خواطر فـتــاة: هؤلاء لا يصلحون زوجاتا

" بًنى الإسلام على خمس ٍ : شهادة أن لا إله إلا الله ، و أن محمدا ً رسول الله ، و إقام الصلاة ، و إيتاء الزكاة ، و الحج ، و صوم رمضان" ..صدق رسول الله.. "إن هذا الدين يسر ، و لن يشاد الدين أحدٌ إلا غلبه ، فسدّدوا و قاربوا ، و أبشروا ، واستعينوا بالغدوة و الرّوحة ، و شئ من الدُلجة" ..صدق رسول الله.. "مَن دعا إلى هدى كان له من الأجر مثل أجور مَن تبعه ، لا ينقص ذلك من أجورهم شيئاً ، و مَن دعا إلى ضلالة كان عليه من الإثم مثل آثام مَن تبعه ، لا ينقص ذلك من آثامهم شيئاً" ..صدق رسول الله.. "سبعة ٌ يظلهم الله فى ظله يوم لا ظل إلا ظله : إمام ٌ عادل ، و شاب نشأ فى عبادة ربه ، و رجل قلبه معلق فى المساجد ، و رجلان تحابا فى الله و تفرقا عليه ، و رجل دعته إمرأة ذات منصب ٍ و جمال فقال إنى أخاف ُ الله ، و رجل تصدق بصدقة ٍ فأخفاها حتى لا تعلم شماله ما تنفق يمينه ، و رجل ذكر الله خاليا ً حتى فاضت عيناه" ..صدق رسول الله.. "أتدرون مَن المفلس ؟ قالوا : المفلس فينا مَن لا درهم له و لا متاع ، فقال (ص) : إن المفلس من أمتى مَن يأتى يوم القيامة بصلاة ٍ و صيام ٍ و زكاة ٍ ، و يأتى و قد شتم هذا ، و قذف هذا ، و أكل مال هذا ، و سفك دم هذا ، و ضرب هذا ، فيعطى هذا من حسناته و هذا من حسناته ، فإن فنيت حسناته قبل أن يقضى ما عليه أخذ من خطاياهم فطـُرحت عليه ثم طـُرح فى النار" ..صدق رسول الله.. "يؤتى بالرجل يوم القيامة فيُلقى فى النارفتندلق أقتاب بطنه فيدور بها كما يدور الحمار فى الرحى ، فيجتمع إليه أهل النار فيقولون : مالك يا فلان ؟ ألم تكن تأمر بالمعروف و تنهى عن المنكر؟ فيقول : بلى ، كنتُ آمر بالمعروف و لا آتيه ، و أنهى عن المنكر و آتيه" ..صدق رسول الله.. "إنما مثل الجليس الصالح و جليس السوء كحامل المسك و نافخ الكير" ..صدق رسول الله.. "المؤمن القوى خيرٌ عند الله من المؤمن الضعيف ، و فى كلٌ خير، احرص على ما ينفعك و استعن بالله و لا تعجز ، و إن أصابك شئ فلا تقل : لو أنى فعلتُ كان كذا و كذا ، و لكن قل : قدر الله و ما شاء فعل ، فإن ( لو ) تفتح عمل الشيطان" ..صدق رسول الله.. "اتقوا الظلم فإن الظلم ظلمات يوم القيامة ، و اتقوا الشح فإن الشح أهلك من كان قبلكم ، حملهم على أن سفكوا دماءهم واستحلوا محارمهم" ..صدق رسول الله.. "كن فى الدنيا كأنك غريب ٌ أو عابر سبيل ، و عُد نفسك من أهل القبور" ..صدق رسول الله.. "مثل المؤمن الذى يقرأ القرآن مثلُ ( الأترُجّة ) ريحُها طيب و طعمها طيب ، و مثل المؤمن الذى لا يقرأ القرآن كمثل ( التمرة ) لا ريح لها و طعمها حُلو ، و مثل المنافق الذى يقرأ القرآن كمثل ( الريحانة ) ريحها طيب و طعمها مُر ، و مثل المنافق الذى لا يقرأ القرآن كمثل ( الحنظلة ) ليس لها ريح و طعمها مُر" ..صدق رسول الله.. "إن الدنيا حُلوة خضِرة و إن الله مستخلفكم فيها فينظر كيف تعملون ، فاتقوا الدنيا و اتقوا النساء فإن أول فتنة بنى اسرائيل كانت فى النساء" ..صدق رسول الله.. "أبشروا و أملوا ما يسُركم ، فو الله ما الفقر أخشى عليكم ، و لكنى أخشى أن تبسط الدنيا عليكم كما بسطت على من كان قبلكم ، فتنافسوها كما تنافسوها فتهلككم كما أهلكتهم" ..صدق رسول الله.. "إن الله حرم عليكم عقوق الأمهات و منعاً و هات ، و وأد البنات ، و كره لكم قيل و قال ، و كثرة السؤال ، و إضاعة المال" ..صدق رسول الله.. "صنفان من أهل النار لم أرهما : قومٌ معهم سياط كأذناب البقر يضربون بها الناس .. و نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ، و لا يجدن ريحها ، و إن ريحها ليوجد من مسيرة خمسائة عام" ..صدق رسول الله.. "إن من أحبكم إلىّ و أقربكم منى مجلساً يوم القيامة أحاسنكم أخلاقاً ، و إن من أبغضكم إلىّ و أبعدكم منى يوم القيامة الثرثارون و المتشدقون و المتفيهقون ، قالوا يا رسول الله : فما المتفيهقون ؟ قال : المتكبرون" ..صدق رسول الله.. "الكيّس من دان نفسه و عمل لما بعد الموت ، و العاجز من أتبع نفسه هواها و تمنى على الله الأمانى" ..صدق رسول الله.. "أدبوا أولادكم على ثلاث خصال : حُب نبيكم و حُب آل بيته و تلاوة القرآن ، فإن حملة القرآن فى ظل عرش الله يوم لا ظل إلا ظله مع أنبيائه و أصفيائه" ..صدق رسول الله.. "يا معشر النساء تصدقن و أكثرن من الإستغفار فأنى رأيتكن أكثر أهل النار ، فقالت امرأة منهن جزلة ٌ : و مالنا يا رسول الله أكثر أهل النار؟ قال : تكثرن اللعن و تكفرن العشير.. و ما رأيت من ناقصات عقلٍ و دينٍ أغلب لذى لـُب منكن ، قالت يا رسول الله : و ما نقصان العقل و الدين ؟ قال : أما نقصان العقل فشهادة امرأتين تعدلُ شهادة رجل ، فهذا من نقصان العقل ، و تمكثُ الليالى ما تصلى و تفطرُ فى رمضان فهذا من نقصان الدين" ..صدق رسول الله.. "مرّ النبى (ص) بإمرأة تبكى عند قبرٍ فقال لها : اتقى الله و اصبرى فقالت : إليك عنى فإنك لم تصب بمصيبتى و لم تعرفه فقيل لها : إنه النبى (ص) ، فأتت باب النبى ، فقالت : لم أعرفك ، فقال : إنما الصبرُ عند الصدمةِ الأولى" ..صدق رسول الله.. "استحيوا من الله حق الحياء ، قالوا : إنا لنستحيى من الله و الحمد لله ، قال : ليس ذاك ، مَن استحيا من الله حق الحياء فليحفظ الرأس و ما وعى ، و ليحفظ البطن و ما حوى ، و ليذكر الموت و البلى ، و مَن أراد الآخرة ترك زينة الحياة الدنيا ، مَن فعل ذلك فقد استحيا من الله حق الحياء" ..صدق رسول الله.. "يا معشر الشباب من استطاع منكم الباءة فليتزوج فإنه أغض للبصر و أحصن للفرج ، و من لم يستطع فعليه بالصوم فإنه له وجاءٌ" - رحم الله رسولنا الكريم وصلى الله عليه و على آله و صحبه أجمعين

