♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Saturday

أذوبُ عشقاً

حينما تنسى الواقع و يتراءى لكَ الخيال نجماً لامعاً أو حُلماً دافئاً .. حينما تبتعد عن الملأ و تذهبُ لنفسك شغوفاً .. وحيداً في جوف الليل .. حينما تسرحُ بفكرك في لا شيء.. حينما تتهاوى منكَ دمعة أو تتهافت لكَ ضحكة بلا شيء.. حينما ترى الحياة و هي لا تراك و تشعر و كأن الكون خـُلق لك .. فاعلم أنك .. تذوبُ مثلي عشقاً !! ..
*************************************
عندما تشعر و كأنك طيراً حُراً ترفرف أجنحته بين السحاب ..عندما تشعر و كأنك تسيرُ بلا قدمين طائراً بالهواء .. مستنشقاً ذلك العبير الذي تهواه القلوب و تألفه النفوس .. عندما ترى بريقاً بعينيك يلمعُ في وضح النهار .. عندما يراكَ الناس أجمل من كل الليال .. فاعلم أنك تذوبُ مثلي عشقاً !! ..
*************************************
عندما تتمني و تعجز الأمنيات و تجد الأمل نابضاً في حُلم يقظة أو منام ..عندما تسمعُ مناجاة الليل ..نداء الطبيعة و تغريد الطيور و أنين الكروان فيهفو قلبك ارتجافاً بلا أعذار.. عندما تهوى البحار و تسبحُ بخيالك على شواطئها الصامتة أنسمتـها إلاّ من خرير الماء و الأمواج .. عندما تتأملُ نقاء السماء و ترقبُ في إمعان الشمس بالمغيب و هي تحتضن اليم لهفة و تلهفاً ..عندما تشتاقُ الورود و الأشجار و تلهو مع الفراشات في روضةٍ تجد فيها ذاتك الإنسان ..فاعلم أنك تذوبُ مثلي عشقاً !!..
*************************************
حينما تهوى البشر و تسارع إليهم بالخير بلا هوادة .. بلا مقابل .. حينما تتفانى إحساناً و براً و احتراما في إسعادهم .. ناسياً أو متناسياً جرحاً نقشته أياديهم بفؤادك يوماً مضى .. حينما تصبرُ على قسوتهم أو قسوة الأيام .. و تزرعُ بأراضيكَ نفساً طيبة .. حينما تفرحُ لفرح الآخرين و تسعد لضحكهم و تحزن لحزنهم و تشجى لدموعهم .. حينما تـُرسيك سفينة الزمن و مجادف أهواء البشر على برٍ عذبٍ ملامحه .. و تجد بين أضلعك إنساناً يولــد من جديد ..فاعلم انك تذوبُ مثلي عشقاً !!..
*************************************
حينما تصحو غفلتك وينمو إيمانك و تعبد الله بكل جوارحك .. حينما تشعرُ أن الله يحبك و أنك تكــِنّ له حباً و شوقاً للقائه .. حينما ترى حب الله في أعين خلقه فتدفعك مرضاته لأن تتقرب إليه بأعمالٍ صالحة خالصة لوجهه الكريم.. حينما يندهشُ الناس من نورٍ يشعّ من وجهك .. حينما تبكي بين يد الله شاكياً حاكياً عن كل ما يدورُ بداخلك و الله أعلم به منك .. فاعلم أنك تذوبُ مثلي عشقاً !! ..
*************************************
و أخيراً .. عندما يسري الحب بأوردتك و العشق بمجرى أنهارك .. عندما تهتزُ بداخلك عواطفٌ هائمة .. و مشاعرٌ جياشة تفيضُ كالأمواج العائمة ..عندما تعشق الحب بكل صوره .. عندما تحب بلا محب .. و تذوبُ عشقاً .. فاعلم أنك لن تذوبَ عشقاً مثلي ....
*************************************
معلش قلت اغير شوية مش كله ضحك ضحك !!!! لازم ننكد مرة !! وبوستات رومانسية برضه شوية .. أسفة على التأخير بجد و ان شاء الله ميكونش فيه تأخير تانى .. وحشتونى كلكم
إيمان

100 comments:

belal said...

يا ستي
حمدا لله على السلامة
جميل ..حتى لو ماكنش كوميدي
..

اسكندراني اوي said...

عوده قويه جدااااااااا يا ايمان

تسلم الايادي
تحياتي

Anonymous said...

حمد الله على سلامة الرومانسية اللي مافيهاش ضحك
وهو ماله الضحك

Anonymous said...

حمد الله على سلامة الرومانسية اللي مافيهاش ضحك
وهو ماله الضحك

ابو على said...

