
انا شكلى هاغنى
:)

Eman Eltaher said...

goodman :

مفيش اى مشكلة
:)

__________________________________

هانى زينهم :

ربنا يكرمك
و هو الغرض من كتابتى ليه أصلا انه يزرع ضحكة وبس
لكن مش هو ده اكيد مفهومى عن الحب
و انا مقتنعة جدا بآخر سطرين كتبتهم
تحياتى

___________________________________

فى القلب :

انتى اللى بجد وحشتينى
و مش عارفة انا غيبت عنكم ازاى كده
الدنيا كانت مضلمة مش كده !! ؟؟
:)
كل سنة و انتى طيبة و بألف خير يا قمر
و الحمد لله انه ف الصميم
عشان مبقاش صومت الناس خمس شهور و فطرتهم على بصلة !! :)

___________________________________

Bosbos :

وحشتينى بجد يا بوسبوس
يارب تكونى بخير
والله فيكى الخير انا غيبت كتير غصب عنى الشغل كان واخدنى تماما و الحمد لله غيرته بأحسن منه
وادينى رجعت يارب بس بنات افكارى تطرح افكار
:)

كل سنة و انتى بخير دايما

Eman Eltaher said...

لحظة تأمل :

ربنا يكرمك بجد
ده اكيد من ذوقك

شكرا لمرورك
تحياتى

___________________________________

لؤلوة الإسلام :

والله فرحت جدا بمجاملتك الرقيقة
وانتى تنورى المدونة ف اى وقت
البيت بيتك
:)
الله أكرم
كل سنة و انتى بألف خير

мσнη∂ιš said...

oooooh, je m'excuse d'abord à ce que j'ai dis, et je tiens à vous remercier et vous dis pour la deuxième fois que tu nous manques vraiment.

ماشي كده ؟؟؟ على فكرة لو حابة أنا ممكن أقلبها اسباني، عادي مفيش مشكل،

Eman Eltaher said...

Mohandes :

Il n'ya rien..

Il ne faut pas t'excuser car ce n'est pas de probléme

Soyez souvent lés bienvenus
et trés mérci

Mais,
بلاش أسباااااانى عشان معرفش فيه حرف
:)

تحياتى

elsha3er said...

السلام عليكم شرفنى زيارة مدونتك بس ليا راى الحب دة اجمل حاجة فى الوجود انه الجنون ذاته عشان كدة احي المثل الشعبى خد اللى بيحبك ومتخدش اللى بتحبه دة راى لكن بدون الحب مافيش حياة

فلا حياة بدون حب....ولكن بحب الناس الله يغنينى...
ارجو ان نكون على تواصل

احمد الشاعر

elsha3er said...

عايزين نشوف الجديد

احمد الشاعر

Eman Eltaher said...

elsha3er :

شكرا لزيارتك الكريمة
واكيد الحب هو اجمل شئ ف الوجود
انا بس بحب اسخر من حاجات كتير ف مجتمعنا
من ضمنهم للأسف المعاملات بين البنآدمين بإسم الحب

تحياتى ليك

__________________________________

اللى مسحت تعليقه :

" قل موتـــوا بــغــيــظــكـــم "

___________________________________

محمد :

انت بجد بنآدم جدع و شهم
أنا دهشنى انفعالك و ردك عليه

كنت كل اللى هاعمله زى كل مرة انى امسح تعليقه و خلاص

المرة دى اضطريت اخلى الكومنتات بموافقتى لحد لما المدونة تنضف من أمثاله

خصوصا بعد ردك عليه كانت هتبقى حريقة على المدونة
:)
ههههههههههه

إن خاطبك السفيه فلا تجبه فخيرٌ من إجابته السكوت ُ .. فإن كلمته فرجت عنه و إن خليته كمداً يموتُ

و انا اتعودت اسيب الكلاب تنبح براحتها

طبعا هو بيتابع كل كلمة بكتبها دلوقتى
وتلاقيه بياكل ف نفسه
هههههههههههه لوووووووول


يييييييييه مكنتش حابة ألوث لسانى وانزل لمستواه
لكن عفا الله عن مَن ظُلم

"لا يحب الله الجهر بالسوء من القول إلا من ظُلم "

" وسيعلم الذين ظلموا أى منقلب ٍ ينقلبون "

شكرا يا محمد لشهامتك
ربنا يبعد عنك كل حقود و حقودة


اللهم اجعل إساءتهم لينا ف ميزان حسناتنا

__________________________________

elsha3er :

يا خبرررررررر
ده انا لسة منزلة الموضوع مبقاليش غير كام يوم

لا لا لا الجديد لسة عليه شوية
:)

Anonymous said...

