♥♥ نورتوا مدونتى و نورتونى.. يارب مواضيعى تعجبكم ♥ ♥
Image hosted by ImageShack " بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

أهلا بيك ف مدونتى

قد ايه جميل انك تكتب و تعبر عن كل حاجة تدور جواك ..عن كل حاجة تدور حواليك ..عن كل لحظة تمر بيك ..و كل ذكرى تفوت عليك منتاش ناسيها و لا حابب تنساها ..عن سعادتك عن جروحك.. عن حلم بكره و عن طموحك . انك تكتب و المعانى تحس بيك و ف قلب صفحة يكون مكانك

ابحث بالمدونة

Loading...
مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

شكراً على زيارتكم

free web counter

Friday

شباب ال 30 حيلة


حبيت أرخم شوية أصله مينفعش الواحد يكون رومانسى كده طول الوقت لازم يكون غلس أحيانا و دى نصيحة قوية جدا اوعى حد ياخد بيها ..!! أنا بهزر بس مش عارفة ليه حابة أرخم شوية .. ياللا بقى نبتدى

بعد بحث عميق و دراسة متأنية قدرت انى أفقس 30 حيلة بيستخدموها الشباب -النص كُم – عشان يخلعوا من الإرتباط و اللى غالبا بيكون السبب انهم شافوا شوفة تانية أو لإنهم بيتسلوا أصلاً أو لإنهم مرضى نفسيين .. حبيت ف الموضوع ده انى أرد على حيل الشباب دول بالطريقة اللى يستحقوها .. مش عارفة ان كان فيه أكتر من ال 30 حيلة اللي سمعت عنهم و لا لأ .. بس المهم انهم مفقوسين و خلاص .. أى خدمة

نبدأ بقى .. أهو كله بثوابه !!

[ 1 ]
ماما شايفالي عروسة و بتغصبها عليّا )كوتوموتو يا بطة
الرد : تعالى لحمو يا حبيبى ويا تري هييجوا يخطبوك امتي ؟؟

[ 2]

أنا لسه طالب باخد مصروفي )ياختي صغنن
الرد : طب بتتنيل ليه تتكلم في ارتباط منتاش قده يا كُتكُت ؟


[ 3 ]
أهلي بايعني و مش هيساعدوني )غلباااااااان أوى
الرد : و النبي صعبت عليّا

[4 ]

ما حلتيش اللضّا أتقدملك ازاى ) - يا حينى
الرد : مش لازم يا حياتى .. فيه اللي أحسن منك

[5 ]
مش لاقى شغل.. أبوكي هيرفضنى ) - مسكيييين
الرد : لما تلاقى يا صغنن ابقى دوّر عليّا

[ 6 ]

هسافر أكوّن نفسي و لما أرجع أتقدملك ) أهى دقني لو رجع

الرد : وده مع أنهو مشمش يطلع ؟


[ 7 ]
الجواز بيقتل الحب خلينا كده ) - عنده إستبحس
الرد : حبّك بُرص

[ 8 ]
مستوايا أقل منك ) - لسه صاحى م النوم
الرد : و بتكتشف ده دلوقتى و حياة مامى ؟؟

[ 9 ]
خايف مقدرش أسعدك .. خايف أظلمك معايا )واحد مستهبل أوى
الرد : قول كلام غير ده أصله بطل من زمان

[10]
كنت فاكر ان شعورى تجاهك حب )عايز الحرق يا مين يناولنى ولاعة
الرد : اه كنت فاكر انه بطيخة طلعت لمونة

وياترى عرفتها لوحدك و لا بمساعدة واحدة ؟؟

[11]

أفكارنا و دماغنا مش واحدة ) - قال يعنى مثقف
الرد : ده اذا كان لك دماغ أصلاً

[12]
المشاكل بينّا كتير مش هننفع مع بعض ) - مكتشف الذرة

الرد : غريبة مع انك أكتر مخلوق بيحب النكد


[13]
خلينا أصحاب أحسن )واحد مش لاقى حجة
الرد : روح العب بعيد يا ابنى

[14]
أنا طلعت مريض مكنتش أعرف )حجة مفقوسة أوى

الرد : ايه مريض ؟؟ ياخبر لازم أطمن عليك ياللا ع المستشفى

[15]