انا مش فاهم حاجه من الى كتبتيه
بس يلا عود احمد
دا اكيد بوست بتسخنى بيه عشان تنزلى بالتقيل بعد كده
تحياتى الحاره

WhItE HeArT said...

تقريباً اول مرة المدونات ترميني هنا

بس بوست جميل فعلا ومدونة رائعه

تحياتي

رحيق الحب said...

اولا حمد لله على سلامتك يا قمر
ثانيا انتى كمان وحشتينا اوى
ثالثا وده الاهم البوست جامد جدا بس ليه الحته اللى تحت النكد دية الدنيا الحكاية مش ناقصة يا بنتى
:)
خليكى متفائلة حتى لو كان فيه حب جارف وحب بلا محب فلنخلق بانفسنا نحن ذلك

عيشى حياتك واسمتعتى بكل لحظة فيها

Eman Eltaher said...

Other things :

ربنا يخليك يارب
و الحمد لله انى رجعت تانى عشان أتابع تدويناتكم و زيارتكم الكريمة

تحياتى

__________________________________

اسكندرانى أوى :

ربنا يكرمك بجد
رافع دايما من روحى التدوينية

تحياتى

__________________________________

مصطفى السيد سمير :

ميرسى بجد على ذوقك
بس برضه الضحك بيبقى ليه طعم تانى
و ربنا يسهل و اكتب بوست مرح

تحياتى

__________________________________

أبو على :

أنا ضحكت بجد معرفتش ايه المفروض يكون رد الفعل الطبيعى !!! بس ولا يهمك
أنا المرة الجاية ان شاء الله هحاول مكتبش هيروغليفى !!!
بهزر طبعا عشان حضرتك متضايقش بس انت ممكن تقول ايه اللى مش فاهمه ف البوست و انا أشرحهولك !!

تحياتى

Eman Eltaher said...

White Heart :

والله انا سعيدة جدا انك عديتى هنا بالصدفة عشان اتعرف عليكى و على مدونتك الجميلة
انتى تنورى المكان و شكرا بجد على ذوقك الكريم

تحياتى

__________________________________

رحيق الحب :

انتى بجد اللى وحشتينى و وحشتنى طلتك الجميلة وكلامك اللى بحب فعلا أقراه

والله انا مش متشائمة اوى زى ما انتى متخيلة .. بس الحمد لله انه عجبك البوست و ده الأهم انه يوصل من القلب للقلب
نورتى مدونتى بجد و انا سعيدة جدا بزيارتك الحلوة دى

تحياتى

Esraa Hamed said...

عندما يسري الحب بأوردتك و العشق بمجرى أنهارك .. عندما تهتزُ بداخلك عواطفٌ هائمة .. و مشاعرٌ جياشة تفيضُ كالأمواج العائمة ..عندما تعشق الحب بكل صوره .. عندما تحب بلا محب .. و تذوبُ عشقاً ..


جميل اوييييييييي البوست يا ايمان
بجد رااااائع
و الجملة دي لمستني اويييييييييي


تسلم ايديكي يا قمرة
و في انتظار جديدك بس متتأخريش علينا بقي المرادي كمان

*سمر* said...

عود احمد يا ايمى ..حمد لله على السلامه ..
يس عودة قوية جدا ...
بوست فى غاية الجمال

Amany Y. El-Saeed said...

إيمان...إيه أخبارك...أول مرة أعرف إن ليكي مدونة...إتفاجئت بجد...بس لما تلاقي بالصدفه حد تعرفيه...الموضوع بيبقى ليه طعم مختلف

basma saghir said...

مش مصدقة انك غبتي كل ده يابنت انتي..كنتي مختفية فين..اكيد كنتي بتكتبي البوست ده..

بس تعرفي يا ايمان الكلام ده جاي في وقته بالتمام..لا متأخر ولابدري..كلامك على طول مواعيده مضبوطة

عجبني قوي..عجبني بجد..فعلا..فعلا..عجبني
:)
وحشاني

Zika said...

حمدالله عالسلامه
بوست اول مره اقراه عندك
:)
بس حلو بجد
تحياتي

son's egypt said...

السلام عليكم
فعلا عندما تسبح في السماء وتشعر انك طائر بلا جناحين فانك تذوب عشقا
عندما تشعر برضا الله عليك وانك تعبده بكل جوانحك فانك تسعي لرضاة
تحياتي للك ولهذا الموضوع الشيق

ابو على said...

هههههههههه لا على فكره كلامك واضح وكل حاجه دا حتى مكتوب بالعربى
انا قصدى الكنايه عن كل دا كان ايه لانى مستشفتش حاجه بجد غير انك بتذوبى عشقا
هههههههههههههه
الحر يساعد ع الذوبان ها:D
زى ما يكون مجمعه حاجات كتير وطلعتيها مره واحده يمكن عشان كده مش فاهم حاجه
يلا
كل بوست وانتى طيبه

عروس البحر said...

