اتباعاً لمبدأ " يا دار ما دخلك شر " !!!! و اتفاقاً مع الحكمة الشهيرة "إيه اللى هينوبك من الفسدق اذا أكلته مع القرنبيط؟" !!!!!! وتفاؤلاً بازدياد أعداد المهووسين بالحب وعدد حالات الانتحار !!!! مرورا بقضايا القتل !!!! وحالات الشيب المبكر !!!! واعترافاً منى " أن الحب حق.. كما الموت " !!!!!! – قررت أنا – (الجنس اللطيف )– أن أقدم لكم وجبة اليوم : كيف تدركين انك طبيتى و لاحدش سمّ عليكى !!!! ؟؟؟؟؟؟
الترجمة إلى العربية : تعرفى منين انك اتلسعتى واتخبطتى ف نفوخك !!!!! ؟؟؟؟؟؟
طبعا بسيطة !! مفيش أسهل من كده !! ؟
أولاً قبل كل حاجة : يرجى قياس ضغط الدم!!! (لو لقيتيه عالى تبقى أكيد بتحبى) !!!!؟
ثانيا : يرجى عمل التحاليل والأشعات للإطمئنان على خلو "الهارت" من أى مشاعر ضارة بالصحة !!!!!؟
ثالثاً : يرجى التأكد من سلامة العينين و خلوهما من أى "عمش" رومانتيكى !!!!! ؟
رابعاًَ : يرجى الإنتباه التام لأى محاولات "تظبيط" والحفاظ على الأعصاب هادئة متماسكة مع أى انبعاث لكلمة معسولة !!! تفهماً للموقف المشروح من جانب "حماقى" : "أنا جايلك وناويها .. باظبط " !!!!!!!! هئ هئ هئ
خامساً بقى و تخميساً ف عيون اللى ميصليش على النبى !!! – صلوا عليه (إياكوا تطنشوا)- : إيمان جات جات و هتسوى الهوايل !!!! (فين الورد ؟؟ فين الزغاريت ؟؟؟) – أشعات إيه وتحاليل ليه؟ أمال أنا لازمتى إيه ؟؟؟؟؟؟؟؟؟؟
ملحوظة لابد منها: الحب فيه سمٌ قاتل !!!!! وحب فؤادة لعتريس باطل !!! حبه ستين بُرص!!!! – هو ده يتحب أصلا
* حكمة اليوم : (يُرجى الإستنضاف شوية)!!!!!! ايء واء
احم .. احم .. إستعنا على الشقا بالله
س : يعنى إيه حب ؟؟؟
ج : مصطلح نمرووود !!!! يعبر عن شعور كيميائى يسيطر ع المخيخ و يعمى البصيرة (اذا ماكنتش حولة أساسا من البداية ) !!!! يدشدش الدولاب الحاجز مما يؤدى إلى وصف شعور بعض المحبين بأنه : افففف ... هايخرج من هدومه !!! يدمر الخلايا العصبية و يمزق الأوردة المخية ( توافقاً مع النظرية العلمية : اللى بيحب بيتهبل!!! ) و كل ده علشان الكلب اللى جوه !!!! آآآآ .. أقصد القلب اللى معشش جوه حضرتك .. آل عايز يحب !!!!!! لا يا كلبى لااااااااا
ومن هذا المنطلق .. فلقد استطعت بقدرتى المهولة و اكتشافاتى العبقرية أن أحطم خلاياى الحسية ( لمدة بوست كامل!!!! ) وأن أتناسى أفلامنا المصرية (عشان هيا أصلا أفلام !!!! ) وأن أنسى المأثورة الشهيرة : "اخطفنى تحت المطر .. و جيبلى آيس كريييييييم " !!!!! " وشايفة القمر يا ليلى ؟ لأ استنى ألبس النضارة !!!!! الخ الخ من الجمل المحفورة اللى بتحرك المشاعر .. و تقلب المعدة !!!! ايييييئ
و لهذا وإذاً و ربما !!.. قد توصلت لأعراض الحب بالدخول فى محرابه و دراسة الكثير من المرضى – المساكين - المصابين به !!!! ... برجاء التكرم بقراءة الآتى ثم المقارنة بحالتك الشخصية – (قبل ما تتدهور يعنى) !!!!! ء
ثوااااااانى .. متنسوش حباية الضغط !!!!! (أنا "أنفض" يدى من أى مسئولية !!) طرااااااخ
أن .. أن .. آآآآآآآن !!!!! إليكم اللستة الشقية لأعراض الحب المفترية !!! :؟
(1)
وجع قلب توماتيكى
بداية العرض حينما يندلع الشعور فجأة - و بدون أى زمارة !!!! فينقبض القلب وتُسمع دقاته بوضوح : تك توك تك توك طاااااااااخ بوم !!! خصوصاً عند رؤية المحبوب والنظر إلى عينيه بشرود فينطلق : شُعاااااااااااااااااااااااااع !!!!!!!!!! ثم يتسرب الأمل السارح الجامح فى الشرايين !!!! يمتصه الدم و ينقله إلى الحواس،،،، فتزداد حاسة الإبصار لتبصر كل ماهو جميل به - و تركن "الحمضان" على جمب!!!!! و تزداد حاسة السمع لتنصت لكل ماهو دافئ من فم الحبيب – مع الطناش الكامل للقاذورات الشفهية و أشباه العك!!!!! و تزداد حاسة الكلام لتنطلق أجمل الكلمات (المحفوظة طبعا بالنص!!!!) و تزداد حاسة الشم لينبعث مزيج العرق و الشرابات المخللة كأنقى عبير يخترق أنوف المحبين !!!! ثم تزداد حاسة اللمس فتنطلق شرارة كهرومغناطيسية فى الأيادى تشتاق لكل ما يحمله المحبوب (حتى لو كان منديل مقطع ماسح بيه عرقه !!! ) أياااااااااه
(2)
وجع دماغ هيستيرى
وده طبعا من كتر الوَش و الوسواس الخناس !! – شوشو الله يحرقه !!!! - يزداد الوجع و يتوغل و ينتشر زى الصراصير!!!! ثم يتضاعف ليتحول إلى صداع مزمن تنطلق معه كل أشكال الزهايمر و السرحان و التوهان و التناحة !!!!!