فرق السن بينّا يا خسارة ) واحد عنده مشكلة ف الحساب أو ف عقله

الرد : لهو انت لسه حاسبه دلوقتى ؟؟ انت حمار يا حمار ؟؟


[16]
ربنا رايد فراقنا لازم نتقبل القدر )شارب حاجة أصفرة

الرد : يا أخى قدر لما ياخدك


[17]
مش عارف حاسس اني مستاهلكيش )موهوب جداً
الرد : شاطر بجد عارف قيمة نفسك


[18]
أنا مغلوب على أمرى ورايا جيش ) ده على أساس انه راجل

الرد : وجعت قلبى يا أخى ! طب اخطبنى الأول يا فالح

[19]
طباعك وحشة مش مناسبانى )قليل الذوق
الرد : رضينا بالهم و الهم مش راضى بينا


[20]
أنا نويت أتنسك و اعتكف طول حياتى )و حياة سوسو طبعاً
الرد : و ماله يا حبيبى نتجوز و نعتكف مع بعض

[21]
كلام الناس أقوى منّا ) - شكله هيغنى و يلِّم الدبّـان
الرد : كلام الناس لا بيقدم و لا يأخر

اسمع جورج وسوف يا حبيبى و انت تغير رأيك


[22]
لازم الأول أحضر دراسات عليا عشان أبنى مستقبلى ) - اذا ليه مستقبل
الرد : ماشى موافقة نتجوز الأول و احضرهالك كمان لو عايز

[23]
لازم أستنى أخويا الكبير يرتبط الأول ) شكله مالوش أخ أصلاً

الرد : و ماله أنا أركب دقن أقصد أركب باروكة و اروح أخطبه

[24]
أنا مكتئب مش عايز أكلم حد ولا حد يكلمنى ) ينفع كومبارس عظيم

الرد : خلاص انتحر يا روحى


[25]
حاسس اننا مش لايقين على بعض ) - جاب التايهة
الرد : فعلاً يا ميدو ايش جاب لجاب

[26]
مش هنقدر نكمل رغم انى عمرى ما هحب غيرك) - ممثل رائع
الرد : ياااا ده انت و لا أروع ممثل ! و ياترى جبتها من أنهو فيلم ؟؟

[27]
استنينى عشرة خمستاشر سنة أكوّن نفسى ) - مستهبل رسمى

الرد : اه و ماله هبقى أستناك أنا و عيالى


[28]
بحبكم انتو الاتنين أعمل ايه؟ ااخد مين؟ )متخلف عقلياً

الرد : يشفى الحمير و يضرك ! خدك عزرائيل


[29]
انكسر جوانا شئ عمره ما يتصلح )وديه الميكانيكى

الرد : فعلاً كسرت فيا حاجات كتير بس قادرة ألزقها


[30]
خلع من غير ولا كلمة ) - عديم الأصل و واطى أوى
الرد : مفيش- ياللا و لا يهمك الباب يفوت جمل مش صراصير بس

نصيحة لكل شاب منهم


حاول تغطى نفسك قدام نفسك قدام الناس و قدام ربنا .. و ياريت لو يكون الغطا مش مخرم أو مبقع !! و غطينى و صوتى يا ماما

دول كانوا ال 30 حيلة اللى سمعت عنهم لحد دلوقتى .. مثقفة مش كده ؟؟

طبعاً محدش هيصدق انه الحيل ال30 و ردودهم و التعليقات اللى عليهم من مخى بس هيا دى الحقيقة المرة و انا قلت من الأول انى حابة أرخم!! محدش يخاف منى يا جماعة أنا ما بعضش

كتبت ده ليه ؟؟ .. كتبت الموضوع ده علشان أوصل رسالة أخلاقية تهمس ف ودن كل شاب .. كتبت علشان الحقيقة تفوقنى .. عشان الكلام يواجهنى بانحلال أخلاق البعض و انعدام الدين.. كتبت عشان أطمن إن الدنيا برضه بخير

طلب وحيد لو سمحتوا أى واحدة أو اى واحد متعاون يعرف حيلة تانية فياريت يكتبها .. ها يا شباب عرفتوا بقى مين ممكن يضحك على مين ؟؟؟؟؟؟؟؟؟


إيمان

28 comments:

Anonymous said...