واحشاني
حمدلله علي السلامة

Eman Eltaher said...

Esraa Hamed :

والله بجد متتصوريش فرحتينى قد إيه بتعليقك الرقيق ده
و بجد ده أكيد من ذوقك و شخصك الكريم
و انا ليا الشرف انى أنول رضا و اعجابك بالبوست
و يارب كل بوستاتى بعد كده بإذن الله تعجبك .. و الأهم من ده كله و اللى شايلة همه موضوع التأخير ده !! ربنا يستر :(

منورة هنا والله :)
__________________________________

سمر:

ربنا يخليكى يا سمورة
انتى كارمانى و الله
و الحمد لله بجد لانه كان اول مرة من فترة طوييييييييلة أكتب خاطرة رومانسية

نورتى المكان

_________________________________

أمانى :

ف الأول انا فرحت جدا انه زى ما بتقولى اننا نعرف بعض و انا عندى فعلا صديقة اسمها أمانى بس كان شوية حاجات ملهاش لازمة شبه قطعت حبل صداقتنا
كنت عايزة أتأكد انه انتى

بس انتى مش عاملة البروفايل بتاعك متاح للناس و بالتالى معرفتش مدونتك
ولا عرفت أوصل ليكى
ياريت بعد إذنك تبقى تحطى لينك مدونتك و تقوليلى انتى أمانى اللى أقصدها و لا ؟؟

___________________________________

بيسوو :

حبيبتى بيسوو و الله وحشتينى جدا و بجد فرحتنى اوى زيارتك اللى خفت انها متجيش علطول لانى كتبت دون سابق إنذار او تنبيه للناس انى رجعت

كتبت و سيبتها على الله
البوست بتاعك عجبنى بجد لولا الحزن
كان يبقى أحلى بوست تلقائى قريته

Eman Eltaher said...

zika :

الله يسلمك :)
اذا كان قصدك انى أول مرة أكتب خاطرة فده شئ حقيقى و بسطنى جدا انه عجب زوار مدونتى زيك
أما بقى اذا قصدك انه لسة مقريتهوش عند حد فالحمد لله انه لسة متسرقش منى :)))

تحياتى

__________________________________

Son's egypt :

رضا ربنا و حبه للعبد فوق كل شئ و اذا ربنا حب إنسان و رضه عنه فكل الناس هتحبه
باستثناء الحاقدين عليه

بحييك فعلا على تعليقك
__________________________________

أبو على :

والله بجد لو كل خاطرة انسان يكتبها هتقولله هو ايه الكناية منها كده محدش هيكتب خواطر خالص
:))
و بعدين انت بس لو قريته بتمعن و تأنى هتلاقى فيه كنايات كتييييير
أولها انه الانسان ممكن يعيش حالة العشق ف حاجات كتير

ركز انت بس ف البوست و سيب الباقى عليه :))

__________________________________


عروس البحر :

انتى اللى وحشانى و الله و الله يسلمك يا قمر
نورت المكان طلتك دى

yamen said...

سلامو عليكو

هاقول حاجة غلسة شوية
بصراحة مالحقتش اقرا التدوينة عشان انشغلت في قراية النكت اللي في البانر اللي فوق وفجاة لقيتني مضطر امشي

بس المدونة دمها خفيف علي اي حال

تحياتي و لي زيارة اخري ان شاء الله

تحياتي

دكتور مستكنيص said...

في مدونات كنت مفتقدها اوي في فترة غيابي عن التدوين بس اقدر اقولك ان مدونتك وكام مدونة واربع خمس مدونات تانيين كان لهم مكانة خاصة اوي عندي
ياريت متغيبيش تاني ماهو مش ارجع من هنا تمشي من هنا
تحياتي لدماغك اللي بتعجبني اوي

حـــــدوتـــــة said...

حمد الله على السلامة
انا قلت انى قفلتى المدونة وهتأجريها ولا حاجة
بس عودة قوية جدا
بوست جميل واسلوب اجمل
سلالالالالالالالالالالالام

تــــ(حـنة)ــــر said...

دى أول زيارة
وبعيدن بجد والله عايزة أقولك ان بجد المدونة دى كانت تايهه عنى فين
أ÷و كده التدوين يا بلاش
وبعدين انتى ليه كاتبه انك أتأخرتى
انتى اللى زيك ميتأخرش على فكرة
بعدين انا رغيت كتير
حقك عليا
بس أقولك
اتمنى اتواصل
تمر حنة

Anonymous said...

