♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Saturday

كلاكيت آند أكشن

بعد التأمل العبقرى فى وسائل الإعلان المختلفة !!! و التطلع الفضولى فى إعلانات التلفزيون ، الراديو ، الجرايد ، و المجلات ( لحد ما بقيت مدمنة ) !!!!!!! و بعد الدراسة الذاتية الشاملة التى أجريتها و التى نتج عنها احتمالية انفجار برج من أبراج نفوخ سعادتى !!!!!!!!!! كان من الطبيعى أن أكتب لكم هذا " البوست

1 : 2 : 3 >>>>> ACTION

1 –
صراصير شوب لإبادة الحشرات !!!!! وداعاً حاراً للنمل و البراغيت !!!!!!!! متخصصين فى نش الدبان و صعق رجلين الصراصير !!!!!!!!! لدى "أكاديميتنا الدولية" (مهندسين!!) تخصص رش منازل و تبخير حشرات !!!!!!!! - ؟؟؟؟؟؟؟؟ - كما لدينا أحدث شباشب كهرومغناطيسية لتفطيس الصرصور !!!!! معاً نقضى على شنبات الصوريصارات

2 -

مؤسسة الحاجة خاطبة لراغبى الجواز !!!!! مهما تكون ظروف محفظتك ،، عمرك الإفتراضى ،، و بشاعة سحنتك !!!!!!!! - أستغفر الله - هتلاقى برضه شريكة حياتك ... مقابلات أكتر ،، موديلات أكتر !!!!!!! و لدينا تشكيلة من أروع عروض ألفين و تمانية !!!!!!!!! و ابقى لايمنى ع المعلوم

3 –
بيتزا فشنج !!!!!! اشترى بيتزا تاخد اتنين ... واحدة ف وشك !!! ،، واحدة عجين !!!!! جربت البيتزا الإيطالى بصوص الخنزير المحمر ؟؟!!!!!!! جربت البيتزا اليونانى بطعم الفيران المشوية ؟؟!!!!!!!! لسة مجربتش ؟؟!!! يا نهار أبيض الحق نفسك !!!!! خدلك بيتزا كاوتش هدية !!!!! و ادعى عليا


4 –

زفتة سنتر !!!!!!!! هنا أكبر مركز يعالج وشك و جسمك المكعبر !!!!! - أستغفر الله - بالإضافة إلى الحقن و الإزالة و الفرد و الوشم و الصنفرة و..و.. !!!!!!!!!! لتكونى أجمل تحفة فى متحف الشمع !!!!!!!!!!!!!! ملحوظة : الصيانة و التركيب مجاناً !!!!! ،، قطع الغيار متوفرة لدينا


5 –

كوكو واوا !!!!!!!!!! المشروب الرسمى لمصر المحروسة !!!!!! و الراعى الرسمى لحرب الأمم الأفريقية !!!!!!!!!!! شجّع بلدك و اروى عطشك !!!؟؟؟ ادّيها كوكو واوا ادّيها !!!!!! و رجّع بعديها


6 –

د/أبو جلامبو !!!!!!!!!!! زميل كلية الجزارين بإنجلترا !!!!!!!!!! حاصل على درجة الفهلوة بتقدير امتياز مع مرتبة القرف !!!!!!!!!! اذا كنت تعانى من آلام فى صباع رجلك الشمال !!!!!!!! أو تعانى من التهاب فى الغدد المستوية !!!!!!!!!!!! فلا تتردد .. لدينا أحدث ساطور لبتر كل ما يؤلمك

7 –
مطلوب للشراء : قط شيرازى موون فيس أو بيكى فيس !!!!! - ؟؟؟؟؟ - وش مسمسم !!!!! عود رشيق !!!!! رضيع أو شحط نو بروبليم !!!!!!! بالضمان !!!!!! + اكسسوارات البيبى كات !!!!!!! بأعلى سعر !!!!! بدون وسطاء

8 –
عيادة هيستريا للأمراض النفسية !!!!!!! زيارة واحدة فقط و تنطلق إلى العباسية !!!!!! لدينا شيزلونج مريح مصنوع من الحرير الفاخر !!!!!! سيتم الإستماع إلى جميع مشاكلك و كلنا آذانٌ صاغية !!!!!!!!!! نحميك من آثار الشلل العاطفى و الجنان المبكر !!!!!!!!! و نصل بك إلى بر الأمان الموعود .. فى السراية الصفرا

9 –
مع الفقرية للإتصالات !!!!!!!!!! دخّل خط تليفون بأقوى المميزات : بخ
*فيه حرارة **تتكلم منه
***الناس تكلمك عليه ****معاه سلك هدية
و كل دة بألف جنيه بس !!!!!!!! الحق العرض !!!!! كل اللى مطلوب منك : الفلوس طبعاً !! ،، بطاقتك ،، عقد تمليك أو إيجار الشقة ،، تقرير عن مرتبك الشخصى !!! ،، عنوان شغلك/شقتك/أهلك/الجيران !!!!!!! صورة حديثة لشخصك/مراتك/أولادك/و الإيه تى إم بتاعك !!!!!!!!!!! تقرير عن حالتك الصحية و النفسية !!!! وأخيرا شهادة بسيطة تثبت إنك أهبل و بتاخد على قفاك
10 –

الحوادث للتأمين !!!!!!!!!!! أمّن على حياتك عشان لما تموت إن شاء الله هنبعتلك حوالة على قبرك !!!!!!!! أمّن على عربيتك عشان لما تتدشدش بإذن الله هنصرفلك تمن كاوتش مجاناً !!!!!!!!!!! أمّنى على فستانك ،، جزمتك ،، نضارتك ،، قطتك !!!!!!! عشان لما ربنا ياخدهم و يولعوا بجاز نِدّيكى بدل شحاتة


11 –

مركز مقلبظ للتخسيس !!!!!!!!!!!! لو كنتى بتعانى من السمنة المفرطة لا سمح الله !!! و مش لاقية لبس على مقاسك ... هنا أكبر مركز يهدّك و يكسرلك عضمك !!!!!!!!!! ده غير عمليات شفط الدهن و تخييط المعدة كروشيه !!!!! و ضغط المناطق المنفوخة !!!!!!!!!!!!!! ملحوظة : عدم مسئولية المركز عن أى حالات تشوه أو وفاة