(3)
إحتقان فى الزور
إحتقان فى الزور
نتيجة الكلام عمال على بطال فتختنق الحنجرة و ينكسر البلعوم فيصرخ اللسان لا إراديا : آآآآه يا زورى !!!! آآآآه و نص !! كان يوم اسود
(4)
ألم فى المعدة
ألم فى المعدة
و ده طبعا نتيجة السموم المنبعثة من فم الحبيب !!! ليستقر السم بالداخل و يُغشى على الأمل فى الحال !!! (كباية مية !! كباية مية يا غجررر !!!) عااااااااااااا
(5)
إلتهاب فى الأعصاب
يبدأ العرض بإحساس بالتنفيض يليه تعكر فى الدم و تشنج فى الأعصاب ثم يتوالى القرف!!! و تزداد الفجوة لتصبح "حرقة دم" - اقتناعا كاملا بمدى صحة أغنية تامر حسنى)!!!! يعقبه جنون بقر مخيخى قد ينتهى أحيانا بقتل أحد الأطراف !!!!! نياااااااااا
و أخيراً .. (وليس آخراً) يُفهم المقصود من البيت العريق : حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!! ثم يتولد الإحساس "بالزمبة" !!!! وإنه أخد "بمبة" !!!!! – الترجمة :مقلب – ربما ممكن محتمل .. تكون فيه أعراض أكترررررررر
ههههههههههه لوووووووول # صدقتوا ولا إيه ؟؟؟؟؟؟؟؟؟؟؟؟؟
أتكلم جد بقى؟؟؟ .. ياااااه حاضر حاضر !!! خلاص نزلوا ايديكم هقول هقول !!!!! يا كماحة متهيألى الحب شئ جميل للى يستحقه و يقدّره وللى يختار صح ... أنا كنت بهرج كالعادة !!!!! عشان انا زى ما انا عمرى ما هاتغير
وحشتونى بجد
إيمان
121 comments:
ربنا يعافينا و يشفينا منه
امين
ههههه يخرب بيت عقلك
أنا لقيت نفسي بحب بجد
ا نتي كمان وحشتينا يا بت
كل عام وانت بخير
ايه التحاليل دى كلها
الصراحه بقى انتى مش فاهمه الحب كويس
الحب هو الود والحنيه
عمره ماكان حيره ودموع وقسيه
الحب هو اللى بامره هوايتك وامره لا بايدك ولا بايديه
شوفتى بقى المعانى الجميله دى
بشكرك على موضوعك
انا محتاج درس خصوصى علشان افهم الكورس دة
البوست دمه خفيف بس الحب بالشكل ده صعب قوى واجمل حاجة عجبتنى فى البوست اخر سطرين لان الحب فعلا هو اجمل معانى الحياة تقبلى مرورى وتحياتى
أولاً وحشتينى جدا جدا
ومين قال أن ده تهريج دى حقيقه واقعيه ميه لميه
أنتى أتكلمتى فى الصميم كالعاده
متتأخريش علينا وكل سنه وأنتى طيبه
انتى فينك يا بنتى قلقتينى عليكى وكل ما ادخل مش لاقية جديد
على العموم حمدالله على سلامتك وكل سنه وانتى طيبة
وبوست هايل كالعاده
تحياتى
ايه ده كله يا دكتورة
دايما دمك خفيف
تحياتى
حبيبتى ايمان
ما شاء الله مدونة رااااااائعة
و دى اول زيارة ليه
و ان شاء الله تتكرر
و تحياااااااااااتى
رمضان
كريم
Adem El-Mahdy :
ههههههههه
ربنا يوفقنا للخير و خلاص
شكرا لزيارتك
تحياتى
__________________________________
Mohandes :
بت ؟؟
إيه بت دى يا بشمهندس ؟؟
فين الفرنساوى وتو ييه بيان فاميى
تقوم تخليها بت !!؟
عموما ملحوقة
بس شكرا بجد لزيارتك و الحمد لله يعنى انك اطمنت على نتايج تحليلك
:)
___________________________________
كلام على بلاطة :
وانتم بألف خير
___________________________________
Romansy :
والله العظيم عارفة
و الحب طبعا اجمل شئ فى الوجود
بس الفكرة انى كنت بسخر من بعض الحاجات اللى بتحصل ف حياة اتنين بإسم الحب
بإسم الحب
انا شكلى هاغنى
:)
goodman :
مفيش اى مشكلة
:)
__________________________________
هانى زينهم :
ربنا يكرمك
و هو الغرض من كتابتى ليه أصلا انه يزرع ضحكة وبس
لكن مش هو ده اكيد مفهومى عن الحب
و انا مقتنعة جدا بآخر سطرين كتبتهم
تحياتى
___________________________________
فى القلب :
انتى اللى بجد وحشتينى
و مش عارفة انا غيبت عنكم ازاى كده
الدنيا كانت مضلمة مش كده !! ؟؟
:)
كل سنة و انتى طيبة و بألف خير يا قمر
و الحمد لله انه ف الصميم
عشان مبقاش صومت الناس خمس شهور و فطرتهم على بصلة !! :)
___________________________________
Bosbos :
وحشتينى بجد يا بوسبوس