واو بجد يا ايمان حلو اوى الموضوع بس حاسس انك متحمله شويه على الولاد
ممكن يكون شخص واحد خاين وفيه كل الصفات دى بس فى المقابل فى الاف الشباب الكويسين وثانيا فى بنات كتيره اوحش من الولاد دول وزى ما فى ولاد 30 حيله فى بنات10000000000000000000 الف حيله يعنى منحكمش على فيئه قليله ونعمم على بقيت الناس
هشام

Anonymous said...

هاى ايمانزى ما انتى حبه تغلسى علينا شويه انا هطلع عنيكم وزى ما انتى رخمه انا هوريكى الرخامه على اوصولها اولا انا هقولكم ليه الولاد بيزهقوا من البنات عشان عقلهم الصغير وبيعملوا نفسهم ازكيه يعنى بنت لو عوزه تجر ولد للجواز تقله انا جالى عريس ليه امبار وبابا وماما ضغطين عليكى مع انها تقدر تضغط على بلد وتيجى مره تنيه تقول دى ماما منعانى انى اكلمك او اشوفك وهيه اصلا ممكن متكونش قيله لممتها على حاجه اصلا او تيجى تقوله مره انا كنت بتكلم عليك انا وماما طول اليل وهيه عوزه تشوفك طيب مش لازم لاول تقوليلى ونتفق انك تقولى لماما ولا لا ... الخ
وردا على الى انتى قولتيه يا ايمان ممكن يكون الشاب يلجاء للكلام ده من الحيل عشان لما قرب للانسانه لقاها متنفعهوش يبقى مينفعش يظلمك او يظلم نفسه مع انسانه عشان مره اتسرع وقلها انا بحبك يعنى مش عاوزك تزعلى من كلامى انا بس حبيت اوضح وجهت نظر
هشام

Anonymous said...

ياه بجد ايه الغرابه دى مش ملحظه يا ايمان انك بتردى على نفسك فى الحيل انه لو اتكلم يبقى ندل وعاوز يهرب ولو متكلم ومشا وخلاص يبقى واطى ولو فضل معاكى واتجوزتوا وظهر بعد كده انه مكنش بيحبك يبقى ده غشاش طيب انتوا عوزين ايه
هشام

بيسوو said...

ايه يا ايمي الكلام ده؟
ده بجد...يالهوي على الاستهبال الي على اصوله
على فكرة موضوع مستواكي اعلى من مستوايا عدى عليا...ربنا يخليكي لينا يا مجمعانا ونصرانا عليهم
يا ايمي يا ابهة

Eman Eltaher said...

هشام :