12 –

للجادين فقط : سيارة موديل 70 !!!!!!! فابريقة و بحالة صحية ممتازة !!!!!! اللون: تركوازى ميتاليك !!!!!! محرك سعة 14 سيسى !!!!!!!! تعمل بنظام الزقّ !!!!!!!!!! يُرجى إحضار حنطور لنقلها


13 –

السفروتة التعليمية !!!!!!!!! المركز المتخصص فى نهب الطلبة و الباحثين عن العمل !!!!!!!!!!!! معنا تحصل على أقوى الشهادات المعتمدة.. أسعار تبدأ من 1500 فقط !!!!!!!!! احجز و اطمئن.. سوف نؤهلك للإلتحاق بأرقى العاطلين و الجلوس معاً على أفخم "قهوة " !!!!!!!!!!!!! عرض الشهر : يوجد بالقهوة شيشة تفاح أمريكانى


14 –

أنا عُريفـّة اللهلوبة !!!!!!!!!! لو حد عنده أى مشاكل و مش عارف يحلها .. كلمونى و هندردش مع بعض !!!!!!!!!! لو كلمتونى بعد نص الليل هاسيب المسلسل و هارد عليكم شخصياااااااااا !!!!!!!!!!!! ياللا هستناكم.. اتصل من أى محمول على (..) و قول مشكلتك و ربنا هيحلــّها


15 –

مستشفى النيل عزرائيل !!!!!!!!!!!!! تعلن عن توافر جميع الأجهزة المتخصصة فى قبض الأرواح !!!!!!!!!!!!! كما تعلن عن توافر حانوتية ذات كفاءة عالية !!!!!!!!!!! و اكتشف بعد ما تتدبس إننا بأسعار مهاودة !!!!!!!! ( فقط 12000 جنيه / 8 أيام + المريضة ف تابوت !!!! ) الله يرحمك يا نينة – و نظراً لمراعاتنا الشديدة لحالات الوفاة سوف يتم خصم 250 جنيه من إجمالى الفاتورة !!!!!!!!! يا بلاش !!!!!!!!!! ( دى مش تهريج.. دى بجد و بنفس الأرقام) !!!!!! - ؟؟؟؟؟؟؟؟؟؟؟

تعليق أخير : ... لا تعليق

إيمان

99 comments:

мσнη∂ιš said...

هههههههههههه
لاااااااا ده المزاج عالي انهار ده
على فكرة، أنا ليا صديقة مصرية عزيزة عليا، صديقتي الصدوقة صرصارة أقصد ساره، و حكاية المبيدات دي حتعملي مشكلة معاها، بس ما علينا أنا مش حجيب سيرة، إحنا حايين نهدي النفوس بس
ههههه و مرسي ع البوست الهايل

مصطفى محمود said...

انا اول مرة ازور مدونتك
بس شكلك زعلانة كتير من الناس
هما فعلا بيعملوا كل الحاجات اللى انتى قولتيها دى وهى تزعل فعلا
وانا كمان عجبنى اسلوب التعبير عن الزعل دة
يا ريت تزورى مدونتى واتمنى انك تقدمى اكتر واكتر باسلوب متميز

تشكرات

basma saghir said...

كل ده في قلبك ياضنايا وساكتة..والله يا ايمان بتلفتي نظري لحاجات غريبة بشوفها اه بس مش بقف عندها كتير

حاجة تنرفز مش كدة
سيبك..انتي وحشتيني متبقيش تغيبي كتير كدة تاني

mado80 said...

ههههههههههههه

ده كده واضح أن فيه ابراج كتير أوي اتنسفت في دماغ سعادتك مش برج واحد

يلا خير هي بيني وبينك أعلانات تنقط ومش بس كده ده اساليب الدعايه نفسها مستفزه أوي أهم حاجه ما تشليش في نفسك علشان نحافظ علي الأبراج اللي باقيه

:)


تحياتي ليك يا ايمان وألف تقدير لشخصك الكريم

الحلم العربي said...

اول مرة ازور مدونتك
بجد مدونة جميلة
أفكارك حلوة اوي
و مش قادرة اقول لك ضحكت قد ايه على البوست ده
دمك خفيف جدا
تسلم ايدك يا جميلة
و إن شاء الله تكون بداية صاقة تدوينية
فرصة سعيدة
تحياتي

ToOoKa said...

السلام عليكم ورحمة الله وبركاته

نسيتى كمان كوفارتينا على العريس
والمبيد الحشرى اللى يتغلغل وينتشر وينتشر وينتشر

ولا اعلانات على الحلل اللى ليها ميزه مميزه متميزه الا وهى ليها غطا ومساكات
ياااااااااه معقول فى حله بالمواصفات دى

انتى لسه شوفتى حاجه
دا فى كمان لحاف بيتفرش على السرير وممكن تتغطى بيه لو حسيتى انك بردانه

والله عندك حق يا بنتى انا اتخنقت من كتر الاعلانات العبيطة اللى تجيب شلل

بس طريقتك مختلفه ولذيذه زيك
وما تنسيش عاوزه اسمع انك اشتركتى فى مسابقات وان شاء الله تكسبى فيها

أختك توكا

عــلاء ســالـــم said...

السلام عليكم

بجد موضوع متميز جداً
للأسف الشديد الواقع لا يقل سخرية عن اللي كتبتيه في الموضوع دا.
دا اللي ينطبق عليه مقولة شر البلية ما يضحك .

وخصوصاً موضوع المستشفيات وكذلك سوق الدواء في مصر .
للأسف إحنا سبب تخلفنا مش مشاكل إقتصادية لكن السبب هو مشاكل أخلاقية . لأن أغلبنا يعاني من ضمور في الضمير .

Anonymous said...

فى اكشن كمان ممكن ائوله
طبعا اقل كتير من التحف اللى قدمتيها بس بجد نفسى ائوله وغايظنى اوى يا ايمو
اكيد غايظك انتى كمان .....صح
ههههههههههه الارقام الموجودة فى كل القنوات وخاصة المصرية اللى شبابها تافه
ييجى يئولك اتصل وخد رنة باسمك حضرتك هههههههه
بس تسمعى اسمك بجد تكرهيه فعلا وممكن تتبرى منه والله حاجة تدحك بجد

وحسبى الله ونعم الوكيل
اميرة

أحمد العربي said...