يارب تكونى بخير
والله فيكى الخير انا غيبت كتير غصب عنى الشغل كان واخدنى تماما و الحمد لله غيرته بأحسن منه
وادينى رجعت يارب بس بنات افكارى تطرح افكار
:)
كل سنة و انتى بخير دايما
لحظة تأمل :
ربنا يكرمك بجد
ده اكيد من ذوقك
شكرا لمرورك
تحياتى
___________________________________
لؤلوة الإسلام :
والله فرحت جدا بمجاملتك الرقيقة
وانتى تنورى المدونة ف اى وقت
البيت بيتك
:)
الله أكرم
كل سنة و انتى بألف خير
oooooh, je m'excuse d'abord à ce que j'ai dis, et je tiens à vous remercier et vous dis pour la deuxième fois que tu nous manques vraiment.
ماشي كده ؟؟؟ على فكرة لو حابة أنا ممكن أقلبها اسباني، عادي مفيش مشكل،
Mohandes :
Il n'ya rien..
Il ne faut pas t'excuser car ce n'est pas de probléme
Soyez souvent lés bienvenus
et trés mérci
Mais,
بلاش أسباااااانى عشان معرفش فيه حرف
:)
تحياتى
السلام عليكم شرفنى زيارة مدونتك بس ليا راى الحب دة اجمل حاجة فى الوجود انه الجنون ذاته عشان كدة احي المثل الشعبى خد اللى بيحبك ومتخدش اللى بتحبه دة راى لكن بدون الحب مافيش حياة
فلا حياة بدون حب....ولكن بحب الناس الله يغنينى...
ارجو ان نكون على تواصل
احمد الشاعر
عايزين نشوف الجديد
احمد الشاعر
elsha3er :
شكرا لزيارتك الكريمة
واكيد الحب هو اجمل شئ ف الوجود
انا بس بحب اسخر من حاجات كتير ف مجتمعنا
من ضمنهم للأسف المعاملات بين البنآدمين بإسم الحب
تحياتى ليك
__________________________________
اللى مسحت تعليقه :
" قل موتـــوا بــغــيــظــكـــم "
___________________________________
محمد :
انت بجد بنآدم جدع و شهم
أنا دهشنى انفعالك و ردك عليه
كنت كل اللى هاعمله زى كل مرة انى امسح تعليقه و خلاص
المرة دى اضطريت اخلى الكومنتات بموافقتى لحد لما المدونة تنضف من أمثاله
خصوصا بعد ردك عليه كانت هتبقى حريقة على المدونة
:)
ههههههههههه
إن خاطبك السفيه فلا تجبه فخيرٌ من إجابته السكوت ُ .. فإن كلمته فرجت عنه و إن خليته كمداً يموتُ
و انا اتعودت اسيب الكلاب تنبح براحتها
طبعا هو بيتابع كل كلمة بكتبها دلوقتى
وتلاقيه بياكل ف نفسه
هههههههههههه لوووووووول
يييييييييه مكنتش حابة ألوث لسانى وانزل لمستواه
لكن عفا الله عن مَن ظُلم
"لا يحب الله الجهر بالسوء من القول إلا من ظُلم "
" وسيعلم الذين ظلموا أى منقلب ٍ ينقلبون "
شكرا يا محمد لشهامتك
ربنا يبعد عنك كل حقود و حقودة
اللهم اجعل إساءتهم لينا ف ميزان حسناتنا
__________________________________
elsha3er :
يا خبرررررررر
ده انا لسة منزلة الموضوع مبقاليش غير كام يوم
لا لا لا الجديد لسة عليه شوية
:)
اولا كل سنة وانتي طيبة
ثانيا شكرا على النصايح المفيدة
ولو إنها جات متأخرة شوية
ثالثا أنا عارف طبعا ان قلبك أبيض جدا
إشطاط
على رأي خالد كساب
بالنسبة لموضوع النشر
عندي على المدونة صور هي لينكات مواقع دور ميريت وملامح واكتب
ادخلي المواقع حتلاقي نمر التليفون والايميلات
اتصلي بيهم بأي طريقة وهما حيقولولك
تبعتي العمل بالميل أو تروحي مقر الدار
بالإضافة لدار كويسة اسمها مزيد
الايميل بتاعها
dar.mazeed@gmail.com
بالنسبة للموهبة
ممكن تنضمي لأي جماعة أدبية
أو تدوني نوت على الفيس بوك وتعملي تاج للناس اللي عايزة تعرفي رأيهم عشان يعلقوا
أو تدخلي منتديات أدبية
عندي في اللينكات لينك اسمه الورشة بتاع ورشة د سحر الموجي فيها عيال جامدة جدا
بالمناسبة أنا اكتشفت إنك من المعادي
إية الصدفة الروعة دي
أنا كمان لما بانزل بانزل عند جدتي في المعادي
ازاي ماشفناش بعض
السلام عليكم
كل ديه اعرض يسببها الحب للواحد
خلاص يبقي بلاش منه
بس بجد الحب شئ جميل فعلا للي يستحق الاحساس والشعور به
Hello, Eman!!!!!!!!!!!!
