♥♥ نورتوا مدونتى و نورتونى.. يارب مواضيعى تعجبكم ♥ ♥
" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Tuesday

حلول عبقرية للحياة الزوجية

سمعنا و قرينا كتير عن قصص حب اسطورية مكتملتش .. ياترى لو كانت اكتملت كان هيبقى الحال إيه ؟؟؟؟ قيس اتجنن ف حب ليلى !!! ياترى لو كان اتجوزها كان ممكن يفرط فيها ؟؟؟ مستحيييييييييييل ... طب مقابر الحب بعد الجواز بنحفرها ليه ؟؟؟؟؟

قبل الجواز :

اتنين كمنجة ( جوز عصافير بتطير و تغنى ف كل حتة !!! ) دباديب و قلوب و ورد أحمر .. فسح و ضحك و زقططة .. حب و شوق و كلام معسول .. والأهم من ده كله اخلاصهم لبعض .. تمسكهم ببعض

بعد الجواز :

طاسة و حلة و رجل مقشة !!!!!!!!!!! اتنين متنحين ف وش بعض و لا كإنهم يعرفوا بعض!!!!!! زعيق و شخط و غلط !!! و كف يخبط على كف !!!!
فين اللى أنا حبيتها ؟؟؟ فين اللى أنا حبيته ؟؟؟؟ لا جواب بيريح بالهم و لا بالهم بيرتاح أصلا

طب إيه الحل ؟؟؟؟؟؟ إن الناس متتجوزش يعنى ؟؟؟ لأ طبعا

أنا هعمل فيكم خدمة ... كورس النهاردة .. إليكم حلول عبقرية للحفاظ على الحب والحياة الزوجية :

انتى : غمى عينيكى و سدى مناخيرك !!! و قولى لجوزك : انت أجمل زوج ف الدنيا !!! طلتك بالدنيا .. فداك الدنيا ... الدنيا الدنيا الدنيا !!! حبيتها و انا وياك !!!! و دى أخرة حالى معاك !!!! الله على صوابع رجليك !!!! يجننوا !!!
شخيرك يا حبيبى هو السيمفونية الجميلة اللى معرفش يلحنها بيتهوفن !!!!! الله على ريحة عرقك !!!! .. آياااااااه يا كسكيلياه !!! و لا كل برفانات الدنيا !!!! أحلى حاجة فيك عماصك !!!! احم أقصد إخلاصك !!!
********************************************************

انت : خد اسبرين مهدئ و ارزعها بكام جملة من بتوع الأفلام !!!!! انتى عمرى و حبيبتى و مليش ف الدنيا دى غيرك .. غير بس امى و بابايا و بنت خالتى و بنت الجيران !!!! انتى أملى وانتى منايا !!! يا سبب سعادتى و هنايا
الله على تسريحة شعرك و هو منكوش !!!! الله على جفاف بشرتك !!!! يا سلام على الشعر المفلفل لما يهفهف !!!! لما القمل بيعدى بين شعرك حبيبتى بسمعه بيقول آهاااااااات !!!! آآآآآه يا قلبى
صوتك زى همس الغربان ف ليلة حالكة !!!! همسك بيهز الحجر يا حبى .. الله على خنشرتك يا حياتى !!!!!!! ربنا ما يحرمنى منك .. طول الاسبوع ده
*******************************************************

انتى : كحى برقة و كإنك ما سمعتيش حاجة !!!!! و افتكرى ممثل وسيم براد بيت مثلا و لا توم كروز .. و حاولى أرجوكى حاولى تشوفى جوزك شبهه !!!! واديله جملتين حلوين كده ف جماله
يااااااه يخرب بيت جمال عينيك الخٌضر ( بس اتأكدى من لون عينين جوزك !!!!!
شعر ده و لا حرير ؟؟!!!! ( علا الله ميكونش أكرت !!! ) ربنا يخليك ليّا يا بغلى !!!!! احم أقصد يا بعلى
******************************************************