هييييية
دنيا
واديني رجعت
هههههه
عارف اني اتاخرت
جدا
بس اممممم
الاعزار كتير
بس معلش
ملحوقة
المهم
ازيك يا ايمان
دايما كدة مواضيعك بتيجي في الجووووووووون
موضوعك مهم المرة دي يا ايمان
الاعلانات الوهمية بقت حاجة مخيفة فعلا
حاجة مقلقة
يمكن انتي مبالغتيش
في عرضك للحالات
في حالات فعلا زي كدة وأسوأ

واحده من الناس said...

يخرب بيت عسلك؟؟
لأ بجد أسلوبك سكر خالص
ضحكتينا يا شيخه
برغم اني كل ما اشوف الاعلانات دي يركبني ميت عفريت...
سلام يا سكره

حازم ربيع said...

ايمى
-*-*-

انا مش قادر اقولك

تعليق

غير انك بجد عسولة

وذكية موت

لو تستمرى

فى التركيز دا

هاتكونى افضل كاتبة ساخرة فى مصر
----------------------------
--------------------------------
مع تحياتى حازم ربيع

عروس البحر said...

كده برده يا ايمي
نفضل زي ما احنا تقولي دقة قديمة
نتقدم و التكنولبيا تزيد
تترقي
تحياتي يا قمر
امواااااااااااااااااه

اسكندراني اوي said...

ههههههههههههههههههه
عشره على عشره
صحيح والله هو دا اللي ماشي اليومين دول

Unknown said...

ايمان

اية الجمال دة كلة

بجد ضحكتينى وانا مدهولة

يخرب بيت عقلك

تحفة بجد انا مكنتش فاكرة ان دمك خفيف كدة

بجد مبسوطة جدا انى اتعرفت عليكى اكتر من خلال مدونتك

دومتى بالف خير

نوراى

Eman Eltaher said...

Mohandis :

هههههههههههه
ربنا يخليك يارب فعلا المزاج أحسن شوية
و انت نورت المدونة و بعدين انت جاى تهدى النفوس طبعا .:) اوعى بس سارة تقرا كلامك ده
ههههه
تحياتى

__________________________________

مصطفى محمود :

و ان شاء الله متكونش الزيارة الأخيرة
انا مش زعلانة من حد و لا حاجة
الموضوع انه الإنسان بيشوف ف حياته حاجات كتير غلط ف الناس ولو حتى اللى ميعرفهمش .. مجرد انى أشوف إعلانات سخيفة تضحك الطفل من هبلها !! هههههه فده شئ غريب و يستفز الواحد

ربنا يكرمك يارب على المجاملة الحلوة و يارب يسمع منك

__________________________________

بيسوو

نورتينى يا قمر مش هغيب تانى كتير ان شاء الله
و كويس انى بجيب التايهة !!! ههههههه
ربنا يوفقك دايما و يزيد من بوستاتك الرقيقة
شفتى بقى كل ده ف قلبى و ساكتة !! ههههههه

__________________________________

Mado80 :

هههههههههههه
واضح انه باين انه فيه برج اتنسف تقريبا
بس انا انشاء الله هعمله ريفريش !! :)
دورت كتير على قطع غيار لدماغى مش لاقية
هههههههههه
هحاول مشيلش ف نفسى عشان فعلا انا مش مستغنية عن الأبراج التانية

نورت المدونة

__________________________________

الحلم العربى :

و الله أنا اللى مش عارفة أقول إيه على مدحك و كلامك الجميل ده اللى أول ما قريته زرع فيا ابتسامة جميلة
ربنا يكرمك
و ان شاء الله تدوم الزيارات و تكون بداية أكيد لصداقة تدوينية
تحياتى

Eman Eltaher said...

Tooka :

هههههههههههه
و الله بجد انتى اللى عسل و خفة دم جميلة جدا
نبهتينى لإعلانات كنت مش واخدة بالى منها تماما
ههههههههه
ضحكتينى جدا و الله
ربنا يحميكى
ادعيلى ان شاء الله هبقى أقدم ف مسابقات
المشكلة انى اتخرجت خلاص و المسابقة الوحيدة اللى دخلت فيها كانت ف الكلية و مش عارفة المسابقات التانية هتكون فين :) ربنا يوفق الكل و يوفقك دايما
أختك إيمان

__________________________________

علاء سالم

كل كلامك كان عين العقل و الله يا علاء
فعلا مصر مش بتعانى من أى مشكلة ف أرضها و انه العيب مش فيها لكن العيب ف ناسها
أنا مش عارفة معدين الإعلانات دى هل هما أغبية لدرجة بيخترعوا إعلانات ساذجة كده و لا هما واخدين فكرة عن الشعب المصرى انه غبى يعنى !! ههههه
الاتنين ينقطوا

ربنا يحميك و الى الأمام دايما و يديم قلمك الموهوب
تحياتى

__________________________________

أميرة :

إيه يا قمر ده
يعنى داخلة حامية و مفيش لا سلام و لا وحشتينى و لا أى حاجة
هو يعنى عشان اتخرجت سبت الكلية يبقى تنسينى !! :)
والله متتصوريش انا فرحت قد إيه لما لاقيتك موجودة ف مدونتى و بجد كنت خايفة تكونى نستينى .. سلميلى على الكل و ان شاء الله أشوفكم ف أقرب وقت اذا أمكن قريب
الإعلان اللى قلتيه فعلا بيضايقنى جدا .. هو و الأعلان اللى بيقول " ابعت لحبيبتك قصيدة بحروف إسمها .. عندنا حب زمان بشكل جديد !!! "
ههههههههههه
الظاهر انهم متخلفين

تحياتى يا جميل
___________________________________

أحمد العربى :

ياااااااااه
ده أنا المفروض أزغرد
و لو انى مبعرفش
شفت الورد اللى مفروش على ناصية المدونة ؟؟ !! ههههههههههه
مشفتوش ؟؟
أهو أنا الى مش حطاه
ههههههههههههه
:)
والله عودة جميلة و نورت المدونة و انا بفرج بجد لما بلاقى الزمايل اللى اتعرفت عليهم من اول ما أسست مدونتى!!!
شفت أسسست دى ؟؟

يارب متغيبش و تكتب من تانى و بلاش كسل

__________________________________

أوشة :

و الله انتى نورتينى و فرحتينى بكلامك الحلو ده
ربنا يتمملك بخير يارب و تكونى أجمل أم
متنسيش الدعوات

تحياتى

Eman Eltaher said...