Thank you, thank you, thank you...
I love you...........
I am not I have much time to make works in mine blog. But I always come to yours blog to make a visit.
Until always
David Santos
ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف بها المسار
السلام عليكم
اختي كل عام وانتم الى الرحمن اقرب
الحب اجمل احساس في الدنيا وبجميع انواعه الحلال
ويا سلام لو كان برضه بجميع انواعه الحلال في الله
هيكون كمان باخد ثواب واجر
باذن الله
احبك في الله
سعدت بزيارتك لمدونتي
لكن بجد احنا نعرف بعض قبل كدة؟؟
اصلك قلت لي ياريت اكون فاكراكي
عموما انا سعيدة جدا بزيارتك واتمنى دوام التواصل
وعيد سعيد علينا كلنا
تحياتي
انا جيت عشان اقولك ده المكان اللى ممكن تنشرى فيه فى الكتاب
http://www.new.facebook.com/album.php?aid=61162&id=585618416#/group.php?gid=13820826455
وهاجى تانى لاحقا عشان نقرا ونسلم عليكى ونرحب بعودتك
:)
الحب يصنع المعجزات
جميلة قوية ذكية واموت واشوفك غرقانة فيه
شكرا على الزيارة وداومى
كل سنه وانتى طيبة ورمضان كريم ويارب دايما كده نشوفك بصحة جيدة وسعاده وحب ومودة وخير
كالعادة اسلوبك يجنن
بصراح بتكتبى بخف دم لذيذة جدااااااا
: حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!!
عجبنى اوى الجزء ده تشبيهاتك بصراحة جديدة ولذيذة
بالتوفيق دايما مع كل جديدواحلى نصائح والحمد لله انى مجربتش الحب ده والا كان جرالى كده ربنا يعافينا
عن الحب تتكلمين اذن : الحب ده زي القدر والطوفان لمابييجي محدش بيسلم منه وزي ماقال دانتي الحب يحرك والنجوم وزي ماقال كامل الشناوي وبالمناسبه هو من كبار المعذبين في الحب عاش عمره مخلص لحبه الوحيد حتي بعد فراقها قال ايه الحب ان تتعذب بمن تحب والحقيقه فعلا اعظم من كتبو في الحب قصص حبهم كانت فاشله ، وجمال الحب انه معندوش٠العقد اللي في المجتمع ، فاكره حدوته الأميرة اللي حبت ابن الطحان: موضوع جميل ايمان فكرني برائعة ماركيز الحب في زمن الكوليرا بطل الرواية البطله بنت لمدة حمسين سنه لغاية ماكبرت وبقت ام ومات وعلي المركب نشر اشاعه ان الكوليرا هاجمت المركب عشان الناس تجري ويفضلوا هما الاتنين وفي الوقت اللي كات الناس في حاله فزع من الكوليرا كانوا هما بيرجعو ٥٠ سنه للوراء : ادعوك دعوة رسمية لمدونتي حتلاقي خواطر تعجبك بماانك من هواة كتابه الخواطر/ طولت انا شويه : بيس
ايه المدونة دى ...؟؟ بصراحة انا منبهر بأسلوبك الساخر فى الكتابة والقريب بطريقة أوبأخرى من اسلوب الكاتب الكبير احمد رجب ..وتابعت قراءة البوست وانا اضحك على طريقة معالجتك لمشروع الحب وتوابعه ..بصراحة خفة دم متناهية ..وسأكون حريص على اضافتك كصديقة سوبر واتمنى دوام التواصل
وكل عام وانت بخير وتشرفت بزيارتك لمدونتى
مصطفى السيد سمير :
أولا مييييييين خالد كساب بس عشان مش واخدة بالى ؟؟؟
ثانيا بقى و ده الأهم
أنا مش عارفة أقول إيه على المعلومات اللى انا كنت فعلا بحاجة ليها
غير بجد شكرا جدا و جزاك الله خيرا
ثالثا الف مبروك على الكتاب و الله فرحت و اتفائلت
تحياتى
__________________________________
Son's Egypt :
ههههههههه
لا و الله انا بهزر
اكيد مفيش بنآدم ف غنى عنه
بس انا حبيت اسخر من كام حاجة بشوفها ف علاقات بإسم الحب
!!!!!!!!