اولا كل سنة وانتي طيبة
ثانيا شكرا على النصايح المفيدة
ولو إنها جات متأخرة شوية
ثالثا أنا عارف طبعا ان قلبك أبيض جدا
إشطاط
على رأي خالد كساب

بالنسبة لموضوع النشر
عندي على المدونة صور هي لينكات مواقع دور ميريت وملامح واكتب
ادخلي المواقع حتلاقي نمر التليفون والايميلات
اتصلي بيهم بأي طريقة وهما حيقولولك
تبعتي العمل بالميل أو تروحي مقر الدار
بالإضافة لدار كويسة اسمها مزيد
الايميل بتاعها
dar.mazeed@gmail.com
بالنسبة للموهبة
ممكن تنضمي لأي جماعة أدبية
أو تدوني نوت على الفيس بوك وتعملي تاج للناس اللي عايزة تعرفي رأيهم عشان يعلقوا
أو تدخلي منتديات أدبية
عندي في اللينكات لينك اسمه الورشة بتاع ورشة د سحر الموجي فيها عيال جامدة جدا

بالمناسبة أنا اكتشفت إنك من المعادي
إية الصدفة الروعة دي
أنا كمان لما بانزل بانزل عند جدتي في المعادي
ازاي ماشفناش بعض

son's egypt said...

السلام عليكم
كل ديه اعرض يسببها الحب للواحد
خلاص يبقي بلاش منه
بس بجد الحب شئ جميل فعلا للي يستحق الاحساس والشعور به

david santos said...

Hello, Eman!!!!!!!!!!!!
Thank you, thank you, thank you...
I love you...........

I am not I have much time to make works in mine blog. But I always come to yours blog to make a visit.
Until always

David Santos

Beram ElMasry said...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف بها المسار

عاشــــــ النقاب ـقــــة"نونو" said...

السلام عليكم
اختي كل عام وانتم الى الرحمن اقرب
الحب اجمل احساس في الدنيا وبجميع انواعه الحلال
ويا سلام لو كان برضه بجميع انواعه الحلال في الله
هيكون كمان باخد ثواب واجر
باذن الله
احبك في الله
سعدت بزيارتك لمدونتي
لكن بجد احنا نعرف بعض قبل كدة؟؟
اصلك قلت لي ياريت اكون فاكراكي
عموما انا سعيدة جدا بزيارتك واتمنى دوام التواصل
وعيد سعيد علينا كلنا
تحياتي

Ahmed Al-Sabbagh said...

انا جيت عشان اقولك ده المكان اللى ممكن تنشرى فيه فى الكتاب

http://www.new.facebook.com/album.php?aid=61162&id=585618416#/group.php?gid=13820826455

وهاجى تانى لاحقا عشان نقرا ونسلم عليكى ونرحب بعودتك
:)

Beram ElMasry said...

الحب يصنع المعجزات
جميلة قوية ذكية واموت واشوفك غرقانة فيه
شكرا على الزيارة وداومى

,.-~*'¨¯¨'*•~mr ,.-~*'¨¯¨'*•~monshed said...

كل سنه وانتى طيبة ورمضان كريم ويارب دايما كده نشوفك بصحة جيدة وسعاده وحب ومودة وخير

ايمان مجدى said...

كالعادة اسلوبك يجنن
بصراح بتكتبى بخف دم لذيذة جدااااااا
: حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!!
عجبنى اوى الجزء ده تشبيهاتك بصراحة جديدة ولذيذة
بالتوفيق دايما مع كل جديدواحلى نصائح والحمد لله انى مجربتش الحب ده والا كان جرالى كده ربنا يعافينا

احمد على نصار said...