حازم ربيع :

لا لا لا ده بجد مدح فوق الوصف
أنا كده هاتغر :)))))))
ربنا يسمع منك
انا مش بحلم انى أكون اول كاتبة ساخرة ف مصر

يكفى أكون التانية !! ههههههههه
أنا نفسى فعلا انى أكون كاتبة و الحلم ده مش عايز يسيب دماغى نهائى
ربنا يزيدك تفاؤل و أمل زى ما خليتنى ف منتهى الأمل و التفاؤل

على فكرة انا ضيفت لينك البروفايل بتاعك زى ما طلبت
أى خدمة

تحياتى

__________________________________

عروس البحر :

ههههههههههههه
انا مقلتش حاجة خالص .. انا غلباااااان
و بعدين انا مبحبش اللوبية اوى
لو كانت تكنوملوخية يمكن مكنتش اتريقت !!! :))))
تحياتنى يا جميل

___________________________________

اسكندرانى أوى :

هههههههه
أى خدمة .. انتوا تتمنوا بس :)))

___________________________________

نوراى :

والله انتى اللى رقيقة وكلامك زود من روحى التدوينية !!!! :) دى مجاملة جميلة اوى ربنا يكرمك عليها
و انا اللى سعيدة انى اتعرفت عليكى

دمتى بألف خير و توفيق
تحياتى

مدحت محمد said...

ههههههههههههه
اسلوبك ساخر ورائع جدا
فى الكلاكيت
اكشن
ولو حابة تعرفى معلومات اكتر اتصلى ب09000900
وهيوصلك منتجنا لحد البيت
خمسون جنيها زائد مصاريف
الشحن
اتصل الان على ارقامنا
التالية
نصلك اينما كنت
تحياتى

Soooo said...

ده انتي دمااااااااااااااغ
بجد دماااااااااااااغ


من حوالي سنتين تقريبا وأول ما الوسيط نزل في الاعداد الأولانيه .. قريت اعلان عن واحد بيعرض فيل هندي عنده سنه للبيع
للاسف مش محتفظ بالعدد ده


ملحوظه
تفتكري مراكز التخسيس دي .. ممكن تعمل في حالتي اي حاجه؟؟؟؟؟



سلاموووووووووووز

صالح سعيد said...

يبدو ان النهارده هو يوم اكتشاف مدونات جامده جدا
ايه الجمال ده
بجد تسلم ايدك
ربنا يزيدك ويوفقك
واتمنى زيارتك لمدونتى المتواضعه
تقبلى تحياتى

Anonymous said...

أزيك يا ايمان :

انا قرئته بس بتاع المره اللى فاتت احلى بكتير .

بس كنت عايز اسئلك على حاجه : ايه نظام الشغل بعد الكليه ؟؟ يعنى فيه امل انى الاقى شغل على طول لانى كل اللى اعرفهم ما اشتغلوش غير واحد او اتنين بواسطه ..

كريم غالى

goodman said...

انت تنفعى مصممة اعلانات عبقرية
يا ريت تقوليلى فكرة اعلان عن مصر

روح شرقيه said...

يخرب عقلك
عسل عسل عسل
دمك والله شربات

فين يابنتى اعلانات الموبيل
شركه ام نبيل وشركه المكرفون

وفين اعلانات السمنه

تؤتؤتؤ
كده مش هنعرف نعيش

المدونه بتعك روعه
وانتى دمك شربات

تحياتى

مصطفى محمود said...

السلام عليكم ايمان
لماذا لم تنشرى موضوعات جديدة حتى الان
لعل المانع يكون خير ان شاء الله
واية يعنى "copy righted"
هل هى بتحمى المدونة من السرقة ولا اية
ممكن توضيح
سلاماااااااااااااااات

son's egypt said...

السلا م عليكم
فعلا بقت اعلانات تمل الواحد وتموت من الضحك عليالاخر

rommantic said...

حراااااااااام
كل ده انا تعبت من الضحك اسلبك ساخر جدا وساحر فى نفس الوقت
لا استنى انا هعيط ايه اللى جمع كل المشاكل اللى فى بلدنا مع بعض
ده كل فى وشى مره واحده
كتير على اول زياره سلام

HeBa said...

ياه جيتي على الجرح

ده فيه كمية اعلانات في التلفزيون تشل

والمصيبة إن فيه نسبة كبيرة منها بتيجي على قنوات دينية

حلل وبطاطين وأطقم سرير

ولا إعلانا الأعشاب والمواد الطبية اللي مفروض أنها أدوية

واللي سبحان الله بتداوي كل حاجة وبدون الرجوع لطبيب وفي زمن قياسي

فعلا موضوع الإلانات زاد عن حده بدرجة تشل

يمكن لإن كمية السلع المعلن عنها نفسها زادت فبالتالي المنافسة وارغبة في التسويق كمان زادت

الله أعلم

تقبلي مروري

Camellia Hussein said...

تعرفي يا ايمي انا مشكلتي الوحيدة مع البوستات اللي بتكتبيها ايه؟؟؟
اني ما بعرفش اعلق!!قريت البوست الاخير ده تقريبا تاني يوم كتبتيه
مت من الضحك وخرجت وكل يومين ادخل واقول هخلي عندي دم واعلق ادخل برضه اقعد اضحك وبجد مكابلاقيش حاجة اعلق عليها بعد اللي انتي قايلاه بجد انتي هايلة
تعرفي انتي هايلة كمان في الشعر والقصص والخواطر اللي كنتي بتكتبيهم بس بجد في الكتابة الساخرة دي مالكيش حل خصوصا ان اللي انتي بتكتبيه ده من اصعب الانواع مش سهل ابدا ان حد يكتب حاجة تضحك الناس بالشكل ده ووراها معني مهم وليها قيمة وفي نفس الوقت تقدر تقراها كل يوم وما تبطلش ضحك
ما تفكري تكتبي سيناريو كوميدي يا ايمي انتي موهوبة بجد يا بنوتة
واحشاني كتير

Anonymous said...

لذيذة قوي
فكرتيني بفيلم خالي من الكوليستيرول

الوغد للتأمين

ولية تسكن قريب
لما ممكن تسكن بعييييييييييييد

simple girl.. ..simple dream said...