تحياتى
___________________________________
David Santos :
Thank you David.. so mush pleased by your comment.. hope to be always fine
you are always welaome
Regards,
Beram Elmasry :
شكرا لمرورك
تمت الزيارة
تحياتى
___________________________________
عاشقة النقاب - نونو :
يا نونو انتى اكتشفتى مدونتى قبل كده و سبتيلى تعليق ف موضوع من فترة
عشان كده قلتلك ها ياترى فاكرانى
؟؟؟؟؟
و عموما انا كده زعلت
:)
و انا كمان بحبك ف الله
___________________________________
Ahmed Al-Sabbagh :
ربنا يكرمك بجد يا محمد
شكرا بجد و جزاك الله خيرا
و ان شاء الله هعمل بنصيحتك
حضرتك هو انا كاتبة الموضوع على الفاضى و لا إيه ؟؟؟
مقولتش حتى بم
:)
تحياتى
__________________________________
Beram Elmasry :
ده أكيد من ذوقك
شكرا ليك
و يارب مواضيعى تعجب دايما أراء الأغلبية
عشان اكبد مش هتعجب الكل يعنى
:))
Mr.Monshed :
و انت بخير دايما الله أكرم
مش عارفة أقول إيه بجد على الدعاء الجميل ده
لك المثل .. و شكرا بجد لمرورك
___________________________________
إيمان مجدى :
انا مش عارفة أقول إيه على ذوقك ده
غير بجد ربنا يكرمك
بس انتى زعلتينى
تعرفى ليه ؟؟؟
انا مكنش قصدى بالبوست انه الناس تخاف من الحب و تتعقد منه
انا قصدت أنبه الناس لحاجات يمكن انا أخدت بالى منها غيرى ميعرفهاش
على فكرة انا زيك برضه مجربتش لكن ف المواضيع دى ثقافتى وااااااااسعة
من غير لا كتب و لا بتاع
:)
تحياتى
__________________________________
أحمد على نصار :
متعرفش انا قد إيه بجد استمتعت بقراية تعليقك
قصص باسمعها لاول مرة و باعيش معاها
انا فعلا من عاشقين الخواطر و يشرفنى اكيد زيارة مدونتك الكريمة
تحياتى
___________________________________
وميض ابتسامة :
بجد و الله فرحت جدا برأيك ف الموضوع و عزز حالتى الكتابية
:)
انا مطولش اكون ربع الكاتب الكبير احمد رجب
بس مجرد تشبيهى بكتاباته الجميلى فده بجد شرف ليا كبير
و انا برضه يشرفنى زيارة مدونتك و اضافتها لقايمة المدونات الصديقة
و بخصوص المدونة اللى انت ذكرتها فدى مدونة صديقة لسة مكتشفاها و صاحبتها عاملة
Follow me
و انا برضه زيها
عشان كده بنظهر ف البروفايل الخاص بينا
تحياتى
هههههه لا حللتى الموقف باسلوب عملى مثق وتحليل ايدولوجى ينم عن شخصيه غايه فى الايدولوجيه وتتمتع بصفات وجينات وراثيه ترسم البسمه على الشفاه المصريه اللى قلبها محروق من الحب والحنيه واكتر منهم الفول والطعميه هههههههه
لا ايه الوزن ده
لا بجد دمك خفيف
عجبنى اخر سطرين
دمتى بكل الود
علاء
حمدالله على السلامة يا ايمى
فينك يا بنتى وحشتينى
وايه التهييس اللى من وسع ده
متغيبيش تانى كده كتير
كل سنة وانتى طيبة وبالف خير
تحياتى واحتراماتى
انتى واحشانى اكتر يا ايمى وبجد بجد انتى كارثة هاهههههههههههه انتى فطستينى من الضحك اصلا بس بجد شوقتينى انى اشوفك بجد
وكل سنه وانتى طيبة وعيد سعيد ان شاء الله عليكى وعلى المسلمين اجمعين يا رب
الووووووووووو
ازيك ايما اسفة علي تقصيري معاكي لحد ما ترضي وتسامحي
بس انا كنت قليلة الدخول جدا
وحشتني مدونتك كل سنة وانت طيبة
عيد سعيد عليكي
ازيك ياايمان
كل سنه وانتى بخير وكل عيد وانتى سعيده
طبعا اتفق معاكى بشده فى ان الحب جميل بس لو يبقى حب صح مش فيه الاعراض التى تفضلتى سيادتك بطرحها :)
وبعدين انت جبتى البيت ده منين ؟ "حابهدل جنابك واذل اللى جابك وحيكون عذابك ده فوق الإحتمال!!! و امرمط سعادتك و اهزأ سيادتك واخلى كرامتك فى حالة هزال!!!!"
هههههههههه
وثالثا بقى انا متشكرة اوى ليكى لانك وافقتى على طليى
بجد متشكرة اوى ومتشكر على ذوقك كمان :)
يلا عيد سعيد مر تانيه
هههههه ضحكتينى كل دى اعراض يانهار ابيض ههههه ده كتير باه ناس عندهم مرض الحب ...
دمك خفيف وكلامك مرح ...
هههههه ضحكتينى كل دى اعراض يانهار ابيض ههههه ده كتير باه ناس عندهم مرض الحب ...
دمك خفيف وكلامك مرح ...