مسطول بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه !! هههههههه ... صعيدي راح أمريكا لقى الناس لابسين تي شيرتات مكتوب عليها بيبسي و كوكاكولا لما رجع البلد كتب على التي شيرت بتاعه عصير جصب !! ههههههههه ...الأمريكان والروس بيترسموا على بعض ، الأمريكان يقولوا إحنا أول ناس طلعناالقمر والروس يقولوا لا إحنا أول ناس طلعنا القمر ، أهبل كان واقف إتضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم: إحنا اللي مطلعينه !! ههههههههههه ... بيسألوا واحد مسطول بيقولوله المصري بنى الأهرامات والياباني بنى إيه ؟؟ قالهم بنى سونيك !! ههههههههه ...أهبل إشتري عربية شبح طلع على الطريق السريع علشان يجربها فشغل الراديو لقي المذيع بيقول : هنا لندن ، الأهبل قال يلعن أبو السرعة!! هههههههههه ... واحد غبى قوى حكموا عليه بالاعدام، بعد ما علقوه فى المشنقه قعد يشاور ويخبط بإيده ورجليه ففكروه عاوز يقول حاجه مهمة ففكوه ونزلوه بسرعة فبص لهم وقال: ياجزم كنت هتخنق!!! هههههههه ...واحد سفاح دخل شقة راجل قتل مراته فالراجل ضحك قتل ابنه والراجل برضه بيضحك قتل بنته والراجل عمال يضحك قتل أبوه والراجل هيموت على نفسة من الضحك فالسفاح استغرب وسأله: انت بتضحك كده ليه وانا بقتل فى عيلتك فالراجل قاله وهو بيضحك : اطلع من دول يا ابراهيم يا نصر!! هههههههه ... فيه واحد حماته ماتت فبيسال ايه سبب الموت قالوله : تسمم، قعد يضحك بيقولوه انت بتضحك على ايه قالهم : اكيد عضت لسانها!! هههههههه ... مجموعه فضائيه نزلت على كوكب المريخ لقو واحد صعيدى بيخبط على الازاز ومعاه فوطه بيسألوه انت بتعمل ايه هنا قالهم مسح ازاز صواريخ!! هههههههه ... مرة دكتور دخل عنبر فى سراية المجانين لقى واحد بيخبط دماغه فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها!! هههههههههه ... واحد عبيط دخل ايده فى نار وبعد شويه جه يخرجها مش لاقاها دخل راسه يدور عليها!!هههههههه ...واحد احول قابل واحده حولة بيعاكسها : ياسلام عليك يا قمر انت والتوأم اللى معاكى قالتله مشى اللى معاك وتعالى!!هههههههه ...صرصار فطسان على روحه من الضحك علشان اللي بيضربه بالشبشب أحول !! ههههههههه ... المدرس : ماهي الكلمة التي يستخدمها التلاميذ عادة؟؟التلميذ : لا أعرف ياأستاذ،الأستاذ :أحسنت !!! ههههههه ... واحد فقير مر من قدام الجزار وبص للحمة بتمعن وقال لها حتروحى النار!! ههههههههه ... فيل ونمله بيتقابلو على النيل ،الفيل رما نفسه فى النيل، ليه ؟أخو النمله جه!! هههههههه ... واحد راح البحر لقى بنت بتغرق مديلها ايده قالتله اطلبها من ابويا !!! ههههههههه ... مدرس كيميا خلف ولد سماه سامى اكسيد الكربون !! هههههههه ... سواق تاكسي دخل اوضته ينام، مراته قفلت عليه الباب نده عليها وقال لها :إفتحى الباب واقفليه تانى!! ههههههههه ... مرة سواق تاكسى ركبت معاه واحدة حلوة قال لها تعرفى تسوقى قالت له لأ ، قال لها أنا تسوقى!! هههههههه ...واحد اشترى شريط لهانى شاكر لقى فيه" غلطة "راح رجعه!! هههههههه ...مره البوليس كبس على جماعه بيشموا، وكان معاهم ولد صغير، جه الضابط للولد يستظرف ويقول له: ياترى الشمام الصغير إسمه إيه؟ رد الولد : كانتالوب!!! ههههههههه ... واحد متجوز وقاعد في البيت وبيبص كتير في عقد الجواز، مراته قالت له: بتبص في عقد الجواز ليه يا حبيبي؟ قالها: بدور عن تاريخ إنتهاء العقد!! ههههههههه ... مرة واحد حظه وحش لقى خاتم سليمان، جه يفركه فعص العفريت!!! هههههههههه ... واحد راقد ف المستشفى جه أبوه البخيل يزوره لقى مكتوب ع الباب ادفع قال لنفسه : بعدين أزوره!! ههههههههه...واحدة بتقول لجوزها جارنا بيبوس مراته وهو رايح الشغل ، ليه انت متعملش كدة؟؟ قالها يعني هي هتوافق!!! ههههههههههه ... شلة ولاد راحو يلعبو بلياردو ، واحد منهم وقف فوق الطرابيزة وقال لهم انا الجوووووون!! هههههههه ... واحد غبي رجع من السفر لقى الشقة مليانة صراصير.. غير قفل الباب!! ههههههه ... واحد نشر في إعلانات مبوبة :مطلوب زوجة ، تاني يوم جاله 100 جواب فيهم نفس الرد : تاخد بتاعتي؟؟!! هههههههه ... واحد غبى شاف قشرة موزة على الأرض فقال يييه هاتزحلق تانى!! هههههههه ... اهبل مشترك في مسابقة أسرع رسمة رسم نقطة وقال: ده فيل جاي من بعيد!! هههههههه ... ابن بيقول لابوه بتعمل ايه يا بابا قاله : بكتب جواب لعمك ، سأله ابنه : هوا انت بتعرف تكتب ، ابوه قاله : يعنى هوا عمك اللى بيعرف يقرا يا فالح!!!! هههههههه ... مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :دى صورة مراتى مع القرود ملحوظه مراتى التالته على اليمين!! ههههههههه ... واحد بيقول لمراته: أنا النهارده عايز رومانسية فى البيت، راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز!! ههههههههه ... اتنين مساطيل ماشيين على سطح بيتهم واحد وقع فى الخزان ،التانى راح استناه عند الحنفية!! هههههههه ... نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب فقالت الزوجة الفرنسية :أنا قلت لجوزى ميشيل أنا مش هعمل حاجة فى البيت الاسبوع ده كله، وقالت أول يوم ماشوفتش حاجة تانى يوم ماشوفتش حاجة تالت يوم بدأ يغسل ويمسح وقالى :انتى بتتعبى اوى ياحبيبتى ،وقالت الزوجة الانجليزية : أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش حاجة تانى يوم بدأ يعمل الاكل تالت يوم عشانى وغدانى بره، جت المصرية وقالت :أنا قلت لأبو العيال أنا مش هعمل حاجة فى البيت الأسبوع ده وقالت :أول يوم ماشوفتش حاجة تانى يوم ماشوفتش حاجة تالت يوم بدات أشوف شوية بعينى الشمال!!! هههههههههههه ... مرة واحد ماشى ورا واحدة و بيعاكسها فبيقـولها : الجميل وراه مشوار ؟؟؟ قالتله : لأ وراه حمار !!! هههههههه ... مرة دكتور عيون بيقول لخطيبته : شايفة الوردة اللى ف ايديا جميلة ازاى قالتله : آه جميلة أوى راح مباعدها شوية و قالها طب شايفاها كده ؟؟؟؟!!!! هههههههه ...مرة واحد إسكندراني بنته رجعت الساعة 3 بالليل قالها: كنتي فين يا بت؟ قالت له: كنا بنتمشى مع واحد صاحبي يابا قالها: طب خشي نامي إحنا نحبوا الصراحة !!!! هههههههه... مرة واحدة قالت لحبيبها البخيل: أكلها معاك بدقة وأعيش معاك إن شالله ف عشة قالها: إنتي ليه مادية قوي كده يا حبيبتي؟!!! ههههههه ...مدرس بيسأل تلميذ : ما هو الحيوان الذي يصحيك كل يوم ؟؟؟ التلميذ قاله: بابا يا أستاذ !!!! هههههههه ...واحد حشاش مسكته دورية قالوله: إركب. قالهم: لا شكرا البيت قريب !!! هههههههه... عيلين صغيرين ماشيين في الشارع لقوا قطة فالأول قال للتاني: أنا هاخد القطة دي أربيها فالتاني قاله: ما ينفعش كده تجيبلك أمراض اغسلها الأول..تاني يوم جه الولد بيعيط وقال لصاحبه: القطة ماتت وانت السبب إنت اللي قلتلي اغسلها. صاحبه قاله: ماتت وانت بتغسلها؟ قاله: لأ ماتت وأنا بعصرها !!! هههههههه ... مرة واحد مسطول قابل واحد قاله: الساعة كام؟ قاله: خمسة وخمسة. قاله: ما تعرفش تقول عشرة وخلاص !!! هههههههه ... واحد مسطول بيفتح التلاجة بالراحة قوي فسأله زميله: مالك بتعمل كده ليه؟ قاله: نفسي أعرف مين اللي بيولع اللمبة !!! ههههههههه ... مرة عريس اتقدم لواحدة فأبوها بيقوله : جيب دبلتين و على خيرة الله. راح العريس رد بحمقة : ايه ده يا عمى ده الشبكة بالمعقول !!! ههههههههه ...مرة تلميذ أبوه سأله: ليه الأستاذ كاتبلك حمار في الشهادة قاله: لا يا بابا ده توقيعك !!! هههههههه ... اتنين فشارين واحد بيقول للتاني: امبارح وأنا ماشي في الغابة طلعلي أسد وكان ف إيدي كباية مية رحت رامي الأسد بيها الأسد اترعب وجري التاني رد عليه وقاله: آه عشان كده لما طلعلي أسد من شويه وضربته بالقلم إيدي اتبلت !!! هههههههههه ... مرة واحدة اتعرفت على واحد غبي سألها: اسمك إيه؟ قالتله: أسماء قالها: آه يعني مالكيش إسم محدد !!! ههههههههه ...مرة واحدة ادت صاحبتها بغبغان هدية سألتها عليه تانى يوم قالت لها: عادى طعمه زى الفراخ !!! ههههههههه ...تلات ستات عواجيز عايزين يتجوزوا عملوا إعلان: اتجوز واحدة واحصل على اتنين مجانا !!! هههههههه ... شحات راح لواحد قال له: لله قال له: ربنا يسهلك فقال له: ولو مسهلهاش أرجعلك !!! ههههههههه ... واحد قال لابنه: نابليون وهو قدك كان أول واحد في الفصل رد الواد على والده: نابليون وهو قدك يا بابا كان إمبراطور !!! ههههههههه ...واحدة ست بتقول لجارتها: الحقيني يا أم محمد بعت جوزي يجيبلي ملوخية خبطه أتوبيس .. يالهوي وعملتي إيه ..عملت بامية وأمري لله !!! هههههههههه ... مرة ولد سأل باباه: إنت جبتنى ازاى يا بابا؟ قال له: يا ابني حطيت شوية سكر تحت السجادة صحيت من النوم لقيتك فالولد عمل زي باباه. صحى الصبح لقى صرصار قال له: لو مكنتش ابنى كنت موتك !!! ههههههههههه ... مرة راجل بخيل كان فى شوبنج هو وابنه الولد بيقول لأبوه: بابا أنا بحب الشيكولاتة قال له: حبها وحطها مكانها تانى يا حبيبى !!! هههههههههه ... طفل صغير طلع يجري على جارتهم: وريني لسانك يا طنط.. قالت له: ليه يا حبيبي؟ قال لها: أصل ماما بتقول إن لسانك زي العقربة !!! ههههههههه ...مرة مدرس قال للتلاميذ فى الفصل: اللى فاكر نفسه غبى يقف ... بعد شوية وقف تلميذ ...فسأله المدرس: وليه بقى يا سيدي فاكر نفسك غبي؟ ..فرد عليه التلميذ: أصلي محبيتش أشوفك واقف لوحدك يا أستاذ !!! هههههههههه ... كان فيه مرة واحد أهبل عرف إن صيام يوم عرفة يعادل صيام سنة فصام لحد الضهر وقال: كفاية عليا ست شهور !!! ههههههههه ... مره اتنين كفار بيحششوا واحد قال: بسم الله الرحمن الرحيم التاني قاله: يا را جل ده احنا كفار فقال له : ياه ده أنا ناسي أستغفر الله العظيم يا رب !!! ههههههههه ... مرة اتنين مساطيل راكبين عربية نزل واحد يبص على العجلة لقاها نايمة فنام جنبها التانى نزل يشوفه بيقوله: فيه إيه؟ قاله: هسسس العجلة نايمة !!! هههههههههه .. واحد صاحبنا ناصح قوي كان بيصطاد والطعم خلص يعمل إيه؟ جاب ورقة وكتب عليها "طعم" ورمى الصنارة فى المية ربع ساعة الصنارة غمزت رفع لقى ورقة مكتوب عليها "سمكة" !!! ه هههههههههه ... مرة واحد حط كباية شاى على سور البلكونة ودخل يغير الجلابية رجع لقى الهوا طير الكباية ووقعها اتكسرت فجه يفتح التليفزيون لقى عبد الحليم حافظ بيقول: الهوا هوايا فقاله: وحياة أمك لانت دافع حق الكباية !!! ههههههههههه ... مرة أستاذ بيسأل طالب: كم عمر والدك؟ جاوب التلميذ وقال له: معرفش بس هوا قاعد عندنا من زمان !!! ههههههههه ...واحد باشا الزمان دار عليه وافتقر راح اشتغل بتاع فجل وجرجير وقف ف السوق وهو لابس الطربوش وينادي: فجل يا حوش جرجير يا كلاب !!! هههههههههه ... دكتور بيطري بيقول لمراته: أنا بهيم في حبك يا حياتي قالتله: وأنا ماقدرش أرفسلك طلب !!! ههههههههه ... واحد أخنف حظه وحش أوي وقع في حفرة وفضل مستني حد ينقذه وفين وفين واحد شافه وعلى حظه كان أخنف برضه الأخنف اللي فوق قاله: استنى شوية هطنعك دنوقتي قاله: نبنا يخنيك بسنعة قاله: وكمان بتتنيأ طب شوف مين هيطنعك !!! هههههههههه