يا بنتى انا كمان الموضوع دة منرفزنى
خصوصا اعلان اقعد على الكنبة وكل محشى وهتخس النص
ولا اعلان ارمى ادوية السكر وهات الدوا بتاعنا والغيبوبة مضمونة ولا يهمك
انا مش عارفة مين بيوفق ان الحاجات دى تتذاع
ربنا يهدى !!!!

Eman Eltaher said...

دوحة :

ههههههههه الزيرو تسعمية دى عاملة مشكلة جامدة مع الناس كلها و اولهم أنا :)
لو عايز تعرف معلومات هتتجوز امتى و مواصفات شريكة حياتك و نسبة التوافق يرجى الاتصال على
تيييييييييييييت

معدين الاعلانات دى اكيد مش طبيعين او بيستهبلوا
نورت المكان .. ميرسى لمرورك

_________________________________

ٍSoooo :

هههههههههههه ربنا يخليك .. الاعلان بتاعك ده ضحكنى اوى يا خبر ابيض .. فيل هندى ؟؟؟!!!! هههههههه
معظم مراكز التخسيس بتكون معتمدة غالبا على الرياضة و كسر الحيل !!! فاللى يقدر يمارس الرياضة هناك ممكن يمارسها لوحده من غير اشراف و لا توجيه
غير الرياضة مش هيبقى ليها معنى لو متغيرتش برامج التغذية و انواع و كميات الأكل
Don't worry Soooo
تحياتى
__________________________________

صالح سعيد :

ربنا يخليك يارب ده من ذوقك أكيد
نورت المكان و يشرفنى اكتساب صديق جديد لمدونتى
تحياتى

________________________________

Karim Ghaly :

ازيك شد حيلك هانت أهيه ان شاء الله
انا واثقة طبعا انه الموضوع اللى فات كان أحسن موضوع كتبته و انه طبعا احلى من ده بكتير

و متقلقش عن موضوع ا لشغل.. و متشيلش همه لما تتخرج ان شاء الله و تسعى و تدور على الشغل هتلاقيه بإذن الله

___________________________________

Good Man :

هههههههههههه لا تصميم الإعلانات ده مش تخصصى نهائى
كتابة ساخرة ممكن
اما موضوع الإعلان عن مصر فبجد مش هعرف أسخر من بلدى وطنى حبيبى
تحياتى

Eman Eltaher said...

روح شرقية :

هههههههه دمك زى الشربات و الله
ضحكتنى كلماتك و الله
اعلانات ام نبيل مصيبة لوحدها
و لا إعلانات : اشحت و كلمنى ع الكراكون !!! ههههههههههههه

يشرفنى بجد الزيارة الحلوة دى لمدونتى

__________________________________

مصطفى محمود :

ف الأول طبعا انا احب انوه انى مش بكتب كل يومين و لا كل اسبوع و انه وقتى للأسف مش مسامح
فعلى الأقل اسبوعين عشان أكتب جديد

ثانيا و ده الأهم .. استغربت جدا جملتك : ("copy righted " ,إيه يعنى ) !!!!

بص يا أخ مصطفى.. حسيت ف كلامك اعتراض غريب كإنه مش من حق الواحد انه يدافع عن حقوقه الفكرية ككاتب بيتعب ف مواضيعه اللى بيكتبها و بتاخد من وقته و جهده الكتير
وييجى حد بكل سهولة مطلقة يسرق شغله و يكتب عليها اسمه او حتى ميذكرش اسم او لينك صاحب الموضوع و كإنه لاقاه كده ع الرصيف !!!! ههههه

انا حطيت بانر لذوى الضماير الحية و لأصحاب الناس اللى عندهم دم و أخلاق بانبهم فيه انه دى سرقة و انه كده يبقى اسمه حرامى

لكن
.
.
اللى تسوله نفسه و فاكر انه مش هعرف أثبت حقى ف ده فهو يبقى حقيقى غلطان

سلاماااااااااااااااااات

__________________________________

Son's Egypt :

شكرا لمرورك الكريم و يارب يكون الموضوع عجبك
تحياتى

__________________________________

Rommantic :

هههههههههههههه
ربنا يخليك يارب ده من كرمك و الله

معلش انهم كانوا كتيير كده على أول مرة .. يمكن تانى مرة يمكن يكونوا أكتر شوية !!!! ههههههههه
تحياتى

__________________________________


Heba :

يا قمر انا مبسوطة لزيارتك الكريمة
و الاعلانات اللى قلتيها فعلا غريبة و تستحق السخرية
اما تفسيرك لده فهو مظبوط طبعا و أحب اضيف عليه انه معدين الإعلانات دى اتهبلوا !!! ههههههههه

تحياتى

Eman Eltaher said...

Camellia Hussein :

والله أنا يا كاميليا اللى مش عارفة أقول إيه على ذوقك و كرمك ده
دى مجاملة رقيقة جدا و فرحتنى اوى
و انا بجد ممتنة ليكى جدا
بس عايزة اقولك حاجة .. يعنى بدون مجاملة .. لو انا بكتب حاجات حلوة فانتى بتكتبى حاجات جميلة و ناضجة جدا

وحشتينى

God bless you Koky
__________________________________

مصطفى السيد سمير :

هههههههه
اه شفت الفيلم ده عجبنى افشاته

يارب يكون عجبك موضوعى
تحياتى

__________________________________

Simple girl.. Simple dream :

ههههههه ..ضحكتينى بكام الإعلان اللى ذكرتيهم .. خصوصا بتاع كل محشى و خس النص ّ!!! :))
نورتى المدونة يا جميل

حـــــدوتـــــة said...

السلام عليكم
دى اول مرة ازور المدونة
وطبعا مش اخر مرة
تصميم البلوج جميل واسلوبك اجمل
انا فضلت اضحك لحد وانا بكتب التعليق
صورتك وانتى صغيرة حلوة يا رب متكونيش اتغيرتى عشان قليل لما تلاقى بنت حلوة ودمها خفيف فى نفس الوقت
شكرا لزيارتك لمدونتى ويا رب تكون عجبتك
سلالالالالالالالالالالالالالام

Anonymous said...

مدونتك ظريفة ولطيفة زيك يا ايمان
وتصميمها بارع

لحظة تأمل said...