يادكتوره جايلك تعبان من قلبى شكيان عاوز مساعده أحسن أروح بسببه اللومان
حبيت كتير وقليل لكن ولا مره قولت للى بحبه انت اللى على البال
اتعذبت قوى من كتل الأوجاع لكن صابر على حالى لحد ما يحصل اللى فى بالى
أعمل ايه؟
تحيـــــــاتى
د/المصــــــــــــــــرى
كلام حلو...وشر لابد منه
السلام عليكم ورحمة الله وبركاته
انتى ساكته على نفسك ليه
انتى محتاجه تدخل تدوينى حالا
روحى العنوان ده
وربنا هو الشافى
http://nisr-elsharq.blogspot.com/
انتى محتاجه تدخل تدوينى فورا
هاتى العلاج ده من المدونه دى
http://nisr-elsharq.blogspot.com/
يخرب بيت ....الى يزعلك
بجد صح و صح اوى مش هزار
بس الحزء الاول ممكن يبقى تحت مفهوم الحب من اول لسعه اييييه من اول نظره
تلاقى نفسك كده مش فهمه حاجه ف الدنيا غير انك تبحبى الى قدامك
ساعتها بقى لا فيه عقل ولا تفكير ولا الكلام دا
و تلاقى الدنيا زى ما وصفتها كده
ثم اللقاء التحاليلات الى انتى قولتيها
بجد عبقريها كبيره وصفتى بيها الحاله
بس عبقريبه من غير نعكشن شعر ولا قله حما ههههههه
عجبنى تعليك على فكره ع البوست
;)
بجد تحفه تحفه تحفه
ديما مبدعه
:)
الله أكبر
حمد الله على السلامة ويا رب غيابك يكون خير
بلاش بقى الغيبة الطويلة دي
اسلوب واحساس مرهف يدل على خيال وعقلية متميزة
وان كنت بصراحة حاسس كده ان البوست ده مش مركزة فيه قوي
عايش و لكن :
لأ انت بجد اللى علقت على البوست بطريقة لذيذة جدا
استمتعت بجد بالأوزان الشعرية
:)
وا ن شاء الله مواضيعى تعجب الكل علطول
تحياتى
___________________________________
voice of love :
الله يسلمك يا قمر
ها متأخرتش كتير مش كده ؟؟؟
!!!!!
:)
و انتى طيبة و بألف خير
و انتى اللى وحشتينى ووحشتنى مدونتك
___________________________________
رحيق الحب :
انتى نورتى المدونة بعد غيبة
و يارب تنوريها علطول
و بجد انا اللى نفسى اتعرف عليكى
وعيد سعيد عليكى و كل أيامك تكون سعيدة
___________________________________
الخيط الرفيع :
يابنتى انا مش زعلانة
و كفاية انك كنت سألتى عليا لما غيبت المدة الطويلة
انتى تنوريها علطول
Habiba :
ههههههههههه
البيت العريق ده
يا ستى
من تأليف واحد كان كتب قصيدة سياسية
استغفر الله يعنى
بس انا حولتها بقدرة قادر
لقصيدة بالمعنى اللى وصلك
انتى لو طلبتى المدونة كلها كوبى تحت أمرك
بس اسمى مكتوووووب ؟؟؟؟؟ :)
__________________________________
قلب شاعرة :
ربنا يكرمك آمين على المجاملة الحلوة
و يارب تعجبك مواضيعى دايما
تحياتى
___________________________________
Almasry :
يا نهار أبيض
لازم تدخل جراحى فورا
بس مؤقتا
أنصحك بشوربة خفيفة على معلقتين لمون
هتبقى تمام
:)
لا بجد
انا اموت واعرف ايه بقى اللى ف بال حضرتك ؟؟؟
___________________________________
Mohamed.Amen.Almasry :
رااااااااائع
كده تمام
___________________________________
نسر الشرق :
خد باااااااااالك
أنا حالتى مستعصية
:)
أنا بقولك أهو
ماشى مااااشى
___________________________________
Mamado :
ههههههههههههههه
والله انا كل ما اقرا تعليق ليك باقعد اضحك
عندك خفة دم رهيبة
و الحمد لله انى عبقرية من غير نكش شعر
:)
منور المدونة
أمير الهدوء :
ربنا يكرمك بجد
و يارب كده علطول
أكون مببببببدعة :)
___________________________________
اللى يا حول الله:
تعرف أنا قصدت أنشر تعليق كده ليك
علشان ماتتعبش او يحصلك حاجة
لحسن الأورطة يطق مثلا
و بجد انا نشرته كده تفاريح ليك
لكن انا مش مضطرة أنزل لمستواك و ارد عليك
ايمان
ازيك
لسه زي ما انتي ولسه كتاباتك زي ماهي
بحس اني فرحان اوي وانا بقرالك حاجه في مدونتك مش عارف ايه السر في كده
صحيح كل سنه وانتي طيبه متاخره جدا جدا طبعا
بس والله مش بايدي
كل التحيه ليكي يا ايمان
والله زمان .. زمان والله
لا لا مش كده
انا قصدي والله زمان على ان انا فعلا مادخلتش هنا من زمان وزي ما تقولي كده لما دخلت حسيت اني كان المفروض ادخل من زمان لان زي ما سيادتك عارفه حالات الاكتئاب اللي دايما بتيجي مره كل تلات اربع شهور دي .. وبتروح لوحدها .. كان المفروض ادخل هنا من زمان لاني طول ما انا بقرأ البوست وانا بضحك وبخبط في الكيبورد لدرجة ان الجيران طلعوا وفكروا ان في حد بينتحر واللا حاجه
...