صحيح هو احنا ليه بطلنا ندوب من العشق
ياترى علشان المادية والطمع اللى طغى ع العيشة كلها
ولا عشان التوهان وفقدان المثل والشك والزيف اللى مالى الدنيا
ولا عشان الضعف اللى عشش فى القلوب ولغى الشخصية
حركتينى يابنت الايه
"بس بجدالبت دى حلوة قوىىى"

Anonymous said...

ازيك إيمان ..

بعيداً عن التذوق الفنى ، المعانى صحيحه جداً جداً .

يعنى كلامك ووصفك مش عشوائى لكنه وصف دقيق مش هيفمه غير اللى ....... وبس .

وممكن ناس كتير بتحس بالمشاعر ديه لكن مش عندهم القدره لوصفها كده .

عموماً ربنا يوفقق فى حياتك ومربوووك ع الشغل وعقبالنا يارب .

المهم: كنت عايز اقولك ان (الجوب فير) فى الاكاديميه يوم الثلاثاء والاربعاء 13 و14 مايو ، لو حبيتى تيجى تقدمى فى شركات تانيه يعنى.

وسلامى
كريم غالى

أحمد العربي said...

أنا بجد مش مصدق عنيا
... أصحي يا ابو حميد شكلك في حلم
لا ياعم مش حلم ولا حاجة
هي ايمان والله هي مدونتها اهي
اية الجمال والروعة والاحساس العالي ده يا ست ايمان
مش معقول بجد
البوست رائع جدا جدا جدا جدا
واحساسك اكثر من ممتاز

إبـراهيم ... said...

إيمان ، أنا فاكـر قوووي إني علقت ع التدوينة الجميلة قوووي دي ، يا ترى تعليقي ذهب مع الريح ؟؟؟؟


**************

على كل حال محتاجين رأيك ف الــ مدون ، وشايفاه إزاي ، وده عندي


تحياااتي

أنسانة-شوية وشوية said...

بجد بجد روعة يا ايمان كل كلمة كتبتيها حستها جدا وكأنى انا اذوب فيها وفعلا عندك حق لما تحس انك طاير بجناحين وان قلبك مش ميستوعب الحب اللي جواه وانه هيخرج باره من احساسه به يبقي فعلا تذوب شوقا
تسلم ايديكى يا جميلة

mado80 said...

إيمان

حمد الله علي السلامه ولو إني متعود إنك تغيبي تغيبي وبعدين تكتبي بوست في الجول زي ده

بجد يا إيمان إنتي هايله وأقر واعترف بأني أذوب مثلك عشقا

تحياتي ليكي يا إيمان والف تقدير لشخصك الكريم

أحمد سلامــة said...

انت اذن جديرة بان تحسدي
:)
ادامه الله عليك من احساس

Anonymous said...

بسم الله الرحمن الرحيم

(رسالة الي كل مسلم)
الرجل الي رسم الكاركاتيروالرسوم المسيئة علي حبيبي وقرة عيني الرسول(ص) قد مات محروقا هوواهل بيته جميعاوالدنمارك تحاول تكتم هذا الخبر.
ارجوكم يا جماعة نشر الخبر لان في اخت مسلمة موحدة مؤمنة من فلسطين رات رؤيا قالت انها رات اللي هينشر الخبر ربنا هيفرحه بعد اربعة ايام ويري السعادة والفرحة في كل شي من حوله (صحته و ماله وبيته)
رجل اسمه الدكتور/ عبدالله مصطفي قال:
شاهدت بعيني الرسول(ص) في منامي واوصاني سلاما علي الناس.
فيجب علي كل مسلم يقرا الرسالة ان يوزعها وينتظر اربعة ايام فسوف يفرح فرحا شديدا واذا لم يوزعها فسوف يحزن حزنا شديدا علي ماله واهله لانه لا يدافع علي رسول الله.

كلام على بلاطة said...

جميلة اوى هذه الخواطر
يا ريت تكبر وتبقى اشعار
اسلوبك جميل ومشاعرك اجمل
تحياتى

Eman Eltaher said...

Yamen :

طب يارب تكون النكت عجبتك و انا ف انتظار رأيك ف البوست
شكرا لزيارتك الكريمة

تحياتى

___________________________________

دكتور مستكنيص :

والله أنا ليا الشرف و مبسوطة بالمكانة دى أكيد
وان شاء الله تزورها و تعجبك علطول
و حمد الله على السلامة يادكتور

___________________________________

حدوتة :

الحمد لله ان التأخير جه على قد كده
:)
و شكرا بجد انك عرفتينى على مدونتك
وعلى مجاملتك الحلوة

تحياتى

___________________________________

تمر حنة :

بجد انا مش عارفة أقول إيه بعد كلامك الجميل ده
ده أكيد من ذوقك و متتصوريش انتى فرحتينى ازاى بكلامك ده و بإنى عرفت مدونتك الجميلة دى

أرق تحياتى

Eman Eltaher said...