يا هشام خليك حقانى اذا فيه 30 حيلة
للشباب هيبقى مفيش غير ضعفهم للبنات و حكاية انه البنات بتتزاكى فالبنات بطبعها أصلا ذكية - سوسة يعنى - وبالتالى فمش اى كلام ممكن يدخل عقلها بس تعرف الكلام اللى بيدخل القلب من غير احم و لا استئذان هوا اللى بيعمى العقل و بيخلى الواحد مش عارف يفكر لدرجة انه ممكن البنت منهم يتقالها حيلة من دول و هيا متصدقش انها كذبة لسبب بسيط انها وثقت فيه .. أما بخصوص البنت تجر ولد أنا لسه مسمعتش عنها صحيح احنا ف زمن البنات بتعاكس الأولاد و بشوف ده بعينى بس لسه مشوفتش بنت بتجر ولد و ياترى بتجره بإيه؟؟؟ بحبل مثلا هههههه مبيتهيأليش انه الولاد هبل لدرجة انه البنات تجرهم و بعدين الأمثلة اللى انت بتقولها دى مش بتعبرعن انه البنت بتجر الولد موضوع انها مثلا تكون عايزاه يتقدملها فده أبسط حقوقها و ابسط شئ ممكن يعمله الولد عشان يثبت حسن نيته و يديها الأمان و بعدين هوا مش خسران حاجة ياما ناس بتدخل من البيت و بعدها تتنكر بالعكس ده فيه ناس بقى أصلا بيصروا على انهم يتقدموا عشام يرسموا حسن النية و يقضوا وقت و بعدين هوبة متلاقيهوش عادى يعنى كله ممكن يوصل لنفس النهاية و هوا الشاب يعنى عد اذن حضرتك بقى لما بيقول لبنت انه عايز يرتبط بيها بيبقى قصده على أنهو ارتباط اذا هوا خايف لحسن تجره لأهلهازى مابتقول و طبعا هيا مش هتقوله ده مثلا بعد ما يفوت كام اسبوع او حتى كام شهر و يمكن اصلا متطلبهوش بس بتبقى متوقعة من الشخص اللى قدامها اذا كان جاد فهوا اللى هييجى من نفسه و هوا اللى هيطلب منها انه يتقدم لأهلها هوا مش هيتقدم لغرفة الإعدام يعنى .. أما بقى انه قرب للانسانة لاقاها متنفعهوش و اتسرع و كان قالها مرة بحبك ف لحظة هبل ممكن طبعا ليه لأ بس اللى بيحكم ده الوقت فاذا مثلا فات نص سنة و قالها كده فده كان مسطول مش دارى بنفسه و اذا فات سنة فده كان بيستهبل اصله مش هيكتشف ده بعد سنة و اذا فات سنتين فده متخلف و اذا فات تلاتة فده مجنون اصلا و هكذا بقى اوزن ده على اى عدد من عمر البنت الضايع منها عشانه أو بسببه بمعنى أوضح
نفسى أعرف غرابةايه اللى بتتكلم عنها يعنى هوا كان مثلا المفروض انه تكون ردود البنت ف الحالات دى انها تسقفله و تقوله شاطر بجد عرفت تخدعنى و لا المفروض انها تطبطب عليه مثلا لما تلاقى منه الغدر .. اللى منهم اتكلم و قال حاجة عمل اللى عليه و زيادة يعنى هيقطع نفسه و اللى ما اتكلمش معلشى يمكن بقه واجعه نعذره برضه .. ايه رايك كده؟؟ الشباب مستريحة كده يا هشام ؟؟ بيتهيألى اللى كتبته ده أبسط شئ أعبر بيه عن جرح البنت و الله أعلم.. انا مش زعلانة من كلامك و لاحاجة بالعكس انا مبسوطة انه فيه حوار و انه فيه مناقشة و انى مش بكتب لنفسى

بيسووو :

ربنا يخليكى يا ألذ بيسوو أنا بجد مش عارفة اشكرك ازاى على اهتمامك و على ردك اللذيذ .. الكلام اللى كتبته ده أيوة بجد مش هزار شفته ف نماذج بنات كتير و هما كانوا بيساعدونى ف الموضوع ده عشان يفيد غيرهم ويخليهم يحرصوا اكتر و عشان بنات غيرهم ما تتخدعش بشكرهم طبعا على مساعدتى و بعدين هوا احنا لينا غير بعضنا ؟؟؟؟
اتعلمت حاجة لذيذة اوى لما ألاقى حد قدامى بيستهبل ايا كان الحد ده أنا كمان استهبل عليه لانه مبينفعش معاهم غير الاسلوب ده و الناس اللى زيهم محتاجين يقعوا ف ايد بنات توريهم النجوم ف روتانا و تقوله مش هتقدر تغمض عينيك

Anonymous said...

ايه يبنتى الكلام الكبير ده بجد ردك بجد مقنع بس بليز خفى شويه عن الولاد راعى شويه مشعرنا انتى من كتبتك بس ان الولاد دول كائنا زباله بجد خفى شويه عننا او اكتبى عن محاسن الولاد


هشاااااااام

Anonymous said...