لا مش معقول خفة الدم ديه

انا بجد مبسوطة اوى انك زورتى مدونتى وسمحتيلى اعرف مدونة جامدة وانسانة جميلة كده زيك

بصى بقى موضوعاتك رائعة وكل مشاهدك اروع وتصميم مدونتك وافكارها مالهمش حل .. وكمان انا مقدرتش امسك نفسى من الضحك فى حتى الحيوانات بترخم

وبعدين كفاية الورد والفراشة الجميلة اللى اول ما افتح اشوفهم

ياريت تنورينى دايما وتقبلينى صديقة

تحياتى واعجابى

الخيط الرفيع said...

ههههههههههههههههههههه
ولا تعليق غير خافي علي صحتك يا بنتي

وحشتيني يا سيدتي الجميلة جدا واسفة علي تقصيري معاكي
بس انتي عارفة انها ظروف

EGYPT EYES said...

ههههههههههههههه كالعاده بوست جديد يرسم بسمه على وجوه قرائك
تحياتي

عروس البحر said...

omههههههههههههههههههههههههه
البوست ده قرأته
ستة و ستين الف مرة
من كتر ما هو بيضحك
اموااه

Eman Eltaher said...

حدوتة :

شكرا بجد على الزيارة و الكلام الحلو ده
ده من ذوقك
على فكرة كون انه الواحد دمه خفيف يتقبله الناس بسهولة ده مش معناه انه مش حلو !!!!
هههههه
على كده الحمد لله انه فيه ناس بتجمع
بين ده و ده

تحياتى

___________________________________

أمنة مختار :

شكرا بجد على الزيارة و الكلمتين الحلوين اللى أكيد من ذوقك

تحياتى

___________________________________


لحظة تأمل :

انتى فرحتينى بجد بالزيارة الحلوة دى و بالكلام الرقيق ده

ربنا يكرمك يارب
وانا بجد اللى يشرفنى اكون صديقة لشخصك الكريم
تحياتى

Eman Eltaher said...

الخيط الرفيع :

ههههههههههه
نورتينى يا قمر
ليكى وحشة والله
وانتى بجد بتنورى اى مدونة تزوريها

تحياتى

___________________________________


Egypt eyes :

ربنا يخليك يارب
ده من كرمك اكيد
نورت المدونة
تحياتى

___________________________________

عروس البحر :

يا خبببببببببببر
انا بجد والله فرحت اوى انك قريتيه أكتر رمن مرة
والله انتى عسولة اوى
تحياتى

Ahmed Al-Sabbagh said...

شكرا على اللقاء الجميل بساقية الصاوى

تعالى عشان تغطية اللقاء

ايميلاتى اهى

ahmed4u21@yahoo.com

ahmed000eg@hotmail.com


تحياتى

أحمد الصباغ

david santos said...

Hello, Eman!
Congratulations for yor evolutions.
By my friend.
Until always

سندباد said...

دايما بتبهريني بصراحة كل ما اقول خلاص بنات افكارك خلصت الاقي بنات وبنات وبنات
تحياتي

Anonymous said...

ههههه
ضحكتينى وما كنتش ناوية أضحك، مدونتك لذيذة
أسفة لأنى اتأخرت على زيارتك
وشكرا على زيارتك لمدونتى
وأتمنى يدوم التواصل
sh_press2007@yahoo.com

Anonymous said...

اللة يكون فى عون الناس الى بتشترى الكلام دة وتقراة انا عن نفسى فعلا بزهق من كتر الاعالانات ال زى دى

belal said...

هوا انتي علطول كده مضايقة ومفيش حاجة عجباكي :D
..

موناليزا said...

يعنى فى الاخر اشتريتى ولا بعد ده كله مفيش حاجة عجبتك

Eman Eltaher said...

Ahmed alsabbagh :

انا اللى بشكرك والله على ادارة الحوار الجميل ده
و يبسطنى طبعا اشوف تغطيتك ليه
it will be done

__________________________________

David santos :

thank you david .. happy to see you in my blog .. you are welcome
many regards,

__________________________________


Sendbad :

هههههههه ربنا يخليك يارب .. صحيح انا عندى حالة جفاف حاليا ده غير المشاغل الفترة الحالية اللى بجد مش مخليانى اعرف أكتب بس ربنا يسهل و ادوم على كده حتى .. بوست كل شهر !!!!! ههههههههههههههه

__________________________________

Shimaa mahdy :

شكرا يا قمر على مرورك الجميل
مجاملتك الرقيقة دى من ذوقك
ان شاء الله يدوم التواصل و هبقى أضيف الميل لما ادخل عن قريب

Eman Eltaher said...

رشا العايدى :

اوعى تبقى تقريهم يا روشى طالما بيضايقوكى كده
انا بقى بزهق من اللى بيحطوها

__________________________________

Other things :

ليه كده بس ؟؟
مين قال كده ؟؟
اكيد بتهزر .. :)

_________________________________

monaliza :

اشتريت ايه حضرتك ؟؟
ههههههههه
طب معلش اقرى البوست بعدين لو حابة تعرفينى رأيك اوك

قلوب بتغنى said...

انا جيت ارد الزياره لقيت بنوته دمها خفيف وزى العسل
جميل البوست ودمه خفيف
هاتابعك باستمارار يا قمر
وانتى كمان ابقى زورينى
اشطات

إبـراهيم ... said...

إيمان، أنا داخل بس لاجل أقول لك على موضوع نشر المدونات، فاللي نشرته الشروق، كان من اختيارهم هما، وأمـا النشــر عمومًا فعدنا تجارب أخرى
تحياتي

موناليزا said...

أختى العزيزة اولا سعدت بمرورك لمدونتى
ثانيا بالنسبة لتعليقى ده كان هزار يعنى معقول مدمنة اعلانات ذى دى ومبتفكريش تشترى منهم حاجة ده كان قصدى ولا انتى ملكيش فى الدليفرى ههههههه
لو مش بتحبى الهزار قوليلى ذى اختك برضه مفيهاش حاجة
ثالثا حلوة حضرتك دى

انين الحزن said...

ايمي

المدونه بجد جامده مووت ودي اول زياه واكيد ان شاء الله
مش الاخيرة
نورتي مدونتي

سلامووووووووز
وزة

كلاكيت تانى وتانى said...

مدونتك جميلة وموضوعك حقيقى وساخروفعلا ياقمر الأعلانات أصبحت أهم من المنتج نفسة
تحياتى

Hosam Yahia حسام يحيى said...