عن الحب تتكلمين اذن : الحب ده زي القدر والطوفان لمابييجي محدش بيسلم منه وزي ماقال دانتي الحب يحرك والنجوم وزي ماقال كامل الشناوي وبالمناسبه هو من كبار المعذبين في الحب عاش عمره مخلص لحبه الوحيد حتي بعد فراقها قال ايه الحب ان تتعذب بمن تحب والحقيقه فعلا اعظم من كتبو في الحب قصص حبهم كانت فاشله ، وجمال الحب انه معندوش٠العقد اللي في المجتمع ، فاكره حدوته الأميرة اللي حبت ابن الطحان: موضوع جميل ايمان فكرني برائعة ماركيز الحب في زمن الكوليرا بطل الرواية البطله بنت لمدة حمسين سنه لغاية ماكبرت وبقت ام ومات وعلي المركب نشر اشاعه ان الكوليرا هاجمت المركب عشان الناس تجري ويفضلوا هما الاتنين وفي الوقت اللي كات الناس في حاله فزع من الكوليرا كانوا هما بيرجعو ٥٠ سنه للوراء : ادعوك دعوة رسمية لمدونتي حتلاقي خواطر تعجبك بماانك من هواة كتابه الخواطر/ طولت انا شويه : بيس

وميض ابتسامة said...

ايه المدونة دى ...؟؟ بصراحة انا منبهر بأسلوبك الساخر فى الكتابة والقريب بطريقة أوبأخرى من اسلوب الكاتب الكبير احمد رجب ..وتابعت قراءة البوست وانا اضحك على طريقة معالجتك لمشروع الحب وتوابعه ..بصراحة خفة دم متناهية ..وسأكون حريص على اضافتك كصديقة سوبر واتمنى دوام التواصل

وكل عام وانت بخير وتشرفت بزيارتك لمدونتى

Eman Eltaher said...

مصطفى السيد سمير :

أولا مييييييين خالد كساب بس عشان مش واخدة بالى ؟؟؟

ثانيا بقى و ده الأهم
أنا مش عارفة أقول إيه على المعلومات اللى انا كنت فعلا بحاجة ليها
غير بجد شكرا جدا و جزاك الله خيرا

ثالثا الف مبروك على الكتاب و الله فرحت و اتفائلت

تحياتى

__________________________________

Son's Egypt :

ههههههههه
لا و الله انا بهزر
اكيد مفيش بنآدم ف غنى عنه
بس انا حبيت اسخر من كام حاجة بشوفها ف علاقات بإسم الحب
!!!!!!!!

تحياتى

___________________________________

David Santos :

Thank you David.. so mush pleased by your comment.. hope to be always fine

you are always welaome

Regards,

Eman Eltaher said...

Beram Elmasry :

شكرا لمرورك
تمت الزيارة

تحياتى

___________________________________

عاشقة النقاب - نونو :

يا نونو انتى اكتشفتى مدونتى قبل كده و سبتيلى تعليق ف موضوع من فترة
عشان كده قلتلك ها ياترى فاكرانى
؟؟؟؟؟

و عموما انا كده زعلت
:)

و انا كمان بحبك ف الله
___________________________________

Ahmed Al-Sabbagh :


ربنا يكرمك بجد يا محمد
شكرا بجد و جزاك الله خيرا

و ان شاء الله هعمل بنصيحتك

حضرتك هو انا كاتبة الموضوع على الفاضى و لا إيه ؟؟؟

مقولتش حتى بم
:)

تحياتى
__________________________________

Beram Elmasry :

ده أكيد من ذوقك
شكرا ليك
و يارب مواضيعى تعجب دايما أراء الأغلبية

عشان اكبد مش هتعجب الكل يعنى
:))

Eman Eltaher said...

Mr.Monshed :

و انت بخير دايما الله أكرم
مش عارفة أقول إيه بجد على الدعاء الجميل ده
لك المثل .. و شكرا بجد لمرورك

___________________________________

إيمان مجدى :

انا مش عارفة أقول إيه على ذوقك ده
غير بجد ربنا يكرمك
بس انتى زعلتينى
تعرفى ليه ؟؟؟
انا مكنش قصدى بالبوست انه الناس تخاف من الحب و تتعقد منه
انا قصدت أنبه الناس لحاجات يمكن انا أخدت بالى منها غيرى ميعرفهاش

على فكرة انا زيك برضه مجربتش لكن ف المواضيع دى ثقافتى وااااااااسعة
من غير لا كتب و لا بتاع
:)

