هؤلاء لا يصلحون ازواجاً

اختيار الزوج المناسب هو حلم كل فتاة تبحث عن استقرار الحياة الزوجية. و للأسف هناك بعض الرجال لا يصلحون للزواج ، و بمساعدة الدكتورة حنان ابراهيم استاذ علم النفس بجامعة قناة السويس حصرناهم ف عشرة نماذج

الموضوع ده اتكتب ف جرنان الأهرام بتاريخ ‏27‏/07‏/2006 بقلم كاتبة اسمها ايمان خضير" – ال 10 نماذج اللى ذكرتهم ماكانوش كفاية بالنسبالى لانه فيه 10 نماذج غيرهم ماينفعوش ببصلة !! و دول

هما اكتشافى .. و بالتالى اجماليهم 20

نبدأ بقى .. احم احم ربنا يستر

الأول : ابن امه .. صفاته رقيق و ناعم و ربما يكون لديه كرش صغير من أكل ماما المسبك

و هو رجل "بيتي" و يقضي معظم وقت فراغه في المنزل

و الشئ الذي قد يشدك إليه في البداية أنه يحب مشاهدة برامج التليفزيون خاصة المسلسلات الدرامية

و ينبغى أن تعرفى انك لست فتاة أحلامه بل الفتاة التى كانت تحلم بها والدته طوال عمرها لتكون زوجة لإبنها

الثانى : البخيل .. لا يظهر في الحفلات و المناسبات الا اذا كان مدعوا

و عادة ما يتزوج في سن متأخرة

الشئ الذي قد يشدك إليه في البداية ذكاؤه و حرصه الشديد على عمله و طموحه الكبير

اذا تزوجتيه فستكتشفين ان أمواله ستسير في اتجاه واحد هو الاتجاه الى البنك

لذلك فهو يمرض فجأة يوم عيد ميلادك حتى لا يضطر لشراء هدية

و يختفى دائما وقت دفع الحساب في أي مكان عام

و لكى تتخلصي منه أخبريه أنك أكثر البنات إسرافا على وجه الأرض

الثالث : مدمن رياضة .. صفاته قوى البنيان ، جرئ

لا يحب ارتداء البدلة و يكن كراهية شديدة لرباط العنق

و الشئ الذي قد يشدك إليه في البداية مظهره الذي يوحى بالقوة و الحيوية

الشئ المرعب أنه سيقضى معظم وقته فى النوادى و فى صالات الألعاب الرياضية

و و لكي تتخلصي منه اعرفى الفريق الذي يشجعه و ادعى انك تفضلين تشجيع الفريق المنافس

الرابع : خبير الموضة .. صفاته أنيق جدا واثق من نفسه يعرف آخر تصميمات الموضة

و معلوماته فى هذا المجال تفوق معلوماتك ..

الشئ الذي قد يشدك إليه فى البداية أناقة ملابسه

و فى حالة ارتباطك به ستكتشفين أنه يفضل التسوق عن قضاء اليوم معك

و عندما يراك لا يكف عن اعطائك النصائح فى كيفية التأنق و كى تتخلصي منه ارتدي عكس الموضة دائما

الخامس : محب النساء .. صفاته سواء كان في غاية الوسامة أو رجلا عاديا أنه يغازل كل النساء ..

ولا تندهشي اذا ناداك باسم فتاة أخرى أثناء حديث عاطفى

السادس : الخيالي .. و صفاته هادئ قليل الكلام

الشئ الذي قد يشدك إليه في البداية غموضه الذي يدفعك الى محاولة اكتشافه

لكى تتخلصي منه واجهيه بعيوبه

السابع : مدمن العمل .. فهو يقضى معظم وقته فى العمل و لا يوجد لديه وقت للحب

الثامن : مشروع مؤلف .. و صفاته أنه ينقل تفاصيل الحياة الى مؤلفاته

قولى له أنك غير مستعدة لأن تكونى رواية

التاسع : وحيد والديه .. صفاته أنه يريد أن يشعر دائما بالتدليل

نظرا لأنه عاش طوال عمره مدللا من والديه تجاب له كل طلباته و يسمع كلمات الثناء و الحب

كذلك قد يفشل فى زواجه لأنه يريد امرأة تعامله كما كانت تعامله أمه

العاشر : المتسلط .. يرفض المساواة بين الرجل و المرأة

و يريد دائما أن يكون "سي السيد"

و يفضل إلغاء شخصية زوجته

و هذا طبعا سلميه الدبل و الشبكة و انتى الكسبانة

كده تبقي خلصت النقاط بتاعة الكاتبة بس الموضوع لسه ماخلصش . نيجي بقى على النقاط بتاعتي

الحادى عشر : الملاوع .. صفاته بيكدب كتير ، بيعرف يحور دايما و يلف و يدور

كلامه مترتب "حافظه كويس"

كلامه دايما بيحتمل أكتر من معنى ..