مدونه جميله ماشاء الله


ربنا يبارك فى حضرتك يافندم

فزلوكة said...

مش أول مرة على فكرة آجى
أحيانا كنت باجى هنا كتيير واقرا بوستاتك أم دم خفيف دى

لكن بالطبع أول مرة أعلق
لذا تقبلى إعجابى الشديد يابنتى
وسيرى على بركة الله
مباركة خطواتك

عندنا بقى اتنين قهوة إنما إيه
خصوصى للإخوة المدونين
سلام مؤقت
زهراء

almasry said...

انتى مش سبتى اعلان مش اتريقتى عليه حرام عليكى بجد

الناس والله (انت اسمك ايه) بقت مش عارفه تجيب الفلوس ازاى قت بتأنتخ أى جملتين وكل سنه وانتم طيبين ويلموا عليها قرشين .. انا آخر حاجه شوفتها فى المنصوره محل لتزيين عربيات الزفاف .. فعلا كله عاوز فلوس والسلام

اتمنى تشريفى

تحيـــــاتى
المصــــــــــرى

Eman Eltaher said...

قلوب بتغنى :

شكرا بجد على المجاملة الحلوة و حضرتك تنورى مدونتى
شكرا لمرورك الكريم

_________________________________

إبراهيم معايا :

شكرا يا إبراهيم على المعلومة المهمة دى
و ان شاء الله يوفق الجميع يارب
تحياتى

_________________________________

Monaliza :

مفيش حاجة و الله انا بس كنت مستغربة الكومنت و مش فاهمة معناه فحبيت أستفهم .. شكرا على توضيحك ده و انتى بجد تنورى مدونتى و انا اكيد يفرحنى هزارك و اكيد متضايقش منه ابدا
ثانيا حضرتك دى بتدل على الاحترام

_________________________________

أنين الحزن :

شكرا بجد على المجاملة الرقيقة وانا مبسوطة حقيقى بزيارتك الكريمة
ربنا يكرمك على ذوقك

تحياتى

Eman Eltaher said...

كلاكيت تانى و تانى :

فعلا عندك حق و انا ممنونة بجد لزيارتك
تفضلى قبول احتارمى

__________________________________


حسام يحيى :

ربنا يخليك يارب و يكرمك على ذوقك ده

_________________________________

فزلوكة :

والله انا مبشسوطة بجد انك كنتى بتابعى مدونتى و انها شدتك و بقيت مبسوطة اكتر لما عرفتينى بنفسك و عرفتينى انك من متابعين المدونة من زمان
شكرا ليكى بجد
انا بس مليش ف القهوة لو كان كابتشينو اوك :)

__________________________________


almasry :

ف الأول انا اسمى إيمان .. ثانيا انت تنور المدونة و ان شاء الله متكونش الزيارة الأخيرة.. وفعلا الناس بقى كل همها انها تجمع فلوس و خلاص بأى شكل كان

شكرا بجد على الزيارة الكريمة
تحياتى

MKSARAT - SAYED SAAD said...

فاصل اعلاني ساخر علقتي عن حاجات كتير فية بصورة كومدية
مدنتك لذيذة
تحياتي
سيد سعد

مروة الزارع said...

هههههههههههههههههه

مش ممكن تحفة بجد بجد

انتى ناقدة محصلتش بجد

انا عجبنى اوى

..........

يشرفنى انى هحط اللينك بتاعك فى المفضلات عندى بعد اذنك طبعا

*سمر* said...

ايمان ..ايه الجمال ده ..انا اول مرة ادخل على مدونتك..بس شكلى هدخل عليها على طول ...
انا بقالى شهر عملة مدونة ..ودى بجد احلى مدونة انا شوفتها
انت هايلة ماشاء الله ..وابتكارية جدا ..لء ان شاء الله ليكى مستقبل هايل فى الكتابة :)
انا على فكرة فى كليتك

ღϠ₡ღأمير الهدوءღϠ₡ღ said...

هههههههههههه
رااااائعه
فعلا بوست رائع


الناس مشغوله بحجات تانيه هايفه بالنسبة ليهم هي حياتهم

فلسطين وغيرها عندهم ملهاش مكان
ممكن يبيعوا الام المسلمين في اكياس

اصبح الهم كل الهم
إزاي اجمع الفلوس



الإجابه الوحيده
هو الموت

الموت هيجي هيجي

تحياتي
وبجد بوست جميل جدا

Soooo said...

اين انتي يا ايمي
انتي اتخطفتي ولا ايه يابنتي؟؟؟؟

اظهري وباني عليكي الاماني






سلاموووووووووووز

Hossam Nasr said...

السلام عليكم

أجمل زيارة يبدو أنها عليها أن تكون أول زيارة

كم هو رائع ذاك الموضوع

بالفعل

فهذا هو الرسم التفصيلي للضاحك الباكي رمز المسرح المشهور!

فنحن -المصريون- بالفعل قادرون على مواجهة كل هذه المصائب الحياتيه بالسخرية والنكتة.
نضحك ونحن نعلم علم اليقين أنهم يسخرون منا
نضحك ونحن على يقين أنهم يستهزؤن منا
نضحك وهم يستخفون بعقولنا
نضحك إلى أن ننسى
فالضحك هو خمر المصريين

فلنسكر -سيدتي- وننسى
ونحن نوقن
أننا لما نستفيق
سنجدهم قد أعدوا لنا
وجبة دسمة
من الكَرَم!

تقديري وأحترامي

walaa said...

ههههه
بجد بوست دمه خفيف
دول لو حكموكى تبقى مشرفة اعلان تخريبيها
بجد هى سلبيات فظيعه ربنا يستر علينا ولاء

Hosam Yahia حسام يحيى said...

ننتظر بوستاتك الجديده

اخت ايمان

أنا حر said...

بما ان مجتمعنا عشوائي فحتى اعلاناته بتكون عشوائية سواء من الطريقة او من المضمون للاسف العشوائية والدجل والجهل بيسيطر على كل مصر
سردك للموضوع لذيذ
تحياتي

مصطفي النجار said...

فعلا في حاجات كتير
تفقع بنشوفها ونقرأها
يوما بعد يوم
ولكن ما يتوصل اليه المرء
ان هناك بلد اسمها مصر
الجزء الاكبر منها غاطس ومتبهدل
والجزء الثاني طافي علي السطح
وبيفقع الجزء الثاني

رصيف نمره خمســــــه said...