ايه ياايمان الكلام ده كده تفضحى كل الحيل طيب الواحد يعمل ايه بعد ما انتى قولتى كل الحيل المفروض الرجاله نجتمع وتبتدى تفكر فى كلام جديد غير الى ايمان قالته عشان نوريكم اننا عندنا اكتر من30 حيله على العموم مش هنزعل من كلامك هسيبك كده تقولى كل الى عندك وبجد ربنا يكون فى عون الى هيحبك الانك هطلعى عليه القديم والجديد وهطلعى عليه الافكار دى
هشام

Anonymous said...

سورى يا ايمان ممكن يكون تعليقى ده جه متاخر بس بجد على ما قرات الشعر الى انتى كتباه فى لاخر الحب ان بجد شعر تحفه بجد ان شاء الله توصلى وتبقى مشهوره وبجد انا اول مره احس بشعر حلو كده وسهل وماشى اوى مع الاغنيه الى انتى حطاها من لاخر سيت تحفه

هشاااااام

abady said...

انا ول مرة ادخل المدونة دي
بس بجد جميلة
بس انتي مشكلة مشكلة عويصة كمان ولازم مجلس امن الشباب والرجالة القومي يجتمع ويشوف حل ويطلع بقرارات بس مش زي بتاعة الجامعة اياها لمواجهة خطر هذه الفتاة والذي يهدد بكشف كل الاعيب الرجال

أحمد العربي said...

ههههههههههههههههههههههه بوست هاااااايل بس مش حاسة انك ظالمة الولاد شوية علي العموم برافو

Eman Eltaher said...

هشام :

والله ما أقصد من كلامى انى أسئ لكل الشباب.. أنا ف البوست ده اتكلمت عن فئة معينة من الشباب و أى شاب لما يقرا الموضوع ده هيبقى رد فعله حاجة من اتنين : يا هيستغرب و ده أجمل ردود الفعل لانه معنى انه يستغرب انه عمره ما ييجى ف باله انه يعمل كده أما النوع التانى لما هيقرا ده هيزمجر و يتضايق لانه شايف ده ف نفسه !! و لانى أصلا عارفاك بحكم انك زميلى فانا متأكدة انك مش منهم .. أتمنى مكونش غلطانة !! .. وبعدين بقى حضرتك بتتنيل بتقول ايه ؟؟؟؟ اللى هرتبط بيه ان شاء الله هتكون مامته دعياله !! تقدر تتنيل تقول غير كده ؟؟؟ و بعدين ايه ده ان شاء الله حضرتك عايز تعمل اتحاد للرجال و فين ؟؟ على مدونتى ؟؟؟ اه ماشى و ماله و ابقوااتفقوا على حيل تانية و احنا برضه هنفقسها
كويس انه فيه حد قرا الشعر الناس مابقتش رومانسية نهائى !! شكرااااااا يا هشام على كلماتك الحلوة اللى شجعتنى و يا ريت فعلا أتمنى لو أقدر أتعرف ف المجال ده و ربنا ياخد بإيدى

ABADY :

هههههههه ليه كده بس ؟؟؟ أنا غلبااااان و الله !! انتوا كلكوا عليا و لا إيه ؟؟؟ أنا طبعا بشكرك على زيارتك لمدونتى و ربنا يخليك بجد هيا جميلة بوجود الناس .. بس و النبى بلاش
موضوع مجلس الأمن ده

أحمد العربى :

ربنا يخلييييك ياريت فعلا يكون الموضوع مهم مش للبنات بس برضه للولاد و أنا و الله ما ظالمة الولاد ال 30 حيلة دول واقعييييييييييين جدا جدا مش تهريج يعنى وربنا كان ف عون البنات صحباتى و ف عون كل البنات و على فكرة برضه البنات ليها حيل وأغبى بنت تقدر تخدع أذكى راجل زى العكس بالظبط بس كل واحد و أخلاقه بقى و كل واحدة و أخلاقها

Memo said...

mabrok 3la elmodwna we gamila gamila gamila msh adra a2olk ad aih laf mabrok
regards

smraa alnil said...

والنبي يا بنتي
انا الرد علي اي حجة من دول هو روح يله العب عند امك
واخلع اللي في رجلي

بس حسرتيني علي شبابنا
ههههههههههه
وانا اقول الكلام دة سمعته قبل كدة فين
يلا مش في حد بياخد غير نصيبه

Anonymous said...