انت : ابلع ريقك جااااااامد !!! و قوللها : باحبك كلمة بقالى سنين عايز أقولهالك !!!!! كانت واقفة ف زورى !!!!!! آتشىىىى !!! الحمد لله
بحبك عدد الدقايق ف الثانية !!!!! عدد الشهور ف الساعة !!!! حتى بعد ما تموتى هتجوز طبعا و هفضل احبك يا عمرى !!!! بحبك يا حبيبتى لدرجة الجنووووون .. لدرجة انى حاسس انى داخل على تخلف عقلى !!!!!
******************************************************

انتى : حسسيه باهتمامك و حبك دايما بقى .. طبطبى على قفاه !!!!!! و ف همس العصافير صوصوى : بعد الشر يا حبيبى
بحبك ياجوزى حب البكتيريا للحشرات !!!! يا أجمل مرار .. احم احم يا أجمل قرار أخدته ف حياتى !!!!!! كان أسعد يوم ليا يوم جوازنا .. كان يوم مالوش ملامح !!!!! حبك ف قلبى جامح !!! يا روووووحى
******************************************************

انت : ابتسم و أمرك لله !!!!! افتكر القطة بتاعة الجيران .. قد إيه القطة جميلة زى صحبتها !!!! سيبك من صحبتها .. ركز ف القطة !!!!!! حاول تشوف مراتك زى القطة الوديعة !!!! يعنى نانسى و لا هيفاء أحسن من مراتك ف إيه ؟؟ هو انت كنت شفتهم ف البيت من غير مكياج وباروكة ؟؟؟
ياللا بص لمراتك ف عينيها .... و ف لحظة شوق و حنية .. أن أن آآآآآآن !!!!! اخبط قبلة على جبينها و احضنها !!!! .. و اجرى على الحوض رجّع علطول !!!!!
*****************************************************

انتى : انتهزى الفرصة انه هربان منك !!!! و حاولى تخلى جو بيتكم رومانسى ... حطى ورود ف كل حتة و متنسيش الشموع - عادى ما هو كله بفلوس حضرته !!!! و شغلى سى دى فيلم رومانسى – اسماعيل يس ف مستشفى المجانين !!! – أو حتى ميوزيك هادية – لشعبان عبد الرحيم !!! برافووووو !!! و على فكرة مفيش أحلى من الطفولة .. عيّلوا شوية !!!!! العبوا كوتشينة طاولة شطرنج ، و عموما اطمنى بكرة هتعلبوا برضه .. بوكسات و مصارعة
****************************************************

انت : لإن خنقة البيت وحشة خصوصا لما تكونوا علطول ف وش بعض !!!!! فأنت اقترح عليها تخرجوا تشموا هوا
الخروج ضرورى .. و متنساش تجيبلها عقد فـُل و انتوا راجعين.. لو مراتك مابيمشيش معاها عقد فل يبقى عقد دهب !!!! عقد ألماظ !!! كدة يعنى !!!!!
ممكن تزود فرحة الفسحة و تجيب حماتها أو حماتك !!! أو تجيبهم هما الجوز !!!! أو اكسروا الروتينية بالزيارات العائلية !!!!! بالطريقة دى هتعدوا الشلل بمراحل
****************************************************

انتى : يا سلاااااااام .. الفرصة جت لحد عندك !!!! قوليله موافقة بس مش عايزة أكلفك يا حبيبى .. احنا ممكن نتعشى وجبة كباب و جمبرى و نرجع علطول !!!!!! لو مزنقة معاك الشهر دة بلاش منها يا حياتى ... ممكن نبعت ديليفرى !!!!!!!!!
****************************************************

انت : حاول تحافظ على اتزانك !!!!! خد كبسولة ضد الصرع ف كل حوار يدور بينكم !!!!! و ف هيام و منى العشاق قوللها : ربنا رزقنى بأجمل هدية !!!!!!! اللهم لا اعتراض