هههههههههههههه
انتى مش معقولة يابنتى ايه ده ههههههههههه الحاجات دى على فكرة كنت هتكلم عليها بس يلا اللى سبق اكل النبأ اول مرة اجى عندك( فييييين واجب الضيوف)وان شاء الله هاجى كتير جدا اسلوبك جميل جدا وعلى فكرة احنا اسمنا زى بعض يعنى ممكن ممكن نلاقى تواقف فى الروح بينا وابقة زورينى بس انا هقدملك اعلى واجب لما تدخلى

اجري على الله said...

سلام عليكم
زيارتي الاولى لمدونة حضرتك
الله يحفظك اهلا بيكي
بالنسبه للاعلانات فعلا بقت حاجه كومديا على الاخر ان مواضيع الاعلانات بقت حاجات هايفه ومساخه الابنكار فيها مش كبيره
اكتر حاجه كانتغريبه حصلت معايا اني كنت اعرف واحد سباك وبالطبع دي شغلانه شريفه والراجل ده قريبي فلاقيته مره واحده راح عمل لنفسه كارت وكتب اسمه وتحتيه اخصائي الادوات الصحيه

تحياتي لكي
واتمنى ان نتواصل
الشاعر بن هلال

سندباد said...

كل سنة وانتي طيبة انا جاي اعيد واطمن
تحياتي

Eman Eltaher said...

كلكم :

انتوا بجد نورتوا مدونتى و شرفتونى و انا ممتنة بجد لزيارتكم الكريمة
انا آسفة الأيام دى فعلا مشغولة جدا حتى معرفتش أرد على كل تعليق بشخصه

اعذروونى

و ان شاء الله هتلاقونى موجودة لكل متابع لمدونتى

و ان شاء الله هحاول أحط موضوع جديد كمان كام يوم

ربنا يقدرنى
و اكمل تدوين

و انزل ان شاء الله بوستات جديدة قريب

رئيس جمهوريه نفسى said...

وبعد سيل الاعلانات الرائع ده لا تعليق برضه على استخاف القنوات التلفزيونيه والاذاعيه والاعلام بكل صوره بعقول المشاهدين

عــلاء ســالـــم said...

السلام عليكم

إزيك يا إيمان
فينك من زمان ؟
في إنتظار جديدك

Bongo said...

انت شكلك قريتي في الوسيط شوية
و دي آثار الصدمة
هههههههههههههه

عندك حق يبنتي و الله :D

ربنا يقوينا

نانا said...

كل اللي قلتيه حقيقة وواقع



جميلة مدونتك



موفقة لكل خير



تحياتي

Anonymous said...

هههههههههه جامدة

أحمد سلامــة said...

والله جميلة يا ايمان
فكرتني بفيلم خالي من الكوليستيرول
رغم ان كل ده تهريج ودمه خفيف
بس فعلا ميش اقرب للواقع منه غيره

Esraa Hamed said...

ههههههههههههههه
لا بجد فظييييييييعة
اسلوبك يجنن بجد
تحياتي ليكي

حنين و حنان said...

ههههههههههههه
طب دانتي نوعتي افتحي قناه بانورامة الدراما شوفي هما 2 اعلان طول النهار
ممكن الواحد يسمعهم طب دا انا مره اتصلت بيهم عشان يرحموني اه و الله

حمامة said...

ادّيها كوكو واوا ادّيها !!!!!! و رجّع بعديها

بس مش ف وشنا لو سمحت ههههههه

بجد جبتى من الاخر
انا بتخنق مووووووت من الأعلانات دى
وكنت بفكر اكتب موضوع عنها
بس على موضوع 0900 وما شابه
بجد الموضوع زاد اوى عن حده
والمشكلة ان فى ناس ..... بتتصل

يلا ربنا يهدى :)

Soooo said...

ربنا يقدرنى
و اكمل تدوين
----------
خبر ايه
ها
ايه
ها
ها
ها
؟؟؟؟؟؟



سلامووووووووووز

blue-wave said...

افكارك مجنونه جدا وحلوة جدا جدا جدا ربنا يكرمك وللأمام دائما

david santos said...

Hello, Eman!
Have a nice day.

سندباد said...

انتي فين ايه الغيبة دي

Eman Eltaher said...

ربنا يخليكم كلكم بجد
انتوا فرحتونى اوى بزيارتكم دى و اللى مااستكترتش عليا انى أتأخر عليكم و تسألوا عليا
انا بجد ممتنة ليكم جدا

أحب أذيع الخبر الهام ده

أنا جييييييييييييييييييييييت

و ان شاء الله هحاول على قد ما أقدر انى أكون موجودة علطول و ارفرف حوالين المدونة و كل زوارها و كل اللى بيسألوا عليا و بيهتموا بتدويناتى

أنا هارفرف أهوه

و عشان جناحاتى تطير وتهفهف نسمات
هسيبكم مع بوست رومانسى

ف رعاية الله أجمعين

Anonymous said...

هههههههههههههههه
والله انتي زي العسل

فتاة فريدة said...

انا اول مرة ادخل مدونتك بجد جميله جدا واسلوبك فيها جميل وشيق

دي مدونتي تشرفني فيها

http://www.dad-mam.blogspot.com/

الدكتور فهد الوهبى said...

شكرا على مجهودك الرائع

afdal.net/dale said...

شكراااااا على مدونتك الرائعة

for allah said...

مدونتك رائعة .. اعدك بالزيارة الدائمة انشاء الله .. كل التوفيق

منتديات مكتوب السعوديه said...

قلمك رائع .. شكرا لك ..واعدك بالزيارة

جمعية كيان said...

اشكرا كثيرااا...مدونتك اكثر من رائعه

pagerank checker tool said...

مقاله رائعه ومميزه جدااا...بالتوفيق دائما

عاشقه الخيال said...

السلام عليكم حبيبتى

كنت عايزه اعرف منك ازاى انشر المدونه بتاعتى عندك انا وافهم منك بعض الاشياء اتمنى منك المساعده
http://fawdamshaer.blogspot.com/
ده لنك المدونه

Unknown said...

كلام جميل اتمنى زيارة مدونتى وكتابة مقترحاتكم للرقى بها

Anonymous said...

اكثر من رااائع الف شكر