بجد بجد البوست هايل
أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة من 20 إلى27 أكتوبر
شكرا لتعاونك
lobnabona@yahoo.com
أكره المدونة الي بيكون فيها الوان كتيرة مع اسفي الشديد لتعليقي اذا كان مش ظريف ... بس دة رأي صراحتن واختلاف الراي لا يفسد للود قضية يعني م الأخر كدة بقى كان نفسي اقرا التدوينة بس قسم بالله كسلت والله :(
هههههههههههههههههههههههههههههه
جميل قوى البوست يا قمر
وعلى رأى اللى قال الحب اعمى واخرس واطرش
هههههههههههههههه
دمتى صديقه
احييكى عالبوست الجميل
يا نهار رومانسية
ايمان الطاهر زارت مدونتي
:)
في ايه يابنتي هي خناقه والا ايه
ده حب
صحيح ان مراية الحب عاميه
بس مش كده
صحيح ان الحب بهدله
بس برضه مش كده
انت خايفه تحبي والا ايه
الحمد لله اجريت كل الفحوصات ولاقيت
نفسي خالية تماما من كل الاعراض دي
---------------------
وحشتيني موووت
من خلال تصفحى للمدونة يتاعتك رأيت إن مدونتى ساحة نقاش سوف تعجبك كثيرا .
http://sahetneqash.blogspot.com
لذا أنتظر مشاركتك فيها بأحد مواضيعك المميزة و على فكرة دى مش أول مرة ازور مدونتك او إنت تزورينى انا علقت على أحد مواضيعك من حوالى سنة و نص و إنت كمان علقتى على أحد مواضيعى و مدونتك من أكثر المدونات اللى بتابعها
ههههههههه
يخرب عقلك
يرجى التأكد من سلامة العينين و خلوهما من أى "عمش" رومانتيكى !!!!!
على فكرة دى بقى اهم نقطه
وان كنتى كتباها هزار
فهيا جد الجد
اهم حاجة متكونش مراية الحب عامية
او حتى شايفين العيوب ومتقبلينها
:)
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ههههههههههههههههههههههههههههههه
حرام عليكى ايه خفه الدم دى
بس استنى
انا
باين
عليا بحب
ولا ايه
احقينا من العلاج
فى البوست الجاى
تحياتى
اللهم ابعده عنا
وابعدنا عنه
وقنا شره
لان احنا من ناقصين هبل
لوووووووووووووول
ايمان
بوست تحفة
عجبنى اوعي وضحكنى جدا
هههههه
جميل بجد
تحياتي
سيد سعد
ايه خفه الدم دى
هههههههههههههه موتينى من الضحك انتى شربات
أنت معاك الان دكتوراة فى تشخيص الحب
مدونتك رائعة
تقبلى تحياتى
إيمـــــان
كل سنه وانتي طيبه
يارب تكوني بخير
kol sana we enty tayba ya emy
have a nice life
كل سنه وانتى طيبه يا ايمى
جميل جدا ...المدونة
وطريقة كتابتك جميلة
ويارب تكبرى اكبر واكبر
كتير قوي كده .. بس انا فعلا كنت متوقع اني هالاقي جديد
إنتي مستخبيه فين كل ده ؟!
هو الحب خينما يدق البيبان ستفتحين لة وان كانت دوعك فوق خدك لم تجف
مدونة جميلة ورائعة اتمني لكي مزيدا من التقدم
وادعوكي لزيارة مدونتي المتواضعة
Happy day, Eman!
Feliz dia, Eman!
أنا آسفة بجد على التأخير
لا أنا مقفلتش المدونة
لكن ما عارفة أشتغل عليها فى الوقت الحالى
شكرا لكل اللى بيتابعونى و يسألونى عن سبب غيابى
والله ما بإيدى
هرجعلكم ان شاء الله عن قريب
هههههههههههههههههه
ماش اء اللة البوست حلوووووووو اوييييييييي وما شاء الله رتكتبي تحفة
ربنا يعفى عننا منه يارب
انتى فين من زمان
مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.
قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/857
يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.
و لكم جزيل الشكر،
فريق عمل تدوينة دوت كوم.