Saturday

هؤلاء لا يصلحون زوجاتا

بناء على طلب المشاهدين - القناة التانية و الفضائية - قررت أنا إيمان الطاهر رئيسة تحرير المدونة - المسماة خواطر فتاة - بأن أقوم بكتابة الموضوع الواقع تحت هذا العنوان و أنا فى كامل قواى العقلية و البدنية و النفسية و العصبية و كل حاجة!! احم
شئ جميل أوى !! قال أنا هكتب و هقول دول ما ينفعوش زوجات - صلاة النبى أحسن - طبعا ً كله متنح !! بس حقيقى ده اتطلب منى تحت بند المعاملة بالمثل !! و انا احترمت الطلب ده و هكتب فيه بكل أمانة و ربنا يقدرنى و صحباتى ما يولعوش فيا !!! احم تانى ربنا يستر

نبدأ بقى ..

شفنا ف الموضوع اللى فات 20 نموذج من الرجال اللى ما ينفعوش ببصلة !! و المفروض إنى أكتب قدهم 20 نموذج برضه من البنات اللى ما ينفعوش ببتنجان !! يا قوة الله و دول أكتبهم ازاى يعنى .. و منين أصلا ً إذا كان البنات زى الملايكة بيسموهم الجنس الناعم أروح أنا و بكل بساطة أقلبهم غوريلا !! طب ده يرضى مين .. شكلى بستعبط عليكم !! .. معلش يا جماعة .. ياللا كلاكيت تانى مرة

الراجل يا جماعة عايز ف البنت كل الصفات الكاملة .. ممكن يفصل بنت عند الترزى لانه أصلا مش هيلاقى .. و من ناحية تانية بيكون هو نفسه مفيهوش أى صفة ممكن تعجب أى بنت !! أنصحه ياخد معاد مع الدكتور ده ، ملحوظة : مكان العيادة حديقة الحيوانات و بعدها ع العباسية عدل !! ما علينا

الأولى : دلوعة مامى و بابى .. صفاتها متدلعة ع الآخر

.. مبتقبلش حد يقولها لأ

طلباتها دايما لازم تجاب

حتى لو هيا زعلتك لازم انت اللى تصالحها

يا ويلك يا سواد ليلك لو زعلتها

التانية : مناخيرها ف السما .. صفاتها مغرورة و واخدة قلم جامد !!.. هتكلمك بألاطة ..طبعا ً مستحيل هتقبل ف أى حال من الأحوال انه يتوجه لها أمر أو حتى نصيحة فانسى و خد البنسة

التالتة : مخلوق نكدى .. و ده طبعا ً ما ينفعش ف النوعين الولد و البنت .. يمكن نسيت أذكر النوع ده ف الموضوع اللى فات . الظاهر انه البنات مشهورين بالنكد فافتكرت ده بسهولة !! بس خد ف علمك المرأة بالفطرة مخلوق ضعيف بس لما بتتجنن بتقلب على مخلوق فضائى نكدى !! و بالتالى أحسنلك ما تتجوزش و اقعد اغسل المواعين

الرابعة : روتينية مملة .. حياتها ماشية على نظام متحدد بالساعة و الدقيقة و الثانية !! الأكل بوقت و الحب بمعاد و الخناق طبعا ً يوم الخميس !! المشكلة مش هتكون فيها بس لانها هتمشى النظام ده عليك و على أولادكم و رجلك فوق رقبتك

الخامسة : مدام صايعة .. صفاتها عديمة الأدب .. معندهاش حياء نهائى .. اللى بيمشى ف عروقها ده أكيد مش دم دى صلصة حمرا !! لانه طبعا دم مفيش

السادسة : مادية جدا .. صفاتها طماعة .. ينطبق عليها حديث النبى*ص* فيما معناه انه ما يملاش عين ابن آدم غير التراب

هتبقى كويسة جدا لحد ما تجيبلها كل اللى نفسها فيه و بعديها تلاقيها شخص تانى تماما

عايزة تعيش ف قصر و تلف الدنيا و تملك أحدث عربية و تلبس أشيك لبس مستورد من بره

و تاكل من أغلى أكل و يا ريتها بتشبع !! و طبعا مفيش وسيلة غير الحمار - أيوة اللى هو انت - اللى هيجيبلها كل ده

السابعة : مرات عشماوى .. صفاتها مسيطرة جدا و مسترجلة أو ممكن تقول راجل لابس ست !! كلمتها لازم تكون أول و آخر كلمة ..

هيا صاحبة القرارات طبعا و بالتالى انت طيشة !! و الصنف ده غالبا لو اتجوزته و جيت ف مرة و اعترضت على تحكمها ممكن تحدفك بكباية تضربك بطاسة دا اذا كانت مش عاملة حسابها أصلا ف الأكياس !! انت و نصيبك يعنى

التامنة : عايشة لنفسها .. صفاتها أنانية و همها الوحيد الأزلى سعادة نفسها و بس .. تهتم جدا بشغلها و علاقاتها و بمظهرها بره البيت .. أصحابها و قرايبها و النوادى و الكوافير و أخيرا مسلسلات التلفزيون !! انت فين بقى منها ؟؟؟ ولادها فين بقى منها ؟؟؟ هيا فضيالكوا ؟؟

التاسعة : بالعة راديو .. و ياريته نجوم اف ام .. لأ ده حاجة كده اسبشيال : أهلها و شغلها و الجارة الفلانة و صاحبتها العلانة .. هتحكيلك كل اللى حصل ف اليوم و كل يوم بالتفصيل الممل ، و ابقى خلى طبيب يطمنك على سلامة ودنك

العاشرة : تحفة فنية تتحط ف المعرض .. صفاتها تلفزيون ملون جايب كل القنوات !! مكياج ايه صاروخ ، رموش صناعية ، عدسات جميع الألوان عشان تليق ع الفستان !! ميكروجيبات و كاتتات و مينى حاجات و ابقى ادفع انت بقى لزوم الصيانة !! .. و إن شاء الله تقع الرموش ف طبق الشوربة و تخلى حياتك ملوخية

كفاية عشرة يا جماعة خليكوا كويسين !! و بعدين هو أصلا الولد ببنتين يعنى كده نبقى حققنا العدل ما بينا

فيه عيوب تانية كتير ممكن تقتبسوها من الموضوع اللى فات لانه كله بيكمل بعضه .. و ف الآخر أحب أقول لكل شاب ريح نفسك و طير ع المريخ

عايزاكو تستنونى الموضوع اللى جاى شيق جدا هوا مسخرة بصراحة هعلن فيه الحرب على شباب النص كم !! و ربنا ع المفترى

إيمان

35 comments:

Anonymous said...: ايمان ربنا يديكي على قد نيتك
أنا طبعا من أنصار العزوبية
يمكن الفترة اللي فاتت مستوى العزيمة هبط
بس الحمدالله البوست ده ثبتني على موقفي
بعد ما قريتها حسيت بطعم الأغاني الوطنية
فثبت ع الجبهة والسلاح صاحي
والصور خلتني كاره كاره للعدو مش أي كلام
لو عارفة مواعيد رحلة المريخ امتى تبقي تباصيها
وسلملي ع البندجان
آسف أقصد النسوان; 5/3/07 2:30 AM
Anonymous said...: والله جمييييييييييييل يا إيمي إيه الروعة دي.والصراحة أنا موافقاكي في الأنواع دي وهية فعلاً موجودة وبكثرة.ههههههههه

أختك نيفين; 5/3/07 8:46 PM
سجين فى قلب الوطن said...: أعتذر عن هذا التعليق مقدما

أقتراح لقاء شهرى لمدونى الأسكندرية
http://misryawey.blogspot.com/2007/03/blog-post.html

طبعا انا عملت نفسى مش واخد بالى من الموضوع و طناااااااااش على الأخر

اذا كان هناك رجل يستطيع ان يرى عيوب حبيبته قبل الأرتباط بها
لأنقرض الجنس البشرى; 6/3/07 8:00 AM
Eman Eltaher said...: negmooo :

هههههه أناوالله مش قصدى بالمواضيع ديا انى أكره النوعين ف بعض بس أنا الظاهر زودت شوية جرعة الرخامة و طبعا الصور ساعدتنى جدا .. بس بجد ردك لذيذ أوى و أنا متشكرة ع الرد اللى دمه خفيف أوى و عموما لو مصمم على رحلة المريخ هبقى أسال عليها

neven :

حبيبتى و اختى متشكرة على ردك عليا علطول و اهتمامك بيا و بمدونتى واستنى بقى الموضوع الجديد .. و الله أنا بقيت خايفة من رد الفعل خصوصا ع الموضوع الجاى .. انتى أكتر واحدة عارفة انى أنا غلبااااااااااان

سجين ف قلب الوطن :

انت حقيقى قلت المفيد هوا فعلا لو الواحد يقدر يشوف عيوب اللى قدامه من قبل الارتباط ما كانش حد غلب .. بس أهو تقول ايه!! واحدة بتحاول تقنع نفسها انه ممكن العيوب دى تبان لأ و بسهولة كمان على أساس انه مفيش حد بيعرف يلبس ماسك كتير; 7/3/07 12:15 PM
إبـراهيم ... said...: ممممممممممممم

هوا أنا جييييت بس طبعًا فكرة إن التعليق مش هيظهر إلا بعد موافقـة سعادتك بدي شيء غريب حبتين ، على العموم موضوع جميـل يا إيمي ، وفي انتظـار الموضوع الجاااااااااي

ياللا بقى ما تتأخريش; 8/3/07 11:41 AM
أحمد العربي said...: ههههههههههه
أستاذة إيمان الموضوع بجد ظريف وبيفتح قضية تغاضي عنها البعض انحراف الستات أو الستات اللي مش مظبوطين علي العموم الكلام في الموضوع ده كتييييييييير وانا كان نفسي اعلق علي الموضوع بصورة أكثر وضوحا لكن زي ما تقولي كدة انا لسة عامل المدونة دي يدوب مفيش كام يوم وبحاول انشرها علي قد ما اقدر يعني بالبلدي كدة انا مستني زيارتك اوك علي وعد مني اني اول ما افضي هاتلاقي تعليق علي الموضوع باي; 9/3/07 12:46 PM
أحمد العربي said...: بصي يا ست ايمان الموضوع عايز قعدة ووقفة وماشية كمان بس بجد والله انا مشغول لشوشتي زي ماتقولي كدة لسة عامل المدونة دي جديد وبراحة هايص ولايص المهم انا في انتظار زيارتك في المدونة; 9/3/07 12:53 PM
أمل ربيع said...: هاي ايمان
دى أول زيارة ليا لمدونتك وهى فعلا مدونة جميلة ودمها خفيف