كلمة أخيرة : اللى بيستمر بعد الجواز .. هو بس الحب الحقيقى حتى مهما واجهوا من عقبات حتى رغم العواصف .. اللى بيستمر هو صدقنا مع نفسنا و مع غيرنا.. الأمانة بتقول منكونش غير بوش واحد..
المشاركة و المراعاة و التفاهم أهم علاقاتنا الإنسانية (جواز أو غيره ) شاركيه همومه و أفراحه .. شاركها اهتماماتها ومشاكلها .. صلـّوا و اتعبّدوا مع بعض ..استشيروا بعض .. رخّى لما الطرف التانى يشد
اتأكد انه مفيش حياة من غير مشاكل بس فيه ناس بتكبرها و ناس بتعديها .. و ناس بتسأل عن حقوقها و ناسية واجباتها !!!! و ناس مبتراعيش و عايزة اللى يراعيها !!!! بلاش تدخلوا الأهل ف مشاكلكم على الفاضى و المليان !!!
مش عيب انك تغلط ف حق حد ( كل الناس بتغلط ) لكن العيب انك متعترفش بغلطك و متكفرش عنه ... وف الآخر الكلام ف الموضوع ده ملوش نهاية مهما الناس كتبت و قالت
**************************************************

مسك الختام : الجواز مش آخر المطاف .. و لا آخر محطة !!!! بالعكس هو البداية الحقيقية .و عشان تستمر المركب ف البحر و يكمل المشوار لازم نتعلم – و انا منكم – ازاى نحافظ على الحب بعد الجواز مهما مرت الأيام والسنين .. مهما خدشته المشاكل و الظروف

أسفة على التأخير ف الكتابة

إيمان

54 comments:

اسكندراني اوي said...

ايه يا ست ايمي انتي بقيتي فيلسوفه بقى
بصي بقى خبره حداشر سنه جواز

حقولك الفايده

الحياه رتمها لا يمكن ان يظل نكد على طول او سعاده على طول
المنحنى البياني دايما طالع نازل

فعلينا ان نقبل الحياه الزوجيه كما هي

وعلينا ايضا ان نفكر فيما يسعد الطرف الاخر

تحياتي

بنت القمر said...

اه يا ما بطني وجعتني من الضحك
ربنا يسعد قلبك ويرزقك اللي يستاهلك
نورتي المكان

إنـســـانـة said...

ههههههههههههههه

ده انتى نيلتى الدنيا يابنتى حرام عليكى

خدى بالك فوبيا الزواج عندى شغالة على اعلى مستوى هههههههه

أحمد العربي said...

ههههههههههههههههههههه
اية الصدفة اللي حاسس انها غريبة
انا وانتي نكتب في موضوع واحد هههههههههه
لالالالالالالالا
لا موضوع واحد اية
انتي كاتبة فيلم يابنتي
لو نزل السوق يدغدغ الدنيا
والله يا ايمان انا وبقري الموضوع هلكان علي نفسي من الضحك
لاني تقريبا بشوف الموضوع ده في اليوم مرتين تلاتة
ههههههههههههههه
وبلاش طبعا اوضح
المهم
اجمل ما في الموضوع
الخلاصة
بجد هو ده التدوين اللذيذ
عرض المشكلة
والحلول او الراي
بجد يا ايمان انتي مدونة رائعة
تحياتي القلبية ليكي

أحمد الهادي said...

ههههههههههههههه

ماشي يا ايمان

طريقتك عرضك عبقريه :)

لكن لي راي خاص في الموضوع احتفظ به لنفسي حتي لا يقام علي شخصي حرب ضاريه لا اعرف مدها ؟

alaa salim said...

السلام عليكم

ههههههههههههههههه
والله بوست جمييييييييييييل
هو دا الشغل اللي على أصوله
الوصفه السحرية لإستمرار الحب بعد الزواج.ههههههههههههه

خبيب said...

:)

فعلا

حلول عبقرية

ربنا يرزقنا الزوجة الأول وبعدها يديم السعادة الزوجية علينا

Paulo Sempre said...

Hello. I live in Portugal!
Nice Blog!!

Olá eu vivo em Portugal!
Nice blog!!

Gracias
Thanks
Obrigado
Merci

Salutos
Abraços

ASS: Paulo

الخيط الرفيع said...