مع إصرارى :

اهو تخيل انه مش بس الأسباب اللى قلتها الا انه أسباب كتييييييييير خلت الناس كل تركيزها ع الماديات وبس
اتباعا بمبدأ " معاك قرش تساوى مليم " ههههههه
ده أصلا الجنيه دلوقتى ولا حاجة ..

بس بجد شكرا على ذوقك ده

__________________________________

كريم غالى :

الله يبارك فيك يا كريم
و عقبالك انت كمان ان شاء الله هانت أهه
تعرف انت لما قلت بعيدا عن التذوق الفنى قلت ان أن أن يبقى البوست أى كلام بس بجد مزعلتش لان لكل واحد زى ما قلت تذوق خاص بيه
ممكن تكون متذوقتش تعبيراته اوى لكن حسيت معانيه و لقيت الجمل بتوصل المعنى و خلاص
اعذرنى أنا كاتباه من حوالى أربع سنين !!! و قلت أحطه عشان يسد شوية بدل ما افضل كده من غير جديد

أنا كان نفسى اروح الجوب فير مش عشان أقدم و كده بس عشان بجد وحشتنى الكلية وللأسف غصب عنى معرفتش أروح


شكرا يا كريم على انك قلتلى و ربنا يوفقك و تتخرج بجيد جدا ان شاء الله

__________________________________


أحمد العربى :

والله متتصورش أنا قعدت أضحك قد إيه لما قريت تعليقك الجميل ده

و انت والله كارمنى بجد و مش عارفة أقول إيه بعد المجاملة دى
ربنا يكرمك يارب

هو انا فعلا قلبت مرة واحدة و كتبت خاطرة لأول مرة بس هيا أصلا كاتباها من زمان عشان كده ممكن تلاقي كلماتها ركيكة شوية !!! :)))

تنور المدونة علطول

__________________________________

إبراهيم .. معايا :

يعنى بذمتك معقول انى أمسح تعليقك مثلا ؟؟
أنا مندهشة انت كتبته امتى و فيييييييين ؟؟؟؟؟؟؟
عموما يمكن انت مأخدتش بالك هو اتحط على الصفحة و لا لأ

شكرا بجد يا إبراهيم على الزيارة الحلوة ورفع المعنويات

Eman Eltaher said...

إنسانة شوية و شوية :

ربنا يكرمك بجد
رفعتى معنوياتى اللى متدهورة بسبب انى مش عارفة أكتب حاليا زى الأول خالص
يارب تيجى علطول بقى وتكونى صديقة ليا ولمدونتى
نورتى المكان بزيارتك الحلوة

___________________________________

Mado80 :

الله يسلمك يا مادو
والله المجاملة الحلوة دى أكيد من ذوقك و من كرمك
و الحمد لله لانى كنت خايفة ميعجبكوش
و أهى جات سليمة :)))

عقبال بقى الصدمة الجاية
:))

نورت المدونة بزيارتك الكريمة

___________________________________


أحمد سلامة :

انا على كده المفروض أحط بخور بقى ف المدونة
:)))
ربنا يكرمك يارب

___________________________________

مع رسول الله :

جزاك الله خير و لو انى مش بحب انه حد يقول لو ممرتش الكلام ده هتبقى حزين و لو مررته هتلاقى نفسك فجأة فرحان و سعيد لان كده احنا بنتدخل ف القدر و أحكام ربنا
بس انا معاك ف اننا كلنا كمسلمين لازم نقف ضد الافتراءات على الإسلام و على النبى بوجه خاص

جعله الله ف ميزان حسناتك

__________________________________

كلام على بلاطة :

شكرا على المجاملة الكريمة
و يارب تعجبك كل البوستات اللى جاية و اللى فاتت كمان

طمع بقى
:)

أميرة الاحزان said...

بجد حلووووووووة اوووووووووووى ...
تسلم ايدك ...

david santos said...

Very good, Eman, very good.
Muito bom, Eman, muito bom.
By

حمامة said...

بجد يا ايمان جميل جداً
الأسلوب والتعبيرات والتشبيهات
تحفة والله

:)

د. إيمان مكاوي said...

خواطر رقيقه ومدونه جميله ...أنا زعلانه لأني مشوفتهاش من زمان ..لكن ملحوقه

تحياتي

MaMaDo said...

انا حاسس انى اخت تسعين قلم على سهوا

بجد جميله اوى اوى
و الحته الاخيره جميله
و جميل فكرت التغير شويه كده و شويه كده و تجمعى فى الاخر

هههههه

اخبارك ايه :)

سندباد said...