تحياتى

__________________________________

أحمد على نصار :

متعرفش انا قد إيه بجد استمتعت بقراية تعليقك

قصص باسمعها لاول مرة و باعيش معاها
انا فعلا من عاشقين الخواطر و يشرفنى اكيد زيارة مدونتك الكريمة

تحياتى

___________________________________

وميض ابتسامة :

بجد و الله فرحت جدا برأيك ف الموضوع و عزز حالتى الكتابية
:)
انا مطولش اكون ربع الكاتب الكبير احمد رجب
بس مجرد تشبيهى بكتاباته الجميلى فده بجد شرف ليا كبير

و انا برضه يشرفنى زيارة مدونتك و اضافتها لقايمة المدونات الصديقة

و بخصوص المدونة اللى انت ذكرتها فدى مدونة صديقة لسة مكتشفاها و صاحبتها عاملة
Follow me
و انا برضه زيها
عشان كده بنظهر ف البروفايل الخاص بينا

تحياتى

عايش... ولكن !!!! said...

هههههه لا حللتى الموقف باسلوب عملى مثق وتحليل ايدولوجى ينم عن شخصيه غايه فى الايدولوجيه وتتمتع بصفات وجينات وراثيه ترسم البسمه على الشفاه المصريه اللى قلبها محروق من الحب والحنيه واكتر منهم الفول والطعميه هههههههه
لا ايه الوزن ده
لا بجد دمك خفيف
عجبنى اخر سطرين
دمتى بكل الود
علاء

voice of love said...

حمدالله على السلامة يا ايمى

فينك يا بنتى وحشتينى

وايه التهييس اللى من وسع ده

متغيبيش تانى كده كتير

كل سنة وانتى طيبة وبالف خير

تحياتى واحتراماتى

رحيق الحب said...

انتى واحشانى اكتر يا ايمى وبجد بجد انتى كارثة هاهههههههههههه انتى فطستينى من الضحك اصلا بس بجد شوقتينى انى اشوفك بجد
وكل سنه وانتى طيبة وعيد سعيد ان شاء الله عليكى وعلى المسلمين اجمعين يا رب

الخيط الرفيع said...

الووووووووووو
ازيك ايما اسفة علي تقصيري معاكي لحد ما ترضي وتسامحي
بس انا كنت قليلة الدخول جدا
وحشتني مدونتك كل سنة وانت طيبة
عيد سعيد عليكي

نـــــور said...

ازيك ياايمان
كل سنه وانتى بخير وكل عيد وانتى سعيده
طبعا اتفق معاكى بشده فى ان الحب جميل بس لو يبقى حب صح مش فيه الاعراض التى تفضلتى سيادتك بطرحها :)

وبعدين انت جبتى البيت ده منين ؟ "حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!!"
هههههههههه

وثالثا بقى انا متشكرة اوى ليكى لانك وافقتى على طليى
بجد متشكرة اوى ومتشكر على ذوقك كمان :)
يلا عيد سعيد مر تانيه

قلب شاعره said...

هههههه ضحكتينى كل دى اعراض يانهار ابيض ههههه ده كتير باه ناس عندهم مرض الحب ...
دمك خفيف وكلامك مرح ...

قلب شاعره said...

هههههه ضحكتينى كل دى اعراض يانهار ابيض ههههه ده كتير باه ناس عندهم مرض الحب ...
دمك خفيف وكلامك مرح ...

almasry said...

يادكتوره جايلك تعبان من قلبى شكيان عاوز مساعده أحسن أروح بسببه اللومان



حبيت كتير وقليل لكن ولا مره قولت للى بحبه انت اللى على البال


اتعذبت قوى من كتل الأوجاع لكن صابر على حالى لحد ما يحصل اللى فى بالى


أعمل ايه؟



تحيـــــــاتى
د/المصــــــــــــــــرى

MoHaMeD - AmEeN - Al.MaSrY said...

كلام حلو...وشر لابد منه

نسر الشرق said...

السلام عليكم ورحمة الله وبركاته
انتى ساكته على نفسك ليه
انتى محتاجه تدخل تدوينى حالا
روحى العنوان ده
وربنا هو الشافى
http://nisr-elsharq.blogspot.com/

نسر الشرق said...