بجد يا ايمان انتى اجدع زميله اعرفها وبجد الى تقف جمب لانسان لو وقع فى محنه لغايط لاخر وبجد انا بحسد نفسى انى عندى صديقه جدعه ومحترمه ورقيقه للدرجادى بجد انا بقول الكلام مش مجمله بس دى الحقيقه
هشاااااااااااام

BOS BOS said...

بجد كلام صح وبيحصل جدا وواقعى جدا ومن حياتنا
وشباب كتير بتعمله
أنتى هايلة

hurricane_x said...

LOL :)
nice collection!

شريف said...

جامدة جدا جدا والله ايمان
واللهى انتى بجد جبتى موضوع فى الجول
بس مش كل الناس الى بتعمل كدة وفى ناس بتخلع باسباب تانية وفى ناس بتتلكك
يعنى مثلا فى واحدة بتقول للى بتحبة ازايك يرد يقولها ادة دة اسلوب تتكلمى بية فى حاجة اسمها ازيك احانا فى عصر التطور دة انتى قديمة اوى

وواحد تانى يطلب حاجة مستحيلة ويقولها انتى لو بتحبنى هتعمليها
انتى كدة مش بتحبنى ويخلع

وواحد تانى

وواحد تانى يكون فى معاد ويروح بدرى شوية او ميروحش اصلا ويتصل بيها انتى اتخرتى لية انا بقالى ساعة مستنى وانتى بتسطعبطى انا مبحبش استنا حد شوفى حد يستاناكى


وواحد تانى يكون لية صاحب عاوز يخدمة يقولة روح اوقف معاها واتكلم معاها
وانا هطب عليكو
ويقولها انا مش محزرك ان انتى متتكلميش مع حد تقولة دة فلان
يقولها انا مش محزرك منة قبل كدة انتى مش بتسمع كلامى من دلوقتى املا اما نتجوز هتعملى اية



بس موضوع جامد

انا اول مرة اقراء موضوع جميل زى دة انتى موهوبة

وانا اول مرة ازور مدونتك

بس جميلة واللى عملها اجمل
ويلرت تتكرمى وتزروى مدونتى الصغيرة اللى مش هتعجبك بس يكون ليا الشرف ان انتى تزرونى

على فكرة انا متاسف لانى ضفتك عندى من غير مقولك

Eman Eltaher said...

Memo :

ربنا يخليكى يا ميمو أنا مش عارفة أشكرك ازاى على كلامك الحلو ده و على فكرة مدونتك خطيرة بمواضيعها خصوصا انه دمك زى العسل

سمراء النيل :

ههههههه أحسن حاجة فعلا زى ما قولتى بلا وجع دماغ هما يعنى هيغلبونا ف ايه بس معلش لو هنخلع اللى ف رجلنا نبقى نضرب بالشراب عشان يبقى حنين عليهم !!!!! ههههههههه و على فكرة الموضوع مش محتاج أى حسرة لانه ربنا بيقول : " عسى أن تكرهوا شيئا و هو خيرٌ لكم " .. و طبعا زى ما قولتى محدش بياخد غير نصيبه مهما قابل و مهما شاف وبرضه منتحسرش لانه ربنا قال : " الخبيثات للخبيثين و الخبيثون للخبيثات و الطيبات للطيبين و الطيبون للطيبات اولئك مبرءون مما يقولون لهم مغفرةٌ و رزقٌ كريم " .... صدق الله العظيم

هشام :

مش عارفة أرد أقول ايه على الكلام الجميل ده ربنا يكرمك يا رب و ان كنت أنا جدعة تبقى انت ايه ؟؟؟؟ لانك بجد شخصية محترمة جدا و تستاهل كل خير بس بشرط متقلبش عكننة على أهلى كل شوية و ماتشتمش البنات ف ردودك

Bosbos :
أى خدمة يا بوسبوس هوا احنا لينا غير بعضنا ؟؟؟؟؟؟؟؟ ابقى خدى بالك بقى يا ستى و فتحى عينيكى كويس لحسن لا قدر الله تخبطى ف حد فيهم

hurricane_x :