http://www.tadwina.com
ايمان
يخرب بيت شيطانك .. انت ساخرة بدرجة فظيعة .. ولولا انى قرأت آخر سطرين كنت خلاص ح اقتنع بأن الحب ده بهدلة وملوش لزمة لانه سبب كل الامراض والاوبئة والهم والفشل ..الخ
عموما انا فعلا ضحكت كثيرا من خفة دمك المتناهية والله ينور عليك
السلام عليكم ورحمة الله وبركاته
اسلوبك رائع فى الكتابة ربنايوفقك يارب وهاابدا اقراء دى مدونتى ياريت تشوفيها يمكن تعجبك لو مكنش كدة اعملى نفسك مطنشة ومش واخدة بالك
http://emadkhalaff.blogspot.com/
هما اتنين التاينة بحلم ببكرة شوفيها
السلام عليكم
فينك من زمان
يا ايمان
كل رمضان و انتم بخير
و إلى الله أقرب
تحياتى
هلا ايمان
السلام عليكم ياست الستات
سيبك من الحب على رأى راشد بلا حب ولا وجع قلب خدنا ايه من ورى الحب غير الاسى غيرالتعب
على العموم انا مجربتهوش عشان اقولك حلو ولا وحش المهم يا ست الكتكوته انا جى اقول بالصلاة على النبى
كـــــــــلل عام ونتى بالف خير
ورمــــــــــــضان كـــــــريم
وليكى وحشه والله وبقى زورينا
السلم عليكم يا ست ايمان
هوه انا كل ما ادخل عندك الاقيكى واخده الناس والمجتمع سلخ
كان واجب تشتغلى فى سلخانه
وبعدين يا ستى سبك من الحب ووجع قلب و المهم انتى بخير وتمام وحمد الله على سلامتك وكل سنه ونتى بخير
ورمــــــضان كـــــــــريم
وبقى زورينا هنرجع ندون تانى بس مش عى طول ومش هنفاق
كل سنه ونتىطيبه ورمضان كريم
انتى عارفه رأى فى كتابتك مش محتاجه تعليق تجننننننننننننننننننننننننننننننننن
اولا كل سنة وانتي طيبة
ثانيا المدونة بتاعتك دي جميلة جدا وانا بتابعها بس المرة دي قررت اكتب تعليق وعايزة اقولك
" الحب جميل ... جميل الحب "
بقالي ساعة مستني شريط النكت يخلص
وبرضو ما خلصش
هو انتي كاتبة مليون نكتة (:
دي مش اعراض الحب دي اكيد اعراض البلهارسيا(:
كلامك عسل وحلو حصه الفيزياء لا الكيمايء لا الرياضه اهى الحصه اللى ادتهلنا وخلاص بعد اذنك وتطبيقا لقواعدالتعليم المصرى محتاجه منك درس خصوصى أفهم اللى قلتيه
الحب دة مرض ووجع دماغ
لو لم ينتهى بالزواج
تحياتى وربنا يعفينا
فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة
فى نقاش عام وحوار مفتوح حول موضوع الحملة .
والدعوة مفتوحة للجميع للمشاركة معنا فى النقاش من أجل الإفادة والإستفادة
نتمني منكم مشاركتنا من أجل تدوين أفضل
تحياتنا
أسرة رابطة هويتي إسلامية
عودة حميدة يا إيمان
http://www.quranclub.net/2009/10/blog-post.html
ولو حسيست على دماغك ولاقيتك فيه حاجة وارمة
تبقي متجوز
السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .
نتمنى قبول التاج ونشر إجابته بمدونتك مشاركة منك فى افتتاح المدونة
نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة
مع خالص تحيات
أسرة رابطة هويتى إسلامية
فريق عمل إحنا شباب النهارده
مشكور على مواضيعك الحلوة
مدونة اعتز بمتابعتها
اكسب من الانترنت
http://adiarar.blogspot.com/
من اروع المدونات اللى شوفتها فى حياتى بجد
شكرا جدا ليكي
شكرا على المدونة
شكرا على المدونة
شكرا على المدونة
مشكور على المدونة الجميلة :) و بالتوفيق دائما
شكراااااا على مدونتك الرائعة
thank you very much
شكرا على مدونتك الرااااااااائعة
شكرا على مجهودك الرائع
اشكرك على هذة المدونة الرائعة
hahahaha
بالتوفيق
اشكرك على هذة المدونة الرائعة
على فكرةانا من زمان بدور على مدونتك دى لانتى قابلتها فى بداية تعرفى على عالم التدوين وساعدتنى كتير ازاى اعمل مدونة وازاى انشرها ولحد الاسبوع اللى فات كانت مدونتى على نفس القالب بتاع مونتك بس مش نفس المواضيع طبعا بس الاسبوع اللى فات حصل انقلاب فى مدونتى واتغير نظام القالب بالقوة ولذلك انا ادعوكى لاعادة علاقتنا الدبلوماسية وادعوكى لزيارة مدونتك التانيه اروح كوكب الارض منين وانا مبسوط انى لقيت مدونتك تانى
http://nisr-elsharq.blogspot.com/
المدونة رائعة شكرا لك ..
شكرا جزيلا على هذة المقالة الجميلة
على فكرة انا مديون ليكى بكتير جدا فى عالم التدوين يعنى انتى تعتبرى شريكة فى مدونتى انا اتعلمت فى مدونتك ازاى اعمل مدونة
وبعدين ازاى اضيف مؤثرات عليها
بجد انا بشكرك جدا ياريت تنورينى وتبدى رايك
http://nisr-elsharq.blogspot.com/
شكرا على مجهودك الرائع
Hello, Eman!
Have a nice weekend.
المدونة رائعة شكرا لك ..
وحشني اوي جو المدونة بتاعتك بس لاقيتك غايبة زي ما كنت غايب ياريت ترجعي مدونتك تاني
كل سنة وانتي طيبة
تحياتي
شكرا جزيلا علي مدونتك الرائعه
شكراااااا على مدونتك الرائعة
شكرا على المدونه الجميلة و بالتوفيق دائما
مدونه رائعه جدااا....شكرا لك
Hello, Eman!
I love you!!!!!!!!!!!!!!!
دعوك لزيارة تجمعنا مدونات من أجل التغير
دمت بكل خي
أول مرة أزور مدونتك القيمة .. تهنئتي لك على المجود المبذول والرائع..
انا محتاج درس خصوصى علشان افهم الكورس دة
جزاكم الله خيرا
Post a Comment