عارفه قياسًا على " الطيبون للطيبات.."
الماديون للماديات ، والأنانيون للأنانيات ، ....... الخ ده عشان نبقى عايشين فى الدنيا
يعنى بجد ربنا بيجمع ويوفق ولو حصل وواحد ادبس فى واحده مش مقاسه صعب يكمله وكذلك البنت
بس على العموم انا بحمل البنت الجزء الأكبر فى العلاقة .; 9/3/07 4:55 PM
Eman Eltaher said...: ابراهيم:

ديمقراطية أنا أوى فظيعة ف اليمقراطية بحبها اليمقراطية جدا خصوصا بالسمن البلدى !! ما علينا أنا أسفة و الله يا أخ ابراهيم و عموما أنا غيرتها عشان محدش يتضايق و مهياش مشكلة حتى لو حد هيتعارض معايا ف حاجة و لو حتى هيشتمنى - نو بروبليم- بالشبسب علطول على دماغه أقصد يعنى أهلا بحرية الرأى و ان شاء الله مش هتأخر بكتابتاتى يعنى سنتين كمان و تلاقى موضوع جديد !! لأ لأ بجد قريب ان شاء الله كمان كام يوم

أحمد العربى :

أنا سعيدة جدا انه الموضوع بيهم الكل بنات كانوا أو شباب و يشرفنى طبعا انى أزورك ف مدونتك و انى أقرا لغيرى زى ما بحب انه الناس تقرالى بس و النبى عشان خاطر الغاليين هوا الموضوع مش ناقص بلاش كلمة انحراف دى لحسن بتفكرنى ببنات الشوارع و اللى بكتب عنهم شئ مختلف تماما صحيح فيهم عيوب بالهبل بس بنات محترمات ماعدا طبعا مدام " صايعة " اللى معندهاش دم أصلا

أمل :
قد ايه انا سعيدة انه أخيرا واحدة عبرتنى من البنات و طمنتنى انه مفيش مقاطعة ضدى منهم.. صحباتى مفيش واحدة منهم ردت ع الموضوع و كانهم مش طايقنى بعد الموضوع ده .. متشكرة يا أمل على كلماتك و فعلا عندك حق زى ما الآية القرآنية ما بتقول .. بس أنا حابة أقول رأيى أنا كمان بخصوص تحميل المسئولية على مين فأنا بعتبر انه الاتنين عليهم المسئولية بالتساوى لانه الاتنين بيكملوا بعض .. يشرفنى و يسعدنى انك تكونى صديقة ليا و لمدونتى و انى أكون صديقة ليكى و لمدونتك لو تحبى

متشكرة ليكم كلكم على ردودكم و يارب تكونوا دايما أصدقاء لمدونتى; 10/3/07 5:51 PM
basma saghir said...: هيه هيه هيه هيه
على فكرة البنات دول خطر على المجتمع بكل الصفات الي انتي قلتيها دي بس بجد هما دول الي مسؤين سمعة البنات
انا ساعات اسمع ماسي من افواه الولاد والسبب اكيد بنت واحيانا بسمع نفس الماسي من على لسان بنات والسبب ولد بيكون نفسي الم المعذبين مع بعض وبيخطر في بالي سؤال عبقري هي ليه الناس دي مش بتتقابل مع بعض؟
يعني بما انهم معذبين لمهم على بعض
سيبك انتي انا عجبتني المدونة قوي; 13/3/07 4:12 AM
Eman Eltaher said...: ههههه فكرة جميلة يا بيسووو بس الناس تطبقها ازاى ,, و بعدين بينى و بينك - قال يعنى مفيش ناس هتقراه - فيه اللى بيقولوا كذا و كذا على الطرف التانى وبيكون المشكلة أصلا من عندهم و فيه اللى بيطلع الطرف التانى ده وحش جدا لدرجة انك تسمعى الكلام تتخيليه بعبع و ف الآخر يكون كل الكلام مش أكتر من ابتلاءات .. هقولك مثال واقعى مرة حد كان بيحكيلى عن واحدة و بيقوللى عليها انها خاينة و نادلة و الكلام كان فيه تشويه لسمعتها و تخيلى الحقيقة كانت ف الآخر ايه ؟؟؟؟؟ انه هو أصلا أكبر ندل و خاين بدرجة البنات عنده و الارتباط عنده زى بالظبط سلق البيض!! أو أسهل كمان فعشان كده عمر الواحد ما يقدر يقول على حد بيسمع كلام حد و مأثر فيه يعنى ده معناه انه صادق و انا بخصوص ده بقترح اقتراح لذيذ أوى لو ينفع نعرضه على الجهة العليا انه أى حد يقول على حد حاجة نقعده على جهاز كشف الكذب !! و لو ان برضه المحترفين ف الكذب هيقدروا يكذبوا حتى على الجهاز ..المهم الكلام أخدنا لموضوع خطير بس بجد أنا متشكرة جدا لردك و على فكرة مدونتك برضه لذيدة و مواضيعها حلوة

" سعيدة بمرور الكل و سعيدة جدا بردودكم و يارب تكونوا أصدقاء علطول لمدونتى "; 13/3/07 9:46 PM
دكتور مستكنيص said...: ههههههههههههههه موضوع دمه خفيف اوي ياايمان والاخف دم هو اختيارك للصور ده خلاني اضحك من قبل ماقري عندك خفة ظل حلوة ومواضيعك اسلوبها جميل
اعتبري نفسك كسبتي معجب جديد باسلوبك; 13/3/07 10:29 PM
Anonymous said...: موضوعك جااااااااامد قوي بجد واسلوبك بجد رائع يخرب عقلك يا ايمي واللي عاجباني قوي مدام صايعة شكلها صايعة بجد هههههههههه; 17/3/07 2:13 PM
Eman Eltaher said...: دكتور :

أنا حقيقى متشكرة لكلامك ده و دى بجد مجاملة جميلة.. معلش يا دكتور أنا هكتب اسمك دكتور اكس لانى مش عارفة حنى أفرا اسمك و مش عارفة بصراحة شديدة ده أنهو لغة بالظبط!! أنا يشرفنى جدا انك تكون صديق لمدونتى و يفرحنى ان الناس اللى اتعرفوا عليا بمحض صدفة انهم يعجبوا بمدونتى و يتابعوا كل موضوع جديد اكتبه

حور الجنان :

أنا بشكرك على تعليقك الجميل و بجد كون ان البنات يردوا عليا ع الموضوع ده بيطمنى جدا وبيخلينى أطمن انه الموضوع زى ما هو يفيد الشباب فهو يفيد البنات و ده شئ ما يضايقهمش .. مدام صايعة دى مالهاش حل خصوصا اللى ف الصورة!! البنت دى مؤدبة جدا على رأى عصام كاريكا; 18/3/07 4:11 PM
david santos said...: InsyaAllah; 18/3/07 7:19 PM
Anonymous said...: اهلا ايمان اناهشام بجد موضيع تحفه بجد بس يريت متنسيش تكملى السلسله وتكتبى هم لايصلحون اطفالا بس بجد يا ايمان انتى انهى نوع من الزوجات؟؟؟؟؟؟؟؟؟؟؟؟ ربنا يعينك ووتكملى دوره العكننه على الناس بجد انا بعد ما قرات الى انتى كتباه كرهت نفسى وكرهت الى بالى بالك وحاسس كل الصفات الى انتى قولتليها فيه وفيها معلومه انا لو متجوزتش اعرفى انه هيبقى نتيجه لتعليماتك ونصائحكوحسبيى الله ونعم الوكيل; 19/3/07 9:04 PM
Anonymous said...: من الواضح ان اكتر الى بيقراولك بنات ايه السبب انتى اكيد دفعلهم فلوس او كلهم معقدات انا كنت ناوى ادى الى بالى بالك الموقع ده بس بعد ماقرات الى فيه غيرت راى ممكن تدخل بس بشرط انك تشيلى هم لايصلحون ازواجا