Huhhhhhhhhh .. And nice to satisfy who you don't agree with !!!!! thank you for your comment .. Note : It's a collection from reality and not only for joke so you may need to change your opinion !!!!!! :D

شريف :

انت انسان بجد متعاون جدا أنا بشكرك على مساعدتنا ف اننا نعرف نوع تانى من الحيل صحيح الحيل دى صدمتنى لانى مش مصدقة انها ممكن تتعمل خصوصا التلكيكة على كلمة "ازيك " دي حسستنى بلغبطة ف دماغى صحيييييييييح بجد الحاجات دى ممكن تحصل و لا بتهزر ؟؟؟؟؟ أتمنى تكون بتهزر لانى بجد مصدومة م الحيل دى و مش مصدقة انها ممكن تحصل فيا مثلا أو ف أى بنت !!!!!!! تبقى مصيبة ساعتها مش هلاقى غير فردة الجزمة بتنزل على دماغه و مش بعيد أعمل زى الأفلام و اديله قلمين !!!!!!!!!!! بس بجد أنا متشكرة ليك جدا على المعلومات دى و كونك انكتقول عن حاجة زى كده فده يدل على انك شخصية مثقفة برضه بس الأهم بيدل على انك شخصية محترمة و انا يهمنى جدا و يفرحنى بتعاون الناس معايا .. بشكرك بجد على كلامك الحلو بخصوص مدونتى و هيا ان كانت جميلة فده بوجود الناس .. حكاية انك تضيفنى من غير ماتقولى فعلا ازاى يا أخى تعمل كده المفروض كنت تبعتلى طلب استئذان ممضى من الوزير و مختوم بختم النسر !!!!!!!! يا ابنى انا كل الناس اللى ضايفاهم عندى مش قايلالهم بتاتا!! و على فكرة شئ زى ده يفرحهم مش يضايقم و ما دام انت استئذنتنى فممكن بقى أنا كمان أضيف مدونتك !!!! تشرب شاى ؟؟؟؟؟؟؟؟؟

Anonymous said...

ازيك يا ايمو معلش اريت الموضوع متاخر بس بجد الموضوع حلو جدا وملكيش دعوة بتعليق هشام انتى كل كلامك سكر بس عايزة اقول حاجة ان البنت تقدر تحكم الانسان اللى ادامها يتعامل معاها ازاى ويحطها فى الصورة اللى هيا عايزاها
اميرة

أحمد العربي said...

ازيك يا ايمان
انا رديت قبل كدة علي الموضوع ده
بس يا ستي وانا بتصفح مدونتك لقيت حاجة غريبة ؟؟
خير اللهم اجعلة خير
لقيت مدونتي القديمة !!!
اه والله اللي هيا كان اسمها حر الكلام
وقال اية انتي حاطاها في قائمة اعلانات المدونات ؟؟!!
المهم يا ستي المدونة دلوقتي بقي اسمها عقبال املتك فكرة مصرية (FEKRAMSRIA.BLOGSPOT.COM)


بس يا ستي ادي كل الموضوع
واسف لتعبك
تحياتي

Eman Eltaher said...

أميرة :

بشكرك يا أميرة على ردك و اهتمامك هشام و الله انسان لذيذ جدا بس عادى يعنى كل انسان ممكن يقول حاجات كتير ميقصدهاش و تتفهم غلط أو ممكن يكون بيتكلم عن نفسه أو عن حاله الشخصى و يتفهم انه بيتكلم على غيره عادى جدا بتحصل ف أحسن العائلات !!!

انتى اللى سكر و الله بس بصى يا أميرة أحيانا بيبقى فيه ناس مش بتقدرى تغيرى من معاملتهم تجاهك مهمن حاولتى لانه ده بيبقى طبع فيهم مستحيل يتغير معاكى أو مع غيرك و بالتالى مش علطول الواحد يقدر يعمل ده و عموما ورينا همتك

شريف :

ههههههههه ربنا يخليك يا شريف لو حصلى ده هبقى أبعتلك فاكس احسن !!!!!!!! ربنا بقى يستر و خلاص
و كلامك ف التعريف بتاعك يوحى بانك انسان متعاون جدا و تستاهل كل خير .. مدونتك لذيذة so go ahead

أحمد العربى :

سورى يا أحمد معلش أنا ماأخدتش بالى أنا عموما شيلتها و حطيت مكانها مدونتك الجديدة ... أى خدمة انت تؤمر

تحياتى

shermen said...