انتي فعلا اتأخرتي قوي في الكتابة
بس المهم انك رجعتي بطولة لسانك في الخير
وبإسلوبك الساخر في تعريه المشاكل
بس سيبك من كل دا البوقيييييييييين اللي تحت حلوين قوي

son's egypt said...

السلام عليكم
مفيش بيت مفيش فيه مشاكل بس المشاكل بتخلف باختلاف فكر وعقل الزوجين
وفي كتير من الجوزات بتفشل لا الزوجين مش فهمين بعض كويس
لازم يفهموا بعض ويعرفوا امتي يكلموا بعض اذا كان في حد فيهم ثلا متضايق من حاجة معينه
طبعا كل واحد عليه دور ان المركب تمشي ويبقي مفيش مشاكل مش علي الزوجة فقط
بس انا بعتقد ان الزوجة ممكن يكون عليها الجزء الاكبر في كثير من الاحيان

أمير الهدوء said...

هههههههههههه
هههههههههههههه

جاااااااااامد الموضوع ده
هههه

جزاكي الله خيرا

;D

MaMaDo said...

انا كيت من تانى
:)
بس ايه كل ده انا هلحق احفظ ايه ولا ايه

بس النصايح دى للبتوع جواز الصالونات الى هو بتاع داسته جاتوه
و لو مش نفعت الجوازه يروح يرجع داسته الجاتوه
عشان مش بيكون عارف صح
انما الى بيتجوز عن حب ف دول مش بيتغيرو بعد الجواز
لا يقوم اول يوم من النوم يلاقى ابن عمه نايم جميه مش مراته
عشان بيكون عرفها الاول على طبيعتها و ده الى ساعات بيشد ناس لناس
هذا وبالله التوفيق و شكرا
.....

اسكندراني في الغربة said...

هههههههههههههههههه
دي و صفة سهلة
دي و صفة هايلة
-----
يا خوفي على الي امة دعيالة و حيكون من نصيبك
------
مش الاسهل من دا كلة يخلوا فترة الخطوبة 25 سنة
و الي يفضل عايش و سليم يجوز

simple girl.. ..simple dream said...

جميل اوى البوست ودمه خفيف مووووت

بس سيبك من الهزار انت عندك حق فى حاجات كتير
فعلا الحياة الزوجية عايزة ان الواحد لازم يصهين وييجى على نفسه عشان الحياة تمشى

عمر افندى و ابوه said...


انا و انتى القدر جمعنا على غير ميعاد فى المكان ده و باللون الاحمر اللى بيعبر عن مكنون حبى و هكذا من الكلام اللى
بيثبتوا بيه البنات...

خلينا مع الصور اللى كشفته و و هو لا يعلم ان هناك كاميرا تراقبه و تراقب تصرفاته

تابع

قصة حب

عمر افندى على موقعه


www.omarafandy.com

ابو مفراح said...

مسك الختام ايه يا شيخه هوة عاد هناك مسك بعد تلك الحقن اللى انتا ادتيها للناس و بعد كدجه بدورى على الجواز دة انا فكرت انك حتقدمى خدمه لقيت قدمتى خدمه فعلا بس خدمه النهايه

تحياتى اليك
ابو مفراح

إسلام الحساني said...

السسسسسسسسسسسسسلام عليكم
هلا :أيمان
موضووووووووووووع جميل جدا وزى ما متعود باسلوبك الجميل المشوق انا اسف على تاخيرى فى الرد لعدم ضيق الوقت بسبب شغلى
بجد موضوع قوى وهيحل مشاكل كتير من الناس بس هههههههههههههههه ربنا يستر مش عارف مالواحد ياخدلو وحده عدله من الاول ههههههههههههههههههه
على فكره ايمى انا على وعدى بالرد على موضوع فنون التثبيت ببوست
خاص بمدونتى ويارب يقدرنى
اتمنى منك زيارتى ردا على موضوعى الجديد وان شاء الله البوست الجاى هيكون فنون التسبيت لدى الفتيات واتمنى انو يعجبك ويعجب كل زوراك ويشرفونى
يلا اشوفك بخير وخلى بالك من نفسك
ربنا يحفظك
منتظرك
مع تحياتى

EGYPT EYES said...