زميلك هشام كحله بس من النهرده مش عاوز اعرفك; 19/3/07 9:10 PM
Anonymous said...: ازيك يا ايمان لسه مهزاتيش حد لغايط دلوقتى بقالك مده ايه الشغل ده انتى بزمتك مستريحه كده وانتى مبتشتميش فى حد على العموم استنى انتى منى موضوع ساخن جدا فى كيفيه التعامل مع الازوج .صحيح انا نسيت اعلق على كلمت بصل احنا بصل يا شويه برسيم بجد انتوا من غير الرجاله ولا تسوا حاجه انتى بنت وشيفه الصفات دى فنفسك بس باعتبار انى ولد شايف ان الصفات دى مش موجوده فى الولاد وثانيا هوه حد لقى دلوقتى جواز البنات على قفه من يشيل
ام____________ضاءالمغفور لله هشام ارجوا قراءت الفتحه على روحى بعدما تقراوا رد ايمان على التعليق; 19/3/07 9:19 PM
Anonymous said...: اهلا يا جماعه على العموم انا لسه عايش لان ايمان لسه مقراتش التعليق انا دلوقتى هقولكم على موضوع مهم جدا كيفيه تعامل مع الازواج هيه دى الموضويع يا ايمان الى تعمر بيوت مش الموضويع الى بتخربها على العموم ما علينا فى كلام كتير هبقى اقولهولك لما اشوفك فى الكليه ده لو لحقت اشوفك اهم حاجه فى التعامل مع الازواج والكلام ده موجه للبنات هوه الطاعه العمياء يعنى من لاخر تنفزى كل كلامه من غير ملوعه او محاولت فهم تانياتحولى تكونى قبل الجواز ذى بعد الجواز يعنى قبل الجواز بتبقى حلوه وجميله وشيك بعد الجواز اعوز بالله بعد اسبوع واحد من الجواز هتلقيها بقت انسانه تنيه يعنى حولى متغشهوش من لاول زى ما كل البنات بتعمل ثالثاالصوت الواطىيعنى متحوليش تعلى صوتك عليه او تمشى كلامك عليه رابعا الغيييييييييييره الغيره دى اول حاجه لزم تبطلوهاااااااا احنا وصلنا لغايط كام اه خامسا متبوصيش لحد او تقليدى حد عيشى على قدك وبطلى قنعره كدابه وحولى ترفعى من روح المعنويه لجوزك متحوليش تهبطى من عزمته سادسا متحوليش تخدى كل حاجه موضوع عند زى ما انتوا بتعملوا يعنى مش العين بالعين وبطلوا تسمعوا كلام ماماسعادحسنى البنت زى الولد اهى نهايتها كانت لوحدها وتهيقلى نهيتكم مش هتبعد كتير عن نهايتها سابعا اهم حاجه انكم تعرفوا تطبخوا وطبعا مدام انتوا بتقراوا الكلام بتاع ايمان مش هتلقوا وقت تتعلموا الطبيخ فيه ثامنا ودى الاخيره ودى اصعب حاجه فىالموضوع حولى تبقى انثاااااااااا يعنى متنسيش انك انثى وتحولى طول الوقت تكبرى من جوزك وتحسسيه بالرجوله وتهيقلى النقطه دى مش موجوده فى شويه البتنجان الى هيقراوا كلام ايمان اه صحيح نسيت نقطه مهمه اوى عشان السعاده الزوجيه متقراوش كلام ايمان ولا تحطوه فى دماغكم اى شكوا الرجاء بعتها على الاميل
mesho_18_75@hotmail.com
واى بنت شيفه فى نفسها هذه المواصفات ومستعده للجواز ممكن تبعت السيفى بتعها ههههههه الكلام ده للبنات وياريت يا ايمان تغيرى اسم السيت ده من خواطر فتاه الى خواطر بتنجانه
امضاء بصليه اصدى هشام كحله; 19/3/07 9:46 PM
Anonymous said...: اه صحيح يا ايمان تبقى تكتبى موضوع عن ليه الزوجات بتقتل ازوجها وكيفيه القتل يعنى اهوا تعلمى البتنجانات شويه حاجات تفدهم فى الحياهاو ممكن تعليميهم عن طبخه حلوه عشان يتجوزوااا على العموم صحيح تبقى تكتبى التعليق بتاع السعاده الزوجيه فى السيت بتاعك وتحتيه تكتبى اسمى وايميلى رج________________اء
المخلص هشام كحله; 19/3/07 9:58 PM
Anonymous said...: صحيح يا ايمان مع انى زميلك بقالى مده عمرك مقولتيلى انا انهى نوع من لازواج شيفانى ازاى شيفانى وسط البصل
البصله هشام كحله
الرف الثالث
جمب كيس الثوم; 19/3/07 10:20 PM
Anonymous said...: اهلا يا بتنجانه اخبارك ايه مكتبتش حاجه لسه عاوز اقعد اضحك شويه بجد موضيعك مهمه وبتتنوليها بشكل حلو ربنا يوفقق ممكن يا بتنجانه تكتبى موضوع عن كيف تسعد بتنجانتك بجد الموضوع ده بقى صعب اوى وخصوصا اننا نجهل عقليت البتنجانه(المراءه) يعنى مش عارف ايه الى بيرضيكم وايه الى بيزعلكم

هشام كحله; 20/3/07 8:32 PM
Anonymous said...: انا النهرده هكلمكم عن اد ايه المراء دى مخلوق مزعك وميجيش من وراها الا التعب يعنى همسك نقطه نقطه اولا عمل المراءه يعنى ياجمعاه تخيلوااااا انت مفيش ستات بتشتغل يعنى اكيد ولد هيشتغل مكان الستات دىفبطبع هتقل نسبه العنوسه لان الولد لما بيشتغل هيقدر يتجوز ده اول حاجه ثانيا لما الست تقعد فى البيت هتقدر ترعه اطفلها وتخليهم كويسين يعنى هطلع جيل صح ثالثا لو الست قعدت فى البيت تخيل نفسك كده الصبح نازل ملقتش ولا ست فى الشارع هتلقى المواصلات فضيه وتروح الشغل فى معاك يعنى كل حاجه فى حياتنا لو شويه البتنجانات دول قعدوا فى البيت هتمشى صح رجاء يا بنات حولوا تفهموا انكم ملكمش لزمه ومخ اى ولد هيوزن عشره منكم فقعدوا فى البيت احسن واريح طبعا انا متاكد ان الاخت بتنجانه الاى اسمها ايمان هتيجى تكتب بكره لو الولاد قعدوا فى البيت هيبقى اريح مفيش راجل يقدر يقعد فى البيت ومراته تشتغل ولو حصل يبقى ده بجد الى بصل
امضاء هشام كحله
نصير الرجال; 20/3/07 8:45 PM
Eman Eltaher said...: أولا عشان أرد عليك فده محتاج رد أكون محضراه من قبل كده انصافا للبنات اللى انت نازل فيهم شتيمة ,, يخرب بيتك يا هشام ده بداية يعنى و بعدين كونى انى ماشتمتش حد فده مش طبعى الحمد لله و ما تستعبطش و لا من طبع البنات تقدر تقول غير كده ؟؟؟؟؟؟؟ و على فكرة اذا كانوا البنات مايسووش حاجة من غير أزواجهم فعلى كده الراجل اللى مش متجوز أو اللى مايعرفش واحدة أحسنله ينتحر لان وجوده مالوش معنى أصلا من غيرنا و عموما الرجالة على قفا مين يشيل - أنا سمعت انهم رخصوا الأيام دى لدرجة التلاتة بعشر قروش و عليهم هشام مجانى !! و بعدين أنا نفسى اعرف حاجة لما انت مش طايق البنات كده أمال عينك مش بتطلع من عليهم ليه .. أنا نفسى مرة أشوفك باصص لولد و انت بالذات خلى الطابق مستور !!..و بعدين يا ذكى باشا لو كان من الصفات اللى كتبتها دى واحدة منهم فيا ماكنتش كتبتها اصلا فتح مخك شوية اللى عايز كسره .. و النصايح الغالية اللى انت قلتها أتمنى ميكونش فيه بنات غيرى قريتها لانه ممكن تلاقى مظاهرة بعد الكلام ده .. و حكاية انها تكون بتطبخ و تقعد ف البيت فأحسنلك يا هشام تجيب طباخة أو واحدة تبع الكير سيرفيس و على فكرة كلامك ده هيخلينى بجد أديها الموقع ده بنفسى عشان تشوفك صح و تشوف مخك اللاسع ده و ساعتها بقى ابقى استلم علقتك السخنة عشان تحرم بعد كده تتهم البنات بحاجة و عموما; 21/3/07 12:56 PM
Eman Eltaher said...: David santos :

و لو انى مش فاهمة كلامك بس متشكرة لمرورك
Although I couldn't understand your word, Thank you on anyway.