انتى محتاجه تدخل تدوينى فورا
هاتى العلاج ده من المدونه دى
http://nisr-elsharq.blogspot.com/

MaMaDo said...

يخرب بيت ....الى يزعلك

بجد صح و صح اوى مش هزار

بس الحزء الاول ممكن يبقى تحت مفهوم الحب من اول لسعه اييييه من اول نظره

تلاقى نفسك كده مش فهمه حاجه ف الدنيا غير انك تبحبى الى قدامك
ساعتها بقى لا فيه عقل ولا تفكير ولا الكلام دا

و تلاقى الدنيا زى ما وصفتها كده
ثم اللقاء التحاليلات الى انتى قولتيها
بجد عبقريها كبيره وصفتى بيها الحاله
بس عبقريبه من غير نعكشن شعر ولا قله حما ههههههه
عجبنى تعليك على فكره ع البوست

;)

ღϠ₡ღأمير الهدوءღϠ₡ღ said...

بجد تحفه تحفه تحفه

ديما مبدعه
:)

airprince said...

الله أكبر
حمد الله على السلامة ويا رب غيابك يكون خير
بلاش بقى الغيبة الطويلة دي
اسلوب واحساس مرهف يدل على خيال وعقلية متميزة
وان كنت بصراحة حاسس كده ان البوست ده مش مركزة فيه قوي

Eman Eltaher said...

عايش و لكن :

لأ انت بجد اللى علقت على البوست بطريقة لذيذة جدا
استمتعت بجد بالأوزان الشعرية
:)
وا ن شاء الله مواضيعى تعجب الكل علطول
تحياتى

___________________________________

voice of love :

الله يسلمك يا قمر
ها متأخرتش كتير مش كده ؟؟؟
!!!!!
:)
و انتى طيبة و بألف خير
و انتى اللى وحشتينى ووحشتنى مدونتك

___________________________________

رحيق الحب :

انتى نورتى المدونة بعد غيبة
و يارب تنوريها علطول
و بجد انا اللى نفسى اتعرف عليكى

وعيد سعيد عليكى و كل أيامك تكون سعيدة
___________________________________

الخيط الرفيع :

يابنتى انا مش زعلانة
و كفاية انك كنت سألتى عليا لما غيبت المدة الطويلة
انتى تنوريها علطول

Eman Eltaher said...

Habiba :

ههههههههههه
البيت العريق ده
يا ستى
من تأليف واحد كان كتب قصيدة سياسية
استغفر الله يعنى
بس انا حولتها بقدرة قادر
لقصيدة بالمعنى اللى وصلك

انتى لو طلبتى المدونة كلها كوبى تحت أمرك
بس اسمى مكتوووووب ؟؟؟؟؟ :)

__________________________________

قلب شاعرة :

ربنا يكرمك آمين على المجاملة الحلوة
و يارب تعجبك مواضيعى دايما
تحياتى

___________________________________

Almasry :

يا نهار أبيض
لازم تدخل جراحى فورا

بس مؤقتا

أنصحك بشوربة خفيفة على معلقتين لمون
هتبقى تمام
:)

لا بجد
انا اموت واعرف ايه بقى اللى ف بال حضرتك ؟؟؟

___________________________________

Mohamed.Amen.Almasry :

رااااااااائع
كده تمام

___________________________________

نسر الشرق :

خد باااااااااالك
أنا حالتى مستعصية
:)
أنا بقولك أهو

ماشى مااااشى

___________________________________

Mamado :

ههههههههههههههه
والله انا كل ما اقرا تعليق ليك باقعد اضحك
عندك خفة دم رهيبة
و الحمد لله انى عبقرية من غير نكش شعر
:)
منور المدونة

Eman Eltaher said...

أمير الهدوء :

ربنا يكرمك بجد
و يارب كده علطول
أكون مببببببدعة :)

___________________________________

اللى يا حول الله:

تعرف أنا قصدت أنشر تعليق كده ليك
علشان ماتتعبش او يحصلك حاجة
لحسن الأورطة يطق مثلا

و بجد انا نشرته كده تفاريح ليك
لكن انا مش مضطرة أنزل لمستواك و ارد عليك

mado80 said...