عودا احمد
وحلو اوي اللون الجديد ده مش بقلك بنات افكارك دايما بتبهرني
لكي تحياتي الخالصة وبلاش تاخير تاني

sakayar said...

فاعلم اني أذوب عشقاً
جميلة أوي أوي يا إيمي والله
بعد انقطاع كبير عن البلوجات اديني رجعت تاني واول تعليق ليا عند حضرتك
وقريبا هتابع البوستات الكتير اللي فايتاني

EGYPT EYES said...

كلمات جميله

كوارث said...

يا اهلا يا اهلا
ايه الموضوع الجميل ده
خواطر جميلة وكلمات جميله
بأيدك
وشكرًا

(green eyes) said...

علمت الآن من كلماتك اني اذوب عشقا مثلك
كلماتك حلوة اوى وتشبيهاتك جميلة جدا
تحياتي

Zika said...

يا تري انتي فيييييييييني ا ايماان

momken said...

حلو اوى الكلام ده

متخليكى كده على طول ذوبتينا عشقا ياسيدتى

دانا قربت احبك
ههههههههه
ايه المشاعر الجامده دى
والاحساس العالى ده

تسلم ايدك

تحياتى

رئيس جمهوريه نفسى said...

اهى تصبيره وفى انتظار الضحك البوست القادم ان شاء الله

محمد الكمالي said...

كلمات رائعة تستحقين الثناء عليها

Soooo said...

انتي فين يا ايمي؟؟

يارب يكون المانع خير يارب


ملحوظه
انا قريت موضوعك ده بعد ماعملتيه بحوالي يومين
لكن للحق .. ماعرفتش اعلق
كنت في مود مش متظبط
لكن لما رقت جيت اقراه بروقان
وعايز اقولك .. لو ده نكد من وجهة نظرك
نكدي علينا كمان وكمان

بهزر طبعا
كلامك بجد حلو وبسيط وسهل قوي
حاسس انه قريب قوي

ربنا يرجعك بالسلامه يارب




سلاموووووووووز

تــــ(حـنة)ــــر said...

انتى فين
عايزة اشوف جديد و لا انتى يدوب بتعلقينا وخلاص
تحياتى يارب تكونى بخير

Saudi Romantic said...

مدونه جميله اشكرك عليها

Geo Amr said...

بجد برافو عليكى انا اكتر حاجة عجبيتى هى تنظيمك لشكل المدونة وبجد شكلها رائع جدااااااااااااا

عصفورة من الشرق said...

بجد انا اول مرة ازور مدونتك بس دى من احلى المدونات اللى قراتها
بعد القراءة اشعر انى اذوب مثلك عشقآ

ادم المصرى said...

بسم الله مشاء الله ما اجمل هذه المدونه وما اجمل ما فيها انا عجبنى جدا الحديث وعجبنى كل حاجه فى مدونتك بجد مريحه جدا بارك الله لكى فيها وجعلها فى ميزان حسناتك
اتمنا زيارتك مدونتى قريبا

maioya said...

جميله اوي
مجتش هنا من زمان
بس معلش الظروف بقي:((

رصيف نمره خمســــــه said...

ازيك ياايمى
فينك بقة من زمان عودة حميدة

الله عليكى ده احسن كلمات رومانسيه قريتها من فترة
عندما يسري الحب بأوردتك و العشق بمجرى أنهارك .. عندما تهتزُ بداخلك عواطفٌ هائمة .. و مشاعرٌ جياشة تفيضُ كالأمواج العائمة ..عندما تعشق الحب بكل صوره .. عندما تحب بلا محب .. و تذوبُ عشقاً .. فاعلم أنك لن تذوبَ عشقاً مثلي

بجد تحفة التدوينه ويارب تحسى بالراحة والحب على طول

(رصيف نمره خمسه)

تحياتى

حمامة said...

اين انتى يا فتاة :)

عروس البحر said...

وحشاني موت يا ايمان

تــــ(حـنة)ــــر said...

اين انتى
انتى ذوبتى على الأخر ولا ايه
ههههههه
وفققك اله و سمعنا عنكى خيرا

Soooo said...

انتي اتخطفتي يابنتي ولا ايه؟؟؟

ياجرعان لو حد خطف ايمي يقول
مش معقول يعني مانلمش فلوس حق الفديه
اي نعم هنبقى ناخدهم منها اضعاف مضاعفه .. لكن نفك زنقتها الاول


ربنا يرجعك بالسلامه يامرزوق




سلامووووووووووز

rommantic said...

الله كلامك جميل حتى لو مش ضحك بيخلى الواحد يعيش معاه فى عالم تانى
ربنا معاكى
سلام

Camellia Hussein said...

ايه يا بنتي فين مواضيعك بقي وحشتني

Mohamed Hesham Safa said...

بوست جميل جدا ...