هو مع أنحيازي الكامل للأزواج الغلابه ومايلاقوه من ويلات بعد دخول قفص الزوجيه إلا أن نصايحك معقوله بدردوه
تحياتي

AbdElRaHmaN Ayyash said...

بجد تستحقي اكتر من كل حاجه
ضحكت جدا
جدا
جدا
ضحك هادف يعني
انتي و اخ دم بتنافسو بعض فعلا
تحياتي
سلام

david santos said...

Heelo, Eman! Your text today is spectacular! Good text, congratulations.

Olá, Ema! Teu texto hoje está espectacular! Bom texto, parabéns.

Have a good weekend
Tem um bom fim-de-semana

sendbad said...

الحب والزواج كائنان عايزين رعاية واهتمام مش مجرد نهاية دي بداية
برافو عليكي فلسفة مع خفة دم

فى القلب said...

و الله يا امى انا مش عارفه انتى بتجيبى الافتكسات دى منين يا جبااااااااره


بس بينىوبينك أفكار تجنن وتحفه

متغبش علينا كده يا جميل

رحيق الحب said...

سلامو عليكم ازيك يا ايمى عامله ايه فينك يا بنتى معلش اتاخرت عليكى فى الزيارة بس للاسف كنت بقالى فترة مش بدخل النت الا تخاطيف كدة
بصى يا سيتى انتى آثرتى موضوع مهم جداااااااا
ليه دايما اى اتنين بيحبوا بعض بعض الجواز بيكونوا حاجة تانية خالص عشان لسبب بسيط جدا اولا مش بيكون فيه درجة نضج كفاية وطبعا دية مسبب للسبب التانى الا وهو ان الناس فاكرة ان الحب خيال منتهى الخيال بالعكس الحب واقعية الحب اللى بيستمر هو اللى بيكون جاى من واقعية اى اتنين حبوا بعض والا بقى مثلا لو واحد غنى حب واحدة فقيرة وهوا عمال يحلم وياها ومفيش تكافو ومفيش اى حاجة بينهم غير خيالهم طبيعى جدا ان الحب ده ميستمرش واذا استمر وفعلا اتجوزوا بيتكون الحياة بعد كدة جحيم
بمنتهى البساطة لو الناس حبت بصدق وبواقعية وفى نفس الوقت برضو فيه خيال واحلام عشان مينفعش نعيش من غير بعض الخيال والحلم وكمان انهم يكونوا هما الاتنين مع ربنا صدقينى الحب وبعديه الزواج هيعمل اجمل قصة نجاح فى الدنيا
معلش طولت عليكى
بس اعجبت بموضوعك اوى

мσнη∂ιš said...

جااااااااااااااااااااااااااااااااااااااااااامدة با جامدة

Anonymous said...

انا مش متجوز وعموما انا مش بفكر بس فى غير بيفكر طبعا باب وماما وانا عامل الكلام على ابن الجيران
بس والله البوست ادانى شويه ضحك نسونى زحمه الحياه ومشاكلها

حلم الحرية said...

ههههههههههههه

كالعادة بوست تحفففففففففففففة يا ايماااان

حقيقي مكتوب حلو اوووي

طبعا بعد تنفيذ نصايحك وحلولك العبقرية اي فواتير مستشفيات نتيجة اي اصابات هتحصل تتبعت علي عنوان المدونة
ههههههههههه


متبقيش تتاخري بعد كده علينا في الكتابة

بانتظار بوستات عبقرية زي بوست النهاردة

تحياتي

Anonymous said...

ما أقدرش أقول غير أنك عبقريه وأنت فخر عايلتنا وحشانى كتير كلامك مش معقول كتير تحفه أكتر من تحفه وتعليسقاتك تجنن

عروس البحر said...

انا مش قادرة اقوللك وحشتيني اد ايه
البوست بيموت من الضحك و بلاش
تغيبي و تحرمينا من الضحك
بصي يا اختشي اهم حاجة لازم تجوزي واحد ظريف بيضحك

عروس البحر said...