هشام :

على فكرة كلام هشام المستفز خلانى بجد مش مركزة خالص و صدقنى يا هشام هتندم بجد على الكلام ده مش منى أنا لانى مش أنا اللى مسئولة عنك كل واحد لازم يكونله واحدة تشكمه و انت الحمد لله ربنا مديك و كارمك يعنى المفروض تحمد ربنا و تبوس ايدك وش و ضهر انه فيه حد بصلك أصلا و انت بالدماغ دى .. ربنا يكون فى عونها و يصبرها عليك آمين .. معلش يا هشام و النبى تغير نضارتك دى و بعدها تقرا التعليقات تانى عشان تشوف رأى اللى قرولى و اللى الحمد لله محدش فيهم ذمنى بشئ و عشان كمان تشوف مين أكتر الناس اللى ردوا البنات و لا الولاد و عموما يا هشام أنا اذا كنت هراعى شئ فانا هراعى مخك الضارب و كلامك ده كانى مقريتهوش و كفاية عليا معظم الناس اللى الحمد لله بيمدحونى .. و يعدين الناس كلها اتعودت على كلامك المستفز فمش هستغرب ده منك و بعدين انت بتقول على البنات برسيم و انا شايفاك بتجرى عليهم شوف انت بقى تبقى ايه ههههههه; 21/3/07 3:17 PM
Anonymous said...: ايه الحلاوه دى بجد كتابات رائعه انتى كنتى تيهه فين بجدحلوه اوى انا متفق معاكى فى كل الى انتى قولتيه بس مختلف معاكى فى حاجه واحده انتوا مش شويه بتنجان انا شايف البنات شويه غزلان وربنا يوفقق وتكملى الكتابات وتسعدى الناس

رجاء هام متبعتيش السيت للى بالى بالك هشام; 21/3/07 11:57 PM
Anonymous said...: ايه الحلاوه دى بجد يا ايمان الكلام بتاعك بيدل على شخصيه ايمان الى انا اعرفها بجد ربنا يوفقق وتنشورى السعاده والابتسامه على وجه كل حزين

هشام; 22/3/07 12:32 AM
Anonymous said...: هههههههههههههه رد رائع بس بجد تحملى بقى نتيجت كلامك وخليكى مسوله عليه ونشوف مين فينا هيضاحنا الرجاله متسووش حاجه من غير الستات واحنا الرجاله على قفه من يشيل والثلاثه مننا بقرش طيب تخيلى لو مفيش قفه وعلى العموم ربنا يكبر قفه كل بنت هههههههههههههههههههههههههههه
ونبى بقى تبقى تبعتى السيت للى بالى بالك الى انتى بتتهددينى بيهاا
هشام; 22/3/07 12:38 AM
Anonymous said...: اكتر حاجه عجبانى فيكى يا ايمان انك انسانه طموحه اوى وجدعه اوى وبجد تعرفى توصلى افكارك للى قدامك بطريقه لزيزه وظريفه

هشام; 22/3/07 12:40 AM
Anonymous said...: بجد يا ايمان انا بدعليلك ان ربنا يوفقق فى الموضيع الى جيه زى ما وفقق فى الموضويع دى الى فاتت
هشام; 22/3/07 12:42 AM
Anonymous said...: بجد يا ايمان انتى اعز صديقه عندى بجد والوحيده الى ممكن استشرها فى اى حاجه ربنا يوفقق وتلقى الانسان الى يستهلك; 22/3/07 12:43 AM
Eman Eltaher said...: ايه ده ؟؟؟؟؟؟؟ أنا مش مصدقة عينيا سبحان مغير الأحوال هشام انت حقيقى اللى كاتب ده ؟؟؟؟ ربنا يكملك بعقلك و يكرمك يا رب آمين طول ما انت أمير كده و على فكرة أنا مش بهددك و الله أنا كنت برخم عليك مش أكتر زى ما خنقت عليا و بهدلتنى أنا و شوية البتنجان لكن أنا طبعا مستحيل أديها الموقع الا بموافقتك لان ده شئ يخصك انت مايخصنيش أنا .. شكلك زعلت من ردى عليك أنا اسفة اذا ضايقتك بس ماتنساش يعنى كلامك هوا كمان و ماتعيش بقى الدور يعنى ياللا مش مشكلة أخليها عليا المرةدى; 22/3/07 5:00 PM
Eman Eltaher said...: شريف :

ربنا يخليك يا شريف أنا و الله ما كنت هكتب عن البنات خالص بحكم طبعا انى ديمقراطية جدا !!!!!!! بس بقى ولاد الحلال ماسابونيش ف حالى و قالولى يا الكتابة يا الحبس !! أقصد يعنى يا الكتابة يا إعلان الحرب عليا !!!!!!!! و طبعا ماكانش فيه أى فرصة للاختيار و عموما ماكانش الموضوع صعب بالنسبالى انى أكتبه و الحمد لله - الشئ اللى كان صعب فيه بس هوا انى ازاى أكتب و بكل أمانة و ف نفس الوقت ماأضايقش البنات منى و اللى أنا منهم يعنى بيقولوا !!!!!!! و بس .. أتمنى يكون الموضوع عجبك و تتعظ لعلك تستفيد !!!! اى خدمة
على فكرة أنا زرت مدونتك و هيا جميلة و الله أنا مابعرفش اجامل و مش عارفة ازاى بتقول مش هتعجبنى !!!!!!! و الأحلى كمان ف مدونتك الكتابة الرومانسية و الخواطر دى بجد جميلة أوى و أحاسيها مرهفة .. و المواضيع التانية برضه ليها رسالة و ليها هدف مش أى كتابة و خلاص و ده أكتر حاجة عجبانى فيها
ربنا يوفقك دايما; 14/4/07 3:12 PM
Eman Eltaher said...: أنا اللى بشكرك بجد على تشجيعك ليا و بجد انت رفعت جدا من روحى المعنوية و يشرفنى أكيد اننا نكون أصدقاء و ان شاء الله لما أدخل الميل بتاعى قريب
هبقى أضيفك أكيد
تحياتى; 17/4/07 3:47 PM
ياسر said...: استاذتي الفاضلة دي اول زيارة بزورها للمدونة بتاعتك
وبصراحة قيمة جدا بس علي فكرة اكتر الغدر بيكون من
الشباب مش البنات ومتزعلوش ياشباب لان اي واحد مننا
يارجالة حتي لو زوجتة وزهق منها وعاوز يجوز عليهااول حاجة
يلجاء لها الدين لتبرير موقفة ويقولي مثني وثلاث ورباع يا اخي
الدين ادانا الحق في 4زوجات يحاولوا يبرروا موقفهم ونسي يكمل
وان خفتم الا تعدلوا فواحدة الراجل بطبيعة حالة رجل مزواج ونادر
جدا لو لقيت دلوقت الحب من القلب صعب تلاقاة
مع تمنياتي لكي بالتوفيق كتابيا ومستقبلاا
ياسر; 11/4/08 5:01 AM