أنا أذوب عشقا مثلك إذا ...

تحياتي ...

والسـ ختام ــلام

عروس البحر said...

وحشتيني يا قمر بلاش تغيبي كده

حمامة said...

انتى فين يابنتى انتى
طيب طمنينا عليكي

كحى طيب ولا اعطسى حتى

Anonymous said...

أنا أول مرة أدخل المدونة بتاعتك بس فعلا عجبتى أوى أوى أوى
المعانى راقيه و فى إحساس جميل جدا
ربنا يوفقك إن شاء الله

ღϠ₡ღأمير الهدوءღϠ₡ღ said...

عندما اقرأ تلك الكلمات الرائعه
يبقى اكيد انا في مدونة إيمان

^^
روعه بجد

تحياتي
^^

momken said...

هو انتى نسيتى الباسورد ولا ايه

انتى فين من زززززززمااااااان


تحياتى

مصر يا موكوسه .....يا مزارع الكوسه said...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع

Eman Eltaher said...

احم احم
Any Body Here ??????

يا عالم
ياهووووووووو
أنا جيييييييييييت
نورت البيييت ما انا عارفة

جاية أزور كل واحد فكيكم و اطمن عليكم

ربنا يخلينى ليكم !!!!
:))))

أقصد ربنا يخليكم ليا

و ميحرمنيش منكم


و إلى اللقاء ف الحلقة القادمة مع البوست الجديد
انتظرونا على القناة الخمنتاشر

مش تبقوا تيجوا ؟؟؟؟؟؟؟

MKSARAT - SAYED SAAD said...

ايمان العزيزة
عندما تشتاقي إلى حضن يدية
وتحليم بيومٍ
بأرضٍ سوداء
يبذرك عليها
يرعاكي كنبتة صغيرة
تعانق أوراقها هواء الفجر
يشتد عودها
يخضر قوامها
عندما تشتاقي أن تسيري عكس الجاذبية
تطالعي عنان السماء
وحولك المئات مثلك
يحملون الملايين منك
وتشتاقي لأيام تأكد بأنك موجودة
لقدر يٌعيد مرةً أخرى وجودك
وتحلمي بنفس اليد
تجمعكي أُماً
لبعضٍ منكِ
تكوني في راحتها
فأنتِ ايضا تذوبي عشقا
تحياتي
سيد سعد

Anonymous said...

good post
thx 3ll post

belal said...

أدينا فاتخين القناة الخمنتاشر والعشرتين كمان

حمدا لله على السلامة

ربنا يخلليكي للأمة كلها

دمتي بخير

..

momken said...

انا جاى اعيد عليكى

واقولك كل عام وانتى طيبه وبالف خير

تحياتى

momken said...

اه مينفعش امشى كده وخلاص على بوست زى ده

بعد الغيبه الطويله بوست جامد جدا جدا

حمدالله على السلامه

وتسلم ايدك
تحياتى

هانى زينهم said...

فين النكد ده يا ريت النكد كله كدة عموما مدونتك جميلة قوى وكل سنة وانتى طيبة

كـــيــــــــارا said...

حمد اله عل سلامتك

بس البوست حزين موت يايمي


تحياتي

كيارا

ايمان مجدى said...

اول توبيك اقراه فى المدونة ومقدرش اعد المرات اللى دخلت فيها علشان اقرا الكلام ده بس كل اللى اقدر اقوله انى كل ما بقراه بجد (اشعر انى اذوب عشقا مثلك)
كلام رائع جدا
الى الامام دائما

موجة said...

حمدا لله على السلامة الأول يا ايمان
و اذا كنتي فكرة ان بوست الضحك بس اللي بيخلينا ندخل هنا تبقي غلطانة و لامؤاخذة ههههههههههه
الحب برضه ليه ناسه
ربنا يباركلك
البوست بجد هايل يا ايمان
رمضان كريم

princess said...

هاى
قلت اجى ارد الزيارة ههههههه
ايه البوست الجامد ده
بجد اسلوبك حلو اوى جدا خالص:)
كل الناس بتقولك حمد الله على السلامة هو انتى كنتى مهاجرة هههههه
يالا اشمعنى انا حمد الله على السلامة:)
تحياتى يا صديقتى الجديدة

Eman Eltaher said...

جمااااااااااااااعة

أنا بشكركم على زيارتكم الحلوة

الله يسلمكم
(كنتوا قلتلولى حمد الله على السلامة )
بافكركم بس
:))

خلااااااااااص فوريجت
(فرجت)

البوست الجديد ناااااااااازل

هيييييييييييييه

ياللا ارفعوا القبعات
:)

شكرا شكراااااااا

نزلوا الطواقى خلاص

فين الفوانيس ؟؟؟؟

بسمه عبدالباسط said...