نسيت اقول تحياتي

تجمع المدونين الطامحين في وطن عربي بدون سجين رأي واحد said...

تتشرف اسرة يالانفضحهم
بدعوة سيادتكم لافتتاح مقرها بالاسكندرية
مركز ضحايا
للاستشارات القانونية والتأهيل النفسى

محاضرة بعنوان مبادىء واساسيات حقوق الانسان

وورشه عمل لتقسيم فريق الاسكندرية وذلك يوم الجمعة اوافق 14/12/2007 فى تمام الساعة الواحدة ظهرا

العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية
ت:- 5484897 - 0166885063

Eman Eltaher said...

اسكندرانى اوى :

لا فيلسوفة و لا حاجة .. بجد اضافتك مفيدة اوى و فعلا اسأل مجرب و لا تسأل طبيب
ربنا يديم نعمته عليك
تحياتى

___________________________________

بنت القمر :

يارب يفرحك علطول و يارب اكون دايما سبب ف ضحكتك
انتى اللى نورتينى و نورتى المدونة بطلتك الجميلة

___________________________________

إنسانة :

ما انا برضه الفوبيا عندى الله ينور !! ههههههههههه
ياللا ربنا يجعل اللى فيه الخير
نورتينى

___________________________________

أحمد العربى :

و الله يا أحمد انا بفرح اوى لما أشوف تعليقك لانه طلتك اللذيذة و الخفيفة الدم دى منورانى من بداية المدونة و يارب علطول

مجاملتك دى بجد رقيقة

نورت المكان يا فندم
تحياتى ليك

Eman Eltaher said...

احمد الهادى :

عودة سعيدة يارب
دى مجاملة جميلة منك .. لا عبقرية و لا حاجة
بس أستئذنك تقول رأيك بصراحة ف موضوع البوست .. و مفيش حرب و لا صواريخ و لا بنادق و لا حاجة !!!!! هههههههه
لا بجد التعليقات متاحة عشان كل واحد يشارك برأيه
تحياتى

_________________________________

علاء سالم :

نورت المكان طبعا
و المجاملة دى على راسى
يارب مواضيعى دايما تعجبك

تحياتى

__________________________________

خبيب :

هههههه و حد قالك انى متجوزة !! لسة ربنا مكرمنيش
بس دة مش معناه اننا منعملش حساب بكرة
تحياتى

__________________________________

Paulo Sempre :

So pleased to see a comment from a foreign visitor .. Thank you for your words..

Bien venu en mon bloggue
Bom fim de semana

Blessings ,

Eman Eltaher said...

الخيط الرفيع :

نورتينى يا قمر بوجودك و بكلامك الحلو .. الحمد لله انك صححتى جملة " طولة لسانك " و خليتيها ف الخير !! هههههه
كنت هزعل منك اوى
:)

___________________________________

Son's egypt :

إضافة مفيدة جدا و نضوج فكرى أحييك عليه
شكرا على مرورك الكريم

تنور المدونة .. تحياتى
__________________________________

أمير الهدوء :

يارب علطول بوستاتى تكون سبب ف ضحكتك و الجميع
و انت أيضا جزاك الله خيرا


__________________________________

Mamado :

أولا بتنور المدونة و الله بوجودك اللذيذ و بخفة دمك المعهودة
ثانيا : تشبيهك للموضوع بكلمة " دستة الجاتوه " عجبتنى اوى .. عندك حق طبعا بس للأسف كتير من جوازات الحب برضه بتفشل مش جواز الصالونات بس
صحيح يا مامادو ؟؟؟؟

ايه السبب العلمى وراء النظرية العلمية البحتة بتشبيهك الاقتصادى بكلمة " دستة جاتوه " ؟؟؟؟
اشمعنى يعنى متكونش تورتة :)

Eman Eltaher said...