بجد جمعتيهم كلهم تقريبا
ربنا يخليكي للشعب
اللي هما البنات يعني
كملي كملي ولا يهمك من كلام العوازل

Eman Eltaher said...

SHERMEN

هههههههههههه

مش عارفة أشكرك ازاى بجد طمنتينى انى ورايا ضهر عشان ما اخافش من تحالف الرجالة ضدى !!!!!

بجد انتى لذيذة يا شيرمين

و أتمنى تكونى صديقة ليا و لمدونتى ويشرفنى و يفرحنى جدا انى أكون صديقة ليكى لو حابة

تحياتى

Anonymous said...

برافوا عليك يا هشام والله كلامك صح زي مفي شباب عايزه تخلع فبتستخدم الحجج دي فى بردوا شباب كويسه ونفس الكلام فى البنات فى بنات كتير بتزهأ من الولد اللى بتحبه لما تلاقى اللى احسن منه فبردوا بتخترع حجه والبنات اشطر فى الحجج .....ما علينا بس هو موضوع جامد برافوا عليكي يا ايمان TiMooN

Eman Eltaher said...

timoon :

ايه ده بقى ؟؟؟؟ حضرتك متفق مع هشام ؟؟؟؟ تكونوش اخوات ؟؟؟؟ لا لا لا قليل أوى لما تلاقى بنت غشاشة و بتتسلى بالشاب لكن كتيييييييييييييييييييييييييييير أوى لما تلاقى شاب مخادع و بيتسلى بالبنت

صح و لا مش صح ؟؟؟
صح طبعا


معلش أنا لفتتنى كلمة خبطتتنى جامد و أحب أصححها

انت بتقول انه فيه بنات بتزهق من الولد اللى بتحبه

أحب أقولك انه اللى بيحب بجد و بصدق عمره ما يزهق من اللى بيحبه

و لانه الناس دول ما يعرفوش أصلا يعنى ايه حب و ما بيقدروش يحبوا حتى لو كان كلامهم كله حب و هيام فعشان كده بعد ما بيقضوا وقت حلو و يزهقوا من اللعبة اللى كانوا بيلعبوها فبيدوروا على لعبة غيرها

فعشان كده ما ينفعش حد يقول انه فيه انسان كان بيحب واحدة أو انسانة كانت بتحب واحد و زهقت منه بعدها !!!!!!! أكيد ما كانش فيه حب

تحياتى

el3araby said...

معلش يعني
انا مستغرب اوي من اللي انتي كاتباه ده
مظنش فعلا ان في حد بيقول الحاجات دي عشان يخلع
مش متعود اقرا حاجات رومانسيه او حتي متعلقه بالحاجات اللي دمها خفيف زي اللي انتي كاتباها
بس فعلا يعني طب ما ممكن يكون فعلا حاجه من الحاجات دي صح
...
طيب بارضه معلش تاني ..اللي يحب ميكلمش يعمل ايه
ايه هي الظروف دي بقي

Eman Eltaher said...

el3araby :

بص هو أولا اللى انت تقصده ممكن يكون واحد بيتكلم جد و عايز يقطع بس انا كل الحجج اللى نا كاتباها حجج واهية مالهاش اى لازمة

و باين جدا منها انه الموضوع بالنسبة للشاب اللى بيتكلم انه الموضوع بالنسباله سهل جدا
بمجرد كلمة ينهى الموضوع و خلاص

فانا حبيت أرد عليهم
و بس

تحياتى

Anonymous said...

a2olk kma todeen todan yabenty walahy .. ele ybee3 ybee3 ..fel a7'r wa7d mzloom rbna y3wadha isa wl shab el mete3 deek el baraber bokra yo23 fe w7dah bnt lazeenah twreeh el ngoom f 3z el dohr ..w sa3tha yarab yftker bnat el nas :)