فى البداية هيعجبك فيه اهتمامه الشديد وكلماته المنسقة

و ف النهاية الملاوعة زيه هيا بس اللي هتلاقي نفسها تقدر تتعامل معاه ! ‏

الثانى عشر : عبقرينو .. صفاته واثق من ذكاؤه

كل مشكلة لها حل عنده

اذا قولتيله على حاجة ميعرفهاش هيرد يقولك "اه ما انا عارف "

و اذا فكرتيه بحاجة هيرد يقولك "ما انا مش ناسي"

مستعد يرد على أي سؤال ف أي اتجاه حتى و لو كانت الاجابة غلط

الثالث عشر : مشروع ممثل .. صفاته ممثل موهوب

ممكن متخرجش منه كلمة كدب بس أفعاله كلها كدب

قادر يمثل فجأة شعور الحزن اليأس و الانكسار عشان يستدير عطفك

و قادر برضه يمثل الطيبة و الحنية ..

فى البداية مش هتصدقى نفسك

وفى النهاية هتكتشفى انك كنتى بطلة ف مسلسل عربي أو فيلم هندى

الرابع عشر : التنك .. صفاته مغرور و متعالى

واخد ف نفسه مقلب جبار

شايف نفسه زيادة عن اللزوم

مستحيل يظهر مظهر الضعيف

التعبير عن الحب بالنسباله ضعف

فى البداية هيعجبك فيه ثقته بنفسه و انه له شخصية مش منقاد

و لو اتجوزتيه ممكن تلاقيه بيتخانق معاكي عشان مجيبتلوش كباية مية و الازازة جنبه

الخامس عشر : اللى ف دمه كور بيضة و حمرة و بنات .. مبيفكرش غير ف دوافعه

مفيش حاجة عنده اسمها حب حتى لو كان كلامه غير كده

البنات بالنسباله واحد

هوا عايز يتجوز و خلاص

بالتالي فما تتوقعيش انه يدوم معاكى و مايبصش لغيرك

أو انه يتمسك بيكى ف أي ظرف و ماتستغربيش اذا باعك من أول مشكلة

السادس عشر : الوصولى .. هو انسان مادى بطبعه

الفلوس و المادة هما أهم أولوياته ، مصلحته فوق كل شئ

مستعد يعمل أى شئ عشان يوصل لهدفه

غالبا هتشوفيه بيمدح رؤساءه ف الشغل بشكل غير طبيعى عشان يرضوا عليه

و اذا ليه مصلحة عندك هتلاقيه بيفرشلك الأرض ورد و يقول لمامتك يا ماما

بس ف الآخر ماتستغربيش اذا قالك نتجوز ف شقتك

السابع عشر : عديم المسئولية .. هو انسان لا مبالى

صاحب عقل غير ناضج

مش هتقدرى تئتمنى نفسك أو أطفالك عليه

بالعكس هوا اللي هيبقى مستنى منك المسئولية

الثامن عشر : مشروع أسد .. هو زى مابيقولوا "فتوة

فرحان بعضلاته أو بطوله

بياخد حقه او مش حقه بايديه و رجليه

هتلاقيه بيحكيلك عن بطولاته ورغم انها مستفزة الا انها من وجهة نظره بتعبر عن منتهى الرجولة

التاسع عشر : صاحب المجموعة الشاملة .. و المجموعة دى أنا صنفتها من العيوب اللي هما ( الأنانية- العند- العصبية- الطمع )

ممكن الواحدة فينا تستحمل عيب فيهم أوعيبين

على أساس انه مفيش انسان خالى من العيوب

لكن كلهم صعب بجد

العشرين : صاحب الخطب والنصائح .. هو انسان بيحب يقول خطب علطول

هتلاقيه ف كل يوم بيصدر فتوى أو بيان جديد

غالبا بيكون منافق اذا كان الغرض من خطبه انه يترسم بثقافته أو بدينه

مش هيتكتم أبدا حتى لو عملتيله أراجوز

كده أبقى خلصت كلامي ف الموضوع ده .. يارب يكون الموضوع مفيد لكل بنت حابة تختار صح و يكون مفيد لكل شاب حابب يغير من نفسه

إيمان