اسكندرانى ف الغربة :

ههههههههههه يخلوا فترة الخطوبة 25 سنة ؟؟؟؟ لا فكرة بجد
على كده احنا نخلل و بعدين نتجوز !!!! هههههههه
تحياتى

___________________________________

Simple girl.. Simple dream :

نورتى المدونة و بجد دى مجاملة رقيقة منك .. تحياتى ليكى

__________________________________

عمر أفندى و أبوه :

جيييييييييييييت طبعا .. ربنا يخليلك ابنك يارب .. عسول جدا و شقى مووووووووت .. متعودوش على كدة :)

___________________________________

أبو مفراح :

هههههههه و الله أنا غرضى من البوست حلو !! شوية هزار و الجد ف النص للى ياخد باله و يتعظ
أصل الألوان اللى حطاها ف البوست مش للشكل بس .. تحياتى

Eman Eltaher said...

إسلام الحسانى :

هههههههههه إيه خفة الدم دى ؟؟بجد ضحكت جدا و بعدين انا مستنية موضوعك أهو .. ياللا شد حيلك

تحياتى ليك

___________________________________

Egypt eyes :

ههههههههه هو الانحياز دة هيفضل موجود ؟؟ فينكم يا بنات :)
ها ألم البنات بقى ؟؟ و لا خلينا كدة حلوين ؟؟ :))))

___________________________________

Abdelrahman Ayyash :

ربنا يخليك على المجاملة الحلوة ..و يارب دايما تعجبك مواضيعى

الشاعر ( أخف دم ) غنى عن المنافسة
تحياتى

__________________________________

David Santos :

Happy to see you in m blog .. thank you for your care .. Have a happy lifetime .. Obrigado

Regards,

Eman Eltaher said...

Sendbad :

نورت المدونة باضافاتك العاقلة و المفيدة جدا .. مجاملة منك كبيرة اوى .. ربنا يحميك .. تحياتى

_________________________________

فى القلب :

بتنورى كل مدونة تزوريها .. بجيب الافتكاسات دى منين ؟؟ انا بسأل نفسى نفس السؤال !!!!! الله أعلم

تحياتى يا قمر

__________________________________

رحيق الحب :

اضافتك جميلة جدا و ف منتهى الحكمة و العقل .. نورتى المدونة و ياريت كان كل اللى قروا موضوعى يقروا تعليقك المفيد دة

تحياتى ليكى

___________________________________

Mohandes :

جامدة يعنى حلو البوست و لا وحش ؟؟؟؟؟
:))))

__________________________________

اللى مسح تعليقه :

اسغربت جدا .. اول حد عندى من ساعة ما عملت المدونة من قرب السنة و يمسح تعليقه .. على فكرة انا كنت قريته قبل ما تمسحه.. عموما انت حر .. و انا معلش انى مسحت مكانه عشان ميشوهش صفحتى

__________________________________

ئيس جمهورية نفسى :

ههههههه ربنا معاك .. الحمد لله انك خرجت من المود لوحش و اتبسطت بالبوست .. تحياتى

Eman Eltaher said...

حلم الحرية :

ضحكت اوى لما قريت تعليقك .. خفة دمك جميلة جدا .. لا مليش دعوة بأى فواتير نتيجة اصابات !! هو انا ناقصة ؟؟؟؟
:)))))

تحياتى ليكى و يارب تنورينى علطول

__________________________________

Anonymous :

هو طالما اتكتبت " عيلتنا " اذا انتى أكيد بنت خالتى .. يا قمر ابقى اكتبى اسمك ... كلامك ده أكبر مجاملة ف حياتى .. ربنا يخليكى يا حبيبة قلبى

__________________________________

عروس البحر :

نورتينى بجد و تعليقك اللذيذ كالعادة .. ربنا يكرمك و يارب يسمع منك

تحياتى

_________________________________

تجمع المدونين :

شكرا على الافادة .. جزاك الله خيرا

SAKAyAR said...

الجواز مش آخر المطاف .. و لا آخر محطة !!!! بالعكس هو البداية الحقيقية .
أكيد تقصدي بداية النهاية صح
ههههههههههه
انتي لسه زي ما انتي
اسافر وارجع وانتي زي ما انتي ههههههه
بجد دمك خفيييييف جدن
ربنا يسعدك
ههههههه

sendbad said...