ايمان

ازيك

لسه زي ما انتي ولسه كتاباتك زي ماهي

بحس اني فرحان اوي وانا بقرالك حاجه في مدونتك مش عارف ايه السر في كده

صحيح كل سنه وانتي طيبه متاخره جدا جدا طبعا
بس والله مش بايدي

كل التحيه ليكي يا ايمان

مصطفى حسان said...

والله زمان .. زمان والله

لا لا مش كده

انا قصدي والله زمان على ان انا فعلا مادخلتش هنا من زمان وزي ما تقولي كده لما دخلت حسيت اني كان المفروض ادخل من زمان لان زي ما سيادتك عارفه حالات الاكتئاب اللي دايما بتيجي مره كل تلات اربع شهور دي .. وبتروح لوحدها .. كان المفروض ادخل هنا من زمان لاني طول ما انا بقرأ البوست وانا بضحك وبخبط في الكيبورد لدرجة ان الجيران طلعوا وفكروا ان في حد بينتحر واللا حاجه

...

بجد بجد البوست هايل

Anonymous said...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة من 20 إلى27 أكتوبر
شكرا لتعاونك

lobnabona@yahoo.com

Mkjwe said...

أكره المدونة الي بيكون فيها الوان كتيرة مع اسفي الشديد لتعليقي اذا كان مش ظريف ... بس دة رأي صراحتن واختلاف الراي لا يفسد للود قضية يعني م الأخر كدة بقى كان نفسي اقرا التدوينة بس قسم بالله كسلت والله :(

بنت مصريه said...

هههههههههههههههههههههههههههههه
جميل قوى البوست يا قمر
وعلى رأى اللى قال الحب اعمى واخرس واطرش
هههههههههههههههه
دمتى صديقه
احييكى عالبوست الجميل

airprince said...

يا نهار رومانسية
ايمان الطاهر زارت مدونتي

:)

شمس النهار said...

في ايه يابنتي هي خناقه والا ايه
ده حب
صحيح ان مراية الحب عاميه
بس مش كده
صحيح ان الحب بهدله
بس برضه مش كده
انت خايفه تحبي والا ايه

(green eyes) said...

الحمد لله اجريت كل الفحوصات ولاقيت

نفسي خالية تماما من كل الاعراض دي

---------------------
وحشتيني موووت

مجدى الجبالى said...

من خلال تصفحى للمدونة يتاعتك رأيت إن مدونتى ساحة نقاش سوف تعجبك كثيرا .
http://sahetneqash.blogspot.com
لذا أنتظر مشاركتك فيها بأحد مواضيعك المميزة و على فكرة دى مش أول مرة ازور مدونتك او إنت تزورينى انا علقت على أحد مواضيعك من حوالى سنة و نص و إنت كمان علقتى على أحد مواضيعى و مدونتك من أكثر المدونات اللى بتابعها

حمامة said...

ههههههههه
يخرب عقلك

يرجى التأكد من سلامة العينين و خلوهما من أى "عمش" رومانتيكى !!!!!

على فكرة دى بقى اهم نقطه
وان كنتى كتباها هزار
فهيا جد الجد
اهم حاجة متكونش مراية الحب عامية
او حتى شايفين العيوب ومتقبلينها

:)

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

rommantic said...

ههههههههههههههههههههههههههههههه
حرام عليكى ايه خفه الدم دى
بس استنى
انا
باين
عليا بحب
ولا ايه
احقينا من العلاج
فى البوست الجاى

تحياتى

اقصوصه said...

اللهم ابعده عنا

وابعدنا عنه

وقنا شره

لان احنا من ناقصين هبل

لوووووووووووووول

MKSARAT - SAYED SAAD said...

ايمان
بوست تحفة
عجبنى اوعي وضحكنى جدا
هههههه
جميل بجد
تحياتي
سيد سعد

shery said...

ايه خفه الدم دى
هههههههههههههه موتينى من الضحك انتى شربات

Anonymous said...

أنت معاك الان دكتوراة فى تشخيص الحب
مدونتك رائعة
تقبلى تحياتى

mado80 said...

إيمـــــان

كل سنه وانتي طيبه
يارب تكوني بخير

عصفورة من الشرق said...

kol sana we enty tayba ya emy
have a nice life

عصفورة من الشرق said...

كل سنه وانتى طيبه يا ايمى

Darsh Basha said...

جميل جدا ...المدونة
وطريقة كتابتك جميلة
ويارب تكبرى اكبر واكبر

مصطفى حسان said...

كتير قوي كده .. بس انا فعلا كنت متوقع اني هالاقي جديد

إنتي مستخبيه فين كل ده ؟!

ابراهيم said...

هو الحب خينما يدق البيبان ستفتحين لة وان كانت دوعك فوق خدك لم تجف
مدونة جميلة ورائعة اتمني لكي مزيدا من التقدم
وادعوكي لزيارة مدونتي المتواضعة

david santos said...

Happy day, Eman!
Feliz dia, Eman!

Eman Eltaher said...

أنا آسفة بجد على التأخير

لا أنا مقفلتش المدونة

لكن ما عارفة أشتغل عليها فى الوقت الحالى

شكرا لكل اللى بيتابعونى و يسألونى عن سبب غيابى

والله ما بإيدى

هرجعلكم ان شاء الله عن قريب

Ranim Ayman said...

هههههههههههههههههه
ماش اء اللة البوست حلوووووووو اوييييييييي وما شاء الله رتكتبي تحفة

mahmoud said...

ربنا يعفى عننا منه يارب

-_- said...

انتى فين من زمان

www.tadwina.com said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/857

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

وميض ابتسامة said...

ايمان

يخرب بيت شيطانك .. انت ساخرة بدرجة فظيعة .. ولولا انى قرأت آخر سطرين كنت خلاص ح اقتنع بأن الحب ده بهدلة وملوش لزمة لانه سبب كل الامراض والاوبئة والهم والفشل ..الخ

عموما انا فعلا ضحكت كثيرا من خفة دمك المتناهية والله ينور عليك

عماد خلاف said...

السلام عليكم ورحمة الله وبركاته
اسلوبك رائع فى الكتابة ربنايوفقك يارب وهاابدا اقراء دى مدونتى ياريت تشوفيها يمكن تعجبك لو مكنش كدة اعملى نفسك مطنشة ومش واخدة بالك
http://emadkhalaff.blogspot.com/
هما اتنين التاينة بحلم ببكرة شوفيها

Anonymous said...

السلام عليكم
فينك من زمان
يا ايمان
كل رمضان و انتم بخير
و إلى الله أقرب
تحياتى

إسلام الحساني said...

هلا ايمان
السلام عليكم ياست الستات
سيبك من الحب على رأى راشد بلا حب ولا وجع قلب خدنا ايه من ورى الحب غير الاسى غيرالتعب

على العموم انا مجربتهوش عشان اقولك حلو ولا وحش المهم يا ست الكتكوته انا جى اقول بالصلاة على النبى

كـــــــــلل عام ونتى بالف خير
ورمــــــــــــضان كـــــــريم

وليكى وحشه والله وبقى زورينا

إسلام الحساني said...

السلم عليكم يا ست ايمان

هوه انا كل ما ادخل عندك الاقيكى واخده الناس والمجتمع سلخ
كان واجب تشتغلى فى سلخانه
وبعدين يا ستى سبك من الحب ووجع قلب و المهم انتى بخير وتمام وحمد الله على سلامتك وكل سنه ونتى بخير
ورمــــــضان كـــــــــريم
وبقى زورينا هنرجع ندون تانى بس مش عى طول ومش هنفاق

إسلام الحساني said...

كل سنه ونتىطيبه ورمضان كريم

انتى عارفه رأى فى كتابتك مش محتاجه تعليق تجننننننننننننننننننننننننننننننننن

رشا عبيد said...

اولا كل سنة وانتي طيبة
ثانيا المدونة بتاعتك دي جميلة جدا وانا بتابعها بس المرة دي قررت اكتب تعليق وعايزة اقولك
" الحب جميل ... جميل الحب "

م م said...

بقالي ساعة مستني شريط النكت يخلص
وبرضو ما خلصش
هو انتي كاتبة مليون نكتة (:

دي مش اعراض الحب دي اكيد اعراض البلهارسيا(:

rona said...

كلامك عسل وحلو حصه الفيزياء لا الكيمايء لا الرياضه اهى الحصه اللى ادتهلنا وخلاص بعد اذنك وتطبيقا لقواعدالتعليم المصرى محتاجه منك درس خصوصى أفهم اللى قلتيه

رئـــــيسـة حزب الأحلام said...

الحب دة مرض ووجع دماغ
لو لم ينتهى بالزواج
تحياتى وربنا يعفينا

رابطة هويتي اسلامية said...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

Anonymous said...

عودة حميدة يا إيمان
http://www.quranclub.net/2009/10/blog-post.html

طهقان said...

ولو حسيست على دماغك ولاقيتك فيه حاجة وارمة


تبقي متجوز

Anonymous said...

السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

ادارة الموقع said...

مشكور على مواضيعك الحلوة
مدونة اعتز بمتابعتها
اكسب من الانترنت
http://adiarar.blogspot.com/

العاب said...

من اروع المدونات اللى شوفتها فى حياتى بجد

شكرا جدا ليكي

جمعية الباحثين والتدريسيين الجامعيين - العراق said...

شكرا على المدونة

جمعية الباحثين والتدريسيين الجامعيين - العراق said...

شكرا على المدونة

الكاتب الاسلامى محمد يوسف المليفى said...

شكرا على المدونة

websites directory said...

مشكور على المدونة الجميلة :) و بالتوفيق دائما

how to do said...

شكراااااا على مدونتك الرائعة

4mp4.net said...

thank you very much

search engine 4send said...

شكرا على مدونتك الرااااااااائعة

بحث الويب said...

شكرا على مجهودك الرائع

جديد المواقع said...

اشكرك على هذة المدونة الرائعة

انترنتاوي said...

hahahaha
بالتوفيق

جديد المواقع said...

اشكرك على هذة المدونة الرائعة

نسر الشرق said...

على فكرةانا من زمان بدور على مدونتك دى لانتى قابلتها فى بداية تعرفى على عالم التدوين وساعدتنى كتير ازاى اعمل مدونة وازاى انشرها ولحد الاسبوع اللى فات كانت مدونتى على نفس القالب بتاع مونتك بس مش نفس المواضيع طبعا بس الاسبوع اللى فات حصل انقلاب فى مدونتى واتغير نظام القالب بالقوة ولذلك انا ادعوكى لاعادة علاقتنا الدبلوماسية وادعوكى لزيارة مدونتك التانيه اروح كوكب الارض منين وانا مبسوط انى لقيت مدونتك تانى
http://nisr-elsharq.blogspot.com/

مؤسسة الخليج للوساطة التجارية said...

المدونة رائعة شكرا لك ..

موقع اشتغاله said...

شكرا جزيلا على هذة المقالة الجميلة

نسر الشرق said...

على فكرة انا مديون ليكى بكتير جدا فى عالم التدوين يعنى انتى تعتبرى شريكة فى مدونتى انا اتعلمت فى مدونتك ازاى اعمل مدونة
وبعدين ازاى اضيف مؤثرات عليها
بجد انا بشكرك جدا ياريت تنورينى وتبدى رايك
http://nisr-elsharq.blogspot.com/

مكتوب السعودية said...

شكرا على مجهودك الرائع

david santos said...

Hello, Eman!
Have a nice weekend.

how to do it easy said...

المدونة رائعة شكرا لك ..

سندباد said...

وحشني اوي جو المدونة بتاعتك بس لاقيتك غايبة زي ما كنت غايب ياريت ترجعي مدونتك تاني
كل سنة وانتي طيبة
تحياتي

منتديات الرنان said...

شكرا جزيلا علي مدونتك الرائعه

whois domain find said...

شكراااااا على مدونتك الرائعة

whois domain find said...

شكرا على المدونه الجميلة و بالتوفيق دائما

جمعية كيان said...

مدونه رائعه جدااا....شكرا لك

david santos said...

Hello, Eman!
I love you!!!!!!!!!!!!!!!

مدونات من أجل التغير said...

دعوك لزيارة تجمعنا مدونات من أجل التغير
دمت بكل خي

مصر said...

أول مرة أزور مدونتك القيمة .. تهنئتي لك على المجود المبذول والرائع..

مصر اليوم said...

انا محتاج درس خصوصى علشان افهم الكورس دة

larva said...

جزاكم الله خيرا