ايمان ده ميلى ابعتيلى عليه ميلك علشان نتكلم فى موضوع الكتاب

rohbosbos@gmail.com

Eman Eltaher said...

شكرا بجد يا بوسبوس
انا ضفتك

Unknown said...

جميل من قرأت

بحق انثى ذكية انتى

تحمل كلمات لمستنى بصدق

جميل ان اشعر اننى بين كلمات صنعت اسطر قوية

وجميل ان تملكها امرأه هى انتى :)

جميلتى لكى منى :)

حمدالله على السلامه

من بعيد اوى... بكتبلك :)

Unknown said...

جميل ان امر عبر كلماتك
جميل ان جد انثى لها احساسك
وجميل ان ارى ما خلف معالم ذلك الوجه الآمل بالغد
جميل ان نعرف حقيقة ما نحيا عليه وله
والاجمل ان نعرف من نحن

كلماتك لمست اركان فى عالمى .. وتعلمت
فلكى كل تقدير واحترام

ولكى منى :)
من بعيد اوى ... بكتبلك

Eman Eltaher said...

حقيقى انا عجبنى تعليقك جدا
و قدرة تعبيرك عن حقيقة شعورك تجاه البوست

و بجد دى مجاملة جميلة اشكرك عليها جدا
وبحييك بجد على مدونتك الرقيقة
وكلماتك المنتقاة بالشكل اللى ينبهر بيه اى عاشق و عاشقة للرومانسية

وان شاء الله يدوم التواصل التدوينى
يدوم قلمك

تحياتى لشخصك الكريم

ghorBty said...

السلام عليكم ورحمة الله وبركاته

عجبتني جدا خواطرك ففيها الكثير مما يحدث داخلي

انا جديده في عالم التدوين ولكني سعدت عندما دخلت هذه الصفحه وقرءات هذه الكلمات

دمتي دائما بخير

وادعوك لزياردة مدونتي

mado80 said...

كل سنه وانتي طيبه يا ايمان

رمضان كريم

انتي فين صحيح

:)

websites directory said...

شكرا على المدونة الرائعة

sarah said...

مدونة جميلة فعلا والبوست كمان بيجذب للقراءة , بيسعدني اتابعك على تويتر وان شاء الله بيوصلني كل جديد .
تحياتي الحارة

نادى الهلال السعودى said...

اشكرك على هذة المدونة الرائعة

احمد الشريف said...

أحسـاس لا يوصف...وكلمات بتنقش علي قلوبنـا ... وعجزت الحروف والابجديات عن وصف اعجابي بها...ف كلماتك في أذوب عشقـا ...عجبتني فوق ما تتخيلي...لانها نبض للقلوب و أحساس حالم ونقي ..لمـا يدور بداخلنا... ربنـا يسعدك ويحفظك

لكي منـا كل الـود و الــورد

سوق الرنان الالكتروني said...

مدونتك رائعه.....شكرااا لك

sites like service said...

شكراااااا لك .....مقالتك اكثر من رائعه

all uk sites informations said...

شكرا على مجهودك الرائع

مواقع الاطفال said...

مدونه مميزه ورائعه...شكراااا لك

how to do it easy said...

مشكور علي المدونه...كل التوفيق

ابراهيم خليل said...

حينما اراكى تحلقين سحرا .. وتمتطين بجوادك طيات السحاب .. حينما اراكى بتخيلاتك وافكارك تحلقين فى آفاق الفضاء فأنت شاعرة واعدة بحق السماء ولست كاتبة تنثرين عطر الكلمات فى الهواء .. حقا ولأول مرة تشدنى مدونة واغرد معها واعزف مقطوعة تستحق الثناء أو أغنية رائعة تغنى فى جنة فيحاء تحية لكى واتمنى زيارة مدونتى مدونة الشاعر المصرى ابراهيم خليل .. كما أرجو تصفح جريدة التل الكبير كوم فنحن فى حاجة الى مراسلين متميزين بأسلوب فية الثراء (ابراهيم خليل-رئيس تحرير جريدة التل الكبير كوم).. والرد علي هو قمة الرجاء (ابراهيم خليل).

Eman Eltaher said...

بعد هذه الكلمات لا أستطيع ان أقول شئ
سوى ..
أنى حقا ممتنة لحسن ثنائكم على كلمات كتبتها منذ سنين مضت ..على الهامش
لكم منى كل الشكر
وأتمنى أن تنال كل كتاباتى السابقة حسن ظنكم..
,,,,,,,,,,,,,
وشكرا ابراهيم عجبنى تعليقك وارتجالك هذه الأبيات
وكنت أتمنى لو يكون هناك "لينك" لأطلع على المجلة
وبكل التوفيق ان شاء الله ..