جيت اطمن واسال
تحياتي

ابو مفراح said...

كل عام و انتم بخير
اهنئكم بعيد الاضحى المبارك
تحياتى ابو مفراح

sendbad said...

كل سنة وانتي طيبة وعيد سعيد تحياتي

شاب نفسه يحقق حلمه said...

كل سنة وانتي طيبة يا ايمان

Anonymous said...

أزيك يا إيمان ، واللهى أول ما بفتح الصفحة بتعتك بقعد اضحك لوحدى كده من غير ما اقرء لان موضوعاتك فعلا خفيفه وظريفه .

بس بجد فرحت اؤى لما لاقيت اسمك عندى قولت ياه ه ه إيمان الطاهر فينك من زمان . وكمان انتى جيتى على موضوع صح اؤى " دموع القمر " هههههه زى ما يكون قلبك حاسس .

عموماً كل سنه وانتى طيبه وزيراتك بتسعدنى جداً .

Bye Bye

Eman Eltaher said...

Sakayar :

هههههه و الله قصدى حلو و بعد
ين ما هو لازم أسخر شوية من اللى بيحصل من الأزواج بعد الجواز
و اللىيشوفهم قبل الجواز يقول ناس تانية !!!! بس انت نورت المدونة و حمد الله على السلامة

تحياتى

_________________________________

Sendbad :

شكراعلى اطمئنانك و مرورك الكريم يا سندباد


___________________________________

أبو مفراح :

وانت طيب .. عيد سعيد ليك و للكل

___________________________________

Sendbad :

و انت طيب .. عيد سعيد ليك دايما

__________________________________

Anonymous :

انت/انتى مش كاتب اسمك
عندى احساس انك كريم مدونة الأيام
ياريت لو تكتب اسمك لانى طبعا مش هقدر أخمن .. أى حال انا اتبسطت جدا بالمجاملة الجميلة و دى بجد بتدل على ذوقك .. كل سنة و انت طيب / طيبة

عاشق الرومنسية said...
This comment has been removed by the author.
عاشق الرومنسية said...

لله الله ياست ايمان مش بقولك انتى عديتى

بجد تسلم ايدك

وتحياتى لكى

والبقاء الله وحدة

ومتزعلش نفسك كلنا هنموت

وانا رجعت تانى للتدوين ومستنيكى

انا شريف والحب

alaa salim said...

السلام عليكم

البقاء لله يا إيمان
ربنا يرحمها ويجعلها من أهل الجنه

david santos said...

Hello, Eman.

I wish you a good end of 2007 and a good year of 2008.

Olá, Eman.
Eu desejo-te um bom final de 2007 e um bom ano de 2008.

Até sempre
Until always.

David Santos

camellia said...

البقاء لله ياحبيبي ..شدي حيلك وادعيلها بالرحمة

Anonymous said...

Hi, this is not so related to your page, but it is the site you asked me 1 month ago about the abs diet. I tried it, worked well. Well here is the site

Eman Eltaher said...

عاشق الرومانسية :

شكرا يا شريف على زيارتك و مواساتك الكريمة و حمد الله ع السلامة .. طبعا هزور مدونتك و جميل انك رجعت تانى للتدوين

جزاك الله خير على مواساتك ليا

___________________________________

Alaa Salem :

جزاك الله خير و عظم أجرك
الحمد لله على كل شئ

___________________________________

David Santos :

thank you david .. happy new year to you too

Regards,

___________________________________


Camellia :

شكرا يا كاميليا .. البوست بتاعك جميل اوى و مش بيعبر عنك بس لكن بيعبر عنى كمان

__________________________________

Adam brown :

I can't indicate specefically what you are talking about !!!!!
Are you sure that i asked you something ???!!!
May i forgot
Anyway... thank you for visiting my blog & you are welcome anytime

blessings,

موجة said...
This comment has been removed by the author.
gannah said...

صفحتك هايلة بجد

Eman Eltaher said...

gannah :

شكرا يا جميل .. انتى تنورى مدونتى