يقولون ف الحب و الحياة

لاتزرع بذور الحب في حديقة المستحيل و لا تعشق شخصاً لا يعرف عن الحب إلا القليل
أحبب حبيبك هونا عساه يكون بغيضك يوما ، وابغض بغيضك هونا عساه يكون حبيبك يوما
إن قليل الحب بالعقل صالح وإن كثير الحب بالجهل فاسد
الحب الذي يتغذى بالهدايا، يبقى جائعا على الدوام
المحبة الصادقة كضوء الشمس لا يمكن أن يحجبه أحد
من أحبك لشئ أبغضك لفقدك إياه
اذا مات القلب لا يشعر بمعصيته
جبلت النفوس على حب من أحسن إليها
الغيرة العمياء مقبرة للحب
الطائر المهاجر الذي اعتاد السفر والترحال لا يقف على غصن إلا وطار إلى غيره
الحب كالفراشة إذا طاردتها هربت منك وإذا تجاهـلتها رفرفت على كتفيك
من يحبك يتقبلك كما انت
أن تكون محبا.. لايعني أن تكون مهانا
الذى يحب لا يكره أبدا
أحب الناس الى الله أكثرهم تحببا للناس
لا تطلب من أحد أن يحبك بل اجعله يحبك
لا تقـل احبها لكذا بل قل أحبها رغم كذا وكذا وكذا
الكلمات الصادقة ليست دائما جميلة .. و الكلمات الجميلة ليست دائما صادقة
أذكى الأزواج وألطفهـم معشراً هو الذي ينادي زوجته مهما بلغ بها العمر يا صغيرتي
المصباح لا يشكو الظلام
صعب أن يتحول الحب الى صداقة والأصعب أن يتحول الحب الى عداوة
صعب الاختيار بين الحب والكرامه والأصعب أن تكون مجبرا على التنازل عن أحدهما
صعب أن يغار عليك من تحب والأصعب أن لايغار عليك مطلقا
صعب أن يعود الحب كما كان بعد الفراق والأصعب أن ننتظر عودته كما كان
صعب الوداع في الحب والأصعب أن ينتهي الحب دون كلمة وداع

يقولون ف المرأة

تستطيع الشمس أن تجفف مياه المحيط .. و لكنها لا تستطيع أن تجفف دموع امرأة
مهما اجتهدت المرأة فى أن تقلد الرجل فكل ما تصل إليه أنها لا تصير رجلا ً و لا تعود امرأة
المرأة لم تُخلق لتكون محط إعجاب الرجال جميعاً بل لتكون مصدراً لسعادة رجل واحد
الحياء و الصمت أجمل زينات المرأة
اذا تخليت عن إمرأة جاز لها أن تسامحك و اذا أحببت غيرها فذنبك لا يغتفر
الرجل لا يحب المرأة لما تقوله و لكنه يحب ما تقوله لأنه يحبها
المرأة الحقيقية هي التي تحب أن تتدفأ بحنان رجل أقوى منها ، فتكون له مكملاً لا تابعاً .. لا أقوى من شخصيته ، و لا أدنى من كرامتها
سمعة المرأة كالمرآة النقية اللامعة تتأثر من أقل نفس يقترب منها
ان المرأة التي تظل تتباهى بانوثتها لاتتمتع حقا بالانوثه على الاطلاق
أذكى الأزواج و ألطفهم معشرا ً هو الذى ينادى على زوجته مهما بلغ عمرها : يا صغيرتى
إن إخفاء السر عن زوجتك كمحاولة لإخفاء النهار عن الديك
يكفى المرأة أن تعرف رجلا واحدا لتفهم جميع الرجال أما الرجل فيمكنه معرفة جميع النساء دون أن يفهم أى واحدة
الطلاق هو الرصاصة الأخيرة فى الحرب بين زوجين
المرأة التى تهز المهد بيمينها تزلزل العالم بيسارها
إن الله حين أراد ان يخلق حواء من آدم لم يخلقها من عظام رجليه حتى لا يدوسها و لا من عظام رأسه حتى لا تدوسه و انما خلقها من أحد أضلاعه لتكون مساوية له قريبة من قلبه
يكفى دليلا ًعلى قوة المرأة أن الرجل الذى يقهر الأسد بالسيف تقهره المرأة بنظرة
المرأة القبيحة ترى وجهها ف المرآة و المرأة الجميلة ترى وجهها ف عيون الناس
ليست كل جميلة نقية طاهرة .. و لكن كل نقية طاهرة جميلة
النساء المستهترات حبائل الشيطان
المرأة كالقيثارة، الذى لا يحسن العزف عليها تسمعه أنغاما لا ترضيه
القبلة هى الوسيلة الوحيدة أحيانا لمنع زوجتك من الكلام
السر هو ما تقوله المرأة لكل الناس و تطلب منهم كتمانه

الحكمة والحياة

الضمير صوت هادئ يخبرك بأن احدا ينظر إليك
أن تكون مسالما لايعني أن تكون ضعيفا
لا تكن حلواً فتؤكل ولا مراً فترمى
من وضع نفسه مواضع التهمة فلا يلومن من أساء به الظن
إذا أسديت جميلا إلى انسان فحذار أن تذكره وان أسدى انسان إليك جميلا فحذار أن تنساه
انظر إلى الإنسان كما هو لا كما كان
كفى بالمرء علما ً أن يخشى الله
المستعد للشيء تكفيه أضعف أسبابه
الأشياء التي تأتي متأخره لا قيمة لها
إذا تمالكت اعصابك في لحظة غضب واحده ستوفر على نفسك ايام من الندم و الحزن
الرصاصة التي تُطلق لا تُسترد
على الباغى تدور الدوائر
علينا أن نوفر الضوء والهواء النقي إذا أردنا أزهارا يانعة
لا تتحدث عما لا تعلم و لا تبالغ بما علمت
حاجة الناس اليك نعمه فلا تملها فأحسن ايامك يوم تكون مقصود لا قاصد
أعقل الناس أعذرهم للناس
النصيحة بعد وقوع المحظور كالدواء بعد الموت
لا تضع بيضك ف سلة واحدة
أحسن يُحسن إليك
لاتسلك الجهات التي لاتحمل إجابات واضحة ولا تقبل بأنصاف الحلول
لا تكن بين الناس قديس وفى خلواتك ابليس
إذا وَصَلَت إليكم أطراف النعم فلا تنفروا أقصاها بقلة الشكر
اذا أردت أن تطاع فأمر بما يستطاع
أداء صلاتك المفروضة أفضل و أولى من كل ما تعمل
اذا أردت أن تعيش سعيدا ً فاعمل على جعل من حولك سعداء
اذا أردت أن تنجح فلا تقارن نجاحك بنجاح غيرك و انما قارنه بامكانياتك
اذا عزمت فتوكل على الله
اذا كنت تبحث لنفسك مكانا ً تحت الشمس فلابد أن تتوقع لسعتها
اذكر أخاك بما تحب أن يذكرك به و دع منه ما تحب أن يدعه منك
الأفعال أبلغ من الأقوال
الابتسامة هى اللغة الوحيدة التى لا تحتاج إلى ترجمة
القلب الذى تصنعه بالهدايا يستطيع أن يشتريه غيرك
الله خلق للعصافير طعامها و لكن يجب أن تطير بحثاً عنه
المرء على دين خليله
الوحدة خير من جليس السوء
رحم الله امرئ عرف قدر نفسه
رحم الله عبداً قال خيراً فغنم أو سكت فسلم
طريق السعادة الاستقامة
قبل أن تطالب بحقك تأكد من أدائك لواجبك
كثرة العتاب تورث البغضاء
كلكم راع و كلكم مسئول عن رعيته
كن قدوة حسنة لأولادك
لا تدس أنفك فيما لا يعنيك
لا تطلب الجزاء إلا بقدر ما صنعت
لا تفتخر بنفسك و لكن دع الآخرون يفخرون بعملك
ليس هناك نار أشد من الشهوة إلا نار جهنم فاحذرها
من عتب على الدهر طالت معتبته
من نقل إليك فقد نقل عنك
وجه بلا ابتسامة كحديقة فى منتصف الشتاء

خواطر فـتــاة

أهلا بيك ف مدونتى

ابحث بالمدونة

Saturday

هؤلاء لا يصلحون زوجاتا

35 comments: